Biblia Todo Logo
Bib sou entènèt

- Piblisite -




Jaceuq 89:35 - Akha

35 Ngaˬ-euˬ muiˬ-eu shawˇ-eu tsawˇ myahˇ-ahˇ gʼoeˇ-awˇ mˬ maˬ maˬ byaˆ zaˇ ziˇ saˇ jaˇ dzaˬ tsehˆ gʼaˬ-euˬ loꞈ-ehˇ, Daˬbiˇ-ahˇ ngaˇ jaˬ myawꞈ maˬ myawꞈ.

Gade chapit la Kopi

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

35 Ngar, ngaq-euq yawshawr-anr ghoe-awr nae kamqghaq-euq nar-aq; Ngar, Daqbir-anr jaqmyawf maqmyawf.

Gade chapit la Kopi




Jaceuq 89:35
9 Referans Kwoze  

Daˬbiˇ-ahˇ nawˇ saˇ jaˇ ziꞈ dah ni dzaˬ-awˇ, saˇ jaˇ kʼoeˇ nawˇ maˬ puiˬ-eu saˇ jaˇ meh. Nawˬ-euˬ aˬ li tiˬ li-ahˇ ngaˇ sahˬ paˬ bi keuˆ leˇ-awˇ, nawˬ-euˬ dzoeˬ dzaˬ aˬ yawꞈ-ahˇ oꞈ tehꞈ-a.


Aˬbyaˬhaˬ-ahˇ Miˬyehˇ saˇ jaˇ dzaˬ ngeh, aˬ yawꞈ neh kʼaˇ ehˇ-euˬ loꞈ-ehˇ mˇ ma lehˇ kamˬ tsehˆ-euˬ meh. Aˬ yawꞈ naˆ maˬ tseˇ huiˬ dzehˬ mahˇ dzehˬ-eu tiˬ gʼaˬ-iˬ maˬ jawˇ-eu baˬ da neh, aˬ yawꞈ-euˬ tsawˇ myahˇ-ahˇ gʼoe-awˇ aˬ yawꞈ kamˬ-euˬ meh.


Kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ noeˬ tmˬ-eu jeˬ kʼoeˇ taˆ dawˬ pehˬ taˬ taˬ-euˬ meh. Jaˬ myawꞈ maˬ myawꞈ-eu Miˬyehˇ-aˬ, aˇ yamˬ-ahˇ maˬ beh mi naˆ-ehˇ, dehꞈ-eu jeˬ kʼoeˇ aˬ dui-ahˇ biꞈ ma lehˇ saˇ jaˇ dzaˬ taˬ-euˬ meh.


Miˬyehˇ neh saˇ jaˇ dzaˬ taˬ-euˬ tsawˇ haˬ deuˬ-ahˇ Miˬyehˇ aˬ yawꞈ neh noeˬ taˬ-euˬ jeˬ tiˬ jawˇ-iˬ maˬ poˆ maˬ paˇ-eu gaˇ kawˆ bi siˬ duˬ mawꞈ-eu meh. Kʼoeˇ miˇ neh, aˬ yawꞈ saˇ jaˇ dzaˬ ngeh, dzaˬ-euˬ loꞈ-ehˇ maˇ maˇ ni bi pyeuꞈ laˇ-eu gʼaˇ duˬ kamˬ tsehˆ-eu meh.


Baoˬ huiˬ-eu Sahˬpaˬ Miˬyehˇ-aˬ, muiˬ-eu shawˇ-eu gʼaˬ pyeuꞈ-eu loꞈ-ehˇ, heu loꞈ-ehˇ saˇ jaˇ dzaˬ taˬ-euˬ meh. “Aˬ cawˬ naw maꞈ-ahˇ shmˇ kuˆ seuˬ ceuˬ-awˇ tsahˇ byoˆ gʼeh-eu aˇ nah keuˆ le tehꞈ-a. Naw maꞈ yawˬ gʼaˬ na luꞈ ngaˬ juiꞈ-ahˇ paꞈ leˇ-euˬ ngaˬ shaˬ-ahˇ duˇ tehꞈ-a.


Saˇ jaˇ dzaˬ gʼaˬ-euˬ dawˬ-ahˇ Sahˬpaˬ Miˬyehˇ maˬ yuˇ kʼoꞈ-a. Maˬlaˬkiˇsaˬdehˇ-euˬ aˇ yaˬ nawˇ za-awˇ, mˬ maˬ maˬ byaˆ zaˇ ziˇ piˇ ma ya geuꞈ tehꞈ-a lehˇ, aˬ yawꞈ saˇ jaˇ dzaˬ taˬ-euˬ meh.


Iˇsaˬleˬlaˆ tsawˇ haˬ deuˬ nui ma huiˬ duˬ pyeuꞈ-eu Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ meh. “Aˬ yawꞈ maꞈ neh mˇ-euˬ yaw haiˬ jeˬ-ahˇ ngaˇ tiˬ jawˇ-iˬ maˬ ngehˇ.


Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Yeˬsuˇ gaˬ-eu tsawˇ haˬ deuˬ pyeuꞈ-eu naw maꞈ gʼaˇ duˬ Miˬyehˇ-euˬ guiˬ lahˬ-ahˇ nga maꞈ maˬ ja ceuˬ-ehˇ tiˬ kʼehˬ-iˬ maˬ jawˇ coeˇ nya. Aˬ jeˬ miˇ neh ehˇ naˇ, Yaw sahˇ Miˬyehˇ-euˬ baoˬ baˬ da neh naw maꞈ-ahˇ bi muiˬ bi shawˇ laˇ-awˇ, yaw tsaˬ yaw dawˇ-ahˇ naw maꞈ jah-eu baˬ da neh ka kʼoꞈ-eu jeˬ bi za-eu gʼaˇ duˬ, mˬ hawˇ-eu miˇ maˬ beh mi naˆ-ehˇ naw maꞈ-ahˇ Miˬyehˇ tseˇ doˆ taˬ-euˬ meh.


Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.


Swiv nou:

Piblisite


Piblisite