Jaceuq 74:7 - Akha

⁷ Nawˬ-euˬ Uˬ duˬ tahˬ nymˇ nymˇ ma-ahˇ aˬ yawꞈ maꞈ deh pyaˆ-awˇ, miˬ dzaˬ dzah puiˆ dzeh-eu laꞈ kʼoeˇ, nawˬ-ahˇ uˬ duˬ tahˬ-euˬ jawˇ duˬ-ahˇ laˆ jawꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqyawfmaf, nawq-euq shawr-eu jawrduq-anr miqdzaq keuqpuiv-awr; Nawq-euq tsawrmyanr-euq jawrduq-anr lavjawf-awr mirtsa bi gapanq ghae-euq mae.

Jaceuq 74:7 Referans Kwoze

2 Sahˬpaˬ 25:9

Uˬ duˬ tahˬ nymˇ nymˇ ma maˬ ehˇ, sahˬ paˬ-euˬ hawˇ nymˇ maˬ ehˇ, Yeˬluˇsaˬlehˬ meuˬ laꞈ kʼoeˇ tsawˇ myahˇ doˆ-eu tsawˇ haˬ deuˬ-euˬ nymˇ dawˬ tawˆ luꞈ maˬ ehˇ, aˬ yawꞈ neh miˬ dzaˬ keuˬ dzeh jiˇ-euˬ meh.

Jaceuq 89:39

Nawˬ-euˬ zaˬ kʼaˆ nehˬ-ehˇ dzaˬ taˬ-euˬ dawˬ ma saˇ jaˇ-ahˇ nawˇ byehˇ-awˇ, aˬ yawꞈ-euˬ shuiˇ uˬ kʼoˆ lah yaˬ-ahˇ biˬ pahˬ nehˬ-euˬ meh.

Maꞈtehˬ 22:7

Kʼoeˇ ngeh jawˇ, sahˬ paˬ kʼoeˇ gʼaˬ nui ma pehˇ laˇ-awˇ, aˬ yawꞈ-euˬ guiˇ maꞈ pyehˬ gʼeh-awˇ, aˬ yawꞈ-euˬ zaˬ kʼaˆ deuˬ-ahˇ sehꞈ-euˬ tsawˇ haˬ kʼoeˇ deuˬ-ahˇ bi sehꞈ-awˇ, aˬ yawꞈ maꞈ-euˬ meuˬ-ahˇ miˬ dzaˬ bi keuˬ dzeh-euˬ meh.

Yeˬsaˬgeˬlaˇ 24:21

Naw maꞈ Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ lehˇ, aˬ yawꞈ ngaˬ-ahˇ ehˇ-eu meh. Naw maꞈ Uˬ duˬ tahˬ nymˇ nymˇ ma-ahˇ nui ma huiˬ-eu meh. Naw maꞈ kʼoeˇ gaˇ haw-awˇ nui kʼahˇ shiˇ-eu laꞈ kʼoeˇ kʼoeˇ gaˇ le le-ehˇ jawˇ-eu meh. Ehˇ kʼawꞈ, Uˬ duˬ tahˬ nymˇ nymˇ ma kʼoeˇ-ahˇ ngaˇ laˆ jawꞈ nehˬ-eu lehˇ gʼeh-eu ma. Yeˬluˇsaˬlehˬ meuˬ-ahˇ jawˇ yaꞈ-euˬ naw maꞈ-euˬ aˬ buˇ aˬ li deuˬ, mi cehˇ kʼehˬ-ahˇ ya shiˇ tehꞈ-a.

Ngoeˇ dawˬ 2:2

Yuˇdaˆ miˇ kʼahˬ pu dawˬ tawˆ luꞈ, gʼawˬ shaˬ tiˬ pawꞈ-iˬ maˬ gaˬ ni, Sahˬpaˬ Miˬyehˇ laˆ cawˆ-euˬ meh. Miˇ kʼahˬ kʼoeˇ-ahˇ loꞈ piˇ luꞈ-eu, ziꞈ dah ni gʼeh-eu taˆ deuˬ-ahˇ, aˬ yawꞈ laˆ byaˆ nehˬ jiˇ-euˬ meh. Miˇ kʼahˬ hawˇ-eu sahˬ paˬ deuˬ-ahˇ, miˇ tsa tuˆ ni gʼeu ka nehˬ-awˇ, daˬ ga-awˇ bi shaꞈ dawˇ-euˬ meh.

Iˇsaˬyaˇ 64:11

Nga maꞈ-euˬ aˬ poeˬ aˬ bawˇ deuˬ nawˬ-ahˇ ja ceuˬ-euˬ jawˇ duˬ, muiˬ-eu shawˇ-eu Uˬ duˬ tahˬ nymˇ nymˇ ma kʼoeˇ nymˇ, miˬ dzaˬ neh bi puiˆ byoˆ-euˬ meh. Nga maꞈ nui ma saˇ-eu jawˇ duˬ dawˬ tawˆ, luˬ-iˇ seˇ-iˇ jiˇ taˬ-euˬ meh.

