Lormav 2:12 - Akha

¹² Yuˇdaˆ tsawˇ haˬ maˬ ngeuˇ-eu deuˬ-aˬ, Moˇseˬ neh biꞈ-euˬ Zahˇ dawˬ kʼoꞈ dawˬ maˬ jaˆ-a. Aˬ yawꞈ maꞈ Zahˇ dawˬ kʼoꞈ dawˬ-ahˇ maˬ taꞈ-ehˇ iˬ baˇ mˇ naˇ, Zahˇ dawˬ kʼoꞈ dawˬ-ahˇ maˬ taꞈ-ehˇ ya luˬ ya seˇ-iˇ tehꞈ-a. Yuˇdaˆ tsawˇ haˬ deuˬ-aˬ, Zahˇ dawˬ kʼoꞈ dawˬ jaˆ-eu miˇ neh, iˬ baˇ mˇ naˇ, Zahˇ dawˬ kʼoꞈ dawˬ laꞈ kʼoeˇ kʼaˇ ehˇ taˬ-euˬ loꞈ-ehˇ yaˇ kʼaˬ daˇ nehˬ gaˇ ya daˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Zanrdawq maqjav-aer iqbax kharmr-euq tsawrhaq-aq, zanrdawq-anr maqtaf-aer yacawv-ir taef-a. Zanrdawq jav-eu gar nae iqbax kharmr-euq tsawrhaq-aq, zanrdawq aertaq-euq lof-aer yarkhaq dar-eu gar yadaq taef-a.

Lormav 2:12 Referans Kwoze

1 Gawˇliˬtu 9:21

Kʼoeˇ loꞈ-ehˇ duˇ ni, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ laꞈ nyiˇ jawˇ-eu aˬ cawˬ tsawˇ jeuˬ deuˬ Ka li zaˬ bi pyeuꞈ laˇ-eu gʼaˇ duˬ, ngaˬ-euˬ gʼawˇ mawˇ Yuˇdaˆ tsawˇ haˬ maˬ ngeuˇ-eu loꞈ-ehˇ geuꞈ-awˇ mehˬ-euˬ ma. Kʼoeˇ loꞈ-ehˇ mˇ-euˬ kʼoeˇ-aˬ, Miˬyehˇ-euˬ zahˇ dawˬ kʼoꞈ dawˬ-ahˇ ngaˇ maˬ caw teh lehˇ ehˇ mawꞈ-eu maˬ ngeuˇ. Ngaˇ-aˬ, maˇ maˇ ni Ka li-euˬ zahˇ dawˬ kʼoꞈ dawˬ uˬ moˆ jawˇ daˆ laꞈ-euˬ tsawˇ haˬ ma.

Gaˬlaˬtiˆ 3:10

Zahˇ dawˬ kʼoꞈ dawˬ-ahˇ mˇ byah gaˇ gʼoe gʼoe-ehˇ dehꞈ-eu tsawˇ haˬ deuˬ-aˬ, yaˬ kʼehˇ yaˬ-eu jeˬ-ahˇ ya daˬ-eu meh. Aˬ jeˬ miˇ neh ehˇ naˇ, “Zahˇ dawˬ kʼoꞈ dawˬ sahˬ boꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ-ahˇ aˬ myah luꞈ maˬ byehˇ ni maˬ caw teh geuꞈ-eu tsawˇ haˬ-aˬ, Miˬyehˇ neh yaˬ kʼehˇ yaˬ-euˬ jeˬ-ahˇ ya daˬ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Lormav 8:3

Shiˬ shaˬ jiˇ-euˬ nui noeˬ gʼaˬ baˬ-eu miˇ neh, Zahˇ dawˬ kʼoꞈ dawˬ neh maˬ mˇ byah nya-euˬ jeˬ-ahˇ Miˬyehˇ mˇ byah-euˬ meh. Iˬ baˇ-ahˇ bi sha dzeh-eu gʼaˇ duˬ, aˬ yawꞈ-euˬ Zaˬmaˇ-ahˇ iˬ baˇ ahˇ-eu tsawˇ haˬ zaˬ-euˬ shiˬ shaˬ jiˇ gʼawˇ mawˇ pi-awˇ bi oe-euˬ laꞈ kʼoeˇ, shiˬ shaˬ jiˇ nui noeˬ laꞈ kʼoeˇ ahˇ-eu iˬ baˇ-ahˇ yaˇ kʼaˬ bi daˇ le-euˬ meh.

