Lormav 12:2 - Akha

² Miˇ tsaˬ zaˬ deuˬ dehꞈ-eu loꞈ-ehˇ maˬ dehꞈ ni, naw maꞈ-euˬ nui ma poˆ laˆ laˆ doˆ-awˇ, naw maꞈ-euˬ laꞈ kʼoeˇ paw Miˬyehˇ neh yaw shuiꞈ bi jahˇ paˇ-awˬ. Kʼoeˇ loꞈ-ehˇ jahˇ naˇ, Miˬyehˇ-euˬ nui kʼahˇ-ahˇ naw maꞈ siˬ nya laˇ tehꞈ-a. Muiˬ-eu jeˬ, aˬ yawꞈ nui ma tsaˬ-eu jeˬ hawˇ-eu, byah dui dui-eu jeˬ-ahˇ naw maꞈ siˬ nya laˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Nawmaf, mirtsaqzaq daef-eu lof-aer taqdaef. Aerkhawf, nuima bi lavshuif-awr daefzir parlar-awq. Khoernar-aq, nawmaf, Miqyaer nuima tsaq-eu jeq-anr siqnya lar-awr, yawmuiq jeq, Miqyaer nuikhanr shir-eu jeq hawr-eu byan-eu jeq-anr siqnyalar taef-a.

Lormav 12:2 Referans Kwoze

1 Beˬtuˆluˆ 1:14

Miˬyehˇ-euˬ dawˬ-ahˇ naˇ haˬ geuꞈ-awˬ. Aˇ hu naw maꞈ Miˬyehˇ-ahˇ maˬ siˬ nya ngeh yawˬ ha-euˬ nui noeˬ nui loˆ geuꞈ-euˬ loꞈ-ehˇ taˬ gʼeh.

2 Gawˇliˬtu 5:17

Tsawˇ haˬ tiˬ gʼaˬ Ka li laꞈ kʼoeˇ jawˇ naˇ, yaw shuiꞈ beh paˇ-euˬ tsawˇ haˬ pyeuꞈ-eu meh. Yaw oeˇ byoˆ tsehˆ-awˇ, yaw shuiꞈ paˇ laˇ-euˬ meh.

Gawˇlawˇsehˇ 3:10

Nui ma yaw shuiꞈ-ahˇ naw maꞈ dm paˇ gʼaˬ-euˬ meh. Heu-aˬ, Beh-euˬ yaw sahˇ pyeuꞈ-eu Miˬyehˇ-ahˇ naw maꞈ tiˬ byah tiˬ loꞈ bi siˬ nya laˇ-eu gʼaˇ duˬ, aˬ yawꞈ-euˬ aˇ gʼehˇ-ahˇ duˇ laˇ ni aˬ myah luꞈ yaw shuiꞈ bi paˇ laˇ luꞈ-eu tsawˇ haˬ yaw shuiꞈ pyeuꞈ-eu meh.

Eˇpeˇsu 5:17

Dawˇ ga maˬ paˇ ga ni, Sahˬpaˬ Yeˬsuˇ naw maꞈ-ahˇ bi mˇ mawꞈ-eu jeˬ-ahˇ siˬ nya-awˬ.

Yeˬsaˬgeˬlaˇ 36:26

Naw maꞈ-ahˇ nui ma saꞈ laˇ yaw shuiꞈ biꞈ nehˬ ma. Gʼahˇ dui dui-eu naw maꞈ-euˬ kʼaˬ lo nui ma yuˇ dzeh-awˇ, naˇ haˬ geuꞈ-eu nui ma biꞈ paˇ nehˬ ma.

1 Beˬtuˆluˆ 4:2

Naw maꞈ mehˬ hu paw dehꞈ daˆ leꞈ-eu tiˬ ziˇ, shiˬ shaˬ jiˇ-euˬ nui loˆ maˬ geuꞈ-ehˇ Miˬyehˇ-euˬ nui kʼahˇ geuꞈ-awˬ.

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

Yoˇhaˬ 15:19

Naw maꞈ miˇ tsaˬ heu-ahˇ taꞈ naˇ, miˇ tsaˬ heu naw maꞈ-ahˇ aˬ yawꞈ-euˬ zaˬ loꞈ-ehˇ gaˬ tehꞈ-a. Ehˇ kʼawꞈ, miˇ tsaˬ heu-euˬ laꞈ kʼoeˇ neh naw maꞈ-ahˇ ngaˇ tseˇ doˆ gʼaˬ-euˬ ma. Miˇ tsaˬ heu-ahˇ naw maꞈ maˬ paˇ taꞈ meh. Kʼoeˇ miˇ neh, miˇ tsaˬ zaˬ deuˬ naw maꞈ-ahˇ muiˇ-eu meh.

