Lormav 4:10 - Akha

¹⁰ Kʼoeˇ loꞈ-ehˇ pyeuꞈ laˇ-euˬ kʼoeˇ aˬ geu ngeh yamˬ-ahˇ-a. Baˆ kʼoˆ mehˬ dzaˬ maˬ yehˬ mi naˆ-ehˇ pyeuꞈ laˇ taˬ loˇ. Yehˬ gʼaˬ miˇ tsa pyeuꞈ laˇ taˬ loˇ. Kʼoeˇ-aˬ, Aˬbyaˬhaˬ aˬ yawꞈ baˆ kʼoˆ mehˬ dzaˬ maˬ yehˬ mi naˆ-ehˇ pyeuꞈ laˇ-euˬ gaˇ kawˆ meh. Yehˬ gʼaˬ miˇ tsa pyeuꞈ laˇ-euˬ gaˇ kawˆ maˬ ngeuˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqyawf-anr tsaq-awr dawr-eu tsawrhaq laer aqmyan sawxnaeq-euq la? Aqyawf bawkhov maeqdzaq yaeqghaq-awr nae-a lor? Maqngeur nar-aq, bawkhov maeqdzaq maqyaeq-euq minav-aer la laq? Bawkhov maeqdzaq yaeqghaq-awr nae maqngeur-a, maqyaeq-euq minav-aer sawxnaeq-euq mae.

Lormav 4:10 Referans Kwoze

Gaˬlaˬtiˆ 6:15

Baˆ kʼoˆ mehˬ dzaˬ yehˬ-euˬ maˬ ehˇ, maˬ yehˬ-euˬ maˬ ehˇ, huiˬ-eu gaˇ kawˆ maˬ ngeuˇ-a. Tsawˇ haˬ yaw shuiꞈ pyeuꞈ laˇ-eu tehꞈ-ehˇ huiˬ dui dui-eu gaˇ kawˆ pyeuꞈ-eu meh.

Gaˬlaˬtiˆ 5:6

Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ jawˇ-eu tsawˇ haˬ deuˬ gʼaˇ duˬ, baˆ kʼoˆ mehˬ dzaˬ yehˬ-euˬ hawˇ-eu maˬ yehˬ-euˬ tiˬ pawꞈ-iˬ beu gaˇ duˬ maˬ jaˆ-a. Gʼoeˇ-eu gaˬ-eu jeˬ mˇ doˆ shaˇ doˆ laꞈ nya-eu jah-eu kʼoeˇ tiˬ jeˬ tehꞈ-ehˇ gaˇ dahˇ tsoeˬ-eu jeˬ pyeuꞈ-eu meh.

Aˇ dahˬ 17:10

Nawˇ maˬ ehˇ, nawˬ-euˬ zaˬ nawˬ-euˬ uˆ deuˬ laꞈ kʼoeˇ kʼaˬ dzeˇ zaˬ kʼaˇ ngeuˇ-eu deuˬ dawˬ tawˆ luꞈ maˬ ehˇ, baˆ kʼoˆ mehˬ dzaˬ yehˬ ma lehˇ ya noeˬ tsehˆ meh.

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Aˇ dahˬ 15:16

Nawˬ-euˬ zaˬ nawˬ-euˬ uˆ deuˬ-aˬ, miˇ kʼahˬ heu kʼahˬ laꞈ kʼoeˇ maˬ gʼoꞈ keuˆ laˇ dah mi naˆ-ehˇ, aˬ cawˬ miˇ kʼahˬ laꞈ kʼoeˇ oeˬ ziˇ keuˆ ni ya jawˇ tehꞈ-a. Aˬ jeˬ miˇ neh ehˇ naˇ, Aˬmawˇliˆ tsawˇ haˬ kʼoeˇ deuˬ ngaˬ neh kʼehˬ nehˬ kʼaˆ nehˬ-eu jeˬ-ahˇ ya daˬ paˬ-ehˇ, maˬ tsaˬ maˬ dawˇ-eu jeˬ maˬ mˇ kʼaˆ laˇ kʼoeˇ keuˆ ni, Aˬmawˇliˆ tsawˇ haˬ kʼoeˇ deuˬ-ahˇ ngaˇ maˬ teh dzeh te siˬ.”

Lormav 4:9

Daˬbiˇ ehˇ-eu guiˬ lahˬ huiˬ-eu gaˇ kawˆ heu, baˆ kʼoˆ mehˬ dzaˬ yehˬ-euˬ deuˬ-ahˇ tehꞈ-ehˇ taꞈ ta loˇ. Maˬ ngeuˇ-a. Baˆ kʼoˆ mehˬ dzaˬ maˬ yehˬ-euˬ deuˬ-ahˇ kʼawꞈ taꞈ-eu meh. “Aˬbyaˬhaˬ Miˬyehˇ-ahˇ jah-awˇ, aˬ yawꞈ-euˬ jah-eu jeˬ baˬ da neh aˬ yawꞈ-ahˇ yaw tsaˬ yaw dawˇ tsawˇ haˬ lehˇ Miˬyehˇ ha geuꞈ nehˬ-euˬ meh” lehˇ ehˇ taˬ-euˬ Jaˇliꞈ dawˬ kʼoeˇ dawˬ aˬ dui ehˇ dzeuˇ gʼaˬ-euˬ ma.

Lormav 4:11

Aˇ nah ba hawˇ-eu aˬ yawꞈ baˆ kʼoˆ mehˬ dzaˬ yehˬ-euˬ meh. Aˬ yawꞈ baˆ kʼoˆ mehˬ dzaˬ maˬ yehˬ mi naˆ-ehˇ Miˬyehˇ neh aˬ yawꞈ-ahˇ yaw tsaˬ yaw dawˇ tsawˇ haˬ lehˇ ha geuꞈ nehˬ laꞈ gʼaˬ-euˬ gaˇ kawˆ bi siˬ bi mawˇ-eu gʼaˇ duˬ, baˆ kʼoˆ mehˬ dzaˬ yehˬ-eu zahˇ jahˇ-euˬ jeˬ pyeuꞈ-eu meh. Kʼoeˇ miˇ neh, baˆ kʼoˆ mehˬ dzaˬ maˬ yehˬ-euˬ kʼawꞈ, Miˬyehˇ-ahˇ jah-awˇ Miˬyehˇ neh yaw tsaˬ yaw dawˇ tsawˇ haˬ meh lehˇ kʼaˇ sawˇ taˬ-euˬ tsawˇ haˬ dawˬ tawˆ luꞈ-euˬ guiˬ lahˬ saꞈ laˇ paw aˬ da yaw dzahˇ gʼaˬ-aˬ, Aˬbyaˬhaˬ meh.