Lormav 11:4 - Akha

⁴ Miˬyehˇ aˬ yawꞈ-ahˇ aˬ joˆ-ehˇ ehˇ kʼoꞈ nehˬ-euˬ ta. “Maˬ ngeuˇ-eu miˬyehˇ pyeuꞈ-eu Baˬlaˇ miˬ yehˇ-ahˇ pawˬ tsuiꞈ pawˬ dmˬ dmˬ-awˇ uˬ duˬ maˬ tahˬ-euˬ tsawˇ haˬ shiꞈ heˇ gʼaˬ ngaˬ-euˬ gʼaˇ duˬ bi dzeˇ-euˬ ma” lehˇ ehˇ kʼoꞈ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aerkhawf, Miqyaer, aqyawf-anr aqjox-aer aerkhof naeq-euq nga laer aernar-aq, “Ngar, ngaq-euq gharduq, Baqlar tanqpanq aqma mawrkawr-anr pawqtsuif pawqdmq dmq-awr uqduq maq tanqhaw-euq tsawrhaq 7,000 ghaq bidzer-euq ma.” (1Sp 19:18)

Lormav 11:4 Referans Kwoze

1 Sahˬpaˬ 19:18

Ehˇ kʼawꞈ, ngaˬ-ahˇ saˇ jaˇ ziꞈ-awˇ, Baˬlaˇ miˬ yehˇ mehˬ shi maˬ awˆ byaˆ-ehˇ, Baˬlaˇ miˬ yehˇ-euˬ tahˬ pahˬ aˬ ma mawˇ kawˇ-ahˇ mehˬ cuˇ maˬ cuˇ-euˬ tsawˇ haˬ shiꞈ heˇ gʼaˬ-ahˇ, Iˇsaˬleˬlaˆ miˇ kʼahˬ laꞈ kʼoeˇ ngaˇ bi dehꞈ yaꞈ ma.”

Bawˇtsahˬ 25:3

Kʼoeˇ loꞈ-ehˇ Peˬoˇ miˬyehˇ Baˬlaˇ-ahˇ uˬ duˬ tahˬ-euˬ miˇ neh, aˬ yawꞈ maꞈ-ahˇ Sahˬpaˬ Miˬyehˇ nui ma pehˇ laˇ-euˬ meh.

Zeˬpaˬniˇ 1:4

Yuˇdaˆ miˇ kʼahˬ-ahˇ laˆ cawˆ-awˇ, Yeˬluˇsaˬlehˬ-ahˇ kʼaˇ jawˇ-eu, tsawˇ haˬ deuˬ-ahˇ kʼehˬ-eu gʼaˇ duˬ, ngaˬ-euˬ aˬ laꞈ ngaˇ cawˬ doˆ ma. Maˬ byoˆ maˬ laˆ ni dzeˇ luꞈ-eu, Baˬlaˇ-ahˇ uˬ duˬ tahˬ-eu jeˬ, ngaˇ laˆ luˬ laˆ seˇ byoˆ jiˇ-awˇ, aˬ yawꞈ-euˬ piˇ ma kʼoeˇ deuˬ-euˬ, tsawˇ myahˇ maˬ paˇ ya gaˬ haw-aˇ.

Hawˇseˬ 2:8

Cehˇ, aˬ gaꞈ dzaˇ uiˇ, saˬ loˬ tsiˇ, heu deuˬ dawˬ tawˆ yawꞈ-ahˇ biꞈ-awˇ, Baˬlaˇ-ahˇ uˬ duˬ tahˬ leˇ ngeh, aˬ yawꞈ zmˬ-euˬ myawˬ gahˬ pyeuꞈ-eu, Pyuˇkʼoˇ shuiˇkʼoˇ biꞈ-euˬ kʼoeˇ gʼaˬ, ngaˇ meh lehˇ yawꞈ maˬ siˬ nya-a.