Jaceuq 51:10

Miˬyehˇ-oˇ, ngaˬ-ahˇ shawˇ jehˆ ni gʼeh-eu nui ma tiˬ siˬ beh ahˇ nehˬ laꞈ. Nawˬ-ahˇ saˇ jaˇ ziꞈ-eu nui loˆ bi ahˇ laꞈ.

Lormav 13:14

Aˬ dui-euˬ guiˇ deuˆ-eu keu ka pyeuꞈ-eu Yeˬsuˇ Ka li-ahˇ dm-awˇ, shiˬ shaˬ jiˇ-euˬ nui loˆ maˬ paˇ poˆ ni, shiˬ shaˬ jiˇ nui kʼahˇ jaˆ-eu jeˬ-ahˇ byehˇ dzeh yaꞈ jiˇ kaˇ-euˇ.

Tiˇtuˆ 3:5

Aˬ dui-ahˇ ka kʼoꞈ nehˬ laꞈ-euˬ kʼoeˇ-aˬ, aˬ dui yaw muiˬ jeˬ mˇ-euˬ miˇ neh maˬ ngeuˇ-ehˇ, aˬ yawꞈ-euˬ gʼawˬ shaˬ gaˬ-eu jeˬ baˬ da neh Muiˬ-eu shawˇ-eu Yaw sahˇ-ahˇ gʼoe-awˇ ka kʼoꞈ nehˬ laꞈ-euˬ jeˬ pyeuꞈ-eu meh. Yaw sahˇ Miˬyehˇ aˬ dui-ahˇ yaw shuiꞈ bi dehꞈ paˇ laꞈ-awˇ, aˬ dui-euˬ iˬ baˇ tsiˬ shawˇ nehˬ laꞈ-eu laꞈ kʼoeˇ, dehꞈ-eu yaw shuiꞈ biꞈ laꞈ-euˬ meh.

Yaˬkoˆ 4:4

Miˬyehˇ-ahˇ saˇ jaˇ maˬ ziꞈ-eu tsawˇ haˬ deuˬ-oˇ, miˇ tsaˬ heu-ahˇ cawˬ cawˬ taꞈ-eu jeˬ-aˬ, Miˬyehˇ-ahˇ muiˇ-eu jeˬ pyeuꞈ-eu meh lehˇ naw maꞈ maˬ siˬ nya te loˇ. Miˇ tsaˬ heu-ahˇ cawˬ kʼaˇ cawˬ taꞈ mawꞈ-eu tsawˇ haˬ-aˬ, Miˬyehˇ-ahˇ muiˇ-eu tsawˇ haˬ pyeuꞈ laˇ ni mˇ gaˇ duˇ-eu meh.

2 Gawˇliˬtu 4:4

Miˇ tsaˬ heu-ahˇ uˆ lahˇ luꞈ-eu miˬyehˇ pyeuꞈ-eu nehꞈ Saˬdaˬ neh aˬ yawꞈ maꞈ-euˬ nui ma-ahˇ yaw zahˇ laꞈ kʼoeˇ piˬ lahˇ taˬ-euˬ miˇ neh, aˬ yawꞈ maꞈ maˬ jah-a. Kʼoeˇ miˇ neh, Miˬyehˇ-ahˇ duˇ duˇ dehꞈ dehꞈ pyeuꞈ-eu Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ-euˬ yaw shehꞈ kʼahˬ sehˇ aˬ yawꞈ maꞈ kʼoeˇ taˆ bya luꞈ gaˇ aˬ yawꞈ maꞈ maˬ mawˇ nya-a.

Yoˇhaˬ 17:14

Ngaˇ aˬ yawꞈ maꞈ-ahˇ nawˬ-euˬ dawˬ biꞈ-euˬ ma. Miˇ tsaˬ zaˬ deuˬ aˬ yawꞈ maꞈ-ahˇ muiˇ-eu meh. Aˬ jeˬ miˇ neh ehˇ naˇ, ngaˇ miˇ tsaˬ heu-ahˇ maˬ taꞈ-eu loꞈ-ehˇ, aˬ yawꞈ maꞈ kʼawꞈ miˇ tsaˬ heu-ahˇ maˬ taꞈ-a.

