Jaceuq 89:38 - Akha

³⁸ Ehˇ kʼawꞈ nawˬ neh tseˇ doˆ-euˬ sahˬ paˬ-ahˇ nawˇ nui ma pehˇ-eu meh. Aˬ yawꞈ-ahˇ nawˇ byehˇ dzeh nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁸ Aerkhawf, nawr, nawq nae tsaqtsov taq-euq ghaq-anr nuima yawkhav-aer paer-awr; Nawr, aqyawf-anr byaer-awr taedzae naeq-euq mae.

Jaceuq 89:38 Referans Kwoze

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

Dawˬmehˬ 32:19

“Sahˬpaˬ Miˬyehˇ kʼoeˇ gaˇ mawˇ ngeh, nui ma pehˇ dui dui -eu laꞈ kʼoeˇ, yawꞈ-euˬ aˬ buˇ aˬ li deuˬ-ahˇ, myaˆ maˬ haw cawˬ ni byehˇ-euˬ meh.

Jaceuq 106:40

Kʼoeˇ miˇ neh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ-awˇ, aˬ yawꞈ maꞈ-ahˇ nui daˆ daˆ-euˬ meh.

Jaceuq 89:51

Sahˬpaˬ Miˬyehˇ-oˇ, nawˬ-ahˇ muiˇ-eu deuˬ nawˬ neh tseˇ doˆ-euˬ sahˬ paˬ-ahˇ dawˬ doeˇ ngehˬ luꞈ meh. Aˬ yawꞈ kʼaˇ iˇ gaˇ ngehˬ doeˇ ehˇ doeˇ luꞈ meh.

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Zaˬkaˬliˇ 11:8

Yawˇ bo-eu yaw sahˇ smˇ gʼaˬ nehˬ-ehˇ ngaˇ maˬ tsaˬ leˇ-ehˇ, ba la tiˬ siˬ laꞈ kʼoeˇ aˬ yawꞈ maꞈ-ahˇ ngaˇ byehˇ dzeh-euˬ ma.

Hawˇseˬ 9:17

Ngaˬ-euˬ Miˬyehˇ-euˬ tsawˇ haˬ deuˬ, aˬ yawꞈ ehˇ dawˬ leuˇ-eu miˇ neh, byehˇ dzeh nehˬ gaˇ ya daˬ tehꞈ-a. Aˬ cawˬ miˇ kʼahˬ doe ni cah-awˇ, jawˇ duˬ maˬ dah ni shaˬ tehꞈ-a.

Ngoeˇ dawˬ 4:20

Muiˇ-eu deuˬ guiˇ deuˆ uˇ laꞈ gaˇ, nga maꞈ-ahˇ haw piˇ-eu gʼaˇ duˬ, Sahˬpaˬ Miˬyehˇ neh tseˇ doˆ-euˬ, nga maꞈ-euˬ saꞈ gʼawˇ kahˬ pyeuꞈ-eu, nga maꞈ tsawˇ jeuˬ-euˬ sahˬ paˬ-ahˇ, aˬ yawꞈ maꞈ neh nyehꞈ mi-euˬ meh.

Ngoeˇ dawˬ 2:7

Aˬ yawꞈ-ahˇ lawˇ-euˬ lawˇ duˬ-ahˇ, Sahˬpaˬ Miˬyehˇ byehˇ dzeh nehˬ-awˇ, yawꞈ-euˬ hawˇ nymˇ lahˇ gawˬ taˬ-euˬ, bi laˆ cawˆ byoˆ jiˇ-eu gʼaˇ duˬ, muiˇ-eu deuˬ-ahˇ a nehˬ-euˬ meh. Uˬ duˬ tahˬ-eu zahˇ sahˇ kʼoꞈ bawˬ-iˬ, gʼeh ngeh guˇ-euˬ teˇ saˇ loꞈ-ehˇ, Uˬ duˬ tahˬ nymˇ nymˇ ma laꞈ kʼoeˇ, yawꞈ maꞈ gʼaˬ leˇ-euˬ guˇ-eu meh.

Yeˬlaˬmiˇ 12:1

Sahˬpaˬ Miˬyehˇ-oˇ, nawˬ-ahˇ ngaˇ teh ngehˬ naˇ, nawˇ yaw tsaˬ yaw dawˇ ma lehˇ ehˇ tehꞈ-a. Ehˇ kʼawꞈ, yaw tsaˬ yaw dawˇ gaˇ kawˆ, nawˬ-ahˇ ngaˇ naˇ haˬ mawꞈ-eu ma. Aˬ jeˬ miˇ neh haiˬ-eu tsawˇ haˬ deuˬ baw le za le ta. Aˬ jeˬ miˇ neh maˬ sui maˬ dawˇ-eu deuˬ dehꞈ dzaˬ luꞈ ta.

Jaceuq 84:9

Miˬyehˇ-oˇ, nawˬ neh tseˇ doˆ-euˬ sahˬ paˬ pyeuꞈ-eu nga maꞈ-euˬ sahˬ paˬ-ahˇ guiˬ lahˬ biꞈ-awˬ.

Jaceuq 78:59

Kʼoeˇ deuˬ-ahˇ Miˬyehˇ ya mawˇ ngeh nui ma pehˇ-awˇ, aˬ yawꞈ-euˬ tsawˇ haˬ deuˬ-ahˇ byehˇ tsehˆ-euˬ meh.

Jaceuq 77:7

“Sahˬpaˬ Miˬyehˇ aˬ dui-ahˇ byehˇ tsehˆ tsehˆ tehꞈ-a loˇ. Aˬ yawꞈ aˬ dui-ahˇ nui ma maˬ paˇ tsaˬ meh loˇ.

Jaceuq 60:10

Nawˇ nga maꞈ-ahˇ aˬ diˇ aˬ maˇ byehˇ dzeh-euˬ ma loˇ. Nga maꞈ-euˬ guiˇ maꞈ nehˬ-ehˇ guiˇ deuˆ gaˇ nawˇ maˬ paˇ iˇ ma loˇ.

Jaceuq 60:1

Miˬyehˇ-oˇ, nawˇ nga maꞈ-ahˇ byehˇ dzeh-awˇ, nga maꞈ-euˬ taˆ bi byaˆ-iˇ-euˬ meh. Nawˇ nga maꞈ-ahˇ nui ma pehˇ-eu meh. Ehˇ kʼawꞈ nymˬ-mˇ nga maꞈ-ahˇ haw cawˬ nehˬ laꞈ-awˬ.

2 Saˬmeuˬlaˆ 15:26

Ehˇ kʼawꞈ, aˬ yawꞈ ngaˬ-ahˇ nui ma maˬ tsaˬ naˇ, aˬ yawꞈ kʼaˇ jahˇ mawꞈ-eu jeˬ jahˇ nehˬ laꞈ luꞈ-uˇ.”

2 Saˬmeuˬlaˆ 1:21

Giˇlaˬbaoˬ gawˬ jawˬ deuˬ kʼoeˇ taˆ, uˬ yehˇ hawˇ-eu ceuˬ maˬ jaˆ-ehˇ, sahˬ lahˬ maˬ dehꞈ ni jaˆ luꞈ-uˇ. Aˬ jeˬ miˇ neh nga lehˇ ehˇ naˇ, baoˬ huiˬ dui dui-eu yehˇ pyeuꞈ-eu, Sawˇluˆ neh baꞈ-euˬ dehˬ daˬ duˬ, shmˇ kaw tehꞈ-ehˇ kʼoeˇ gaˇ ga-eu, aˇ naˆ ni daˬ ga-eu jeˬ nga.