Jaceuq 91:3 - Akha

³ Maˬ mawˇ nya-eu guˆ-eu gaˆ-eu jeˬ dawˬ tawˆ luꞈ hawˇ-eu, shiˇ-eu naˇ-eu jeˬ dawˬ tawˆ luꞈ laꞈ kʼoeˇ, aˬ yawꞈ nawˬ-ahˇ haw piˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawf, nawq-anr arjir-anr khmr-eu lof-aer khmrtaq-euq lanrju-anr nae, Hawr-eu nyawqlar-eu nargawr gawrma-anr nae bibuq-ir naeqlaf taef-a.

Jaceuq 91:3 Referans Kwoze

Jaceuq 124:7

Aˇ jiˇ tahˇ-eu sehˬ toˆ-ahˇ dzeuˇ-iˇ-euˬ, aˇ jiˇ tiˬ mawˇ-ahˇ aˬ dui duˇ-eu ma. Sehˬ toˆ kʼehꞈ-iˇ-awˇ aˬ dui dzeuˇ-iˇ-euˬ ma.

Jaceuq 141:9

Aˬ cawˬ neh kʼmˇ-euˬ lahˇ ju-ahˇ, ngaˬ-ahˇ taˬ bi paꞈ leˇ laꞈ. Yaw haiˬ jeˬ mˇ-eu deuˬ-euˬ caˆ kʼmˇ-ahˇ bi dzeuˇ-iˇ laꞈ.

Dawqdaq 7:23

Aˬ yawꞈ-euˬ nui ma-ahˇ kaˆ myaˬ beuˆ byoe laˇ gaˇ iˇ-eu meh. Baw gʼaꞈ-ahˇ coeˬ uˇ gʼeh-eu aˇ jiˇ loꞈ-ehˇ, aˬ yawꞈ-euˬ uˬ kʼawˇ deuˬ laˇ gaˇ maˬ siˬ nya-a.

Dawqdaq 6:5

Saˬ loꞈ loꞈ-eu gʼaˬ-euˬ laꞈ-ahˇ, ciˇ haˬ cehˆ dzeuˇ-eu leh jeh-eu loꞈ-ehˇ, sehˬ toˆ kʼmˇ-eu gʼaˬ-eu mehˬ shi, aˇ jiˇ behˇ lehˆ-eu leh jeh-eu loꞈ-ehˇ, ya buˬ ya law-iˇ ni teuˆ-awˬ.

Dawˬ tsoˆ 9:12

Tsawˇ haˬ tiˬ gʼaˬ-iˬ yawˬ ha-euˬ aˇ yamˬ aˇ law maˬ siˬ nya-a. Lahˇ ju-ahˇ paꞈ leˇ-euˬ aˇ jiˇ hawˇ-eu ngaˬ myahˬ-ahˇ paꞈ leˇ-euˬ ngaˬ shaˬ loꞈ-ehˇ, maˬ noeˬ miˇ-ahˇ aˬ dui kʼoeˇ taˆ yaw doeˇ jeˬ keuˆ le nya-eu meh.

2 Tiˆmoˇseˬ 2:26

Kʼoeˇ ngeh jawˇ, aˬ yawꞈ maꞈ nui ma-ahˇ noeˬ laˇ-awˇ, aˬ yawꞈ maꞈ-ahˇ kʼmˇ paꞈ-awˇ aˬ yawꞈ-euˬ nui noeˬ bi geuꞈ-euˬ Nehꞈ sahˬ paˬ-euˬ lahˇ ju-ahˇ aˬ yawꞈ maꞈ teuˆ lehˆ doˆ nya tehꞈ-a.

1 Tiˆmoˇseˬ 6:9

Ehˇ kʼawꞈ, smˇ muiˬ muiˬ laˇ mawꞈ-eu tsawˇ haˬ deuˬ-aˬ, muˇ juˇ juˇ-eu jeˬ laꞈ kʼoeˇ ga ahˇ-awˇ, luꞈ-iˇ seˇ-iˇ-eu jeˬ laꞈ kʼoeˇ aˬ yawꞈ maꞈ-ahˇ gʼeu ahˇ-eu jeˬ pyeuꞈ-eu, luˬ-eu seˇ-eu lahˇ ju-ahˇ paꞈ leˇ-eu meh.

