Lormav 13:4 - Akha

⁴ Aˬ jeˬ miˇ neh ehˇ naˇ, sahˬ paˬ sahˬ ma-aˬ, nawˬ-euˬ gʼaˇ duˬ muiˬ ni Miˬyehˇ neh kʼehˇ taˬ-euˬ tsawˇ haˬ pyeuꞈ-eu meh. Ehˇ kʼawꞈ, nawˇ maˬ muiˬ-eu jeˬ mˇ naˇ, sahˬ paˬ sahˬ ma-ahˇ guˆ-awˬ. Aˬ yawꞈ nawˬ-ahˇ kʼehˬ-eu yaw duˬ baw meh. Aˬ jeˬ miˇ neh ehˇ naˇ, maˬ muiˬ-eu jeˬ mˇ-eu tsawˇ haˬ deuˬ kʼoeˇ taˆ Miˬyehˇ-euˬ kʼehˬ-eu kʼaˆ-eu jeˬ bi keuˆ le-eu gʼaˇ duˬ, Miˬyehˇ neh aˬ yawꞈ-ahˇ kʼehˇ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqjeq mirnae aernar-aq, aqyawf, Miqyaer-euq kuirlaf zaqkhav geuf-eu khoer-aq, nawq-anr bimuiq-eu gharduq mae. Aerkhawf, nawr yawdoer jeq mr nar-aq, guv paq-aer ghae-eu mae. Aqjeq mirnae aernar-aq, aqyawf, micaer yawqngaef-aer shafluf-eu maqngeur-a. Aqyawf-aq, Miqyaer-euq kuirlaf zaqkhav geuf-awr, yawdoer jeq kharmr-eu tsawrhaq deuq-anr yarkhaq dar-eu ghaq pyeuf-eu mae.

Lormav 13:4 Referans Kwoze

Lormav 12:19

Aˬ yuiꞈ aˬ nyiˇ Ka li zaˬ deuˬ-oˇ, aˬ cawˬ-ahˇ laꞈ poˆ tiˬ jawˇ-iˬ taˬ poˆ. Miˬyehˇ yaˇ kʼaˬ daˇ luꞈ-uˇ. Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Laꞈ poˆ poˆ-eu jeˬ-aˬ, ngaˬ-ahˇ taꞈ-eu jeˬ pyeuꞈ-eu ma. Ngaˇ jahˇ kʼoꞈ nehˬ ma lehˇ Sahˬpaˬ Miˬyehˇ ehˇ-eu meh.”

Dawqdaq 20:2

Sahˬ paˬ nui pehˇ dzoeˬ-eu kʼaˬ laˬ, sahˬ paˬ-ahˇ laˆ ca-euˬ tsawˇ shiˇ uˬ kʼawˇ.

Dawqdaq 16:14

Sahˬ paˬ nui pehˇ tsawˇ shiˇ uˬ kʼawˇ shaˇ-eu miˇ neh, tsawˇ gahˇ ahˇ-eu deuˬ sahˬ paˬ-ahˇ dehꞈ tsaˬ-eu meh.

2 Laˬsaˬbaˬ 19:6

Yaˇ kʼaˬ daˇ-eu deuˬ-ahˇ aˬ yawꞈ heu loꞈ-ehˇ mehˬ nehˬ tsoˆ nehˬ-euˬ meh. “Naw maꞈ yaˇ kʼaˬ daˇ ngeh yaw muiˬ paˬ-ehˇ shaˇ noeˬ -awˇ daˇ-awˬ. Aˬ jeˬ miˇ neh ehˇ naˇ, tsawˇ haˬ zaˬ-euˬ baoˬ-ahˇ gʼoe-awˇ naw maꞈ yaˇ kʼaˬ daˇ-eu maˬ ngeuˇ-a. Sahˬpaˬ Miˬyehˇ-euˬ baoˬ-ahˇ gʼoe-awˇ daˇ-eu meh. Naw maꞈ yaˇ kʼaˬ daˇ ngeh, aˬ yawꞈ naw maꞈ nehˬ-ehˇ jawˇ-eu meh.

