Lormav 11:1 - Akha

¹ “Miˬyehˇ aˬ yawꞈ-euˬ tsawˇ haˬ deuˬ-ahˇ byehˇ dzeh taˬ loˇ” lehˇ ngaˇ naˇ haˬ mawꞈ-eu ma. Maˬ ngeuˇ-a. Ngaˇ kʼawꞈ, Iˇsaˬleˬlaˇ tsawˇ haˬ ma. Aˬbyaˬhaˬ-euˬ zaˬ deuˬ uˆ deuˬ pyeuꞈ-eu Beˬyaˬmiˬ tsawˇ jeuˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Tox-aer mar-iq, ngar narhaq mawf-eu-aq, Miqyaer, aqyawf-euq tsawrhaq-anr byaerdzae-euq la laq? Tiqpawf-iq maqngeur-a. Aqjeq mirnae aernar-aq, ngar khawf Irsaqleqlav tsawrhaq ma. Aqbyaqhaq-euq aryoeq pyeuf-eu Beqyaqmiq-euq arjeuq arca ma.

Lormav 11:1 Referans Kwoze

2 Gawˇliˬtu 11:22

Aˬ yawꞈ maꞈ Heˬbyehˇ tsawˇ haˬ ngeuˇ naˇ, ngaˇ kʼawꞈ Heˬbyehˇ tsawˇ haˬ ma. Aˬ yawꞈ maꞈ Iˇsaˬleˬlaˆ tsawˇ haˬ ngeuˇ naˇ, ngaˇ kʼawꞈ Iˇsaˬleˬlaˆ tsawˇ haˬ ma. Aˬ yawꞈ maꞈ Aˬbyaˬhaˬ-euˬ zaˬ ngeuˇ naˇ, ngaˇ kʼawꞈ ngeuˇ ma.

1 Saˬmeuˬlaˆ 12:22

Sahˬpaˬ Miˬyehˇ-aˬ, naꞈ dui dui-eu saˇ jaˇ dzaˬ taˬ-awˇ, naw maꞈ-ahˇ aˬ yawꞈ-euˬ tsawˇ jeuˬ bi pyeuꞈ laˇ ma lehˇ noeˬ tsehˆ taˬ-euˬ miˇ neh, naw maꞈ-ahˇ maˬ byehˇ dzeh nehˬ laꞈ-a.

Piˇliˇpiˆ 3:5

Ngaˇ-aˬ, dehꞈ le-awˇ tiˬ jaw byah laˇ ngeh neh baˆ kʼoˆ mehˬ dzaˬ bi yehˬ-euˬ tsawˇ haˬ ma. Iˇsaˬleˬlaˇ tsawˇ jeuˬ laꞈ kʼoeˇ ahˇ-eu Beˬyaˬmiˬ tsawˇ jeuˬ tiˬ gʼaˬ ma. Maˇ maˇ ni shawˇ jehˆ ni gʼeh-eu Heˬbyehˇ tsawˇ haˬ ma. Yuˇdaˆ tsawˇ haˬ-euˬ Zahˇ dawˬ kʼoꞈ dawˬ mehˬ nah caw teh-eu paw dzeˇ neh paˇ ehˇ leꞈ naˇ, ngaˇ-aˬ, Paˬliˬsehˇ tiˬ gʼaˬ ma.

Gʼaˬkʼehˇ 26:4

“Ngaˇ nyiˇ ngeh neh aˬ joˆ-ehˇ dehꞈ daˆ jawˇ daˆ laꞈ-euˬ gaˇ kawˆ, Yuˇdaˆ tsawˇ haˬ deuˬ siˬ nya jiˇ meh. Yaw beh ngaˬ-euˬ miˇ kʼahˬ-ahˇ aˬ joˆ-ehˇ dehꞈ yaꞈ-awˇ, aˇ nah Yeˬluˇsaˬlehˬ meuˬ-ahˇ aˬ joˆ-ehˇ dehꞈ-euˬ aˬ yawꞈ maꞈ siˬ nya jiˇ meh.

Gʼaˬkʼehˇ 22:3

“Ngaˇ-aˬ, Giˇliˇciˆ miˇ kʼahˬ Daˬsuˆ meuˬ-ahˇ dehꞈ le-euˬ Yuˇdaˆ tsawˇ haˬ tiˬ gʼaˬ pyeuꞈ-awˇ, Yeˬluˇsaˬlehˬ meuˬ laꞈ kʼoeˇ Gaˬmaˬleˬlaˇ jawˇ gaˇ tsawˇ gahˇ dzaw huiˬ laꞈ-euˬ tsawˇ haˬ ma. Aˬ dui-euˬ aˬ poeˬ aˬ bawˇ deuˬ-euˬ Zahˇ dawˬ kʼoꞈ dawˬ deuˬ-ahˇ ngaˇ yaw muiˬ paˬ-ehˇ dzaw duˬ-awˇ, iˬ nah heu gaˇ uiˬ laˇ taˬ-euˬ naw maꞈ loꞈ-ehˇ Miˬyehˇ-ahˇ nui ma keuˆ dui dui-eu tsawˇ haˬ tiˬ gʼaˬ ma.