Aˬmoˆ 3:5

Sehˬ toˆ-ahˇ aˬ iˬ maˬ ahˇ-ehˇ kʼmˇ taˬ-euˬ gaˇ, aˇ jiˇ paꞈ leˇ nya meh loˇ. Sehˬ toˆ-ahˇ tiˬ jeˬ paˬ neh maˬ laˆ pyeuˆ-euˬ gaˇ, aˬ yawˇ yawꞈ pyeuˆ-iˇ nya meh loˇ.

Hawˇseˬ 9:8

Iˇsaˬleˬlaˆ-ahˇ mehˬ nehˬ-eu, Bawˇlawˇpeh bi geuꞈ-eu gʼaˇ duˬ, Miˬyehˇ ngaˬ-ahˇ pyehˬ leꞈ-euˬ meh. Ehˇ kʼawꞈ, ngaˇ kʼaˇ iˇ kʼaˇ laˇ gaˇ, aˇ jiˇ lahˇ ju kʼmˇ-eu loꞈ-ehˇ, naw maꞈ ngaˬ-ahˇ kʼmˇ luꞈ-eu meh. Miˬyehˇ-euˬ miˇ kʼahˬ-ahˇ jawˇ-eu. Miˬyehˇ-euˬ tsawˇ haˬ heu deuˬ-aˬ, Bawˇlawˇpeh-ahˇ muiˇ-eu deuˬ meh.

Jaceuq 91:6

Yaw zahˇ ngeh keuˆ le-eu naˇ gawˇ gawˇ ma-ahˇ ya dzeuˇ-iˇ-awˇ, nah gʼahˇ paw sehꞈ laˇ nya-eu yaw haiˬ jeˬ-ahˇ ya buˬ-iˇ tehꞈ-a.

2 Saˬmeuˬlaˆ 24:15

Kʼoeˇ miˇ neh, kʼoeˇ ngeh shawˬ neh aˇ dahˬ beh-awˇ, nah tsaˬ tsoˆ taˬ-euˬ aˇ yamˬ byah laˇ ngeh keuˆ ni, Iˇsaˬleˬlaˆ tsawˇ jeuˬ kʼoeˇ taˆ yaw jaw naˇ-eu naˇ gawˇ gawˇ ma Sahˬpaˬ Miˬyehˇ bi keuˆ le-euˬ meh. Aˬ yawꞈ maꞈ-euˬ miˇ kʼahˬ kʼoeˇ dzeˇ heu dzeˇ jaˆ-eu Daˬ meuˬ-ahˇ neh Beˬlaˇsheˬba meuˬ-ahˇ keuˆ ni, Iˇsaˬleˬlaˆ tsawˇ haˬ shiꞈ muiˇ gʼaˬ shiˇ-euˬ meh.

1 Sahˬpaˬ 8:37

“Miˇ kʼahˬ heu kʼahˬ kʼoeˇ taˆ, mehꞈ-eu shuꞈ-eu jeˬ hawˇ-eu yaw jaw naˇ-eu naˇ gawˇ gawˇ ma keuˆ le ngeh maˬ ehˇ, lahˇ dui dui-eu jaˬ lehˇ hawˇ-eu nyoiˬ oiˬ nyehˇ bahˇ gʼawˬ mya jeˬ baˬ da neh dzaˬ la gʼo cehˇ deuˬ ya cawˆ-iˇ ngeh maˬ ehˇ, muiˇ-eu deuˬ nawˬ-euˬ tsawˇ haˬ deuˬ-ahˇ guiˇ deuˆ le ngeh maˬ ehˇ, shaˬ zahˬ naˇ gawˇ keuˆ le ngeh maˬ ehˇ,

Jaceuq 68:21

Iˬ baˇ mˇ mˇ-ehˇ kʼaˬ gʼa luꞈ-eu muiˇ-eu deuˬ-euˬ uˬ duˬ-ahˇ, Miˬyehˇ kʼoˆ paˆ nehˬ tehꞈ-a.