Lormav 2:15 - Akha

¹⁵ Aˬ yawꞈ maꞈ dehꞈ-euˬ jawˇ-euˬ kʼoeˇ-aˬ, aˬ yawꞈ maꞈ-euˬ nui ma laꞈ kʼoeˇ Zahˇ dawˬ kʼoꞈ dawˬ boꞈ ahˇ taˬ-euˬ gaˇ duˇ-eu gaˇ kawˆ saˇ kiˇ kamˬ luꞈ-eu meh. Aˬ yawꞈ maꞈ-euˬ nui ma laꞈ kʼoeˇ Zahˇ dawˬ kʼo dawˬ boꞈ ahˇ taˬ-euˬ gaˇ duˇ-eu gaˇ kawˆ, aˬ yawꞈ maꞈ-euˬ noeˬ siˬ nya-eu nui ma kʼoeˇ siˬ kʼawꞈ, saˇ kiˇ kamˬ luꞈ-eu meh. Aˬ jeˬ miˇ neh ehˇ naˇ, tiˬ poˆ na aˬ yawꞈ maꞈ neh mˇ-euˬ tsaˬ meh lehˇ aˬ yawꞈ maꞈ-euˬ nui noeˬ kʼoeˇ aˬ yawꞈ maꞈ-ahˇ ehˇ nehˬ-awˇ, tiˬ poˆ na maˬ tsaˬ-a lehˇ aˬ yawꞈ maꞈ-ahˇ pyehˇ luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Zanrdawq aertaq-euq lof-aer, aqyawf maf-euq nuima-euq lafkhoer boftaq-euq nga laer mawrlar-eu mae. Aqyawf maf-euq zaqsiq nuisiq khawf, sarkir kamq-eu mae. Khoermirnae, aqyawf maf-euq yawkaq iqbax taqnya-awr, tsaq ngar-a laer khawf aernya-eu mae).

Lormav 2:15 Referans Kwoze

2 Gawˇliˬtu 5:11

Nga maꞈ Sahˬpaˬ Miˬyehˇ-ahˇ yaw zeu baw-awˇ guˆ-eu siˬ nya-eu miˇ neh, tsawˇ haˬ yawˬ gʼaˬ na luꞈ aˬ yawꞈ jawˇ paw pyawˇ laˇ ni gʼaˬ biꞈ luꞈ-eu ma. Nga maꞈ aˬ joˆ-ehˇ gʼeh-eu tsawˇ haˬ pyeuꞈ-eu gaˇ kawˆ Miˬyehˇ siˬ duˬ meh. Naw maꞈ-euˬ nui ma laꞈ kʼoeˇ kʼawꞈ, ngaˬ-ahˇ siˬ nya luꞈ meh lehˇ ngaˇ noeˬ tmˬ-eu ma.

Tiˇtuˆ 1:15

Shawˇ jehˆ ni gʼeh-eu tsawˇ haˬ deuˬ gʼaˇ duˬ, yawˬ jeˬ na luꞈ yaw shawˇ meh. Ehˇ kʼawꞈ, maˬ jah-eu jawꞈ-eu tsawˇ haˬ deuˬ gʼaˇ duˬ-aˬ, yaw shawˇ tiˬ jeˬ-iˬ maˬ jaˆ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ nui ma maˬ ehˇ, noeˬ siˬ nya-eu jeˬ maˬ ehˇ, dawˬ tawˆ luꞈ yaw jawꞈ meh.

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

Yawˇbaˆ 27:6

Ngaˇ yaw tsaˬ ma lehˇ ngaˇ ehˇ luꞈ-eu heu maˬ paˇ pyehˬ dzeh ma. Ngaˇ kʼaˇ dehꞈ kʼoeˇ keuˆ ni ngaˬ-euˬ nui ma shawˇ jehˆ ni jaˆ ma.

1 Tiˆmoˇseˬ 4:2

Mehˬ-eu tsoˆ-eu kʼoeˇ jeˬ-aˬ, miˬ dzaˬ doꞈ-eu shmˇ neh bi puiˆ sehꞈ-euˬ baˬ da neh siˬ nya-eu nui ma shiˇ-euˬ jaˬ myawꞈ mehˇ shuiˇ kʼoeˇ deuˬ neh mehˬ byah taˬ-euˬ meh.

Lormav 9:1

Ngaˇ dawˇ coe ni ehˇ-eu ma. Ka li-euˬ tsawˇ haˬ pyeuꞈ-eu miˇ neh jaˬ myawꞈ maˬ myawꞈ. Muiˬ-eu Shawˇ-eu Yaw sahˇ Miˬyehˇ uˆ lahˇ-eu ngaˬ-euˬ siˬ nya-eu nui ma kʼawꞈ, ngaˇ jaˬ myawꞈ maˬ myawꞈ-a lehˇ ngaˬ-ahˇ maˇ jawˆ ni ehˇ nehˬ laꞈ-eu meh.

