Jaceuq 94:20 - Akha

²⁰ Maˬ tsaˬ maˬ dawˇ-eu laꞈ kʼoeˇ yaˇ kʼaˬ daˇ-eu deuˬ nehˬ-ehˇ nawˇ nui ma maˬ gm-a. Aˬ yawꞈ maꞈ yaw lehˬ deuˬ-ahˇ tsaˬ-eu shaˬ bymˇ bi tawˆ-awˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Zanrtaq khoftaq-anr ghoe-awr yawdoer jeq tov-eu, yawlaeq yawca jeq mr-eu nuirmanq, nawq naeq-aer gmlar nya-eu la laq?

Jaceuq 94:20 Referans Kwoze

Iˇsaˬyaˇ 10:1

Maˬ tsaˬ maˬ dawˇ-eu zahˇ sahˇ kʼoꞈ taˬ-awˇ, aˬ cawˬ-ahˇ nawˬ dzaˬ kʼaˆ dzaˬ-eu zahˇ boꞈ doˆ-eu deuˬ, ya noeˬ shaˬ dui dui tehꞈ-a.

Jaceuq 58:2

Maˬ ngeuˇ-a. Yaw haiˬ jeˬ mˇ-eu gʼaˇ duˬ tehꞈ-ehˇ naw maꞈ shaˇ noeˬ luꞈ-awˇ, yaw haiˬ jeˬ hawˇ-eu yaw lehˬ jeˬ tehꞈ-ehˇ miˇ tsaˬ kʼoeˇ taˆ naw maꞈ mˇ luꞈ meh.

Yoˇhaˬ 11:57

Yeˬsuˇ jawˇ-eu kʼaˇ mawˇ-euˬ tsawˇ haˬ ya tsaꞈ gaˬ laˇ meh lehˇ, piˇ ma aˬ yuiꞈ deuˬ hawˇ-eu Paˬliˬsehˇ deuˬ neh dawˬ biꞈ taˬ-euˬ meh. Aˬ yawꞈ maꞈ Yeˬsuˇ-ahˇ nyehꞈ mi nya ni kʼoeˇ loꞈ-ehˇ dawˬ biꞈ-euˬ jeˬ pyeuꞈ-eu meh.

Dawˬ tsoˆ 3:16

Kʼoeˇ uˬ taꞈ, nahˇ ma heu siˬ uˬ moˆ yaw tsaˬ yaw dawˇ jeˬ jaˆ paˬ-ehˇ gʼeh-eu tsahˇ-ahˇ, maˬ tsaˬ maˬ dawˇ-eu jeˬ tehꞈ-ehˇ byah luꞈ gaˇ ngaˇ ya mawˇ-euˬ ma.

Miˇkaˬ 6:16

Sahˬ paˬ Awˇmaˬliˇ hawˇ-eu aˬ yawꞈ-euˬ aˬ li sahˬ paˬ Aˬhaˆ aˬ nyaꞈ maˬ tsaˬ maˬ dawˇ-eu jeˬ mˇ gaˇ naw maꞈ caw teh-euˬ miˇ neh, naw maꞈ kʼoeˇ taˆ kʼoeˇ loꞈ-ehˇ keuˆ le tehꞈ-a. Aˬ yawꞈ nyaꞈ kʼaˇ dehꞈ yaꞈ-euˬ loꞈ-ehˇ naw maꞈ caw teh-awˇ dehꞈ-eu miˇ neh, luˬ-iˇ seˇ-iˇ-eu jeˬ naw maꞈ kʼoeˇ taˆ ngaˇ bi keuˆ le-awˇ, yawˬ gʼaˬ na luꞈ naw maꞈ-ahˇ yehˬ bawˬ sehˇ lu-ehˇ ehˇ niˇ gʼa tehꞈ-a. Aˬ cawˬ tsawˇ jeuˬ deuˬ naw maꞈ-ahˇ ja bu ja doeˇ tehꞈ-a.”

Aˬmoˆ 6:3

Luˬ-iˇ seˇ-iˇ-eu aˇ nah keuˆ le luꞈ meh lehˇ ehˇ gaˇ naw maꞈ maˬ jah-a. Ehˇ kʼawꞈ, naw maꞈ-euˬ dehꞈ jeˬ dehꞈ kawˆ-ahˇ haw ngeh, aˇ nah kʼoeˇ nah yaw kawˇ-ehˇ keuˆ le ni mˇ luꞈ gaˇ duˇ-eu meh.

Yoˇhaˬ 9:22

Aˬ da aˬ ma kʼoeˇ nyiˬ gʼaˬ Yuˇdaˆ tsawˇ haˬ aˬ yuiꞈ aˬ tsu deuˬ-ahˇ guˆ-eu miˇ neh kʼoeˇ loꞈ-ehˇ ehˇ-eu meh. Aˬ jeˬ miˇ neh ehˇ naˇ, Yeˬsuˇ-ahˇ Meˬsiˇya meh lehˇ kʼaˇ jah-eu tsawˇ haˬ deuˬ-ahˇ, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh-eu gʼaˇ duˬ, Yuˇdaˆ tsawˇ haˬ aˬ yuiꞈ aˬ tsu deuˬ neh bawˬ tsehˆ taˬ-euˬ meh.