1 Sahˬpaˬ 8:20

“Nymˬ-mˇ poˆ jawˇ, saˇ jaˇ dzaˬ taˬ-euˬ jaˆ-eu loꞈ-ehˇ Sahˬpaˬ Miˬyehˇ mˇ byah-euˬ meh. Ngaˬ da-euˬ dah zaˇ ngaˇ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ-awˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, Uˬ duˬ tahˬ nymˇ nymˇ ma heu ngaˇ tsoˆ gʼaˬ-euˬ ma.

Dawˬmehˬ 12:5

Naw maꞈ tsawˇ jeuˬ heu myaˆ ni gʼeh-eu miˇ kʼahˬ laꞈ kʼoeˇ, aˬ yawꞈ-euˬ mehˬ shi naw maꞈ le-awˇ, aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ Sahˬpaˬ Miˬyehˇ tseˇ doˆ tehꞈ-a.

Doˆ-iˇ 20:24

Ngaˬ-euˬ gʼaˇ duˬ, miˇ tsaˬ neh lawˇ duˬ tiˬ tsahˇ jahˇ-awˬ, gʼawˇ mawˇ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ maˬ ehˇ, cawˬ cawˬ taꞈ-eu lawˇ-eu jeˬ maˬ ehˇ, naw maꞈ-euˬ yawˇ hawˇ-eu mawˇ neˇ deuˬ, lawˇ duˬ kʼoeˇ hmˬ kʼoeˇ taˆ lawˇ-awˬ. Naw maꞈ ngaˬ-ahˇ uˬ duˬ bi tahˬ-eu lehˇ, ngaˬ neh tsaˬ tsoˆ taˬ-euˬ jawˇ duˬ yawˬ tsahˇ na luꞈ-ahˇ naw maꞈ jawˇ gaˇ ngaˇ oe-awˇ, naw maꞈ-ahˇ guiˬ lahˬ biꞈ nehˬ ma.

Uˬ duˬ 26:31

Naw maꞈ-euˬ meuˬ deuˬ hawˇ-eu, uˬ duˬ tahˬ-eu jawˇ duˬ deuˬ ngaˇ laˆ cawˆ byoˆ jiˇ-awˇ, naw maꞈ neh lawˇ-euˬ jeˬ-ahˇ maˬ ha geuꞈ ni ngaˇ jawˇ ma.

2 Laˬsaˬbaˬ 36:19

Uˬ duˬ tahˬ nymˇ nymˇ ma hawˇ-eu meuˬ aˬ yawꞈ-ahˇ, sahˬ paˬ-euˬ hawˇ nymˇ deuˬ hawˇ-eu kʼaˇ muiˬ kʼaˇ jaˬ-eu yawˬ jeˬ na luꞈ nehˬ-ehˇ tiˬ kawˆ loꞈ-ehˇ miˬ dzaˬ keuˬ dzeh jiˇ-awˇ, meuˬ meuˬ lahˇ laˆ byaˆ-euˬ meh.

Yeˬlaˬmiˇ 52:13

Uˬ duˬ tahˬ nymˇ nymˇ ma maˬ ehˇ, sahˬ paˬ-euˬ hawˇ nymˇ maˬ ehˇ, nymˇ yaw muiˬ dawˬ tawˆ luꞈ-ahˇ maˬ ehˇ, aˬ yawꞈ miˬ dzaˬ keuˬ dzeh-euˬ meh.

Ngoeˇ dawˬ 2:6

Kmˇ cehˇ ngawˬ pyaˆ dzeh-eu loꞈ-ehˇ, yawꞈ-euˬ Uˬ duˬ tahˬ nymˇ nymˇ ma, yawꞈ ngawˬ pyaˆ-awˇ laˆ cawˆ-euˬ meh. Yawꞈ neh bawˬ-iˬ bi gʼeh-euˬ jawˇ duˬ, yawꞈ laˆ luˬ laˆ seˇ nehˬ-euˬ meh. Bawˬ-iˬ deuˬ hawˇ-eu jawˇ nah tawˬ-eu, yawꞈ neh laˆ byoˆ jiˇ nehˬ-euˬ meh. Sahˬ paˬ maˬ ehˇ, piˇ ma maˬ ehˇ, yawꞈ-euˬ nui pehˇ zaw leˇ-euˬ meh.

Yeˬsaˬgeˬlaˇ 7:24

Haiˬ dui dui-eu tsawˇ jeuˬ deuˬ-ahˇ ngaˇ kuˇ ahˇ-awˇ, naw maꞈ-euˬ nymˇ laꞈ kʼoeˇ bi jawˇ geuꞈ ma. Naw maꞈ uˬ duˬ tahˬ-euˬ jawˇ duˬ kʼoeˇ deuˬ-ahˇ aˬ cawˬ tsawˇ jeuˬ deuˬ neh ngaˇ yehˬ bawˬ-ehˇ bi jahˇ ngeh, gʼaˬ kʼaˆ dui dui-eu naw maꞈ-euˬ tsawˇ haˬ deuˬ laˇ baˇ-iˇ tehꞈ-a.