Lormav 3:5 - Akha

⁵ Aˬ dui yaw lehˬ jeˬ mˇ-euˬ kʼoeˇ-aˬ, Miˬyehˇ yaw tsaˬ jeˬ mˇ-eu gaˇ kawˆ bi mawˇ shawˇ dzehˬ laˇ-eu gʼaˇ duˬ pyeuꞈ-eu ngeuˇ naˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui-ahˇ kʼehˬ nehˬ kʼaˆ nehˬ laꞈ ngeh, aˬ yawꞈ yaw lehˬ jeˬ mˇ-eu meh lehˇ aˬ dui ehˇ nmˇ loˇ. (Heu-aˬ, tsawˇ haˬ zaˬ naˇ haˬ tseˇ mawꞈ-eu dawˬ tiˬ dawˬ meh.)

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqdui-euq maqtsaq maqdawr-eu jeq-euq baqda’nae, Miqyaer-euq tsaq-awr dawr-eu jeq bi dovlar nar-aq, aqdui aqjox-aer aer-eu tsaq la? Miqyaer maqtsaq maqdawr-eu lafkhoer, aqyawf nuima paer-eu jeq bi keuvle-eu nga laer aer-eu lor? (Ngar-aq, tsawrhaqzaq noeq-eu lof-aer aer-eu taef ma.)

Lormav 3:5 Referans Kwoze

Lormav 6:19

Naw maꞈ gʼoˆ siˬ gʼoˆ shaw nya-eu paw dzeˇ gʼaˬ baˬ-eu miˇ neh, yawˬ nah na luꞈ ngehˬ luꞈ-eu dawˬ deuˬ-ahˇ zmˬ-awˇ ngaˇ ehˇ-eu ma. Dzeuˇ laˇ ngeh, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ hawˇ-eu maˬ muiˬ maˬ jaˬ-eu jeˬ-euˬ zaˬ kʼaˆ geuꞈ-eu laꞈ kʼoeˇ, maˬ tsaˬ maˬ dawˇ-eu jeˬ-ahˇ mˇ-eu gʼaˇ duˬ naw maꞈ-euˬ nui ma gʼawˇ mawˇ dawˬ tawˆ luꞈ a nehˬ-euˬ meh. Kʼoeˇ loꞈ-ehˇ duˇ ni, nymˬ-mˇ poˆ jawˇ-aˬ, yaw tsaˬ yaw dawˇ jeˬ-euˬ zaˬ kʼaˆ geuꞈ-eu laꞈ kʼoeˇ yaw muiˬ yaw shawˇ jeˬ-ahˇ mˇ-eu gʼaˇ duˬ, nui ma gʼawˇ mawˇ dawˬ tawˆ luꞈ a nehˬ-awˬ.

Gaˬlaˬtiˆ 3:15

Aˬ yuiꞈ aˬ nyiˇ Ka li zaˬ deuˬ-oˇ, yawˬ nah na luꞈ ya puˬ ya mawˇ luꞈ-eu gaˇ kawˆ yaw jeˬ ma jeˬ tiˬ hmˬ ngaˇ ehˇ-eu ma. Tsawˇ haˬ nyiˬ gʼaˬ yaw kaˬ gaˇ kawˆ tiˬ jeˬ na-ahˇ taꞈ leˇ-awˇ saˇ jaˇ dzaˬ-eu laꞈ kʼoeˇ sahˬ boꞈ boꞈ tsehˆ gʼaˬ naˇ, tiˬ gʼaˬ-iˬ maˬ paˇ laˆ pyaˆ nya-eu uˬ taꞈ, dawˬ tiˬ dawˬ-iˬ maˬ paˇ dawˆ lahˬ nya meh.

