Jaceuq 89:34 - Akha

³⁴ Dzaˬ taˬ-euˬ dawˬ ma saˇ jaˇ-ahˇ maˬ puiˬ-ehˇ, kʼaˇ dzaˬ taˬ-euˬ tiˬ jeˬ-iˬ maˬ yuˇ kʼoꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Ngar, ngaq-euq dawqma sarjax-anr maqpuiq-aer; Ngaq-euq maeqluq-anr nae dovle-euq dawq maq lavpar.

Jaceuq 89:34 Referans Kwoze

Bawˇtsahˬ 23:19

Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.

Yaˬkoˆ 1:17

Muiˬ-eu guiˬ lahˬ hawˇ-eu byah-eu laꞈ sawˬ dawˬ tawˆ luꞈ, mˬ paw neh yaw shehꞈ-euˬ Aˬda jawˇ gaˇ neh oe-euˬ meh. Aˬ yawꞈ laꞈ kʼoeˇ poˆ laˇ paˇ laˇ nya-eu naˇ shmˇ maˬ ahˇ-a.

Maꞈtehˬ 24:35

Mˬ hawˇ-eu miˇ tsaˬ maˬ jaˆ coeˇ ni ya byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Maˬlaˬkiˇ 3:6

“Ngaˇ-aˬ, noeˬ poˆ noeˬ paˇ maˬ mˇ-eu Sahˬpaˬ Miˬyehˇ ma. Kʼoeˇ miˇ neh, naw maꞈ Yaˬkoˆ-euˬ zaˬ deuˬ byoˆ jiˇ laˆ jiˇ gaˇ maˬ keuˆ-a siˬ.

Lormav 11:29

Aˬ jeˬ miˇ neh ehˇ naˇ, Miˬyehˇ-aˬ, yawˬ ha neh tseˇ doˆ-awˇ guiˬ lahˬ biꞈ taˬ-euˬ tsawˇ haˬ deuˬ kʼoeˇ taˆ nui ma maˬ poˆ maˬ paˇ laˇ-a.

Yeˬlaˬmiˇ 14:21

Nawˬ neh saˇ jaˇ dzaˬ-euˬ gaˇ noeˬ keuˆ-awˇ, nga maꞈ-ahˇ taˬ haw doeˇ nehˬ laꞈ. Yaw shehꞈ kʼahˬ sehˇ huiˬ-eu nawˬ-euˬ nuiˇ mahˬ jaˆ-eu, Yeˬluˇsaˬlehˬ meuˬ daˬ taˬ bi ga laꞈ. Nga maꞈ nehˬ-ehˇ nawˬ neh dzaˬ-euˬ, dawˬ ma saˇ jaˇ taˬ byehˇ nehˬ laꞈ.

Uˬ duˬ 26:44

Ehˇ kʼawꞈ, aˬ yawꞈ maꞈ-ahˇ muiˇ-eu deuˬ-euˬ miˇ kʼahˬ-ahˇ aˬ yawꞈ maꞈ jawˇ luꞈ ngeh, aˬ yawꞈ maꞈ-ahˇ byehˇ tsehˆ tsehˆ-awˇ, laˆ cawˆ byoˆ nehˬ-eu jeˬ ngaˇ maˬ mˇ. Kʼoeˇ loꞈ-ehˇ jahˇ naˇ, ngaˬ neh aˬ yawꞈ maꞈ nehˬ-ehˇ saˇ jaˇ dzaˬ taˬ-euˬ jeˬ aˇ saˬ saˬ gaˇ duˇ tehꞈ-a. Ngaˇ-aˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Yeˬlaˬmiˇ 33:20

“Aˇ yamˬ tsaˬ tsaˬ ni uˬ ciꞈ ciꞈ le-awˇ, aˇ yamˬ tsaˬ tsaˬ ni uˬ bya bya laˇ-eu gʼaˇ duˬ, nah hawˇ-eu miˇ-ahˇ ngaˬ neh dzaˬ taˬ-euˬ saˇ jaˇ kʼaˇ ziꞈ kʼoeˇ keuˆ ni,

2 Saˬmeuˬlaˆ 7:15

Ehˇ kʼawꞈ, nawˇ sahˬ paˬ pyeuꞈ laˇ ni Sawˇluˆ-ahˇ ngaˬ neh byehˇ dzeh-euˬ loꞈ-ehˇ, aˬ yawꞈ-ahˇ ngaˇ maˬ byehˇ dzeh.

1 Sahˬpaˬ 11:39

Sawˇlaˬmoˬ neh mˇ-euˬ iˬ baˇ baˬ da neh, Daˬbiˇ-euˬ zaˬ deuˬ uˆ deuˬ-ahˇ ngaˇ kʼehˬ nehˬ kʼaˆ nehˬ ma. Ehˇ kʼawꞈ, mˬ maˬ maˬ byaˆ zaˇ ziˇ jiˇ ni kʼehˬ nehˬ ma lehˇ ngaˇ ehˇ mawꞈ-eu maˬ ngeuˇ’ lehˇ, Sahˬpaˬ Miˬyehˇ nawˬ-ahˇ ehˇ-eu meh.”

1 Laˬsaˬbaˬ 17:13

Ngaˇ-aˬ, aˬ yawꞈ-euˬ aˬ da loꞈ-ehˇ pyeuꞈ-awˇ, aˬ yawꞈ-aˬ, ngaˬ-euˬ aˬ li-ahˇ duˇ tehꞈ-a. Nawˇ sahˬ paˬ bi pyeuꞈ laˇ-eu gʼaˇ duˬ, ngaˬ neh yuˇ dzeh-euˬ gʼaˬ pyeuꞈ-eu Sawˇluˆ-ahˇ caw ba luꞈ-eu ngaˬ-euˬ aˬ laꞈ ngaˇ cawˬ kʼoꞈ-euˬ loꞈ-ehˇ, aˬ yawꞈ-ahˇ caw ba-eu ngaˬ-euˬ aˬ laꞈ ngaˇ maˬ cawˬ kʼoꞈ.