1 Teˇsaˬloˇni 4:6

Gaˇ kawˆ heu hmˬ-ahˇ taꞈ leˇ-awˇ, tsawˇ haˬ tiˬ gʼaˬ-iˬ aˬ yuiꞈ aˬ nyiˇ Ka li zaˬ-euˬ nymˇ jiˇ-ahˇ coeˬ-eu ciˆ-eu bahˬ-eu muˆ-eu jeˬ maˬ mˇ kʼmˬ-a. Gaˇ Kawˆ heu naw maꞈ-ahˇ nga maꞈ mehˬ nehˬ dzeuˇ gʼaˬ-euˬ ma. Kʼoeˇ loꞈ-ehˇ gʼeh-eu tsawˇ haˬ-ahˇ Sahˬpaˬ Yeˬsuˇ kʼehˬ nehˬ kʼaˆ nehˬ tehꞈ-a lehˇ, nga maꞈ yaw kʼaˆ kʼaˆ-ehˇ ehˇ-euˬ ma.

Lormav 13:6

Kʼoeˇ baˬ da neh, naw maꞈ kawˬ ya doˆ nehˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ yawˬ ha-euˬ gaˇ mˇ-eu kʼoeˇ-aˬ, Miˬyehˇ-euˬ gʼaˇ duˬ mˇ luꞈ-eu jeˬ pyeuꞈ-eu meh.

Miˇkaˬ 3:9

Yaw tsaˬ yaw dawˇ jeˬ-ahˇ bye-awˇ, yaw tsaˬ jeˬ-ahˇ yaw lehˬ jeˬ laˆ pyeuꞈ-eu Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ.

Yeˬsaˬgeˬlaˇ 25:14

Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ Eˬdoˬ miˇ kʼahˬ-ahˇ laꞈ poˆ poˆ kʼoꞈ nehˬ-awˇ, ngaˇ nui ma pehˇ-eu jeˬ Eˬdoˬ miˇ kʼahˬ-ahˇ siˬ leˇ ngeh keuˆ ni jahˇ nehˬ tehꞈ-a. Ngaˇ laꞈ poˆ poˆ kʼoꞈ nehˬ-euˬ jeˬ aˬ joˆ-ehˇ gʼeh-eu nya lehˇ, aˬ yawꞈ maꞈ-ahˇ siˬ duˬ leˇ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 22:27

Sahˬpaˬ sahˬ ma geuꞈ-eu deuˬ-aˬ, jeˬ zaˬ kawꞈ sehꞈ-awˇ, pyaˆ dzaˬ luꞈ-eu kʼaˬ yehˇ-ahˇ duˇ-eu meh. Aˬ yawꞈ maꞈ smˇ muiˬ muiˬ laˇ ni tsawˇ haˬ sehꞈ-eu meh.

Yeˬlaˬmiˇ 5:28

Aˬ yawꞈ maꞈ ya dzaˬ ya dawˇ dehˆ-awˇ tsuˇ dui dui-eu meh. yaw haiˬ jeˬ mˇ-eu aˇ saˬ saˬ-euˬ maˬ baw-ehˇ, muˇ coe aˬ nmˇ deuˬ-ahˇ ngehˬ maˬ gʼeh-eu uˬ taꞈ, yaw shaˬ zaˬ-ahˇ yaw dawˇ dawˇ-ehˇ yaˇ kʼaˬ maˬ daˇ nehˬ-a.

Iˇsaˬyaˇ 1:17

Yaw muiˬ jeˬ mˇ-eu dzaw-awˬ. Yaw tsaˬ yaw dawˇ jeˬ-ahˇ poˆ-awˬ. Nawˬ dzaˬ kʼaˆ dzaˬ-eu jeˬ laˆ byoˆ-awˬ. Aˬ da maˬ baw-eu deuˬ-ahˇ haw piˇ-awˬ. Miˬ coeˬ miˬ ma-ahˇ gʼawˬ shaˬ gaˬ-awˬ.”

Dawqdaq 20:26

Tsawˇ gahˇ byah-eu sahˬ paˬ tsawˇ doeˇ baw shawˇ doˆ-awˇ, laˆ lawˬ aˇ beuˆ neh lehˬ-eu meh.

Dawqdaq 20:8

Yaˇ kʼaˬ daˇ-eu nuiˇ mahˬ kʼoeˇ taˆ sahˬ paˬ, myaˆ nuiˆ baw seu iˬ baˇ baw shawˇ doˆ-mˇ jeˇ.

