Jaceuq 89:33 - Akha

³³ Ehˇ kʼawꞈ Daˬbiˇ-ahˇ ngaˇ gaˬ-eu maˬ bi byoˆ-iˇ lehˇ, aˬ yawꞈ-ahˇ saˇ jaˇ ziꞈ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Aerkhawf, ngar, Daqbir-anr ghoer-awr gaq-eu maqbi byovtsaev-ir; Aqyawf-anr sarjax maqzif-aer maqghae.

Jaceuq 89:33 Referans Kwoze

2 Saˬmeuˬlaˆ 7:15

Ehˇ kʼawꞈ, nawˇ sahˬ paˬ pyeuꞈ laˇ ni Sawˇluˆ-ahˇ ngaˬ neh byehˇ dzeh-euˬ loꞈ-ehˇ, aˬ yawꞈ-ahˇ ngaˇ maˬ byehˇ dzeh.

HeˬByehˇ 6:18

Miˬyehˇ neh saˇ jaˇ dzaˬ-euˬ jeˬ hawˇ-eu aˬ yawꞈ neh kamˬ-euˬ heu nyiˬ jeˬ-aˬ, tiˬ jawˇ-iˬ maˬ poˆ maˬ paˇ laˇ nya-eu, Miˬyehˇ jaˬ myawꞈ maˬ myawꞈ kʼmˬ-eu jeˬ pyeuꞈ-eu meh. Kʼoeˇ miˇ neh, guˆ-eu gaˆ-eu jeˬ-ahˇ dzeuˇ-awˇ Miˬyehˇ laꞈ kʼoeˇ ya jawˇ luꞈ-eu aˬ dui-aˬ, aˬ dui mehˬ shi jaˆ-eu noeˬ tmˬ duˬ-ahˇ ziꞈ dah ni tuˆ tehˬ taˬ-eu gʼaˇ duˬ nui ma ziꞈ dah ni jaˆ-eu ma.

1 Saˬmeuˬlaˆ 15:29

Iˇsaˬleˬlaˆ miˇ kʼahˬ-euˬ yawˬ shehꞈ kʼahˬ sehˇ pyeuꞈ-eu Sahˬpaˬ Miˬyehˇ-aˬ, jaˬ myawꞈ maˬ myawꞈ-a. Nui ma poˆ laˆ maˬ paˇ-a.”

1 Sahˬpaˬ 11:36

Ngaˬ-ahˇ uˬ duˬ bi tahˬ-eu gʼaˇ duˬ ngaˬ neh tseˇ doˆ-euˬ meuˬ pyeuꞈ-eu Yeˬluˇsaˬlehˬ meuˬ laꞈ kʼoeˇ, ngaˬ-euˬ zaˬ kʼaˆ Daˬbiˇ-euˬ zaˬ deuˬ uˆ deuˬ aˬ myah luꞈ maˬ tsehˆ leˇ ni ya uˆ lahˇ-eu gʼaˇ duˬ, Sawˇlaˬmoˬ-euˬ aˬ li-ahˇ tsawˇ jeuˬ tiˬ jeuˬ ngaˇ biꞈ ma.

1 Sahˬpaˬ 11:32

Daˬbiˇ-euˬ myaˆ pyawˬ naˇ mehˇ baˬ da neh maˬ ehˇ, Iˇsaˬleˬlaˆ miˇ kʼahˬ kʼahˬ lah ni laꞈ kʼoeˇ ngaˬ neh tseˇ doˆ-euˬ meuˬ pyeuꞈ-eu Yeˬluˇsaˬlehˬ meuˬ baˬ da neh maˬ ehˇ, Sawˇlaˬmoˬ-ahˇ tsawˇ jeuˬ tiˬ jeuˬ biꞈ ma.

1 Sahˬpaˬ 11:13

Miˇ kʼahˬ kʼahˬ lah ni aˬ yawꞈ-euˬ aˬ laꞈ laꞈ kʼoeˇ neh ngaˇ maˬ yuˇ doˆ. Nawˬ da Daˬbiˇ-euˬ myaˆ pyawˬ naˇ mehˇ baˬ da neh maˬ ehˇ, ngaˬ neh tseˇ doˆ-euˬ meuˬ pyeuꞈ-eu Yeˬluˇsaˬlehˬ meuˬ baˬ da neh maˬ ehˇ, aˬ yawꞈ-euˬ aˬ laꞈ laꞈ kʼoeˇ tsawˇ jeuˬ tiˬ jeuˬ bi jawˇ yaꞈ ma.”

2 Saˬmeuˬlaˆ 7:13

Aˬ yawꞈ-aˬ, ngaˬ-euˬ gʼaˇ duˬ uˬ duˬ tahˬ nymˇ ya tsoˆ-eu gʼaˬ pyeuꞈ-awˇ, aˬ yawꞈ-euˬ dzoeˬ dzaˬ ziꞈ ni ngaˇ caw ba nehˬ ma.

1 Gawˇliˬtu 15:25

Aˬ jeˬ miˇ neh ehˇ naˇ, muiˇ-eu deuˬ dawˬ tawˆ luꞈ-ahˇ Miˬyehˇ deuˆ gʼaˬ jiˇ-awˇ, aˬ yawꞈ-euˬ aˬ kuiˇ pehˬ zaˬ uˬ moˆ bi jawˇ jiˇ ngeh keuˆ ni Ka li ya uˆ lahˇ tehꞈ-a.

Jaceuq 89:39

Nawˬ-euˬ zaˬ kʼaˆ nehˬ-ehˇ dzaˬ taˬ-euˬ dawˬ ma saˇ jaˇ-ahˇ nawˇ byehˇ-awˇ, aˬ yawꞈ-euˬ shuiˇ uˬ kʼoˆ lah yaˬ-ahˇ biˬ pahˬ nehˬ-euˬ meh.

2 Saˬmeuˬlaˆ 7:14

Ngaˇ aˬ yawꞈ-euˬ aˬ da pyeuꞈ-awˇ, aˬ yawꞈ ngaˬ-euˬ aˬ li pyeuꞈ tehꞈ-a. Aˬ yawꞈ yaw lehˬ jeˬ mˇ ngeh, aˬ da tiˬ gʼaˬ zaˬ-ahˇ diˬ-awˇ dzaw paˇ-eu loꞈ-ehˇ, aˬ yawꞈ-ahˇ ngaˇ mehˬ paˇ tsoˆ paˇ ma.