Lormav 11:33 - Akha

³³ Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Miqyaer-euq sanr duidui-eu zaqsiq tsawrganr hawr-eu siqnya-eu tsawrganr arnavni naf-eu nga! Aqyawf yarkhaq dar-eu jeq-anr tiqghaq-iq maq noeqdov coer-a. Aqyawf-euq garma-anr tiqghaq-iq maq cawmawrduq nya-a!

Lormav 11:33 Referans Kwoze

Yawˇbaˆ 5:9

Aˬ yawꞈ neh mˇ-euˬ huiˬ-eu gaˇ deuˬ-ahˇ aˬ dui maˬ siˬ duˬ nya-a. Aˬ yawꞈ neh mˇ-euˬ zahˬ leˇ paˬ-ehˇ gʼeh-eu jeˬ maˬ gui jiˇ coeˇ ni jaˆ-eu meh.

Jaceuq 92:5

Sahˬpaˬ Miˬyehˇ-oˇ, nawˬ neh mˇ-euˬ gaˇ deuˬ aˇ naˆ ni huiˬ-eu nga. Nawˬ-euˬ nui noeˬ aˇ naˆ ni naꞈ-eu nga.

Lormav 2:4

Maˬ ngeuˇ naˇ, aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ, oˇ coeˇ-eu jeˬ, nui ma mahˇ-eu jeˬ, heu deuˬ-ahˇ nawˇ yehˬ bawˬ sehˇ lu-ehˇ gʼeh te loˇ. Miˬyehˇ gʼawˬ shaˬ gaˬ-eu jeˬ ahˇ meh lehˇ nawˇ siˬ duˬ meh. Aˬ jeˬ miˇ neh ehˇ naˇ, nawˇ iˬ baˇ noeˬ poˆ laˇ ni aˬ yawꞈ leh jeh luꞈ-eu meh.

Yawˇbaˆ 37:23

Miˬyehˇ-euˬ baoˬ huiˬ dui dui-eu miˇ neh, aˬ yawꞈ dawˬ peh aˬ dui maˬ nyiˬ leˇ nya-a. Aˬ yawꞈ tsawˇ haˬ zaˬ-ahˇ yaw tsaˬ yaw dawˇ laꞈ kʼoeˇ cawˬ cawˬ taꞈ-eu meh.

Eˇpeˇsu 3:10

Kʼoeˇ loꞈ-ehˇ dehˬ kaˬ taˬ-euˬ kʼoeˇ-aˬ, nymˬ-mˇ-euˬ aˇ yamˬ-ahˇ Ka li zaˬ aˇ muˇ-ahˇ gʼoe-eu laꞈ kʼoeˇ, mˬ kʼoeˇ taˆ uˆ lahˇ luꞈ-eu mˬ taˆ gʼaˬ kʼehˇ deuˬ hawˇ-eu baoˬ jaˆ-eu deuˬ-ahˇ Miˬyehˇ-euˬ zaˬ siˬ tsawˇ gahˇ gʼawˬ mya jeˬ bi siˬ bi mawˇ-eu gʼaˇ duˬ pyeuꞈ-eu meh.

Dawˬ tsoˆ 3:11

Yawˬ jeˬ na luꞈ gʼaˇ duˬ aˬ yawꞈ neh yamˬ law toꞈ tsaˬ taˬ-euˬ meh. Mehˬ hu paw pyeuꞈ laˇ-eu gaˇ kawˆ siˬ mawꞈ mawˇ mawꞈ-eu nui ma, tsawˇ haˬ zaˬ-ahˇ aˬ yawꞈ biꞈ taˬ-euˬ meh. Ehˇ kʼawꞈ, aˬ yawꞈ neh mˇ-euˬ gaˇ-ahˇ aˇ dahˬ beh gaˇ neh aˇ saˬ saˬ gaˇ keuˆ ni maˬ bi siˬ duˬ-a.

Jaceuq 36:6

Nawˬ-euˬyaw tsaˬyaw dawˇjeˬ-aˬ, gawˬjawˬloꞈ-ehˇ goˇdui dui-awˇ, nawˬ-euˬ yaw sui yaw dawˇjeˬ-aˬ, laˆshaˆloꞈ-ehˇ naꞈdui dui-awˇ, tsawˇhaˬhawˇ-eu jeˬzaˬdeuˬ-ahˇ, nawˇngehˬgʼeh dah teˬluꞈ-eu meh.

Eˇpeˇsu 1:7

Aˬ jeˬ miˇ neh ehˇ naˇ, Ka li kamˇ shiˇ-euˬ baˬ da neh aˬ dui ya buˬ-iˇ-awˇ, aˬ dui-euˬ iˬ baˇ-ahˇ pyehˬ nehˬ laꞈ-euˬ meh. Miˬyehˇ gʼawˬ shaˬ gaˬ-eu guiˬ lahˬ kʼoeˇ aˇ naˆ ni huiˬ-eu nga.