1 Gawˇliˬtu 9:8

Ngaˇ heu loꞈ-ehˇ ehˇ-eu heu, tsawˇ haˬ zaˬ-euˬ nui noeˬ ehˇ-eu nga loˇ. Zahˇ dawˬ kʼoꞈ dawˬ laꞈ kʼoeˇ kʼawꞈ kʼoeˇ loꞈ-ehˇ ehˇ taˬ-euˬ maˬ ngeuˇ-a loˇ.

Lormav 7:7

Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ aˬ yawˇ yawꞈ iˬ baˇ ahˇ meh lehˇ aˬ dui ehˇ nmˇ loˇ. Maˬ ngeuˇ-a. Ehˇ kʼawꞈ, Zahˇ dawˬ kʼoꞈ dawˬ jaˆ-eu baˬ da neh iˬ baˇ ehˇ-eu aˬ jeˬ-a lehˇ aˬ dui siˬ nya laˇ-euˬ ma. “Aˬ cawˬ-euˬ myawˬ-ahˇ mehˇ juiˇ taˬ juiˇ” lehˇ Zahˇ dawˬ kʼoꞈ dawˬ laꞈ kʼoeˇ maˬ ehˇ taˬ law nmˇ-aˬ, kʼoeˇ loꞈ-ehˇ mehˇ juiˇ juiˇ-eu jeˬ-ahˇ ngaˇ maˬ siˬ nya-aˇ.

Lormav 4:1

Aˬ dui tsawˇ jeuˬ-euˬ aˬ da yaw dzahˇ gʼaˬ pyeuꞈ-eu Aˬbyaˬhaˬ gaˇ kawˆ aˬ joˆ-ehˇ ehˇ nmˇ.

Lormav 2:5

Ehˇ kʼawꞈ, nawˇ nui ma gʼahˇ dui dui-awˇ, naˬ bawˇ tuˇ-eu miˇ neh, Miˬyehˇ nui ma pehˇ-eu jeˬ hawˇ-eu dawˇ coe ni yaˇ kʼaˬ daˇ-eu jeˬ pah mehˬ le ngeh Nah, kʼoeˇ naˆ maˬ tseˇ gʼeh-eu kʼehˬ-eu kʼaˆ-eu jeˬ nawˬ-euˬ kʼoeˇ taˆ keuˆ le ni yawˬ haˇ yawˬ ha mˇ luꞈ gaˇ duˇ-eu meh.

Naˬhmˬ 1:2

Sahˬpaˬ Miˬyehˇ pyeuꞈ-eu Miˬyehˇ, myaˆ naˆ-eu nui ma ahˇ-eu meh. Yawꞈ-ahˇ puiˬ-eu deuˬ-ahˇ kʼehˬ-awˇ, yawꞈ-ahˇ jahˇ gʼeh haw-eu deuˬ-ahˇ, nui ma pehˇ-awˇ laꞈ poˆ poˆ meh.

Panmaeq 18:20

Aˬ yawꞈ luˬ-iˇ seˇ-iˇ-euˬ gaˇ, Mˬ-oˇ laˬ kʼaˬ cehˇ-awˬ. Miˬyehˇ-euˬ tsawˇ haˬ deuˬ, Miˬyehˇ-euˬ gʼaˬ kʼehˇ deuˬ hawˇ-eu, bawˇ lawˇ peh deuˬ laˬ kʼaˬ cehˇ-awˬ. Naw maꞈ gʼaˇ duˬ meuˬ kʼoeˇ meuˬ-ahˇ, Miˬyehˇ yaˇ kʼaˬ daˇ nehˬ-euˬ meh.”

Panmaeq 15:3

Miˬyehˇ-euˬ zaˬ kʼaˆ pyeuꞈ-eu Moˇseˬ-euˬ caˇ dawˬ hawˇ-eu Yawˇzaˬ-euˬ caˇ dawˬ aˬ yawꞈ maꞈ caˇ luꞈ-eu meh. “Baoˬ huiˬ-eu Sahˬpaˬ Miˬyehˇ-oˇ, nawˬ neh mˇ-euˬ shaˇ-euˬ gaˇ deuˬ, aˇ naˆ ni zahˬ leˇ duˬ jaˆ nga. Tsawˇ jeuˬ dawˬ tawˆ-euˬ Sahˬpaˬ-oˇ, nawˬ-euˬ gaˇ ma tsaˬ meh dawˇ meh.

