Lormav 10:12 - Akha

¹² Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ tseˇ paˆ ni, dawˬ tawˆ luꞈ ahˇ leˇ jiˇ-eu meh. Miˬyehˇ-aˬ, dawˬ tawˆ luꞈ-euˬ Sahˬpaˬ pyeuꞈ-awˇ, aˬ yawꞈ-ahˇ kʼaˇ kuˇ-eu tsawˇ haˬ-ahˇ guiˬ lahˬ tiˬ byah ni biꞈ nehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Yurdav tsawrhaq hawr-eu Heqlaqsar tsawrhaq maq beugar-a. Aqjeq mirnae aernar-aq, Miqyaer-aq, tsawrhaq dawqtawv luf-euq Sanqpaq pyeuf-awr, aqyawf-anr kur-eu tsawrhaq yawqghaq navluf-anr guiqlanq tiqbyanni bifnaeq-eu mae.

Lormav 10:12 Referans Kwoze

Piˇliˇpiˆ 4:19

Naw maꞈ kʼaˇ loˬ-eu jeˬ laꞈ kʼoeˇ, Yeˬsuˇ Ka li-ahˇ gʼoe-awˇ Miˬyehˇ-euˬ baw le za le-eu guiˬ lahˬ biꞈ nehˬ laꞈ tehꞈ-a.

Panmaeq 17:14

Aˬ yawꞈ maꞈ Yawˇzaˬ-ahˇ guiˇ deuˆ tehꞈ-a. Ehˇ kʼawꞈ, Yawˇzaˬ-aˬ, aˬ yawꞈ neh tseˇ doˆ-awˇ kuˇ-euˬ, saˇ jaˇ ziꞈ-eu laꞈ kʼoeˇ aˬ yawꞈ-euˬ mehˬ nah caw teh-eu tsawˇ haˬ deuˬ nehˬ-ehˇ tiˬ paw pyawˬ-awˇ, aˬ yawꞈ maꞈ-ahˇ deuˆ gʼaˬ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, sahˬ paˬ kʼoeˇ taˆ Sahˬpaˬ pyeuꞈ-eu meh.”

Lormav 3:22

Aˬ yawꞈ maꞈ Yeˬsuˇ Ka li-ahˇ jah-eu baˬ da neh Miˬyehˇ-ahˇ tsaˬ leˇ tsahˇ leˇ-eu tsawˇ haˬ bi pyeuꞈ laˇ-euˬ meh. Ka li-ahˇ kʼaˇ jah-eu tsawˇ haˬ dawˬ tawˆ luꞈ-ahˇ, tsawˇ jeuˬ maˬ tseˇ paˆ ni, Miˬyehˇ kʼoeˇ loꞈ-ehˇ jahˇ nehˬ-euˬ meh.

Gaˬlaˬtiˆ 3:28

Kʼoeˇ miˇ neh, Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ hawˇ-eu buˬ-iˇ-euˬ tsawˇ haˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, tiˬ pawꞈ-iˬ maˬ paˇ beu meh. Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ, naw maꞈ dawˬ tawˆ luꞈ tiˬ kawˆ meh.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Gawˇlawˇsehˇ 3:11

Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ hawˇ-eu Yuˇdaˆ tsawˇ haˬ yaw kaˬ maˬ ehˇ, baˆ kʼoˆ mehˬ dzaˬ yehˬ-euˬ deuˬ hawˇ-eu maˬ yehˬ-euˬ deuˬ yaw kaˬ maˬ ehˇ, yawˬ kʼahˬ yaw miˇ yawˬ-ahˇ-euˬ tsawˇ haˬ deuˬ maˬ ehˇ, zahˇ sahˇ kʼoꞈ maˬ baw-eu tsawˇ haˬ deuˬ maˬ ehˇ, zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, beu gaˇ duˬ tiˬ pawꞈ-iˬ maˬ paˇ jaˆ meh. Dawˬ tawˆ luꞈ Ka li-ahˇ uˬ duˬ duˬ leˇ-awˇ, dawˬ tawˆ luꞈ Ka li laꞈ kʼoeˇ jawˇ-eu meh.

Jaceuq 145:18

Aˬ yawꞈ-ahˇ nui ma keuˆ-awˇ kʼaˇ kuˇ-eu deuˬ dawˬ peh, aˬ yawꞈ aˬ myah luꞈ jawˇ-eu meh.

1 Tiˆmoˇseˬ 2:5

Aˬ jeˬ miˇ neh ehˇ naˇ, Miˬyehˇ tiˬ gʼaˬ tehꞈ-ehˇ jawˇ-awˇ, Miˬyehˇ hawˇ-eu tsawˇ haˬ tsaˬ leˇ tsahˇ leˇ ni mˇ-eu tsawˇ kaˬ tiˬ gʼaˬ jawˇ-eu tehꞈ meh. Tsawˇ kaˬ kʼoeˇ gʼaˬ-aˬ, Yeˬsuˇ Ka li meh.

