Jaceuq 72:12 - Akha

¹² Aˬ yawꞈ-ahˇ kuˇ-eu shaˬ zaˬ zahˬ zaˬ deuˬ hawˇ-eu, laꞈ jeuˬ shaˇ kʼaˇ maˬ za-eu iˇ shaˬ zaˬ deuˬ-ahˇ, aˬ yawꞈ ka kʼoꞈ nehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Aqyawf-anr kur-eu shaqzaq zanqzaq, irshaqzaq hawr-eu, Tiqghaq-iq cawba-eu maqjawr-eu deuq-anr, aqyawf bibuq-ir taef-a.

Jaceuq 72:12 Referans Kwoze

Yawˇbaˆ 29:12

Yaw shaˬ zaˬ deuˬ guˇ-eu ya gaˬ ngeh, ngaˇ caw ba nehˬ-euˬ ma. Laꞈ jeuˬ shaˇ kʼaˇ maˬ za-eu muˇ coe aˬ nmˇ deuˬ-ahˇ ngaˇ ngehˬ gʼeh nehˬ-euˬ ma.

Jaceuq 102:17

Byehˇ dzeh taˬ-euˬ aˬ yawꞈ-euˬ tsawˇ jeuˬ shaˇ dawˬ-awˇ, aˬ yawꞈ naˇ haˬ geuꞈ nehˬ tehꞈ-a.

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.

Dawˬ tsoˆ 4:1

Nahˇ ma heu siˬ uˬ moˆ kʼehˬ-eu kʼaˆ-eu jeˬ dawˬ tawˆ luꞈ-ahˇ ngaˇ paˇ ya mawˇ-euˬ ma. Kʼehˬ-eu kʼaˆ-eu jeˬ-ahˇ ya daˬ luꞈ-eu tsawˇ haˬ deuˬ myaˆ biˇ yoeˇ luꞈ-awˇ, ngehˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ kʼehˬ luꞈ-eu deuˬ jawˇ paw gʼaˬ kʼaˆ-eu miˇ neh, tiˬ gʼaˬ-iˬ ngehˬ maˬ gʼeh nehˬ peuˬ-a.

Jaceuq 10:17

Sahˬpaˬ Miˬyehˇ-oˇ, nui nahˬnui yu ahˇ-eu deuˬ-euˬ shaˇdawˬ-ahˇnaˇhaˬgeuꞈnehˬ-awˇ. nui ma-ahˇgʼaˬbiꞈlahˬnehˬ-awˬ.

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

Luˇkaꞈ 4:18

“Sahˬpaˬ Miˬyehˇ-euˬ Yaw sahˇ-aˬ, ngaˬ-euˬ kʼoeˇ taˆ keuˆ le-euˬ meh. Aˬ jeˬ miˇ neh ehˇ naˇ, shaˬ-eu zahˬ-eu tsawˇ haˬ deuˬ-ahˇ, guiˬ lahˬ dawˬ bi mehˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-euˬ meh. paꞈ taˬ-euˬ deuˬ-ahˇ pyehˬ nehˬ-awˇ, myaˆ behꞈ deuˬ myaˆ nuiˆ mawˇ laˇ ni, bi kʼehˬ-euˬ deuˬ ya law-iˇ ni, dawˬ tsaꞈ dawˬ dzawˇ mˇ-eu gʼaˇ duˬ, aˬ yawꞈ ngaˬ-ahˇ kʼehˇ leꞈ-euˬ meh.

Iˇsaˬyaˇ 41:17

“Ngaˬ-euˬ tsawˇ haˬ iˇ cuꞈ mehꞈ-awˇ poˆ ngeh, aˬ yawꞈ maꞈ-euˬ kuˬ byahˬ gui ngeh, Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-euˬ shaˇ dawˬ naˇ haˬ nehˬ ma. Iˇsaˬleˬlaˆ-euˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ tiˬ jawˇ-iˬ maˬ byehˇ dzeh.

Jaceuq 72:4

Sahˬ paˬ gʼaˬ shaˬ zaˬ zahˬ zaˬ deuˬ-ahˇ dawˇ coe ni yaˇ kʼaˬ daˇ luꞈ-uˇ. Iˇ shaˬ zaˬ deuˬ-ahˇ aˬ yawꞈ caw ba nehˬ-awˇ, aˬ yawꞈ maꞈ kʼoeˇ taˆ nawˬ dzaˬ kʼaˆ dzaˬ-eu deuˬ-ahˇ, aˬ yawꞈ kʼehˬ luꞈ-uˇ.

