Jaceuq 71:5 - Akha

⁵ Sahˬpaˬ Miˬyehˇ-oˇ, nawˬ-ahˇ ngaˇ noeˬ tmˬ-eu ma. Nyiˇ ngeh neh nawˬ-ahˇ ngaˇ gʼoe-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqjeq mirnae aernar-aq, Sanqpaq Miqyaer pyeuf-eu Ya’we Miqyaer-or! Ngar, nawq-anr noeqtmq-eu ma. Nyir ngae nae ngar, nawq-anr ghoe-euq ma.

Jaceuq 71:5 Referans Kwoze

Yeˬlaˬmiˇ 17:7

Ehˇ kʼawꞈ, ngaˬ-ahˇ gʼoe-eu gʼaˬ-ahˇ, ngaˇ guiˬ lahˬ biꞈ nehˬ ma.

Jaceuq 39:7

“SahˬpaˬMiˬyehˇ-oˇ, ngaˇ aˬjeˬ noeˬtmˬkʼaˇza ta. Nawˬ-ahˇnoeˬtmˬluꞈ-eu tehꞈma.

Jaceuq 71:17

Nyiˇ ngeh neh nawˇ ngaˬ-ahˇ mehˬ nehˬ tsoˆ nehˬ laꞈ-awˇ, nawˬ neh mˇ-euˬ zahˬ leˇ paˬ-ehˇ gʼeh-eu gaˇ deuˬ-ahˇ, iˬ nah keuˆ ni ngaˇ ja luꞈ ma.

Jaceuq 119:81

Sahˬpaˬ Miˬyehˇ-oˇ, nawˇ ka kʼoꞈ le gaˇ maˬ dawˬ coeˇ laˇ miˇ-a. Nawˬ-euˬ dawˬ-ahˇ ngaˇ jah-eu ma.

Yeˬlaˬmiˇ 17:17

Ngaˬ-ahˇ taˬ bi guˆ laꞈ. Guˆ-eu gaˆ-eu aˇ yamˬ laꞈ kʼoeˇ, ngaˬ-euˬ gʼoe duˬ nawˇ meh.

Jaceuq 119:166

Sahˬpaˬ Miˬyehˇ-oˇ, nawˇ ka kʼoꞈ laꞈ gaˇ ngaˇ dawˬ luꞈ-awˇ, nawˬ neh mehˬ-euˬ loꞈ-ehˇ dehꞈ luꞈ-eu ma.

Lormav 15:13

Muiˬ-eu Shawˇ-eu Yaw sahˇ Miˬyehˇ-euˬ baoˬ baˬ da neh naw maꞈ-euˬ noeˬ tmˬ-eu jeˬ huiˬ laˇ mahˇ laˇ nya ni, naw maꞈ Miˬyehˇ-ahˇ jah-eu jeˬ-ahˇ gʼoe-awˇ, noeˬ tmˬ-eu jeˬ-euˬ dawˬ pehˬ duˬ puˇ pyeuꞈ-eu Miˬyehˇ naw maꞈ-ahˇ laˬ kʼaˬ cehˇ nui saˇ za-eu jeˬ bi byah laˇ luꞈ-uˇ.

Yeˬlaˬmiˇ 17:13

Sahˬpaˬ Miˬyehˇ nawˇ Iˇsaˬleˬlaˆ-euˬ noeˬ tmˬ duˬ meh. Nawˬ-ahˇ kʼaˇ byehˇ dzeh-eu tsawˇ haˬ kʼoeˇ taˆ, shaꞈ dawˇ-eu jeˬ keuˆ le tehꞈ-a. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu, Sahˬpaˬ Miˬyehˇ nawˬ-ahˇ aˬ yawꞈ maꞈ byehˇ dzeh-euˬ miˇ neh, kʼaˬ lehˇ kʼoeˇ taˆ boꞈ-euˬ tsawˇ myahˇ loꞈ-ehˇ, aˬ yawꞈ maꞈ byoˆ-iˇ jiˇ tehꞈ-a.

Yeˬlaˬmiˇ 14:8

Iˇsaˬleˬlaˆ noeˬ tmˬ duˬ nawˇ tehꞈ meh. Guˆ-eu gaˆ-eu laꞈ kʼoeˇ ka kʼoꞈ nehˬ laꞈ-eu nawˇ tehꞈ meh. Aˬ jeˬ miˇ neh nga maꞈ miˇ kʼahˬ laꞈ kʼoeˇ, boeˇ miˬ siˬ kʼaˬ loꞈ-ehˇ gʼeh nehˬ laꞈ te. Uˬ ciꞈ tiˬ miˇ tehꞈ-ehˇ yaꞈ-eu daˬ yah loꞈ-ehˇ, aˬ jeˬ miˇ neh gʼeh nehˬ laꞈ te.