2 Beˬtuˆluˆ 1:4

Kʼoeˇ loꞈ-ehˇ mˇ nehˬ laꞈ-eu laꞈ kʼoeˇ, aˬ yawꞈ neh aˬ dui-ahˇ biꞈ ma lehˇ saˇ jaˇ dzaˬ taˬ-euˬ huiˬ dui poeˬ dui dui-eu laꞈ sawˬ aˬ dui-ahˇ biꞈ laꞈ-euˬ meh. Laꞈ sawˬ kʼoeˇ deuˬ-aˬ, miˇ tsaˬ heu kʼoeˇ taˆ jaˆ-eu shiˬ shaˬ jiˇ nui kʼahˇ baˬ da neh luˬ-iˇ seˇ-iˇ-eu jeˬ-ahˇ naw maꞈ buˬ-iˇ law-iˇ-awˇ, Miˬyehˇ-euˬ yaw dehꞈ dehꞈ-eu jeˬ-ahˇ naw maꞈ bi za-eu gʼaˇ duˬ biꞈ laˬ-euˬ laꞈ sawˬ pyeuꞈ-eu meh.

Yaˬkoˆ 1:27

Aˬ da Miˬyehˇ-euˬ mehˬ shi shawˇ jehˆ ni gʼeh-awˇ maˇ jawˆ ni gʼeh-eu uˬ duˬ tahˬ-eu zahˇ sahˇ kʼoꞈ-aˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ shaˬ gaˇ zahˬ gaˇ caw ba nehˬ-awˇ, miˇ tsaˬ shiˬ shaˬ jiˇ-euˬ nui kʼahˇ neh maˬ bi laˆ jawꞈ ni yawˬ haˇ yawˬ ha yahˇ-awˇ dehꞈ-eu jeˬ pyeuꞈ-eu meh.

Yeˬsaˬgeˬlaˇ 18:31

Naw maꞈ kʼaˇ mˇ kʼaˇ shaˇ luꞈ-eu yaw haiˬ jeˬ byehˇ dzeh jiˇ-awˇ, nui ma yaw shuiꞈ paˇ-awˬ. Naw maꞈ Iˇsaˬleˬlaˆ tsawˇ haˬ deuˬ aˬ jeˬ miˇ neh shiˇ mawꞈ-eu nya.

Jaceuq 34:8

SahˬpaˬMiˬyehˇmuiˬdui dui-eu, yaw muiˬpaˬ-ehˇpyehˆtseˇduˬ-awˬ. Aˬyawꞈ-ahˇtahˬshaˇleˇ-eu deuˬ, laˬkʼaˬcehˇ-eu jeˬ oꞈ-eu meh.

1 Yoˇhaˬ 3:13

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, miˇ tsaˬ zaˬ deuˬ naw maꞈ-ahˇ muiˇ gaˇ taˬ zahˬ leˇ.

1 Teˇsaˬloˇni 4:3

Naw maꞈ yaw muiˬ yaw shawˇ shawˇ-ehˇ jawˇ-awˇ, aˬ cawˬ-euˬ miˬ zaˬ yo zaˬ-ahˇ maˬ bahˬ maˬ muˆ ni dehꞈ gaˇ Miˬyehˇ geuꞈ mawꞈ-eu meh.

1 Yoˇhaˬ 5:19

Miˇ tsaˬ zaˬ dawˬ tawˆ luꞈ Haiˬ dui dui-eu Gʼaˬ uˆ lahˇ-eu uˬ moˆ jawˇ luꞈ kʼawꞈ, aˬ dui-aˬ Miˬyehˇ-ahˇ taꞈ-eu tsawˇ haˬ ma lehˇ aˬ dui siˬ nya-eu ma.

Eˇpeˇsu 1:18

Miˬyehˇ naw maꞈ-ahˇ kuˇ-euˬ miˇ neh naw maꞈ aˬ jeˬ-ahˇ noeˬ tmˬ kʼaˇ za-eu gaˇ kawˆ maˬ ehˇ, aˬ yawꞈ neh aˬ yawꞈ-euˬ tsawˇ haˬ deuˬ-ahˇ biꞈ-eu lehˇ saˇ jaˇ dzaˬ taˬ-euˬ guiˬ lahˬ kʼoeˇ deuˬ aˇ naˆ ni zahˬ leˇ paˬ-ehˇ gʼeh-eu gaˇ kawˆ maˬ ehˇ, naw maꞈ siˬ nya laˇ ni, naw maꞈ-euˬ nui ma-ahˇ pah nehˬ-awˇ aˬ yawꞈ-euˬ yaw shehꞈ-ahˇ bi mawˇ-eu gʼaˇ duˬ shaˇ-eu ma.

