Jaceuq 89:32 - Akha

³² aˬ yawꞈ maꞈ-euˬ iˬ baˇ baˬ da neh ngaˇ kʼehˬ nehˬ-awˇ, aˬ yawꞈ maꞈ mˇ lehˬ-euˬ loꞈ-ehˇ bi daˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Ngar, aqyawf maf-euq yawbanq yawlaeq-euq baqda’nae darcuir yur-awr oe-awr; Aqyawf maf-euq yawlaeq yawca-euq baqda’nae diqnaeq ma.

Jaceuq 89:32 Referans Kwoze

2 Saˬmeuˬlaˆ 7:14

Ngaˇ aˬ yawꞈ-euˬ aˬ da pyeuꞈ-awˇ, aˬ yawꞈ ngaˬ-euˬ aˬ li pyeuꞈ tehꞈ-a. Aˬ yawꞈ yaw lehˬ jeˬ mˇ ngeh, aˬ da tiˬ gʼaˬ zaˬ-ahˇ diˬ-awˇ dzaw paˇ-eu loꞈ-ehˇ, aˬ yawꞈ-ahˇ ngaˇ mehˬ paˇ tsoˆ paˇ ma.

Aˬmoˆ 3:2

“Miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ laꞈ kʼoeˇ, naw maꞈ-ahˇ tehꞈ-ehˇ ngaˇ myaˆ pyawˬ pyuˇ-awˇ ngehˬ gʼeh nehˬ-euˬ ma. Kʼoeˇ miˇ neh naw maꞈ iˬ baˇ mˇ ngeh ngaˬ-euˬ nui ma-ahˇ zaw dui dui laˇ-awˇ, kʼoeˇ loꞈ-ehˇ iˬ baˇ mˇ-euˬ aˇ poeˬ naw maꞈ-ahˇ ngaˇ ya kʼehˬ nehˬ meh.”

1 Sahˬpaˬ 11:39

Sawˇlaˬmoˬ neh mˇ-euˬ iˬ baˇ baˬ da neh, Daˬbiˇ-euˬ zaˬ deuˬ uˆ deuˬ-ahˇ ngaˇ kʼehˬ nehˬ kʼaˆ nehˬ ma. Ehˇ kʼawꞈ, mˬ maˬ maˬ byaˆ zaˇ ziˇ jiˇ ni kʼehˬ nehˬ ma lehˇ ngaˇ ehˇ mawꞈ-eu maˬ ngeuˇ’ lehˇ, Sahˬpaˬ Miˬyehˇ nawˬ-ahˇ ehˇ-eu meh.”

1 Sahˬpaˬ 11:14

Sahˬpaˬ Miˬyehˇ-aˬ, Eˬdoˬ miˇ kʼahˬ sahˬ paˬ-euˬ aˇ jeuˬ pyeuꞈ-eu Haˬdaˇ-ahˇ, Sawˇlaˬmoˬ-ahˇ bi puiˬ-euˬ meh.

Yawˇbaˆ 9:34

Miˬyehˇ-oˇ, ngaˬ-ahˇ taˬ paˇ kʼehˬ nehˬ laꞈ. Ngaˬ-ahˇ taˬ paˇ laˆ guˆ nehˬ laꞈ.

1 Sahˬpaˬ 11:31

Kʼoeˇ naˇ, Yeˬyawˇbamˬ-ahˇ aˬ yawꞈ ehˇ nehˬ-eu, “Ngaˬ neh gʼeu paˆ-euˬ pehˇ kʼahˬ paˇ cehˬ heu tseˇ cehˬ nawˇ yuˇ-awˬ. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ heu loꞈ-ehˇ ehˇ-eu meh. ‘Sawˇlaˬmoˬ-euˬ aˬ laꞈ laꞈ kʼoeˇ neh miˇ kʼahˬ heu kʼahˬ ngaˇ yuˇ doˆ-awˇ, nawˬ-ahˇ tsawˇ jeuˬ tseˇ jeuˬ biꞈ-eu lehˇ gʼeh-eu ma.

1 Sahˬpaˬ 11:6

Aˬ yawꞈ-euˬ aˬ da Daˬbiˇ loꞈ-ehˇ, Sahˬpaˬ Miˬyehˇ-euˬ mehˬ nah aˬ yawꞈ maˬ caw teh ni mˇ lehˬ shaˇ lehˬ-euˬ meh.

Doˆ-iˇ 32:34

Nymˬ-mˇ nawˇ gʼoꞈ ka-iˇ-awˇ, ngaˬ neh nawˬ-ahˇ mehˬ nehˬ-euˬ jawˇ duˬ-ahˇ, tsawˇ haˬ heu deuˬ-ahˇ sheuˬ gʼeh-awˬ. Ngaˬ-euˬ mˬ taˆ gʼaˬ kʼehˇ naw maꞈ-ahˇ sheuˬ gʼeh tehꞈ-a. Ehˇ kʼawꞈ, tsawˇ haˬ heu deuˬ iˬ baˇ mˇ gʼaˬ-euˬ miˇ neh, aˬ yawꞈ maꞈ-ahˇ ngaˇ ya kʼehˬ nehˬ-eu aˇ nah keuˆ le tehꞈ-a.”

1 Sahˬpaˬ 9:6

Ehˇ kʼawꞈ, nawˇ maˬ ehˇ, nawˬ-euˬ zaˬ deuˬ uˆ deuˬ maˬ ehˇ, ngaˬ-euˬ mehˬ nah maˬ caw teh ni byehˇ-awˇ, ngaˬ-euˬ zahˇ dawˬ kʼoꞈ dawˬ deuˬ hawˇ-eu ngaˬ neh ehˇ-euˬ dawˬ-ahˇ naw maꞈ maˬ naˇ haˬ-ehˇ, miˬyehˇ nui deuˬ-ahˇ uˬ duˬ tahˬ naˇ,

Neˬhaˬmiˇ 1:7

Nawˬ neh ehˇ taˬ-euˬ jeˬ-ahˇ nga maꞈ maˬ mˇ ni, nawˬ-euˬ mehˬ shi yaw haiˬ jeˬ-ahˇ nga maꞈ mˇ-euˬ ma. Nawˬ-euˬ zaˬ kʼaˆ Moˇseˬ-ahˇ gʼoe-awˇ nawˬ neh nga maꞈ-ahˇ biꞈ taˬ-euˬ zahˇ dawˬ kʼoꞈ dawˬ deuˬ-ahˇ nga maꞈ maˬ caw teh ni dehꞈ-euˬ ma.