Jaceuq 94:2 - Akha

² Nawˇ-aˬ, tsawˇ haˬ dawˬ tawˆ luꞈ kʼoeˇ taˆ yaˇ kʼaˬ daˇ-eu gʼaˬ meh. Tuˇ laˇ-awˇ, nui ma huiˬ-eu mahˇ-eu tsawˇ haˬ deuˬ-ahˇ oꞈ-eu geuˇ-eu loꞈ-ehˇ kʼehˬ nehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Mirtsaq-anr yarkhaq dar-eu ghaq-or! Turlar-awr; Nuima huiq-eu tsawrhaq-anr geuxni khaeqkhof naeq-awq.

Jaceuq 94:2 Referans Kwoze

Jaceuq 7:6

SahˬpaˬMiˬyehˇ nui ma pehˇ-awˇ, muiˇ-eu deuˬ kʼaˆluꞈgaˇzuiˆ-awˬ. SahˬpaˬMiˬyehˇ-oˇ, tuˇlaˇ-awˬ. ngaˬ-euˬgʼaˇduˬ yaˇkʼaˬdaˇ-awˬ.

2 Gawˇliˬtu 5:10

Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li yaˇ kʼaˬ daˇ-eu nuiˇ mahˬ mehˬ shi ya uiˬ leˇ jiˇ meh. Tsawˇ haˬ yawˬ gʼaˬ na luꞈ shiˬ shaˬ jiˇ gʼawˇ mawˇ heu laꞈ kʼoeˇ kʼaˇ mˇ kʼaˇ shaˇ dzeuˇ-euˬ loꞈ-ehˇ, muiˬ-eu maˬ ehˇ, doeˇ-eu maˬ ehˇ, yawˬ ha-ahˇ kʼaˇ oꞈ-eu jeˬ za tehꞈ-a.

Jaceuq 31:23

Yawꞈ-euˬtsawˇmuiˬtsawˇjaˬdeuˬ-oˇ, SahˬpaˬMiˬyehˇ-ahˇgaˬ-awˬ. Saˇjaˇziꞈ-eu tsawˇhaˬdeuˬ-ahˇ SahˬpaˬMiˬyehˇ haw piˇnehˬ-awˇ, nui ma huiˬ-eu tsawˇhaˬdeuˬ-ahˇ, yaw kʼaˆkʼaˆ-ehˇkʼehˬnehˬ-eu meh.

Aˇ dahˬ 18:25

Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Miˇkaˬ 5:9

Iˇsaˬleˬlaˆ-aˬ, aˬ yawꞈ-ahˇ muiˇ-eu deuˬ dawˬ tawˆ luꞈ-ahˇ deuˆ gʼaˬ-awˇ, laˆ luˬ laˆ seˇ nehˬ jiˇ tehꞈ-a.

Daˬyeˬlaˇ 4:37

“Nymˬ-mˇ poˆ jawˇ, ngaˇ Neˬbuˬkaˬneˬzaˬ-aˬ, mˬ taˆ Sahˬ paˬ-ahˇ ja ceuˬ-awˇ taˬ huiˬ-eu uˬ taꞈ, ciˬ huiˬ ciˬ mahˇ dui dui-eu ma. Aˬ yawꞈ neh kʼaˇ mˇ kʼaˇ shaˇ-euˬ jeˬ tsaˬ dui dawˇ dui dui-awˇ, nui ma huiˬ-eu mahˇ-eu tsawˇ haˬ-ahˇ aˬ yawꞈ zuiˆ gʼaˬ nya-eu meh.”

Iˇsaˬyaˇ 37:29

Nawˇ ngaˬ-ahˇ guiˇ deuˆ le-euˬ gaˇ kawˆ hawˇ-eu, nawˇ nui ma huiˬ luꞈ mahˇ luꞈ-eu gaˇ kawˆ deuˬ ngaˇ ya gaˬ gʼaˬ jiˇ-euˬ ma. Nawˬ-euˬ naˇ mehˇ-ahˇ ngaˇ shmˇ kuˆ seuˬ diˬ ceuˬ-awˇ, nawˬ-euˬ kʼaˬ meh-ahˇ shmˇ daˇ ceh taꞈ tsoˆ-awˇ, nawˬ neh oe-euˬ gaˇ ma kahˇ li nawˬ-ahˇ ngaˇ tsahˇ kʼoꞈ gʼeh ma.”

