Jaceuq 86:8 - Akha

⁸ Sahˬpaˬ Miˬyehˇ-oˇ, nawˬ-ahˇ duˇ-eu Miˬyehˇ maˬ jawˇ-a. Nawˬ neh mˇ-euˬ jeˬ tiˬ gʼaˬ-iˬ mˇ taˬ-euˬ maˬ jaˆ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Sanqpaq Miqyaer-or! Miqyaer nuideuq-euq lafkhoer, Nawq-anr tiqghaq-iq maqdur-a. Nawq nae gar mrtaq-euq lof-aer, tiqghaq-iq maq mrtaq-aq.

Jaceuq 86:8 Referans Kwoze

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Dawˬmehˬ 3:24

‘Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˇ mˇ-eu lehˇ gʼeh-eu zahˬ leˇ paˬ-ehˇ gʼeh-eu huiˬ dui dui-eu gaˇ deuˬ laꞈ kʼoeˇ, aˇ dahˬ beh-eu deuˬ bi mawˇ laꞈ-euˬ tehꞈ-a siˬ. Nawˬ neh mˇ-euˬ huiˬ-eu gaˇ heu deuˬ-ahˇ mˇ nya-eu miˬ yehˇ, mˬ hawˇ-eu miˇ kʼoeˇ taˆ tiˬ gʼaˬ-iˬ maˬ jawˇ-a.

Jaceuq 89:6

Sahˬpaˬ Miˬyehˇ-oˇ, mˬ kʼoeˇ taˆ nawˬ-ahˇ duˇ-eu tiˬ gʼaˬ-iˬ maˬ jawˇ-a. Mˬ taˆ zaˬ deuˬ nawˇ loꞈ-ehˇ tiˬ gʼaˬ-iˬ maˬ bym-a.

Daˬyeˬlaˇ 3:29

“Nymˬ-mˇ ngaˇ heu loꞈ-ehˇ dawˬ biꞈ-eu ma. Miˇ kʼahˬ aˬ geu kʼahˬ-ahˇ jawˇ-eu tsawˇ jeuˬ aˬ geu jeuˬ maˬ kaˬ, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-euˬ Miˬyehˇ-ahˇ yaw zeu maˬ baw-eu dawˬ ngehˬ naˇ, gʼawˇ mawˇ deuˆ tm deuˆ tmˇ-awˇ, nymˇ deh pyaˆ nehˬ gaˇ bi daˬ ma. Aˬ jeˬ miˇ neh ehˇ naˇ, heu loꞈ-ehˇ ka kʼoꞈ nehˬ nya-eu miˬ yehˇ nui gʼaˬ maˬ jawˇ-a.”

Jaceuq 89:8

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ loꞈ-ehˇ baoˬ huiˬ-eu tiˬ gʼaˬ-iˬ maˬ jawˇ-a. Sahˬ paˬ Miˬ yehˇ-oˇ, yawˬ jeˬ na luꞈ laꞈ kʼoeˇ nawˇ saˇ jaˇ ziꞈ-eu meh.

Yeˬlaˬmiˇ 10:16

Yaˬkoˆ-euˬ Miˬyehˇ aˬ yawꞈ maꞈ-ahˇ maˬ duˇ-a. Yawˬ jeˬ na luꞈ-ahˇ beh-euˬ gʼaˬ aˬ yawꞈ pyeuꞈ-awˇ, aˬ yawꞈ-euˬ tsawˇ jeuˬ bi pyeuꞈ-eu gʼaˇ duˬ, Iˇsaˬleˬlaˆ-ahˇ aˬ yawꞈ neh tseˇ doˆ-euˬ meh. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh.

Iˇsaˬyaˇ 40:25

Miˬyehˇ-ahˇ aˬ suˇ gʼaˬ nehˬ-ehˇ shaˇ cehˆ haw nmˇ. Aˬ yawꞈ-ahˇ duˇ-eu jawˇ meh loˇ.