1 Gawˇliˬtu 15:32

Tsawˇ haˬ-euˬ nui noeˬ nui loˆ ya ehˇ naˇ, nymˬ-mˇ Eˇpeˇsu meuˬ heu meuˬ laꞈ kʼoeˇ “haiˬ-eu bawˇ tsahˬ jeˬ zaˬ” deuˬ-ahˇ ngaˇ dawꞈ ceh ceh naˇ, ngaˬ-euˬ gʼaˇ duˬ aˬ jeˬ guiˬ lahˬ baw ta. Shiˇ-euˬ tsawˇ haˬ deuˬ-ahˇ maˬ bi gʼoꞈ dehꞈ laˇ nya-eu ngeuˇ naˇ, “Ni shawˬ ya shiˇ-eu baˬ da neh dzaˬ byawˬ dawˇ byawˬ byawˬ kaˇ-euˇ” lehˇ ehˇ-eu dawˬ daˬ kʼoeˇ tsaˬ dui dui meh.

Lormav 12:19

Aˬ yuiꞈ aˬ nyiˇ Ka li zaˬ deuˬ-oˇ, aˬ cawˬ-ahˇ laꞈ poˆ tiˬ jawˇ-iˬ taˬ poˆ. Miˬyehˇ yaˇ kʼaˬ daˇ luꞈ-uˇ. Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Laꞈ poˆ poˆ-eu jeˬ-aˬ, ngaˬ-ahˇ taꞈ-eu jeˬ pyeuꞈ-eu ma. Ngaˇ jahˇ kʼoꞈ nehˬ ma lehˇ Sahˬpaˬ Miˬyehˇ ehˇ-eu meh.”

Lormav 6:1

Aˬ dui aˬ joˆ-ehˇ ehˇ nmˇ. Miˬyehˇ-euˬ guiˬ lahˬ bi huiˬ bi myaˬ laˇ-eu gʼaˇ duˬ, iˬ baˇ laꞈ kʼoeˇ aˬ dui dehꞈ daˆ gʼeh-eu loˇ.

Lormav 3:19

Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ deuˬ-ahˇ taꞈ-eu dawˬ meh lehˇ aˬ dui siˬ nya-eu ma. Tsawˇ haˬ zaˬ dawˬ tawˆ luꞈ dehˬ lehꞈ kʼaˇ maˬ bi za ni Miˬyehˇ yaˇ kʼaˬ daˇ gaˇ bi keuˆ leˇ-eu gʼaˇ duˬ boꞈ taˬ-euˬ jeˬ pyeuꞈ-eu meh.

Lormav 3:7

Ehˇ kʼawꞈ, ngaˬ-euˬ yaw lehˬ kʼoeˇ-aˬ, Miˬyehˇ tsaˬ-eu dawˇ-eu gaˇ kawˆ bi mawˇ shawˇ dzehˬ laˇ-eu gʼaˇ duˬ hawˇ-eu aˬ yawꞈ-euˬ yaw shehꞈ kʼahˬ sehˇ gʼaˇ duˬ pyeuꞈ-eu ngeuˇ naˇ, aˬ dui aˬ joˆ-ehˇ ehˇ nmˇ. Kʼoeˇ loꞈ-ehˇ ngeuˇ meh lehˇ ehˇ naˇ, ngaˬ-ahˇ iˬ baˇ zaˬ lehˇ aˬ joˆ-ehˇ sawˇ nya ta.