Hawˇseˬ 9:17

Ngaˬ-euˬ Miˬyehˇ-euˬ tsawˇ haˬ deuˬ, aˬ yawꞈ ehˇ dawˬ leuˇ-eu miˇ neh, byehˇ dzeh nehˬ gaˇ ya daˬ tehꞈ-a. Aˬ cawˬ miˇ kʼahˬ doe ni cah-awˇ, jawˇ duˬ maˬ dah ni shaˬ tehꞈ-a.

Jaceuq 94:14

Sahˬpaˬ Miˬyehˇ-aˬ, aˬ yawꞈ-euˬ tsawˇ haˬ deuˬ-ahˇ maˬ ngehˇ-a. Aˬ yawꞈ-ahˇ taꞈ-eu tsawˇ haˬ deuˬ-ahˇ aˬ yawꞈ maˬ byehˇ dzeh-a.

Lormav 9:3

Aˬ yawꞈ maꞈ-euˬ gʼaˇ duˬ Miˬyehˇ yaˬ kʼehˇ yaˬ nehˬ laꞈ-eu jeˬ-ahˇ ngaˇ daˬ-awˇ, Ka li-ahˇ gʼawˬ tsehˆ ya tsehˆ kʼawꞈ nui kʼahˇ shiˇ ma.

Lormav 3:4

Maˬ ngeuˇ-a. Tsawˇ haˬ zaˬ yawˬ gʼaˬ na luꞈ jaˬ myawꞈ myawꞈ kʼawꞈ, Miˬyehˇ yaw tsaˬ yaw dawˇ meh. Jaˇ liꞈ laꞈ kʼoeˇ heu loꞈ-ehˇ ehˇ taˬ-euˬ meh. “Nawˬ neh ngehˬ-euˬ tmˇ-euˬ laꞈ kʼoeˇ, yaw tsaˬ yaw dawˇ ya bi mawˇ meh. Nawˬ-ahˇ aˬ cawˬ yaˇ kʼaˬ daˇ ngeh, aˬ myah luꞈ nawˇ gʼaˬ leˇ tehꞈ-a.”

2 Sahˬpaˬ 23:27

“Iˇsaˬleˬlaˆ miˇ kʼahˬ-ahˇ ngaˬ neh jahˇ nehˬ-euˬ loꞈ-ehˇ, Yuˇdaˆ miˇ kʼahˬ-ahˇ kʼawꞈ jahˇ nehˬ ma. Yuˇdaˆ miˇ kʼahˬ zaˬ deuˬ-ahˇ, ngaˇ maˬ mawˇ gaˇ bi iˇ byoˆ jiˇ-awˇ, ngaˬ neh tseˇ doˆ-euˬ Yeˬluˇsaˬlehˬ meuˬ hawˇ-eu, ngaˬ-ahˇ uˬ duˬ ya tahˬ-eu jawˇ duˬ meh lehˇ ngaˬ neh ehˇ taˬ-euˬ Uˬ duˬ tahˬ nymˇ nymˇ ma-ahˇ kʼawꞈ, ngaˇ byehˇ dzeh nehˬ ma” lehˇ, Sahˬpaˬ Miˬyehˇ ehˇ-eu meh.

Jaceuq 77:7

“Sahˬpaˬ Miˬyehˇ aˬ dui-ahˇ byehˇ tsehˆ tsehˆ tehꞈ-a loˇ. Aˬ yawꞈ aˬ dui-ahˇ nui ma maˬ paˇ tsaˬ meh loˇ.

Luˇkaꞈ 20:16

Aˬ yawꞈ oe-awˇ, aˬ gaꞈ yaˇ kmˇ mˇ paˆ paˆ-eu tsawˇ haˬ kʼoeˇ deuˬ-ahˇ sehꞈ-awˇ, yawˬ deuˬ yawˬ-ahˇ aˬ gaꞈ yaˇ kmˇ kʼoeˇ kmˇ a nehˬ-awˇ paˇ bi mˇ tehꞈ-a.” Yeˬsuˇ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, “Kʼoeˇ loꞈ-ehˇ maˬ pyeuꞈ laˇ kʼmˬ-aˇ’ lehˇ ehˇ-eu meh.

Lormav 11:11

“Yuˇdaˆ tsawˇ haˬ deuˬ sahˬ tiꞈ tiꞈ ngeh, coˬ dzeh-iˇ-awˇ maˬ paˇ tuˇ laˇ nya ni pyeuꞈ-iˇ taˬ loˇ” lehˇ ngaˇ naˇ haˬ mawꞈ-eu ma. Maˬ ngeuˇ-a. Aˬ yawꞈ maꞈ iˬ baˇ mˇ-euˬ baˬ da neh, aˬ yawꞈ maꞈ myaˆ bi naˆ-eu gʼaˇ duˬ Yuˇdaˆ tsawˇ haˬ maˬ ngeuˇ-eu deuˬ kʼoeˇ taˆ ka kʼoꞈ-eu jeˬ bi keuˆ le-euˬ meh.