Luˇkaꞈ 7:22

Yoˇhaˬ-euˬ gʼaˬ kʼehˇ kʼoeˇ nyiˬ gʼaˬ-ahˇ aˬ yawꞈ ehˇ nehˬ-eu,“Naw nyaꞈ gʼoꞈ-iˇ-awˇ, naw nyaꞈ neh kʼaˇ ya gaˬ kʼaˇ ya mawˇ-euˬ jeˬ, Yoˇhaˬ-ahˇ dzawˇ nehˬ-iˇ-awˬ. Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coi doi shawˇ laˇ-euˬ , tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Jaceuq 102:20

Paꞈ kuˆ-ahˇ bi nyehꞈ uˇ taˬ-euˬ deuˬ mahˇ gaˇ aˬ yawꞈ gaˬ-awˇ, biˬ sehꞈ-eu lehˇ gʼeh-eu deuˬ-ahˇ pyehˬ nehˬ-eu meh.

1 Saˬmeuˬlaˆ 22:2

Aˬ cawˬ neh smˇ kʼaˆ kʼaˆ dzaˬ-euˬ uˬ moˆ ya jawˇ-eu tsawˇ haˬ deuˬ, aˬ cawˬ-ahˇ dziˇ dzoˆ maˬ tsoeˬ kʼoꞈ nya ni shaˬ-eu tsawˇ haˬ deuˬ, aˬ cawˬ neh biˇ siˇ bi siˇ-awˇ nui kʼahˇ maˬ shiˇ-ehˇ shaˬ luꞈ-eu tsawˇ haˬ deuˬ, oeˬ yaˇ gʼaˬ ehˇ gʼaˬ ni aˬ yawꞈ jawˇ paw cehˆ uˇ leˇ-awˇ, kʼoeˇ deuˬ kʼoeˇ taˆ Daˬbiˇ aˬ yuiꞈ geuꞈ-awˇ sheuˬ gʼeh-euˬ meh.

2 Saˬmeuˬlaˆ 14:16

Ngaˬ-euˬ dawˬ-ahˇ nawˇ naˇ haˬ nehˬ laꞈ-eu laꞈ kʼoeˇ, ngaˬ li-ahˇ maˬ ehˇ, ngaˬ-ahˇ maˬ ehˇ, Sahˬpaˬ Miˬyehˇ neh aˬ yawꞈ-euˬ tsawˇ jeuˬ-ahˇ jeˬ biˇ biꞈ nehˬ taˬ-euˬ miˇ tsaˬ laꞈ kʼoeˇ maˬ ya jawˇ ni sehꞈ-eu lehˇ gʼeh-eu gʼaˬ-euˬ aˬ laꞈ laꞈ kʼoeˇ, ngaˬ-ahˇ nawˇ ka kʼoꞈ nehˬ laꞈ tehꞈ-a lehˇ ngaˇ noeˬ-euˬ ma.

Yawˇbaˆ 36:15

Ehˇ kʼawꞈ, shaˬ-eu zahˬ-eu jeˬ laꞈ kʼoeˇ tsawˇ haˬ zaˬ-ahˇ Miˬyehˇ mehˬ nehˬ tsoˆ nehˬ-awˇ, bi siˬ bi mawˇ laˇ-eu gʼaˇ duˬ noeˬ shaˬ noeˬ zahˬ-eu jeˬ bi keuˆ le-eu meh.

Jaceuq 55:17

Uˬ shawˬ, nah gʼahˇ hawˇ-eu uˬ ciꞈ paw, ngaˇ nui ma cawˆ-eu dawˬ aˬ yawꞈ-ahˇ gaˬ leˇ ngeh, 2 ngaˬ-euˬ shaˇ dawˬ-ahˇ aˬ yawꞈ naˇ haˬ tehꞈ-a.

Dawqdaq 29:7

Yaw tsaˬ yaw dawˇ tsawˇ haˬ shaˬ zaˬ zahˬ zaˬ-ahˇ gʼawˬ shaˬ gaˬ-eu siˬ nya kawꞈ, maˬ tsaˬ maˬ dawˇ-eu tsawˇ haˬ kʼoeˇ loꞈ-ehˇ maˬ siˬ nya-a.