Yeˬlaˬmiˇ 19:5

Aˬ yawꞈ maꞈ-euˬ zaˬ deuˬ-ahˇ miˬ dzaˬ dzah puiˆ-awˇ lawˇ-eu lehˇ, Baˬlaˇ miˬ yehˇ gʼaˇ duˬ lawˇ duˬ gʼawˬ mya ni jahˇ taˬ-eu meh. Aˬ yawꞈ maꞈ kʼoeˇ loꞈ-ehˇ jahˇ ni ngaˇ dawˬ maˬ biꞈ haw-aˬ. Kʼoeˇ loꞈ-ehˇ jahˇ-eu lehˇ, nui ma laꞈ kʼoeˇ tehꞈ-ehˇ kʼawꞈ maˬ shaˇ noeˬ haw-aˬ.

Yaˇ kʼaˬ daˇ 2:13

Sahˬpaˬ Miˬyehˇ-ahˇ aˬ yawꞈ maꞈ uˬ duˬ maˬ tahˬ ni byehˇ dzeh-awˇ, Baˬlaˇ miˬyehˇ deuˬ hawˇ-eu, Aˬshaˇtaˬyoˇ miˬyehˇ deuˬ-ahˇ uˬ duˬ tahˬ-euˬ meh.

Hawˇseˬ 13:1

Eˇpaˬleˬ tsawˇ jeuˬ dawˬ ngehˬ ngeh, Iˇsaˬleˬlaˆ tsawˇ jeuˬ nui deuˬ, guˆ-awˇ taˬ huiˬ taˬ mahˇ-euˬ meh. Ehˇ kʼawꞈ ni Baˬlaˇ miˬ yehˇ-ahˇ, uˬ duˬ tahˬ-euˬ baˬ da baˇ neh. Aˬ yawꞈ maꞈ ya shiˇ gaˇ keuˆ meh.

1 Sahˬpaˬ 16:31

Sahˬ paˬ Yeˬyawˇbamˬ neh mˇ-euˬ iˬ baˇ naˆ ni tehꞈ-ehˇ aˬ yawꞈ nui kʼahˇ maˬ shiˇ-ehˇ, kʼoeˇ naˆ maˬ tseˇ mˇ dzehˬ-eu laꞈ kʼoeˇ, Siˇdoˬ sahˬ paˬ Eˇdaˬbaˬlaˇ-euˬ aˬ buˇ Yeˬsaˬbeˬlaˇ-ahˇ sheuˬ-awˇ, Baˬlaˇ miˬ yehˇ-ahˇ uˬ duˬ tahˬ-euˬ meh.

Dawˬmehˬ 4:3

Peˬoˇ gawˬ jawˬ-ahˇ Sahˬpaˬ Miˬyehˇ neh mˇ-euˬ jeˬ naw maꞈ ya mawˇ-euˬ meh. Kʼoeˇ gaˇ, Baˬlaˇ-ahˇ uˬ duˬ kʼaˇ tahˬ-euˬ tsawˇ haˬ deuˬ-ahˇ aˬ yawꞈ sehꞈ-euˬ meh.

1 Sahˬpaˬ 19:10

“Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ gaˇ tehꞈ-ehˇ ngaˇ aˬ myah luꞈ mˇ luꞈ-eu ma. Ehˇ kʼawꞈ, Iˇsaˬleˬlaˆ tsawˇ haˬ deuˬ nawˬ-ahˇ saˇ jaˇ puiˬ-awˇ, nawˬ-euˬ lawˇ duˬ deuˬ laˆ cawˆ jiˇ-awˇ, nawˬ-euˬ gʼaˇ duˬ ngehˬ dah-eu deuˬ dawˬ tawˆ luꞈ-ahˇ sehꞈ-euˬ meh. Ngaˇ tiˬ gʼaˬ tehꞈ-ehˇ dzeˇ-awˇ, ngaˬ-ahˇ kʼawꞈ aˬ yawꞈ maꞈ sehꞈ-eu lehˇ leh jeh luꞈ meh.”

Iˇsaˬyaˇ 4:3

Miˬyehˇ neh bi dzeuˇ-iˇ-awˇ, Yeˬluˇsaˬlehˬ meuˬ-ahˇ kʼaˇ jawˇ yaꞈ-euˬ yawˬ gʼaˬ na luꞈ-ahˇ, yaw muiˬ yaw shawˇ tsawˇ haˬ lehˇ aˬ cawˬ kuˇ tehꞈ-a.