Jaceuq 89:30 - Akha

³⁰ Ehˇ kʼawꞈ aˬ yawꞈ-euˬ zaˬ deuˬ uˆ deuˬ ngaˬ-euˬ zahˇ dawˬ kʼoꞈ dawˬ-ahˇ maˬ caw teh-ehˇ, ngaˬ-euˬ ehˇ dawˬ maˬ naˇ haˬ ni dehꞈ naˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ “Aqyawf-euq zaqdeuq uvdeuq, ngaq-euq zanrdawq-anr byaer nar-aq; Ngaq-euq dawqtsaev aertaq-euq lof-aer maq daefcaw nar-aq,

Jaceuq 89:30 Referans Kwoze

2 Saˬmeuˬlaˆ 7:14

Ngaˇ aˬ yawꞈ-euˬ aˬ da pyeuꞈ-awˇ, aˬ yawꞈ ngaˬ-euˬ aˬ li pyeuꞈ tehꞈ-a. Aˬ yawꞈ yaw lehˬ jeˬ mˇ ngeh, aˬ da tiˬ gʼaˬ zaˬ-ahˇ diˬ-awˇ dzaw paˇ-eu loꞈ-ehˇ, aˬ yawꞈ-ahˇ ngaˇ mehˬ paˇ tsoˆ paˇ ma.

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

Dawqdaq 28:4

Zahˇ sahˇ kʼoꞈ-ahˇ nawˇ yaw zeu maˬ baw naˇ, haiˬ-eu tsawˇ haˬ deuˬ-ahˇ gʼaˬ baꞈ baꞈ gaˇ duˇ-awˇ, zahˇ sahˇ kʼoꞈ-ahˇ nawˇ yaw zeu baw ngeh, aˬ yawꞈ maꞈ jawˇ paw maˬ pyawˬ gaˇ duˇ-eu meh.

Jaceuq 132:12

Nawˬ li deuˬ ngaˬ-euˬ dawˬ ma saˇ jaˇ-ahˇ ziꞈ-awˇ, ngaˬ-euˬ zahˇ sahˇ kʼoꞈ-ahˇ caw teh naˇ, aˬ yawꞈ maꞈ-euˬ aˬ li deuˬ ziˇ keuˆ ni sahˬ paꞈ geuꞈ-awˇ, nawˬ-euˬ dzoeˬ dzaˬ aˬ myah luꞈ oꞈ tehꞈ-a.

Jaceuq 119:53

Haiˬ-eu tsawˇ haˬ deuˬ nawˬ-euˬ zahˇ dawˬ kʼoꞈ dawˬ-ahˇ puiˬ ngeh, ngaˇ nui ma maˬ saˇ nya.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Yeˬsaˬgeˬlaˇ 20:19

Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Ngaˬ-euˬ zahˇ dawˬ kʼoꞈ dawˬ hawˇ-eu ngaˬ-euˬ dawˬ-ahˇ naˇ haˬ geuꞈ-awˬ.

Yeˬsaˬgeˬlaˇ 18:17

Yaw haiˬ jeˬ aˬ yawꞈ maˬ mˇ-a. Pyuˇ paˇ nehˬ-awˇ jiˇ jeuˬ maˬ yuˇ dzaˬ-a. Ngaˬ-euˬ zahˇ dawˬ kʼoꞈ dawˬ mehˬ nah aˬ yawꞈ caw teh-awˇ, ngaˬ-euˬ dawˬ naˇ haˬ geuꞈ-eu meh. Aˬ yawꞈ aˬ da-euˬ iˬ baˇ baˬ da neh aˬ yawꞈ maˬ ya shiˇ-ehˇ maˇ maˇ ni ya dehꞈ tehꞈ-a.

Dawqdaq 4:2

Ngaˇ nawˬ-ahˇ mehˬ-eu jeˬ muiˬ dui dui-eu miˇ neh, maˬ ngehˇ ni juiˇ uiˬ taˬ-awˬ.

Yeˬsaˬgeˬlaˇ 18:9

Tsawˇ haˬ kʼoeˇ gʼaˬ-aˬ, ngaˬ-euˬ dawˬ-ahˇ naˇ haˬ geuꞈ-awˇ, ngaˬ-euˬ zahˇ dawˬ kʼoꞈ dawˬ-ahˇ yaw muiˬ paˬ-ehˇ caw teh-eu meh. Aˬ yawꞈ-aˬ, yaw tsaˬ yaw dawˇ tsawˇ haˬ pyeuꞈ-awˇ, aˬ diˇ aˬ maˇ ya dehꞈ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Dawˬmehˬ 11:21

Kʼoeˇ loꞈ-ehˇ jahˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, naw maꞈ hawˇ-eu naw maꞈ-euˬ zaˬ deuˬ gʼawˬ myahˇ ni ya jawˇ tehꞈ-a. Mˬ hawˇ-eu miˇ kʼaˇ jaˆ kʼoeˇ keuˆ ni, kʼoeˇ gaˇ naw maꞈ ya jawˇ tehꞈ-a.

Jaceuq 89:5

Sahˬ paˬ Miˬ yehˇ-oˇ, nawˬ neh mˇ-euˬ zahˬ leˇ paˬ-ehˇ gʼeh-eu gaˇ deuˬ-ahˇ, mˬ kʼoeˇ taˆ caˇ-awˇ ja ceuˬ luꞈ meh. Nawˇ saˇ jaˇ ziꞈ-eu gaˇ kawˆ caˇ-awˇ ja ceuˬ luꞈ meh.

Yeˬlaˬmiˇ 33:17

Sahˬpaˬ Miˬyehˇ pyeuꞈ-eu ngaˇ heu loꞈ-ehˇ saˇ jaˇ dzaˬ-eu ma. Daˬbiˇ-euˬ zaˬ deuˬ uˆ deuˬ laꞈ kʼoeˇ, Iˇsaˬleˬlaˆ miˇ kʼahˬ kʼoeˇ taˆ sahˬ paˬ geuꞈ-awˇ uˆ lahˇ-eu tsawˇ haˬ maˬ tsehˆ leˇ ni doˆ laˇ tehꞈ-a.