Gawˇlawˇsehˇ 1:27

Miˬyehˇ-aˬ, aˬ yawꞈ-euˬ tsawˇ haˬ dawˬ tawˆ luꞈ gʼaˇ duˬ aˬ yawꞈ neh zaꞈ taˬ-euˬ jeˬ kʼoeˇ aˇ naˆ ni yaw shehꞈ kʼahˬ sehˇ byah-awˇ, aˇ naˆ ni zahˬ leˇ paˬ-ehˇ gʼeh-eu gaˇ kawˆ, aˬ yawꞈ-euˬ tsawˇ haˬ deuˬ-ahˇ bi siˬ bi mawˇ-eu lehˇ lehˬ hmˬ taˬ-euˬ meh. Zaꞈ taˬ-euˬ kʼoeˇ-aˬ, naw maꞈ laꞈ kʼoeˇ Ka li jawˇ-eu kʼoeˇ meh. Kʼoeˇ-aˬ, Miˬyehˇ zahˬ leˇ paˬ-ehˇ gʼeh-eu gʼaˬ pyeuꞈ-eu loꞈ-ehˇ, naw maꞈ kʼawꞈ bi pyeuꞈ laˇ-eu gʼaˇ duˬ ehˇ mawꞈ-euˬ meh.

Lormav 9:23

Aˬ yawꞈ-euˬ yaw shehꞈ kʼahˬ sehˇ biꞈ nehˬ laꞈ-eu lehˇ lehˬ hmˬ taˬ-euˬ aˬ yawꞈ gʼawˬ shaˬ gaˬ-eu aˬ dui maꞈ kʼoeˇ taˆ shehˆ daˆ nehˬ laꞈ-euˬ yaw shehꞈ kʼahˬ sehˇ kʼoeˇ kʼawꞈ, aˬ yawꞈ bi mawˇ mawꞈ-eu meh.

Jaceuq 97:2

Mˬ dmˇ hawˇ-eu zahˇ tsui ni gʼeh-eu jeˬ, aˬ yawꞈ-ahˇ jawˬ lahˇ taˬ-euˬ meh. Yaw tsaˬ yaw dawˇ yaw muiˬ yaw jaˬ laꞈ kʼoeˇ, aˬ yawꞈ uˆ lahˇ luꞈ-eu meh.

Jaceuq 77:19

Iˇ luˆ dzeh-eu kʼoeˇ taˆ nawˇ cah-awˇ, iˬ ma laˆ shaˆ-ahˇ nawˇ cah tsehˆ gʼeh kʼawꞈ, nawˬ-euˬ pehˬ zaˇ maˬ ya mawˇ-a.

Yawˇbaˆ 26:14

Ehˇ kʼawꞈ, heu deuˬ-aˬ aˬ yawꞈ-euˬ baoˬ aˇ kʼawꞈ tehꞈ-a siˬ. Aˬ yawꞈ jaˬ cehˇ cehˇ-eu ya gaˬ-eu naˆ ni tehꞈ-a siˬ. Aˬ diˇ aˬ maˇ Miˬyehˇ aˇ naˆ ni huiˬ-eu mahˇ-eu aˬ suˇ gʼaˬ siˬ nya nmˇ.”

Eˇpeˇsu 2:7

Yeˬsuˇ Ka li laꞈ kʼoeˇ Miˬyehˇ neh aˬ dui-ahˇ bi mawˇ laꞈ-euˬ gʼoeˇ-eu gaˬ-eu jeˬ laꞈ kʼoeˇ ahˇ-eu maˬ ehˇ jiˇ coeˇ ni huiˬ-eu aˬ yawꞈ-euˬ guiˬ lahˬ yaw dzahˇ-ahˇ, aˬ kaˇ kaˇ ziˇ keuˆ ni a myah luꞈ bi siˬ bi mawˇ-eu gʼaˇ duˬ, Miˬyehˇ kʼoeˇ loꞈ-ehˇ mˇ-euˬ jeˬ pyeuꞈ-eu meh.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Jaceuq 40:5

Nga maꞈjah-eu Miˬyehˇpyeuꞈ-eu, nga maꞈ-euˬSahˬpaˬMiˬyehˇ-oˇ, kʼaˆjeˬ-ehˇgʼeh-eu gʼawˬmya jeˬ, nga maꞈgʼaˇduˬnawˇmˇ-euˬmeh. Nawˇloꞈ-ehˇgaˇkawˆkawˆnya-eu, nawˬ-ahˇduˇ-eu gʼaˬmaˬjawˇ-a. Nawˬneh mˇnehˬlaꞈ-euˬgaˇdeuˬ, kʼaˬmeh neh maˬja jiˇcoeˇnya.