Gʼaˬkʼehˇ 24:16

Miˬyehˇ mehˬ shi maˬ ehˇ, tsawˇ haˬ zaˬ mehˬ shi maˬ ehˇ, ngaˬ-euˬ nui ma aˬ myah luꞈ shawˇ jehˆ ni jaˆ ni leh jeh luꞈ-eu ma.

Gʼaˬkʼehˇ 23:1

Kʼoeˇ ngeh, Baꞈ dzah-ahˇ Pawˇluˆ haw tsoˆ taˬ-awˇ ehˇ-eu, “Aˬ yuiꞈ aˬ nyiˇ deuˬ-oˇ, iˬ nah keuˆ ni Miˬyehˇ mehˬ shi ngaˇ aˬ joˆ-ehˇ dehꞈ dzeuˇ jawˇ dzeuˇ laꞈ-euˬ gaˇ kawˆ ngaˬ-euˬ nui ma laꞈ kʼoeˇ shawˇ jehˆ ni jaˆ luꞈ ma.”

Dawˬ tsoˆ 7:22

Yawˬ ha neh ngehˬ daˆ-euˬ dawˬ doeˇ, yawˬ haˇ yawˬ ha siˬ nya luꞈ meh.

1 Sahˬpaˬ 2:44

Ngaˬ da-ahˇ nawˬ neh kʼaˇ mˇ lehˬ taˬ-euˬ jeˬ dawˬ tawˆ luꞈ, nawˇ yaw muiˬ paˬ-ehˇ siˬ nya meh.

Aˇ dahˬ 20:5

Aˬbyaˬhaˬ maˬ ehˇ, Saˬlaˇ maˬ ehˇ, Saˬlaˇ-aˬ Aˬbyaˬhaˬ-euˬ dmˇ ma pyeuꞈ-eu ma lehˇ ehˇ-eu miˇ neh, nui ma shawˇ jehˆ ni gʼeh-eu laꞈ kʼoeˇ aˬ yawꞈ-ahˇ ngaˇ sheuˬ-euˬ ma. Ngaˬ-euˬ yaw lehˬ tiˬ jeˬ-iˬ maˬ jaˆ.”

Yoˇhaˬ 8:9

Dawˬ kʼoeˇ dawˬ-ahˇ aˬ yawꞈ maꞈ ya gaˬ ngeh, aˇ kʼoꞈ kʼawˆ dzehˬ-eu deuˬ jeˬ huˬ huˬ-awˇ, tiˬ gʼaˬ saˇ-iˬ tiˬ gʼaˬ gʼoꞈ doˆ-iˇ jiˇ-euˬ meh. Yeˬsuˇ tiˬ gʼaˬ tehꞈ-ehˇ kʼoeˇ gaˇ jawˇ yaꞈ-awˇ, zaˬ miˬ zaˬ kʼoeˇ gʼaˬ kʼoeˇ gaˇ yawꞈ luꞈ-eu meh.

Lormav 2:14

Yuˇdaˆ tsawˇ haˬ maˬ ngeuˇ-eu deuˬ-aˬ, Moˇseˬ neh biꞈ-euˬ Zahˇ dawˬ kʼoꞈ dawˬ maˬ jaˆ-a. Ehˇ kʼawꞈ, aˬ yawꞈ maꞈ noeˬ siˬ nya-awˇ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ dehꞈ tsaˬ nya naˇ, aˬ yawꞈ maꞈ-euˬ noeˬ siˬ nya-eu nui ma-aˬ, aˬ yawꞈ maꞈ-euˬ zahˇ dawˬ kʼoꞈ dawˬ pyeuꞈ-eu meh.

Lormav 2:27

Naw maꞈ Yuˇdaˆ tsawˇ haˬ deuˬ-ahˇ aˬ cawˬ iˬ baˇ taˬ tehꞈ-a. Aˬ jeˬ miˇ neh ehˇ naˇ, naw maꞈ Zahˇ dawˬ kʼoꞈ dawˬ boꞈ doˆ taˬ-euˬ jaˆ-awˇ baˆ kʼoˆ mehˬ dzaˬ yehˬ-euˬ kʼawꞈ, Zahˇ dawˬ kʼoꞈ dawˬ mehˬ nah maˬ caw teh-a. Aˬ cawˬ tsawˇ jeuˬ kʼoeˇ deuˬ-aˬ, shiˬ shaˬ jiˇ baˆ kʼoˆ mehˬ dzaˬ maˬ yehˬ-euˬ kʼawꞈ, Zahˇ dawˬ kʼoꞈ dawˬ-ahˇ naˇ haˬ geuꞈ-eu meh.