2 Beˬtuˆluˆ 2:20

Tsawˇ haˬ zaˬ-aˬ, ka kʼoꞈ-eu gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-ahˇ siˬ nya-eu baˬ da neh, miˇ tsaˬ heu kʼoeˇ taˆ gʼaˬ kʼaˆ luꞈ-eu jawꞈ dui dui-eu jeˬ mˇ gaˇ ya buˬ-iˇ gʼaˬ miˇ tsa, kʼoeˇ neh tiˬ poˆ paˇ bi gʼaˬ leˇ shaw naˇ, yaw beh poˆ naˆ maˬ tseˇ doeˇ dui dui tehꞈ-a.

Eˇpeˇsu 2:2

Kʼoeˇ ngeh, miˇ tsaˬ heu-ahˇ taꞈ-eu maˬ muiˬ maˬ jaˬ-eu jeˬ mehˬ nah naw maꞈ caw teh-awˇ, mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ-euˬ mehˬ nah caw teh-euˬ meh. Yaw sahˇ kʼoeˇ-aˬ, nymˬ-mˇ Miˬyehˇ-euˬ dawˬ-ahˇ maˬ naˇ haˬ-eu deuˬ-ahˇ uˆ lahˇ luꞈ-eu meh.

Jaceuq 119:174

Sahˬpaˬ Miˬyehˇ-oˇ, nawˇ ka kʼoꞈ nehˬ laꞈ gaˇ ngaˇ noeˬ tmˬ dui dui-eu ma. Nawˬ-euˬ zahˇ dawˬ kʼoꞈ dawˬ laꞈ kʼoeˇ ngaˇ laˬ kʼaˬ cehˇ-eu ma.

Gaˬlaˬtiˆ 1:4

Haiˬ dui dui-eu ziˇ heu ziˇ-ahˇ aˬ dui ya buˬ-iˇ ni aˬ dui-euˬ Aˬda Miˬyehˇ nui ma tsaˬ-eu loꞈ-ehˇ, aˬ dui-euˬ iˬ baˇ aˇ poeˬ Ka li aˬ yawꞈ-euˬ gʼawˇ mawˇ lawˇ nehˬ-euˬ meh.

1 Gawˇliˬtu 3:19

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ zaˬ siˬ tsawˇ gahˇ lehˇ sawˇ taˬ-euˬ jeˬ-aˬ, Miˬyehˇ mehˬ shi tiˬ jeˬ-iˬ gaˇ dahˇ maˬ tsoeˬ-a. “Zaˬ siˬ tsawˇ gahˇ ahˇ-eu deuˬ gahˇ dui dui luꞈ gaˇ Miˬyehˇ lahˇ ju kʼmˇ paꞈ-eu meh” lehˇ, Jaˇliꞈ laꞈ kʼoeˇ boꞈ taˬ-euˬ jaˆ meh.

Jaceuq 119:128

Kʼoeˇ miˇ neh, nawˬ neh mehˬ nehˬ tsoˆ nehˬ laꞈ-euˬ loꞈ-ehˇ ngaˇ dehꞈ-awˇ, maˬ tsaˬ maˬ dawˇ-eu jeˬ-ahˇ ngaˇ bye-eu ma.

Lormav 7:22

Ngaˬ-euˬ gʼawˇ mawˇ laꞈ kʼoeˇ mawˇ-aˬ, Miˬyehˇ-euˬ zahˇ dawˬ kʼoꞈ dawˬ-ahˇ laˬ kʼaˬ cehˇ miˇ-a.

Jaceuq 119:97

Nawˬ-euˬ zahˇ dawˬ kʼoꞈ dawˬ-ahˇ ngaˇ aˇ naˆ ni gaˬ-eu nga. Nah ga-ehˇ zahˇ dawˬ kʼoꞈ dawˬ-ahˇ shaˇ noeˬ luꞈ-eu ma.

Jaceuq 119:72

Miˇ tsaˬ kʼoeˇ taˆ kʼaˇ jaˆ-eu pyuˇ shuiˇ dawˬ tawˆ luꞈ naˆ maˬ tseˇ, nawˬ neh biꞈ laꞈ-eu zahˇ dawˬ kʼoꞈ dawˬ aˇ poeˬ kʼaˆ dzehˬ nya.

