Jaceuq 78:43 - Akha

⁴³ Iˇjiˇtuˆ miˇ kʼahˬ Zoˇnaˆ deh ga-ahˇ, aˬ yawꞈ neh mˇ mehˬ-euˬ zahˬ leˇ paˬ-ehˇ gʼeh-eu huiˬ-eu gaˇ-ahˇ kʼawꞈ, aˬ yawꞈ maꞈ ngehˇ byoˆ jiˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Irjirtuv-euq lafkhoer, aqyawf-euq bisiq bimawr-eu jeq mr-awr, Zornav daega-anr, aqyawf-euq zanqler paq-aer ghae-eu jeq mr-euq mae.

Jaceuq 78:43 Referans Kwoze

Jaceuq 135:9

Iˇjiˇtuˆ sahˬ paˬ hawˇ-eu yaw huiˬ yaw mahˇ deuˬ-ahˇ kʼehˬ-eu gʼaˇ duˬ, kʼaˆ jeˬ-ehˇ gʼeh-eu jeˬ aˬ yawꞈ mˇ-euˬ meh.

Neˬhaˬmiˇ 9:10

Iˇjiˇtuˆ sahˬ paˬ hawˇ-eu aˬ yawꞈ-euˬ gʼaˬ zaˬ yaw huiˬ yaw mahˇ deuˬ-ahˇ maˬ ehˇ, aˬ yawꞈ-euˬ miˇ kʼahˬ zaˬ deuˬ-ahˇ maˬ ehˇ, kʼaˆ jeˬ-ehˇ gʼeh-eu jeˬ nawˇ mˇ mehˬ nehˬ-euˬ meh. Nawˬ-euˬ tsawˇ jeuˬ-ahˇ aˬ yawꞈ maꞈ kʼehˬ-euˬ nawˇ siˬ nya-awˇ, aˬ yawꞈ maꞈ-ahˇ kʼoeˇ loꞈ-ehˇ kʼehˬ kʼoꞈ nehˬ-euˬ meh. Nawˬ neh mˇ-euˬ gaˇ kʼoeˇ deuˬ baˬ da neh, iˬ nah keuˆ ni nawˇ tsawˇ myahˇ huiˬ-eu meh.

Dawˬmehˬ 6:22

Iˇjiˇtuˆ tsawˇ haˬ deuˬ-ahˇ maˬ ehˇ, aˬ yawꞈ maꞈ-euˬ sahˬ paˬ-ahˇ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ deuˬ-ahˇ maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu guˆ dui dui laˇ paˬ-ehˇ gʼeh-eu jeˬ Sahˬpaˬ Miˬyehˇ jahˇ nehˬ-euˬ gaˇ, nga maꞈ-euˬ myaˆ nuiˆ neh ya mawˇ duˬ-euˬ ma.

Dawˬmehˬ 4:34

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇjiˇtuˆ miˇ kʼahˬ laꞈ kʼoeˇ jahˇ-euˬ loꞈ-ehˇ, aˬ cawˬ tsawˇ jeuˬ-euˬ uˬ moˆ jawˇ-eu tsawˇ jeuˬ tiˬ jeuˬ-ahˇ aˬ yawꞈ-euˬ tsawˇ haˬ bi pyeuꞈ laˇ-eu lehˇ sheuˬ doˆ laˬ-iˇ peuˬ-eu miˬ yehˇ nui gʼaˬ jawˇ meh loˇ. Naw maꞈ-euˬ myaˆ kʼeh aˬ yawꞈ-euˬ huiˬ-eu baoˬ hawˇ-eu gʼaˬ-ahˇ zmˬ-awˇ, shaˬ zahˬ naˇ gawˇ maˬ ehˇ, guiˇ deuˆ-eu jeˬ maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ maˬ ehˇ, guˆ dui dui laˇ paˬ-ehˇ gʼeh-eu jeˬ maˬ ehˇ, aˬ yawꞈ bi keuˆ le-euˬ meh.

Doˆ-iˇ 7:3

Ehˇ kʼawꞈ, sahˬ paˬ kʼoeˇ gʼaˬ nui ma gʼahˇ ni ngaˇ jahˇ nehˬ-awˇ, Iˇjiˇtuˆ miˇ kʼahˬ kʼoeˇ taˆ guˆ dui dui laˇ paˬ-ehˇ gʼeh-eu gʼawˬ mya jeˬ ngaˇ bi keuˆ le kʼawꞈ, naw nyaꞈ-euˬ ehˇ dawˬ-ahˇ aˬ yawꞈ maˬ naˇ haˬ ni jawˇ tehꞈ-a.

Doˆ-iˇ 4:21

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Iˇjiˇtuˆ miˇ kʼahˬ-ahˇ nawˇ gʼoꞈ keuˆ-iˇ ngeh, ngaˬ neh nawˬ-ahˇ baoˬ biꞈ nehˬ-awˇ bi mˇ-euˬ zahˬ leˇ paˬ-ehˇ gʼeh-eu jeˬ, sahˬ paˬ mehˬ shi maˬ ngehˇ ni mˇ mehˬ nehˬ-awˬ. Ehˇ kʼawꞈ, sahˬ paˬ kʼoeˇ gʼaˬ Iˇsaˬleˬlaˆ tsawˇ haˬ deuˬ-ahˇ maˬ pyehˬ nehˬ ni nui ma gʼahˇ laˇ-eu gʼaˇ duˬ ngaˇ jahˇ nehˬ ma.

Jaceuq 78:12

Iˇjiˇtuˆ miˇ kʼahˬ Zoˇnaˆ deh ga-ahˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ mehˬ shi, zahˬ leˇ paˬ-ehˇ gʼeh-eu jeˬ Miˬyehˇ mˇ mehˬ nehˬ-euˬ meh.

Gʼaˬkʼehˇ 7:7

Ehˇ kʼawꞈ, aˬ yawꞈ maꞈ-ahˇ zaˬ kʼaˆ bi geuꞈ-euˬ tsawˇ jeuˬ koeˇ jeuˬ-ahˇ ngaˇ yaˇ kʼaˬ daˇ-awˇ, aˬ yawꞈ maꞈ-ahˇ miˇ kʼahˬ kʼoeˇ kʼahˬ laꞈ kʼoeˇ neh bi doˆ laˇ ma. Kʼoeˇ ngeh, jawˇ duˬ heu tsahˇ-ahˇ aˬ yawꞈ maꞈ ngaˬ-ahˇ uˬ duˬ tahˬ tehꞈ-a.’