Jaceuq 78:69 - Akha

⁶⁹ Mˬ kʼoeˇ taˆ jaˆ-eu aˬ yawꞈ-euˬ nymˇ loꞈ-ehˇ, aˬ yawꞈ-euˬ Uˬ duˬ tahˬ nymˇ nymˇ ma kʼoeˇ gaˇ tsoˆ-awˇ, mˬ maˬ maˬ byaˆ zaˇ ziˇ bi ziꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶⁹ Aqyawf, aqyawf nae li-eu maqbawni baezif taq-euq mirtsaq tanqkhawr lof-aer, Sanqpaq-euq nymrgor lof-aer, aqyawf-euq shawr-eu jawrduq tsovtaq-euq mae.

Jaceuq 78:69 Referans Kwoze

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.

Iˇsaˬyaˇ 51:6

Mˬ-ahˇ gʼawˇ leuˇ haw-awˇ, miˇ tsaˬ-ahˇ awˆ kʼoꞈ-awˇ haw-awˬ. Uˬ kʼoeˬ loꞈ-ehˇ mˬ byoˆ-iˇ-awˇ, mehˬ tsoeˬ paˇ cehˇ loꞈ-ehˇ miˇ tsaˬ peuˬ-iˇ tehꞈ-a. Miˇ tsaˬ zaˬ deuˬ puˬ saˆ loꞈ-ehˇ shiˇ jiˇ tehꞈ-a. Ehˇ kʼawꞈ, ngaˬ-euˬ ka kʼoꞈ-eu jeˬ mˬ maˬ maˬ byaˆ zaˇ ziˇ ziꞈ-awˇ, ngaˬ neh gʼaˬ leˇ-euˬ jeˬ maˬ poˆ maˬ paˇ laˇ-a.

Iˇsaˬyaˇ 48:13

Miˇ tsaˬ dawˬ pehˬ-ahˇ ngaˬ-euˬ aˬ laꞈ neh tehˆ-awˇ, mˬ-ahˇ aˇ maˇ laꞈ neh toˆ pyeh-euˬ ma. Mˬ hawˇ-eu miˇ-ahˇ ngaˇ dawˬ biꞈ ngeh, tiˬ poˆ tehꞈ-ehˇ jaˆ le-euˬ meh.

Jaceuq 104:5

Miˇ tsaˬ tahˬ kʼawˇ-euˬ dawˬ pehˬ duˬ puˇ-ahˇ nawˇ ziꞈ dah ni ciˬ tsoꞈ-awˇ, maˬ luˆ laˇ nya ni bi jaˆ-euˬ meh.

Jaceuq 102:25

Aˇ hu ba neh miˇ tsaˬ tahˬ kʼawˇ nawˇ beh-awˇ, nawˬ-euˬ aˬ laꞈ neh mˬ sawˆ pyeuꞈ taˬ-euˬ meh.

Yawˇbaˆ 26:7

Laꞈ taˆ pyawˬ-ahˇ jaˆ-eu mˬ-ahˇ Miˬyehˇ toˆ pyeh-awˇ, miˇ tsaˬ tahˬ kʼawˇ-ahˇ tiˬ gaˇ-iˬ maˬ tuˆ ni jaˬ myawꞈ-ahˇ bi ceuˬ-euˬ meh.

2 Laˬsaˬbaˬ 3:4

Gʼoˆ kʼehˬ-ahˇ uˇ leˇ-eu nehˬ-ehˇ keuˆ beh beh le-eu lawˆ-aˬ, yaw jeˇ paw Uˬ duˬ tahˬ nymˇ nymˇ ma aˬ yawꞈ jeˇ-eu naˆ ni ngaˬ lmˇ jeˇ-awˇ, yaw goˇ paw smˬ tseˇ lmˇ byah-eu meh. Aˇ lawˆ kʼoeˇ lawˆ-euˬ kaˇ pyawˇ laꞈ kʼoeˇ pyawˬ-ahˇ, maˇ jawˆ ni gʼeh-eu shuiˇ yaw taˬ-euˬ meh.

2 Laˬsaˬbaˬ 2:9

Aˬ jeˬ miˇ neh ehˇ naˇ, huiˬ dui muiˬ dui dui-eu uˬ duˬ tahˬ nymˇ nymˇ ma tsoˆ-eu lehˇ lehˬ hmˬ taˬ-euˬ miˇ neh, daˇ kawˬ aˇ dzehˬ dzeuˇ ni loˬ-eu meh.