Lormav 1:32

Kʼoeˇ loꞈ-ehˇ dehꞈ-eu tsawˇ haˬ deuˬ shiˇ-eu geuˇ meh lehˇ, Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ tsehˆ taˬ-euˬ aˬ yawꞈ maꞈ siˬ nya meh. Ehˇ kʼawꞈ, aˬ yawꞈ maꞈ kʼoeˇ loꞈ-ehˇ mˇ-eu maˬ byehˇ-eu uˬ taꞈ, kʼoeˇ loꞈ-ehˇ mˇ caw-eu tsawˇ haˬ deuˬ-ahˇ nui ma tsaˬ-eu meh.

Maꞈtehˬ 11:24

Yaˇ kʼaˬ daˇ-eu Aˇ nah keuˆ le ngeh, Sawˇdoˬ meuˬ-ahˇ kʼehˬ nehˬ kʼaˆ nehˬ-euˬ naˆ maˬ tseˇ, Miˬyehˇ nawˬ-ahˇ kʼehˬ nehˬ kʼaˆ nehˬ laꞈ tehꞈ-a lehˇ, nawˇ siˬ duˬ taˬ-awˬ.”

Yaˬkoˆ 2:10

Tsawˇ haˬ aˬ geuˬ gʼaˬ maˬ kaˬ, zahˇ dawˬ kʼoꞈ dawˬ dawˬ tawˆ luꞈ-ahˇ caw teh luꞈ kʼawꞈ, tiˬ dawˬ-ahˇ mˇ bahˬ naˇ, dawˬ tawˆ luꞈ-ahˇ mˇ bahˬ-euˬ jeˬ pyeuꞈ-eu meh.

Lormav 4:15

Zahˇ dawˬ kʼoꞈ dawˬ-aˬ, Miˬyehˇ nui ma pehˇ-eu jeˬ bi keuˆ le-eu meh. Ehˇ kʼawꞈ, zahˇ dawˬ kʼoꞈ dawˬ maˬ jaˆ gaˇ-aˬ, zahˇ dawˬ kʼoꞈ dawˬ-ahˇ mˇ bahˬ-eu jeˬ kʼawꞈ maˬ jaˆ-aˇ.

Maꞈtehˬ 11:22

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Yaˇ kʼaˬ daˇ-eu Aˇ nah keuˆ le ngeh, Duˇlu meuˬ hawˇ-eu Siˇdoˬ meuˬ naˆ maˬ tseˇ, naw nyaꞈ-ahˇ Miˬyehˇ kʼehˬ nehˬ laꞈ tehꞈ-a.

Dawˬmehˬ 27:26

“ ‘Miˬyehˇ-euˬ zahˇ dawˬ kʼoꞈ dawˬ hawˇ-eu mehˬ nehˬ tsoˆ nehˬ-eu jeˬ dawˬ tawˆ luꞈ-ahˇ maˬ naˇ haˬ geuꞈ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Gaˬlaˬtiˆ 3:22

Ehˇ kʼawꞈ, miˇ tsaˬ heu dawˬ tawˆ luꞈ iˬ baˇ uˆ lahˇ-eu uˬ moˆ jawˇ luꞈ-eu meh lehˇ Jaˇliꞈ laꞈ kʼoeˇ ehˇ taˬ-euˬ meh. Kʼoeˇ miˇ neh, Yeˬsuˇ Ka li-ahˇ jah-eu deuˬ-ahˇ biꞈ ma lehˇ ehˇ taˬ-euˬ laꞈ sawˬ kʼoeˇ-aˬ, jah-eu tsawˇ haˬ deuˬ-ahˇ biꞈ-euˬ meh.

Yoˇhaˬ 19:11

Yeˬsuˇ ehˇ-eu, “Miˬyehˇ neh nawˬ-ahˇ baoˬ biꞈ taˬ-euˬ miˇ neh, nawˇ ngaˬ-euˬ kʼoeˇ taˆ baoˬ jaˆ-eu meh. Kʼoeˇ miˇ neh, ngaˬ-ahˇ nawˬ-euˬ aˬ laꞈ laꞈ kʼoeˇ a nehˬ laˇ-euˬ gʼaˬ-aˬ, nawˇ naˆ maˬ tseˇ iˬ baˇ huiˬ dzehˬ meh.”

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.