Yoˇhaˬ 7:7

Miˇ tsaˬ zaˬ deuˬ nawˬ ha mehˇ nmˇ-ahˇ muiˇ-eu gaˇ kawˆ maˬ jaˆ-a. Ehˇ kʼawꞈ, ngaˬ-ahˇ muiˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ gaˇ ngaˇ maˬ tsehˆ leˇ ni ehˇ luꞈ-eu miˇ neh meh.

Doˆ-iˇ 23:2

Tsawˇ haˬ myaˬ tiˬ paˆ yaw lehˬ jeˬ mˇ ngeh maˬ ehˇ, yaw tsaˬ yaw dawˇ jeˬ-ahˇ bahˬ-eu saˇ kiˇ kamˬ ngeh maˬ ehˇ, nawˇ maˬ ya caw teh-a.

Panmaeq 13:8

Bi sehꞈ-euˬ Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ, miˇ tsaˬ tahˬ kʼawˇ maˬ beh mi naˆ-ehˇ tsawˇ myahˇ bi boꞈ ahˇ taˬ-euˬ tsawˇ haˬ deuˬ maˬ ngeuˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ jeˬ zaˬ yaw haiˬ kʼoeˇ mawˇ-ahˇ uˬ duˬ tahˬ tehꞈ-a.

1 Beˬtuˆluˆ 2:3

Jaˇliꞈ laꞈ kʼoeˇ ehˇ taˬ-euˬ loꞈ-ehˇ, “Sahˬpaˬ Miˬyehˇ aˇ naˆ ni gʼawˬ shaˬ gaˬ nya-eu gaˇ kawˆ naw maꞈ siˬ duˬ mawˇ duˬ gʼaˬ-euˬ meh.”

Jaceuq 119:103

Nawˬ neh mehˬ nehˬ tsoˆ nehˬ-euˬ jeˬ aˇ naˆ ni coeˇ-eu nga. Byaˬ byaˬ uiˇ naˆ maˬ tseˇ coeˇ-eu meh.

Lormav 7:12

Kʼoeˇ miˇ neh, Zahˇ dawˬ kʼoꞈ dawˬ-aˬ yaw muiˬ yaw shawˇ meh. Yawˬ dawˬ na luꞈ yaw shawˇ meh. Yaw dawˇ meh. Yaw muiˬ meh.

Gawˇlawˇsehˇ 4:12

Naw maꞈ-euˬ aˇ muˇ zaˬ tiˬ gʼaˬ pyeuꞈ-eu Yeˬsuˇ Ka li-euˬ gaˇ mˇ luꞈ-eu Iˇbaˬpaˬlaˇ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. Naw maꞈ gʼaˇ duˬ aˬ yawꞈ aˬ myah luꞈ guiˬ lahˬ shaˇ dui dui luꞈ meh. Naw maꞈ jah-eu laꞈ kʼoeˇ ziꞈ dah ni yawꞈ nya-eu gʼaˇ duˬ maˬ ehˇ, Ka li-ahˇ jah-eu paw ehˇ kʼaˇ maˬ za ni bi byah laˇ-eu gʼaˇ duˬ maˬ ehˇ, Miˬyehˇ-euˬ nui kʼahˇ-ahˇ tiˬ byah tiˬ loꞈ bi caw teh-eu gʼaˇ duˬ maˬ ehˇ, aˬ yawꞈ Miˬyehˇ-ahˇ guiˬ lahˬ shaˇ-eu maˬ tsehˆ leˇ-a.

1 Beˬtuˆluˆ 1:18

Aˬ jeˬ miˇ neh ehˇ naˇ, naw maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh dehꞈ ka leꞈ-euˬ poeˬ sawˇ lawˬ maˬ baw-eu yaw dehꞈ dehꞈ-eu jeˬ laꞈ kʼoeˇ naw maꞈ-ahˇ bi buˬ bi law-iˇ-eu gʼaˇ duˬ, aˬ geu jeˬ aˇ poeˬ biꞈ-awˇ zeuˇ kʼoꞈ taˬ-euˬ naw maꞈ siˬ nya meh. Pyuˇ hawˇ-eu shuiˇ loꞈ-ehˇ gʼeh-eu piˬ-iˇ byoˆ-iˇ nya-eu jeˬ biꞈ-awˇ zeuˇ kʼoꞈ taˬ-euˬ maˬ ngeuˇ-a.