1 Laˬsaˬbaˬ 29:19

Nawˬ neh kʼaˇ mehˬ kʼaˇ tsoˆ nehˬ-euˬ yawˬ jeˬ na luꞈ-ahˇ naˇ haˬ geuꞈ mawꞈ-eu nui ma tiˬ byah ni ahˇ-awˇ, ngaˬ neh lehˬ hmˬ dah taˬ-euˬ Uˬ duˬ tahˬ nymˇ nymˇ ma heu nymˇ tsoˆ doˆ nya ni, ngaˬ li Sawˇlaˬmoˬ-ahˇ nawˇ ngehˬ gʼeh dah teˬ nehˬ-awˬ.”

1 Laˬsaˬbaˬ 29:1

Tsawˇ haˬ aˇ maꞈ aˇ muˇ dawˬ tawˆ luꞈ-ahˇ, sahˬ paˬ Daˬbiˇ heu loꞈ-ehˇ ehˇ nehˬ-euˬ meh. “Ngaˬ li Sawˇlaˬmoˬ-aˬ, Miˬyehˇ neh tseˇ doˆ-euˬ gʼaˬ pyeuꞈ-eu meh. Ehˇ kʼawꞈ, aˬ yawꞈ zaˬ guˬ pyeuꞈ-awˇ, maˬ mˇ maˬ shaˇ haw-euˬ tsawˇ haˬ tiˬ gʼaˬ meh. Nymˬ-mˇ mˇ-eu lehˇ gʼeh-eu gaˇ heu hmˬ-aˬ, huiˬ dui dui-eu gaˇ meh. Aˬ jeˬ miˇ neh ehˇ naˇ, tsawˇ haˬ zaˬ jawˇ-eu gʼaˇ duˬ nymˇ nymˇ ma tsoˆ-eu maˬ ngeuˇ-a. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ uˬ duˬ tahˬ nymˇ tsoˆ-eu jeˬ pyeuꞈ-eu meh.

1 Sahˬpaˬ 9:8

Uˬ duˬ tahˬ nymˇ nymˇ ma heu coˬ pyaˆ coˬ shaˆ-awˇ, duˬ gahˬ duˬ cu cu leˇ taˬ-euˬ gaˇ ya mawˇ ngeh, kʼaˇ iˇ kʼaˇ laˇ tsehˆ-eu tsawˇ haˬ deuˬ tsawˬ guˆ-iˇ-awˇ, zahˬ leˇ tsoˆ leˇ tehꞈ-a. ‘Miˇ kʼahˬ heu kʼahˬ hawˇ-eu Uˬ duˬ tahˬ nymˇ nymˇ ma heu nymˇ-ahˇ, aˬ jeˬ miˇ neh Sahˬpaˬ Miˬyehˇ heu loꞈ-ehˇ jahˇ nehˬ-euˬ nga’ lehˇ aˬ yawꞈ maꞈ ya naˇ haˬ gaˇ keuˆ tehꞈ-a.

1 Saˬmeuˬlaˆ 2:8

iˇ shaˬ zaˬ-ahˇ kʼaˬ lehˇ laꞈ kʼoeˇ, aˬ yawꞈ gʼeu tuˇ tsahˇtuˇ nehˬ-awˇ, maˬ jaˆ-eu tsawˇ haˬ deuˬ-ahˇ kʼawꞈ, aˬ yawꞈ bi dehꞈ tuˇ laˇ-eu meh. Sahˬ paˬ zaˬ yo-ahˇ bi gʼoeˇ-awˇ, taˬ huiˬ-eu jeˬ bi oꞈ-eu meh. Aˬ jeˬ miˇ neh ehˇ naˇ, miˇ tsaˬ-euˬ dawˬ pehˬ duˬ puˇ-aˬ, Sahˬpaˬ Miˬyehˇ-euˬ pyeuꞈ-awˇ, kʼoeˇ-euˬ kʼoeˇ taˆ miˇtsaˬtahˬkʼawˇ, aˬ yawꞈ neh tsoˆ daˆ taˬ-euˬ meh.

Jaceuq 87:1

Sahˬpaˬ Miˬyehˇ aˬ yawꞈ-euˬ meuˬ-ahˇ, muiˬ-eu shawˇ-eu gawˬ jawˬ kʼoeˇ taˆ teˬ-euˬ meh.