Dawˬmehˬ 4:34

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇjiˇtuˆ miˇ kʼahˬ laꞈ kʼoeˇ jahˇ-euˬ loꞈ-ehˇ, aˬ cawˬ tsawˇ jeuˬ-euˬ uˬ moˆ jawˇ-eu tsawˇ jeuˬ tiˬ jeuˬ-ahˇ aˬ yawꞈ-euˬ tsawˇ haˬ bi pyeuꞈ laˇ-eu lehˇ sheuˬ doˆ laˬ-iˇ peuˬ-eu miˬ yehˇ nui gʼaˬ jawˇ meh loˇ. Naw maꞈ-euˬ myaˆ kʼeh aˬ yawꞈ-euˬ huiˬ-eu baoˬ hawˇ-eu gʼaˬ-ahˇ zmˬ-awˇ, shaˬ zahˬ naˇ gawˇ maˬ ehˇ, guiˇ deuˆ-eu jeˬ maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ maˬ ehˇ, guˆ dui dui laˇ paˬ-ehˇ gʼeh-eu jeˬ maˬ ehˇ, aˬ yawꞈ bi keuˆ le-euˬ meh.

Iˇsaˬyaˇ 40:18

Miˬyehˇ-ahˇ aˬ geu gʼaˬ nehˬ-ehˇ shaˇ cehˆ haw nmˇ. Aˬ yawꞈ aˬ jeˬ-ahˇ duˇ-eu ehˇ nya ma loˇ.

Jaceuq 136:4

Aˬ yawꞈ tehꞈ-ehˇ kʼaˆ jeˬ-ehˇ gʼeh-eu jeˬ mˇ nya-eu meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Doˆ-iˇ 8:6

Kʼoeˇ naˇ, Aˬloˬ aˬ yawꞈ-euˬ gawˬ yoeˬ yuˇ-awˇ, iˇ cuꞈ kʼaˇ jaˆ gaˇ cawˬ ja-euˬ miˇ neh, kʼaˬ paˬ doˆ laˇ-awˇ, miˇ kʼahˬ kʼoeˇ kʼahˬ kʼahˬ lah ni byah jiˇ-euˬ meh.

2 Laˬsaˬbaˬ 2:4

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ taˬ mahˇ-eu laꞈ kʼoeˇ, uˬ duˬ tahˬ nymˇ tiˬ nymˇ ngaˇ tsoˆ luꞈ-eu ma. Kʼoeˇ-aˬ, ngaˇ hawˇ-eu ngaˬ-euˬ tsawˇ haˬ deuˬ yaw saw jeˬ doꞈ damˬ-eu laꞈ kʼoeˇ, aˬ yawꞈ-ahˇ uˬ duˬ tahˬ-eu muiˬ-eu shawˇ-eu jawˇ duˬ pyeuꞈ tehꞈ-a. Kʼoeˇ gaˇ, muiˬ-eu shawˇ-eu kaˬ muˇ deuˬ maˬ tsehˆ leˇ ni aˬ yawꞈ-ahˇ nga maꞈ lawˇ nehˬ-awˇ, yawˬ shawˬ yawˬ miˇ na luꞈ maˬ ehˇ, Jawˇ nah-ahˇ maˬ ehˇ, La loˆ lah-eu bawˬ-iˬ jahˇ ngeh maˬ ehˇ, muiˬ-eu shawˇ-eu aˇ nah deuˬ-ahˇ maˬ ehˇ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ taˬ mahˇ-eu laꞈ kʼoeˇ, miˬ dzaˬ dzah puiˆ-awˇ lawˇ-eu jeˬ nga maꞈ lawˇ ma. Mˬ maˬ maˬ byaˆ zaˇ ziˇ Iˇsaˬleˬlaˆ tsawˇ jeuˬ kʼoeˇ loꞈ-ehˇ mˇ ni aˬ yawꞈ dawˬ biꞈ taˬ-eu jaˆ-eu meh.

Jaceuq 89:7

Muiˬ-eu shawˇ-eu deuˬ-euˬ baꞈ dzah laꞈ kʼoeˇ, nawˬ-ahˇ yaw zeu ya baw-awˇ, dawˬ tawˆ luꞈ nawˬ-euˬ mehˬ shi tsoˆ leˇ-awˇ yawꞈ-eu meh.

Jaceuq 95:3

Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, Baoˬ huiˬ-eu Miˬyehˇ pyeuꞈ-awˇ, Miˬyehˇ dawˬ tawˆ kʼoeˇ taˆ baoˬ huiˬ-eu sahˬ paˬ meh.

Jaceuq 135:5

Aˬ dui-euˬ Sahˬpaˬ Miˬyehˇ huiˬ dui mahˇ dui dui-eu ngaˇ siˬ nya ma. Miˬyehˇ dawˬ tawˆ luꞈ kʼoeˇ taˆ aˬ yawꞈ huiˬ dzehˬ mahˇ dzehˬ-eu meh.