Yawˇbaˆ 9:10

Aˬ yawꞈ neh mˇ-euˬ huiˬ-eu gaˇ deuˬ-ahˇ aˬ dui maˬ siˬ duˬ nya-a. Aˬ yawꞈ neh mˇ-euˬ zahˬ leˇ paˬ-ehˇ gʼeh-eu jeˬ maˬ gui jiˇ coeˇ ni jaˆ-eu meh.

Eˇpeˇsu 3:16

Naw maꞈ-euˬ nui ma laꞈ kʼoeˇ gʼaˬ bi ahˇ laˇ ni, Yaw sahˇ Miˬyehˇ-ahˇ gʼoe-eu laꞈ kʼoeˇ aˬ yawꞈ-euˬ byah dui kuꞈ dui dui-eu yaw shehꞈ kʼahˬ sehˇ-euˬ baoˬ naw maꞈ-ahˇ biꞈ-eu gʼaˇ duˬ Miˬyehˇ-ahˇ ngaˇ shaˇ-eu ma.

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.

Dawqdaq 25:3

Sahˬ paˬ tiˬ gʼaˬ-euˬ nui noeˬ-ahˇ nawˇ maˬ siˬ jiˇ nya-a. Aˬ yawꞈ-euˬ nui noeˬ mˬ loꞈ-ehˇ goˇ-awˇ, iˬ ma laˆ shaˆ loꞈ-ehˇ naꞈ-eu miˇ neh, aˬ dui maˬ teh miˇ coeˇ-a.

Eˇpeˇsu 3:18

Ka li-euˬ gʼoeˇ-eu gaˬ-eu jeˬ aˇ naˆ ni huiˬ, aˇ naˆ ni mahˇ-awˇ, aˇ naˆ ni naꞈ, aˇ naˆ ni goˇ-eu gaˇ kawˆ, Miˬyehˇ-euˬ tsawˇ haˬ dawˬ tawˆ luꞈ tiˬ kawˆ loꞈ-ehˇ naw maꞈ gʼoˆ shaw nya-eu baoˬ ahˇ laˇ ni ngaˇ shaˇ-eu ma.

Yawˇbaˆ 37:19

Miˬyehˇ-ahˇ aˬ joˆ-ehˇ ya ngehˬ cawˬ-eu nga maꞈ-ahˇ mehˬ nehˬ laꞈ-awˬ. Nga maꞈ-euˬ nui ma laꞈ kʼoeˇ aˬ joˆ-ehˇ ya ngehˬ ya tmˇ-eu maˬ shaˇ noeˬ doˆ nya nya.

Yawˇbaˆ 33:13

Tsawˇ haˬ zaˬ-euˬ dawˬ-ahˇ maˬ naˇ haˬ nehˬ laꞈ nga lehˇ, aˬ jeˬ miˇ neh Miˬyehˇ-ahˇ nawˇ iˬ baˇ taˬ te.

Yawˇbaˆ 15:8

Miˬyehˇ gaˇ mˇ-eu lehˇ gaˇ kawˆ kawˆ-euˬ nawˇ ya gaˬ te loˇ. Tsawˇ haˬ zaˬ-euˬ zaˬ siˬ tsawˇ gahˇ nawˇ tehꞈ-ehˇ jaˆ jiˇ te loˇ.

Jaceuq 139:6

Nawˇ ngaˬ-euˬ gaˇ kawˆ siˬ nya-eu naꞈ dui dui-awˇ, ngaˇ maˬ noeˬ keuˆ coeˇ gaˇ keuˆ ni siˬ nya-eu meh.

Jaceuq 145:3

Sahˬpaˬ Miˬyehˇ huiˬ dui mahˇ dui dui-awˇ, ja ceuˬ dui dui paˬ-ehˇ gʼeh-eu meh. Aˬ yawꞈ huiˬ dui mahˇ dui dui-eu gaˇ kawˆ, aˬ dui maˬ noeˬ miˇ coeˇ-a.

Dawqdaq 25:2

Miˬyehˇ-aˬ, zaꞈ taˬ nya-eu gʼaˬ pyeuꞈ-eu miˇ neh, aˬ yawꞈ-ahˇ aˬ dui taˬ huiˬ taˬ mahˇ-eu ma. Sahˬ paˬ deuˬ-aˬ, gaˇ kawˆ pah mehˬ-eu miˇ neh, aˬ yawꞈ maꞈ-ahˇ aˬ dui taˬ huiˬ taˬ mahˇ-eu ma.