1 Sahˬpaˬ 10:9

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Iˇsaˬleˬlaˆ miˇ kʼahˬ kʼoeˇ taˆ nawˬ-ahˇ sahˬ paˬ bi geuꞈ-eu laꞈ kʼoeˇ, aˬ yawꞈ nawˬ-ahˇ aˇ naˆ ni nui kʼahˇ shiˇ-eu gaˇ kawˆ bi siˬ bi mawˇ-euˬ meh. Iˇsaˬleˬlaˆ tsawˇ jeuˬ-ahˇ aˬ yawꞈ gaˬ-eu jeˬ mˬ maˬ maˬ byaˆ zaˇ ziˇ ziꞈ-eu miˇ neh, yaw tsaˬ yaw dawˇ laꞈ kʼoeˇ zahˇ dawˬ kʼoꞈ dawˬ-ahˇ tsaˬ ni aˬ yawꞈ maꞈ kʼoeˇ taˆ bi uˆ lahˇ-eu gʼaˇ duˬ, aˬ yawꞈ nawˬ-ahˇ sahˬ paˬ bi pyeuꞈ laˇ-euˬ nga.”

Yawˇshuˆ 20:9

Meuˬ heu deuˬ-aˬ, Iˇsaˬleˬlaˆ tsawˇ haˬ dawˬ tawˆ luꞈ hawˇ-eu, aˬ yawꞈ maꞈ nehˬ-ehˇ jawˇ luꞈ-eu boeˇ miˬ shiˬ kʼaˬ yawˬ gʼa na luꞈ gʼaˇ duˬ tseˇ doˆ taˬ-euˬ buˬ-iˇ law-iˇ-eu meuˬ deuˬ pyeuꞈ-eu meh. Aˬ cawˬ-ahˇ maˬ yehꞈ maˬ caˇ-ehˇ laˆ sehꞈ-euˬ tsawˇ haˬ aˬ geu gʼaˬ maˬ kaˬ, kʼoeˇ gaˇ cehˆ leˇ-awˇ, aˬ yawꞈ-ahˇ laꞈ poˆ poˆ-eu lehˇ shaˇ caw luꞈ-eu tsawˇ haˬ-euˬ laꞈ-ahˇ neh buˬ-iˇ nya-eu meh. Tsawˇ haˬ aˇ maꞈ maꞈ ma mehˬ shi yaˇ kʼaˬ maˬ daˇ gʼaˬ kʼoeˇ keuˆ ni, aˬ yawꞈ-ahˇ sehꞈ-eu zahˇ maˬ jaˆ-a.

Yawˇshuˆ 20:5

Aˬ yawꞈ-ahˇ laꞈ poˆ poˆ mawꞈ-eu tsawˇ haˬ deuˬ kʼoeˇ gaˇ keuˆ ni teh keuˆ laˇ naˇ, meuˬ-ahˇ jawˇ-eu tsawˇ haˬ deuˬ aˬ yawꞈ-ahˇ kʼoeˇ deuˬ-euˬ laꞈ-ahˇ maˬ ya a nehˬ-a. Aˬ yawꞈ maꞈ aˬ yawꞈ-ahˇ ya haw piˇ nehˬ meh. Aˬ jeˬ miˇ neh ehˇ naˇ, aˬ yawꞈ nui ma pehˇ-eu laꞈ kʼoeˇ tsawˇ haˬ sehꞈ-euˬ maˬ ngeuˇ-a. Maˬ yehꞈ maˬ caˇ-ehˇ laˆ tahˬ-awˇ bi shiˇ-euˬ jeˬ pyeuꞈ-eu meh.

1 Beˬtuˆluˆ 2:14

yaw haiˬ jeˬ mˇ-eu tsawˇ ha deuˬ-ahˇ kʼehˬ nehˬ kʼaˆ nehˬ-awˇ yaw muiˬ jeˬ mˇ-eu tsawˇ haˬ deuˬ-ahˇ ja ceuˬ nehˬ-eu gʼaˇ duˬ Gehˇsaˬ sahˬ paˬ neh kʼehˇ-awˇ bi uˆ lahˇ luꞈ-eu sahˬ paˬ sahˬ ma deuˬ-euˬ ehˇ dawˬ-ahˇ maˬ ehˇ, naˇ haˬ geuꞈ-awˬ.