Aˇ dahˬ 18:25

Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”

Yawˇbaˆ 8:3

Miˬyehˇ-aˬ, yaw tsaˬ yaw dawˇ jeˬ-ahˇ maˬ yuˇ pyawˆ-ehˇ, tsaˬ-eu jeˬ-ahˇ maˬ byehˇ ni mˇ-eu meh.

Lormav 5:8

Ehˇ kʼawꞈ, Miˬyehˇ-aˬ, aˬ dui iˬ baˇ zaˬ pyeuꞈ luꞈ ngeh, aˬ dui-euˬ gʼaˇ duˬ Ka li-ahˇ bi kamˇ shiˇ-eu laꞈ kʼoeˇ, aˬ dui-ahˇ aˇ naˆ ni gaˬ-eu gaˇ kawˆ bi mawˇ duˬ laꞈ-eu meh.

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

Lormav 9:30

Aˬ dui heu loꞈ-ehˇ ehˇ nya meh. Miˬyehˇ-ahˇ tsaˬ lehˇ tsahˇ leˇ nya ni maˬ leh jeh-euˬ Yuˇdaˆ tsawˇ haˬ maˬ ngeuˇ-eu kʼoeˇ deuˬ kʼawꞈ, jah-eu baˬ da neh Miˬyehˇ-ahˇ tsaˬ lehˇ tsahˇ leˇ-eu tsawˇ haˬ pyeuꞈ laˇ-euˬ meh.

2 Gawˇliˬtu 6:4

Ehˇ kʼawꞈ, kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ nga maꞈ Miˬyehˇ-euˬ zaˬ kʼaˆ pyeuꞈ-eu gaˇ kawˆ aˬ cawˬ-ahˇ mawˇ leˇ ni, shaˬ-eu zahˬ-eu jeˬ, noeˬ dui noeˬ duiˇ-eu jeˬ, nui ma shaˬ zahˬ naꞈ-eu jeˬ, heu deuˬ-ahˇ oˇ oˇ-ehˇ daˬ dui dui luꞈ ma.

2 Gawˇliˬtu 7:11

Naw maꞈ neh noeˬ shaˬ-euˬ kʼoeˇ-ahˇ Miˬyehˇ aˬ joˆ-ehˇ jahˇ-euˬ gaˇ shaˇ noeˬ haw sheˇ. Naw maꞈ guiˬ lahˬ saꞈ laˇ paw nui ma keuˆ dui dui laˇ-euˬ meh. Naw maꞈ yawˬ ha maˬ mˇ lehˬ-euˬ gaˇ kawˆ bi siˬ bi mawˇ mawꞈ dui dui laˇ-euˬ meh. Yaw tsaˬ yaw dawˇ laꞈ kʼoeˇ nui ma pehˇ-eu, kʼahˬ lahˇ-eu, ngaˬ-ahˇ mawˇ mawꞈ dui dui-eu, ngaˬ-euˬ gʼaˇ duˬ nui ma keuˆ dui dui-eu, yaw lehˬ mˇ gaˇ yaw kʼaˆ-ehˇ daˇ nehˬ mawꞈ-eu, heu deuˬ naw maꞈ-euˬ laꞈ kʼoeˇ pyeuꞈ doˆ laˇ-euˬ meh. Yawˬ jeˬ na luꞈ laꞈ kʼoeˇ yawˬ ha maˬ lehˬ maˬ ca-eu gaˇ kawˆ bya cehˆ ni doˆ laˇ ni naw maꞈ dehꞈ-euˬ meh.

Gaˬlaˬtiˆ 2:18

Ngaˬ neh deh pyaˆ-euˬ Zahˇ dawˬ kʼoꞈ dawˬ-ahˇ ngaˇ paˇ gawˬ muiˬ naˇ, ngaˇ-aˬ, Zahˇ dawˬ kʼoꞈ dawˬ-ahˇ mˇ bahˬ-euˬ tsawˇ haˬ tiˬ gʼaˬ meh.