Iˇsaˬyaˇ 37:23

Aˬ suˇ gʼaˬ-ahˇ nawˇ yehˬ bawˬ sehˇ lu-ehˇ ehˇ-awˇ yaˬ kʼehˇ yaˬ luꞈ te lehˇ noeˬ-eu nya. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, nawˇ yaw zeu maˬ baw te loˇ.

Iˇsaˬyaˇ 10:12

Ziˇoˬ gawˬ jawˬ hawˇ-eu Yeˬluˇsaˬlehˬ meuˬ kʼoeˇ taˆ, mˇ paˬ-ehˇ gʼeh-eu gaˇ deuˬ-ahˇ Sahˬpaˬ Miˬyehˇ mˇ gʼaˬ ngeh, nui ma huiˬ-eu mahˇ-eu laꞈ kʼoeˇ kʼahˬ sehˇ jehˆ luꞈ-eu Aˬshuˇliˆ sahˬ paˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a.

Iˇsaˬyaˇ 2:17

Tsawˇ haˬ zaˬ nui ma huiˬ-eu jeˬ bi dehˬ awˆ-awˇ, jahˇ gʼeh haw-eu nui ma bi gʼeu ka tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Jaceuq 74:22

Miˬyehˇ-oˇ, tuˇ laˇ-awˇ, nawˬ-euˬ gaˇ kawˆ shaˇ sawˇ geuꞈ-awˬ. Miˬyehˇ maˬ baw-eu tsawˇ haˬ deuˬ nah ga-ehˇ nawˬ-ahˇ uiˇ luꞈ gaˇ taˬ ngehˇ.

Jaceuq 68:1

Miˬyehˇ tsawˬ tuˇ laˇ-awˇ, aˬ yawꞈ-ahˇ muiˇ-eu deuˬ-ahˇ teh byaˆ-eu meh. Aˬ yawꞈ-ahˇ bye-eu tsawˇ haˬ deuˬ aˬ yawꞈ mehˬ shi cehˆ byaˆ jiˇ-eu meh.

Jaceuq 50:6

Miˬyehˇ tsaˬ-eu dawˇ-eu gaˇ kawˆ hawˇ-eu, yaˇ kʼaˬ daˇ-eu gʼaˬ pyeuꞈ-eu gaˇ kawˆ, mˬ saˇ kiˇ kamˬ luꞈ-eu meh.

2 Laˬsaˬbaˬ 20:12

Nawˇ-aˬ, nga maꞈ-euˬ Miˬyehˇ ma. Aˬ yawꞈ maꞈ-ahˇ nawˇ kʼehˬ nehˬ kʼaˆ nehˬ-awˬ. Nga maꞈ-ahˇ ceh le-eu lehˇ oe luꞈ-eu myaˬ dui dui-eu guiˇ maꞈ heu maꞈ-ahˇ deuˆ ceh ceh-eu gʼaˇ duˬ, nga maꞈ noeˬ maˬ paˇ doˆ miˇ-a. Aˬ joˆ-ehˇ ya jahˇ paˬ nga lehˇ shaˇ noeˬ dui-euˬ miˇ-a. Ehˇ kʼawꞈ, nawˇ caw ba nehˬ laꞈ-eu jeˬ-ahˇ nga maꞈ noeˬ tmˬ luꞈ ma.”

Jaceuq 82:8

Miˬyehˇ-oˇ, miˇ tsaˬ kʼoeˇ taˆ uˆ lahˇ le-awˬ. Tsawˇ jeuˬ dawˬ tawˆ luꞈ nawˬ-euˬ tehꞈ meh.