Jaceuq 88:15 - Akha

¹⁵ Nyiˇ ngeh neh shaˬ-eu zahˬ-eu jeˬ-ahˇ shiˇ taw tehˬ ni ngaˇ ya daˬ-euˬ ma. Nawˬ neh kʼehˬ nehˬ kʼaˆ nehˬ laꞈ-euˬ jeˬ-ahˇ, ngaˇ maˬ paˇ daˬ coeˇ miˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Ngar zaqguq ngae nae, shaq-awr zanq-eu jeq-anr, Shirtaw taeqni daq-euq ma. Ngar, nawq-euq guvlar paq-aer ghae-eu jeq-anr daq-awr, Ngar nuima cawvsaef mir-a.

Jaceuq 88:15 Referans Kwoze

Yawˇbaˆ 6:4

Baoˬ huiˬ-eu Miˬyehˇ ngaˬ-ahˇ kaˆ myaˬ neh beuˆ coˆ-awˇ, kaˆ myaˬ doꞈ kʼoeˇ ngaˬ-euˬ gʼawˇ mawˇ-ahˇ iˇ byah-euˬ meh. Guˆ laˇ paˬ-ehˇ gʼeh-eu tiˬ jeˬ saˇ-iˬ tiˬ jeˬ-ahˇ, ngaˬ-euˬ kʼoeˇ taˆ Miˬyehˇ bi keuˆ le-euˬ meh.

Luˇkaꞈ 22:44

Aˬ yawꞈ nui ma shaˬ zahˬ mˇ dui dui-eu laꞈ kʼoeˇ, yaw beh naˆ maˬ tseˇ guiˬ lahˬ paˇ shaˇ dui dui-euˬ meh. Shiˬ miˇ tsa dzaˆ ka-eu loꞈ-ehˇ, aˬ yawꞈ kuˬ pyuˇ yoeˇ le-euˬ meh.

Iˇsaˬyaˇ 53:10

Sahˬpaˬ Miˬyehˇ ehˇ-eu, “Shaˬ-eu zahˬ-eu jeˬ-ahˇ aˬ yawꞈ daˬ-eu gʼaˇ duˬ, ngaˇ nui ma tsaˬ-eu ma. Aˬ yawꞈ ya shiˇ-euˬ gaˇ kawˆ-aˬ, iˬ baˇ gʼaˇ duˬ lawˇ dah nehˬ-eu jeˬ meh. Kʼoeˇ miˇ neh aˬ yawꞈ-euˬ zaˬ deuˬ uˆ deuˬ-ahˇ aˬ yawꞈ ya mawˇ-awˇ, aˬ yawꞈ ziˇ baw ziˇ za tehꞈ-a. Aˬ yawꞈ laꞈ kʼoeˇ ngaˬ neh noeˬ taˬ-euˬ jeˬ byah laˇ tehꞈ-a.

Jaceuq 73:14

Miˬyehˇ-oˇ, nawˇ ngaˬ-ahˇ nah ga-ehˇ bi shaˬ bi zahˬ laꞈ-awˇ, yawˬ shawˬ na luꞈ nawˇ ngaˬ-ahˇ kʼehˬ nehˬ laꞈ-euˬ meh.

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Iˇsaˬyaˇ 53:3

Aˬ dui aˬ yawꞈ-ahˇ maˬ haw nahˇ-ehˇ byehˇ dzeh-euˬ ma. Shaˬ zahˬ dawˬ tawˆ luꞈ-ahˇ aˬ yawꞈ awˆ daˬ-euˬ meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ haw cawˬ nehˬ-a. Tiˬ jeˬ-iˬ gaˇ dahˇ maˬ tsoeˬ-eu tsawˇ haˬ loꞈ-ehˇ, aˬ yawꞈ-ahˇ aˬ dui yaw zeu maˬ baw-aˬ.

Yawˇbaˆ 17:1

Ngaˇ ziˇ jiˇ le-eu peh laˇ miˇ-a. Ngaˬ-ahˇ saꞈ maˬ paˇ gʼawˇ coeˇ laˇ miˇ-a. Ngaˬ-euˬ gʼaˇ duˬ lmˬ bymˇ maˬ ngeuˇ naˇ nui jeˬ maˬ paˇ jaˆ meh.

Yawˇbaˆ 30:20

Miˬyehˇ-oˇ, ngaˇ nawˬ-ahˇ kuˇ kʼawꞈ, nawˇ maˬ haw cawˬ nehˬ laꞈ-a. Ngaˇ guiˬ lahˬ shaˇ kʼawꞈ nawˇ maˬ naˇ haˬ nehˬ laꞈ-a.

Jaceuq 43:2

Nawˬ-ahˇtehꞈ-ehˇngaˇgʼoe-eu ma. Aˬjeˬmiˇneh byehˇdzeh laꞈte. Muiˇ-eu deuˬngaˬ-ahˇkʼehˬlaˇgaˇ, aˬjeˬmiˇneh bi daˬlaꞈte.

Jaceuq 44:25

Nga maꞈmiˇtsa bi nawˬpahˬ-awˇ, kʼaˬlehˇtsahˬ-ahˇ ga luꞈ-eu ma.