Dawˬ tsoˆ 7:24

Zaˬ siˬ tsawˇ gahˇ-aˬ, gaˇ mahˇ kaˬ dui dui-awˇ, naꞈ dui dui-eu miˇ neh, aˬ suˇ gʼaˬ poˆ mawˇ nya nmˇ.

Dawˬ tsoˆ 8:17

Miˬyehˇ mˇ luꞈ-eu gaˇ-ahˇ nawˇ maˬ haw siˬ nya-aˇ. Nawˇ aˇ naˆ ni leh jeh-awˇ poˆ tseˇ haw kʼawꞈ, maˬ poˆ tseˇ duˬ nya-aˇ. Zaˬ siˬ tsawˇ gahˇ ahˇ-eu tsawˇ haˬ deuˬ yawˬ haˇ yawˬ ha aˇ naˆ ni nya ma lehˇ noeˬ kʼawꞈ, Miˬyehˇ neh mˇ-euˬ gaˇ-ahˇ maˬ siˬ duˬ nya-a.

Iˇsaˬyaˇ 28:29

Zaˬ siˬ nui gahˇ heu deuˬ dawˬ tawˆ, Baoˬ huiˬ-eu Sahˬpaˬ Miˬyehˇ neh biꞈ-euˬ tehꞈ meh. Miˬyehˇ nui ma tsawˇ gahˇ byah-awˇ, maˬ mˇ pyeuꞈ nya-eu jeˬ maˬ jaˆ-a.

Iˇsaˬyaˇ 40:28

Nawˇ maˬ siˬ nya te loˇ. Nawˇ maˬ ya gaˬ-aˬ loˇ. Sahˬpaˬ Miˬyehˇ mˬ maˬ maˬ byaˆ zaˇ ziˇ Miˬyehˇ pyeuꞈ-awˇ, miˇ dawˬ tawˆ luꞈ-ahˇ beh-euˬ meh. Aˬ yawꞈ gʼaˬ doeˇ doeˇ-awˇ gʼaˬ baˬ-eu maˬ baw-ehˇ, aˬ yawꞈ nui noeˬ tiˬ gʼaˬ-iˬ maˬ siˬ duˬ nya-a.

1 Gawˇliˬtu 2:10

Ehˇ kʼawꞈ, Miˬyehˇ aˬ yawꞈ neh zaꞈ taˬ-euˬ jeˬ, aˬ yawꞈ-euˬ Yaw sahˇ Miˬyehˇ-ahˇ gʼoe-awˇ aˬ dui-ahˇ bi siˬ bi mawˇ laꞈ-euˬ meh. Aˬ jeˬ miˇ neh ehˇ naˇ, Yaw sahˇ Miˬyehˇ-aˬ, yawˬ jeˬ na luꞈ-ahˇ poˆ tseˇ-eu meh. Naꞈ dui dui gaˇ zaꞈ taˬ-euˬ Miˬyehˇ-euˬ nui kʼahˇ-ahˇ kʼawꞈ, poˆ tseˇ doˆ-eu meh.

Iˇsaˬtaˆ 2:22

Gaˇ kawˆ kʼoeˇ Mawˬdaˬkehˇ ya siˬ-awˇ, sahˬ paˬ miˬ zaˬ Iˇsaˬtaˆ-ahˇ ehˇ nehˬ-awˇ, Iˇsaˬtaˆ gʼaˬ Mawˬdaˬkehˇ neh ya siˬ ya mawˇ-euˬ gaˇ kawˆ kʼoeˇ sahˬ paˬ-ahˇ tiˬ poˆ paˇ dzawˇ nehˬ-euˬ meh.

Yawˇbaˆ 10:13

Ehˇ kʼawꞈ, aˇ yamˬ kʼoeˇ dawˬ tawˆ luꞈ laꞈ kʼoeˇ, ngaˬ-ahˇ heu loꞈ-ehˇ jahˇ coeˬ nehˬ-eu gʼaˇ duˬ nawˇ nawˬ jawˬ luꞈ-eu nymˬ-mˇ ngaˇ siˬ duˬ ma.

Yawˇbaˆ 23:14

Ngaˬ-euˬ gʼaˇ duˬ aˬ yawꞈ neh lehˬ hmˬ taˬ-euˬ loꞈ-ehˇ aˬ yawꞈ mˇ byah tehꞈ-a. Kʼoeˇ loꞈ-ehˇ lehˬ hmˬ taˬ-euˬ jeˬ aˬ yawꞈ-euˬ nui ma laꞈ kʼoeˇ maˬ ehˇ jiˇ coeˇ ni jaˆ luꞈ meh.