Piˇliˇpiˆ 2:11

Aˬda Miˬyehˇ kʼahˬ sehˇ jaˆ ni, Yeˬsuˇ Ka li Sahˬpaˬ meh lehˇ, mehˬ luˬ kʼaˇ tsoꞈ-eu guˇ tehꞈ-a.

Eˇpeˇsu 3:6

Zaꞈ taˬ-euˬ kʼoeˇ-aˬ, heu loꞈ-ehˇ meh. Laˬ kʼaˬ cehˇ-eu guiˬ lahˬ dawˬ baˬ da neh, Yuˇdaˆ tsawˇ haˬ maˬ ngeuˇ-eu deuˬ kʼawꞈ Yuˇdaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ Miˬyehˇ-euˬ guiˬ lahˬ jeˬ biˇ oꞈ-eu meh. Nyiˬ deuˬ luꞈ gʼawˇ mawˇ tiˬ mawˇ-ahˇ tehꞈ-ehˇ taꞈ-eu aˇ sehˇ deuˬ pyeuꞈ-awˇ, Yeˬsuˇ Ka li-ahˇ gʼoe-awˇ Miˬyehˇ neh saˇ jaˇ dzaˬ taˬ-euˬ jeˬ tiˬ kawˆ loꞈ-ehˇ za-euˬ meh.

Panmaeq 19:16

Aˬ yawꞈ-euˬ pehˇ kʼahˬ pehˇ mahˇ hawˇ-eu shaˬ pyaˬ-ahˇ, “Sahˬ paˬ kʼoeˇ taˆ Sahˬpaˬ” lehˇ boꞈ taˬ-euˬ meh.

Eˇpeˇsu 1:7

Aˬ jeˬ miˇ neh ehˇ naˇ, Ka li kamˇ shiˇ-euˬ baˬ da neh aˬ dui ya buˬ-iˇ-awˇ, aˬ dui-euˬ iˬ baˇ-ahˇ pyehˬ nehˬ laꞈ-euˬ meh. Miˬyehˇ gʼawˬ shaˬ gaˬ-eu guiˬ lahˬ kʼoeˇ aˇ naˆ ni huiˬ-eu nga.

Lormav 14:9

Aˬ jeˬ miˇ neh ehˇ naˇ, dehꞈ luꞈ-eu deuˬ hawˇ-eu shiˇ-euˬ deuˬ dawˬ tawˆ luꞈ kʼoeˇ taˆ Sahˬpaˬ geuꞈ-awˇ uˆ lahˇ-eu gʼaˇ duˬ, Ka li shiˇ-awˇ gʼoꞈ dehꞈ laˇ gʼaˬ-euˬ meh.

Lormav 2:4

Maˬ ngeuˇ naˇ, aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ, oˇ coeˇ-eu jeˬ, nui ma mahˇ-eu jeˬ, heu deuˬ-ahˇ nawˇ yehˬ bawˬ sehˇ lu-ehˇ gʼeh te loˇ. Miˬyehˇ gʼawˬ shaˬ gaˬ-eu jeˬ ahˇ meh lehˇ nawˇ siˬ duˬ meh. Aˬ jeˬ miˇ neh ehˇ naˇ, nawˇ iˬ baˇ noeˬ poˆ laˇ ni aˬ yawꞈ leh jeh luꞈ-eu meh.

Iˇsaˬyaˇ 55:6

Sahˬpaˬ Miˬyehˇ-ahˇ poˆ mawˇ nya paˬ-ehˇ gʼeh ngeh poˆ-awˬ. Gaˇ mahˇ maˬ iˇ kaˬ mi naˆ-ehˇ kuˇ-awˬ.

Gawˇlawˇsehˇ 1:27

Miˬyehˇ-aˬ, aˬ yawꞈ-euˬ tsawˇ haˬ dawˬ tawˆ luꞈ gʼaˇ duˬ aˬ yawꞈ neh zaꞈ taˬ-euˬ jeˬ kʼoeˇ aˇ naˆ ni yaw shehꞈ kʼahˬ sehˇ byah-awˇ, aˇ naˆ ni zahˬ leˇ paˬ-ehˇ gʼeh-eu gaˇ kawˆ, aˬ yawꞈ-euˬ tsawˇ haˬ deuˬ-ahˇ bi siˬ bi mawˇ-eu lehˇ lehˬ hmˬ taˬ-euˬ meh. Zaꞈ taˬ-euˬ kʼoeˇ-aˬ, naw maꞈ laꞈ kʼoeˇ Ka li jawˇ-eu kʼoeˇ meh. Kʼoeˇ-aˬ, Miˬyehˇ zahˬ leˇ paˬ-ehˇ gʼeh-eu gʼaˬ pyeuꞈ-eu loꞈ-ehˇ, naw maꞈ kʼawꞈ bi pyeuꞈ laˇ-eu gʼaˇ duˬ ehˇ mawꞈ-euˬ meh.