Dawˬ tsoˆ 5:8

Iˇ shaˬ zaˬ deuˬ-ahˇ sahˬ paˬ sahˬ ma deuˬ kʼehˬ-awˇ kʼaˆ-awˇ nawˬ dzaˬ kʼaˆ dzaˬ gaˇ ya mawˇ ngeh, taˬ zahˬ leˇ. Sahˬ paˬ sahˬ ma aˬ geu gʼaˬ maˬ kaˬ, aˬ yawꞈ taꞈ-ehˇ huiˬ dzehˬ-eu gʼaˬ jawˇ-awˇ, tiˬ gʼaˬ kʼoeˇ taˆ tiˬ gʼaˬ huiˬ daˆ leꞈ-eu meh.

Jaceuq 50:16

Ehˇ kʼawꞈ, haiˬ-eu tsawˇ haˬ deuˬ-ahˇ Miˬyehˇ heu loꞈ-ehˇ ehˇ-eu meh. “Aˬ jeˬ miˇ neh ngaˬ-euˬ zahˇ dawˬ kʼoꞈ dawˬ-ahˇ naw maꞈ ya juiˇ gui ta. Aˬ jeˬ miˇ neh ngaˬ-euˬ dawˬ ma saˇ jaˇ gaˇ kawˆ naw maꞈ ya ja sawˇ ta.

Yoˇhaˬ 18:28

Yawˬ nah yawˬ uˬ shawˬ yaw naꞈ-ehˇ, Yeˬsuˇ-ahˇ Gaˬyaˬpaˇ-euˬ nymˇ-ahˇ neh sheuˬ doˆ gʼeh-awˇ, sahˬ paˬ-euˬ hawˇ nymˇ-ahˇ sheuˬ gʼeh-euˬ meh. Yuˇdaˆ tsawˇ haˬ aˬ yuiꞈ aˬ tsu deuˬ-aˬ, Baˬsaˬkaˬ Bawˬ-iˬ dzaˬ gaˇ uˇ leˇ-eu gʼaˇ duˬ yawˬ ha-euˬ gʼawˇ mawˇ maˬ bi jawꞈ-iˇ-ehˇ shawˇ jehˆ ni bi jaˆ mawꞈ-eu miˇ neh, sahˬ paˬ-euˬ hawˇ nymˇ laꞈ kʼoeˇ maˬ uˇ keuˆ leˇ ni jawˇ-euˬ meh.

Jaceuq 52:1

Baoˬ yaw shehꞈ kʼahˬ sehˇ jaˆ-eu tsawˇ haˬ deuˬ-oˇ, naw maꞈ-euˬ haiˬ-eu gaˇ-ahˇ gʼoe-awˇ, aˬ jeˬ miˇ neh kʼahˬ sehˇ jehˆ te. Miˬyehˇ-euˬ gʼoeˇ-eu jeˬ mˬ maˬ maˬ byaˆ zaˇ ziˇ ziꞈ-eu meh.

1 Sahˬpaˬ 12:32

Yuˇdaˆ miˇ kʼahˬ laꞈ kʼoeˇ uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ gʼeh-eu aˇ nah pyeuꞈ-eu, ba la yehꞈ siˬ tiˬ siˬ tseˇ ngaˬ nah tiˬ nah-ahˇ, Yeˬyawˇbamˬ gʼaˬ kʼawꞈ uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ gʼeh-eu aˇ nah lehˇ sawˇ taˬ-euˬ meh. Beˬdeˬlaˇ meuˬ-ahˇ jaˆ-eu lawˇ duˬ kʼoeˇ taˆ, shuiˇ mawˇ neˇ mawˇ kawˇ kʼoeˇ deuˬ-ahˇ aˬ yawꞈ lawˇ nehˬ-awˇ, Beˬdeˬlaˇ meuˬ-ahˇ jaˆ-eu uˬ duˬ tahˬ-eu jawˇ duˬ kʼoeˇ deuˬ-ahˇ gaˇ bi mˇ-eu gʼaˇ duˬ, piˇ ma deuˬ kʼawꞈ aˬ yawꞈ bi jawˇ taˬ-euˬ meh.

Jaceuq 82:1

Mˬ kʼoeˇ taˆ mehˬ bawˬ bawˬ gaˇ, Miˬyehˇ aˬ yuiꞈ geuꞈ-awˇ sheuˬ gʼeh-eu meh. Miˬyehˇ deuˬ uiˬ leˇ taˬ-euˬ gaˇ, aˬ yawꞈ heu loꞈ-ehˇ daˇ-eu meh.

1 Saˬmeuˬlaˆ 22:12

“Aˬhiˇmaˬlehˇ-oˇ, ngaˇ ehˇ gaˇ naˇ haˬ-awˬ” lehˇ Sawˇluˆ ehˇ ngeh, “Sahˬ paˬ-oˇ, ngaˇ naˇ haˬ luꞈ ma” lehˇ, Aˬhiˇmaˬlehˇ ehˇ kʼoꞈ nehˬ-euˬ meh.

Dawqdaq 28:9

Zahˇ sahˇ kʼoꞈ mehˬ nah maˬ caw teh-eu tsawˇ haˬ-euˬ guiˬ lahˬ shaˇ dawˬ-ahˇ, Miˬyehˇ nui daˆ daˆ-eu meh.