Yoˇhaˬ 14:30

Ngaˇ naw maꞈ nehˬ-ehˇ ngehˬ cawˬ ngehˬ cawˬ-ehˇ jawˇ-eu aˇ yamˬ maˬ paˇ jaˆ meh. Aˬ jeˬ miˇ neh ehˇ naˇ, miˇ tsaˬ-ahˇ uˆ lahˇ-eu gʼaˬ oe luꞈ meh. Aˬ yawꞈ-aˬ, ngaˬ-ahˇ maˬ zuiˆ gʼaˬ nya-a.

Lormav 7:14

Zahˇ dawˬ kʼoꞈ dawˬ-aˬ, guiˬ lahˬ saꞈ laˬ-ahˇ taꞈ leˇ-eu jeˬ meh lehˇ aˬ dui siˬ nya ma. Ehˇ kʼawꞈ, ngaˇ-aˬ, iˬ baˇ-euˬ zaˬ kʼaˆ geuꞈ-eu lehˇ bi ahˬ ahˇ taˬ-euˬ shiˬ shaˬ jiˇ pi luꞈ-eu tsawˇ haˬ zaˬ ma.

Panmaeq 12:9

Aˇ hu ba-euˬ aˇ lawˇ kʼoeˇ mawˇ pyeuꞈ-eu, Nehꞈ sahˬ paˬ hawˇ-eu nehꞈ Saˬ daˬ lehˇ kuˇ-eu, miˇ tsaˬ zaˬ dawˬ tawˆ luꞈ-ahˇ sheuˬ bahˬ-euˬ byaˆ yahˬ yahˬ ma kʼoeˇ mawˇ miˇ tsaˬ kʼoeˇ taˆ bi biˬ ka leꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ kʼawꞈ, aˬ yawꞈ nehˬ-ehˇ bi biˬ ka leꞈ-euˬ meh.

Eˇzaˬlaˬ 10:11

Nymˬ-mˇ naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ iˬ baˇ saˇ pyehˬ-awˇ, aˬ yawꞈ nui ma tsaˬ ni mˇ-awˬ. Aˬ dui-euˬ miˇ kʼahˬ-ahˇ jawˇ luꞈ-eu aˬ cawˬ tsawˇ jeuˬ nehˬ-ehˇ naw maꞈ dehꞈ gʼawˬ-awˇ, aˬ cawˬ tsawˇ jeuˬ pyeuꞈ-eu naw maꞈ-euˬ miˬ zaˬ deuˬ-ahˇ kʼoꞈ-awˬ.”

Maꞈtehˬ 13:22

Aˬ gah gah yaˇ-ahˇ ga-iˇ-euˬ siˬ yoeˬ lehˇ ehˇ-eu-aˬ, dawˬ kʼoeˇ deuˬ-ahˇ ya gaˬ-euˬ kʼawꞈ, shiˬ shaˬ jiˇ gaˇ kawˆ kʼahˬ lahˇ-eu jeˬ hawˇ-eu, pyuˇ shuiˇ myawˬ gahˬ-ahˇ gaˬ-eu nui ma neh bi uˆ tehˬ-awˇ, aˇ siˬ maˬ siˬ le nya-eu tsawˇ haˬ deuˬ-ahˇ ehˇ mawꞈ-eu meh.

Maˬkuˆ 4:19

Ehˇ kʼawꞈ, yaw dehꞈ dehꞈ-eu gaˇ kawˆ kʼahˬ lahˇ-eu jeˬ, pyuˇ shuiˇ myawˬ gahˬ-ahˇ gaˬ-eu jeˬ hawˇ-eu, miˇ tsaˬ kʼoeˇ taˆ nui kʼahˇ kʼaˇ jaˆ-eu jeˬ dawˬ tawˆ luꞈ keuˆ le teuˇ le ngeh, Miˬyehˇ-euˬ dawˬ kawˬ-ahˇ uˆ tehˬ-awˇ, aˇ siˬ maˬ siˬ le nya-a.

Gawˇlawˇsehˇ 1:9

Kʼoeˇ miˇ neh, naw maꞈ-euˬ gaˇ kawˆ ya gaˬ-euˬ tiˬ nah neh, naw maꞈ gʼaˇ duˬ nga maꞈ guiˬ lahˬ maˬ tsehˆ leˇ ni shaˇ luꞈ-eu ma. Yaw sahˇ Miˬyehˇ neh biꞈ-euˬ zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ laꞈ kʼoeˇ, Miˬyehˇ-euˬ nui kʼahˇ-ahˇ siˬ nya-eu jeˬ naw maꞈ laꞈ kʼoeˇ byah laˇ ni shaˇ luꞈ-eu ma.