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

1 Gawˇliˬtu 15:47

Aˬdaˬ yaw beh gʼaˬ-aˬ, miˇ tsaˬ neh tehˆ-awˇ, miˇ tsaˬ-ahˇ neh doˆ laˇ-euˬ jeˬ pyeuꞈ-eu meh. Aˬdaˬ nyiˬ gʼaˬ tiˬ gʼaˬ-aˬ, mˬ-ahˇ neh oe-euˬ meh.

1 Gawˇliˬtu 1:2

Miˬyehˇ-euˬ muiˬ-eu shawˇ-eu tsawˇ haˬ bi geuꞈ-eu gʼaˇ duˬ bi kuˇ doˆ-awˇ, aˬ dui-euˬ Sahˬpaˬ Yeˬsuˇ ka li-ahˇ uˬ duˬ kʼaˇ tahˬ-eu yawˬ gaˇ na luꞈ jawˇ-eu tsawˇ haˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ, aˬ dui-euˬ Sahˬpaˬ hawˇ-eu aˬ yawꞈ maꞈ-euˬ Sahˬpaˬ pyeuꞈ-eu Yeˬsuˇ Ka li laꞈ kʼoeˇ Miˬyehˇ-euˬ tsawˇ haˬ pyeuꞈ laˇ-euˬ Gawˇliˬtu meuˬ-ahˇ jawˇ-eu Ka li zaˬ aˇ muˇ jawˇ gaˇ sahˬ boꞈ boꞈ ahˇ laꞈ-eu ma.

Eˇpeˇsu 2:7

Yeˬsuˇ Ka li laꞈ kʼoeˇ Miˬyehˇ neh aˬ dui-ahˇ bi mawˇ laꞈ-euˬ gʼoeˇ-eu gaˬ-eu jeˬ laꞈ kʼoeˇ ahˇ-eu maˬ ehˇ jiˇ coeˇ ni huiˬ-eu aˬ yawꞈ-euˬ guiˬ lahˬ yaw dzahˇ-ahˇ, aˬ kaˇ kaˇ ziˇ keuˆ ni a myah luꞈ bi siˬ bi mawˇ-eu gʼaˇ duˬ, Miˬyehˇ kʼoeˇ loꞈ-ehˇ mˇ-euˬ jeˬ pyeuꞈ-eu meh.

Eˇpeˇsu 2:4

Ehˇ kʼawꞈ, Miˬyehˇ gʼawˬ shaˬ gaˬ-eu jeˬ myaˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ huiˬ dui dui-eu meh.

Lormav 15:12

Iˇsaˬyaˇ neh paˇ ehˇ taˬ-euˬ, “Yeˬshehˇ-euˬ tsuiꞈ toeˬ oe leꞈ gaˇ, aˬ cawˬ tsawˇ jeuˬ-ahˇ uˆ lahˇ-eu, tsawˇ haˬ tiˬ gʼaˬ doˆ le tehꞈ-a. Aˬ yawꞈ laꞈ kʼoeˇ aˬ cawˬ tsawˇ jeuˬ, noeˬ tmˬ kʼaˇ bi za laˇ tehꞈ-a.”

Gʼaˬkʼehˇ 9:14

Piˇ ma aˬ yuiꞈ deuˬ neh aˬ yawꞈ-ahˇ baoˬ biꞈ taˬ-euˬ loꞈ-ehˇ, nawˬ-ahˇ uˬ duˬ kʼaˇ tahˬ-eu tsawˇ haˬ deuˬ-ahˇ nyehꞈ-eu gʼaˇ duˬ, Daˬmaˬsehˇ meuˬ-ahˇ aˬ yawꞈ laˇ-euˬ meh.”

Eˇpeˇsu 3:16

Naw maꞈ-euˬ nui ma laꞈ kʼoeˇ gʼaˬ bi ahˇ laˇ ni, Yaw sahˇ Miˬyehˇ-ahˇ gʼoe-eu laꞈ kʼoeˇ aˬ yawꞈ-euˬ byah dui kuꞈ dui dui-eu yaw shehꞈ kʼahˬ sehˇ-euˬ baoˬ naw maꞈ-ahˇ biꞈ-eu gʼaˇ duˬ Miˬyehˇ-ahˇ ngaˇ shaˇ-eu ma.

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.

Gʼaˬkʼehˇ 7:59

Aˬ yawꞈ maꞈ Saˬteˬpaˬ-ahˇ kʼaˬ lo biˬ dui dui luꞈ ngeh, “Sahˬpaˬ Yeˬsuˇ-oˇ, ngaˬ-euˬ saꞈ laˇ-ahˇ ha geuꞈ nehˬ laꞈ-awˬ” lehˇ, Saˬteˬpaˬ guiˬ lahˬ shaˇ-euˬ meh.