2 Tiˆmoˇseˬ 3:15

Nawˇ nyiˇ ngeh neh Muiˬ-eu shawˇ-eu Jaˇliꞈ-ahˇ siˬ nya-euˬ gaˇ taˬ ngehˇ. Jaˇliꞈ kʼoeˇ-aˬ, Yeˬsuˇ Ka li-ahˇ jah-eu laꞈ kʼoeˇ ka kʼoꞈ-eu jeˬ za ni sheuˬ gʼeh-eu zaˬ siˬ tsawˇ gahˇ nawˬ-ahˇ biꞈ nehˬ laꞈ-euˬ meh.

Luˇkaꞈ 2:40

Aˬ li kʼoeˇ gʼaˬ huiˬ laˇ-awˇ, nui ma saꞈ laˇ gʼaˬ ahˇ laˇ luꞈ-eu uˬ taꞈ, zaˬ siˬ tsawˇ gahˇ byah-awˇ, Miˬyehˇ-euˬ guiˬ lahˬ aˬ yawꞈ kʼoeˇ taˆ jaˆ-eu meh.

Jaceuq 13:5

Maˬtsehˆleˇ-eu nawˇgaˬ-eu jeˬ, ngaˇaˬmyah luꞈgʼoe luꞈ-eu ma. Nawˇka kʼoꞈlaꞈ-eu guiˬlahˬ-ahˇ, ngaˬ-euˬnui ma laˬkʼaˬcehˇma.

1 Saˬmeuˬlaˆ 16:13

Saˬmeuˬlaˆ saˬ loˬ tsiˇ yuˇ-awˇ, aˬ yawꞈ-euˬ aˇ doˆ deuˬ mehˬ shi Daˬbiˇ-ahˇ tsiˇ shehˆ daˆ nehˬ-euˬ meh. Sahˬpaˬ Miˬyehˇ-euˬ yaw sahˇ Daˬbiˇ-ahˇ ja pyuˬ ni uˆ lahˇ le-awˇ, kʼoeˇ ngeh nah neh naˇ, yaw sahˇ kʼoeˇ aˬ yawꞈ nehˬ-ehˇ jawˇ-euˬ meh. Kʼoeˇ naˇ, Laˬmahˇ meuˬ-ahˇ Saˬmeuˬlaˆ gʼoꞈ leˇ-euˬ meh.

Yeˬlaˬmiˇ 50:7

Kʼaˇ mawˇ le-eu deuˬ aˬ yawꞈ maꞈ-ahˇ kawꞈ sehꞈ dzaˬ-awˇ, aˬ yawꞈ maꞈ Sahˬpaˬ Miˬyehˇ-ahˇ mˇ bahˬ-euˬ miˇ neh, kʼoeˇ loꞈ-ehˇ jahˇ nehˬ-eu iˬ baˇ maˬ ahˇ-aˇ lehˇ, muiˇ-eu deuˬ ehˇ-eu meh. Aˬ yawꞈ maꞈ-euˬ aˬ poeˬ aˬ bawˇ deuˬ Sahˬpaˬ Miˬyehˇ-ahˇ saˇ jaˇ ziꞈ-euˬ loꞈ-ehˇ, aˬ yawꞈ maꞈ kʼawꞈ ziꞈ-eu tsaˬ tehꞈ-a lehˇ, muiˇ-eu deuˬ ehˇ-eu meh.

Dawˬ tsoˆ 12:1

Nawˇ zaˬ guˬ pyeuꞈ ngeh neh, nawˬ-ahˇ beh-euˬ yaw sahˇ-ahˇ noeˬ keuˆ-awˬ. Tsawˇ kʼaˆ kʼaˆ laˇ-awˇ nui saˇ maˬ oꞈ-eu miˇ neh, “Yaw dehꞈ maˬ dehꞈ nahˇ nya” lehˇ ya ehˇ-eu aˇ nah aˇ yamˬ maˬ keuˆ laˇ mi naˆ-ehˇ, Beh-euˬ yaw sahˇ-ahˇ noeˬ keuˆ-awˬ.

Jaceuq 42:11

Aˬjeˬmiˇneh shaˬzahˬnaꞈ-awˇ, nui noeˬshaˬ-eu maˬjiˇnya ta. Miˬyehˇ-ahˇngaˇ noeˬtmˬ-eu ma. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.

1 Sahˬpaˬ 18:12

Ngaˇ iˇ-eu nehˬ-ehˇ, Sahˬpaˬ Miˬyehˇ-euˬ yaw sahˇ nawˬ-ahˇ tiˬ gaˇ paw sheuˬ byoˆ gʼeh naˇ aˬ joˆ-ehˇ jahˇ nmˇ. Nawˇ heu gaˇ jawˇ meh lehˇ Aˬhaˆ-ahˇ ngaˇ ehˇ nehˬ-awˇ, nawˬ-ahˇ aˬ yawꞈ maˬ poˆ mawˇ nya naˇ, aˬ yawꞈ ngaˬ-ahˇ sehꞈ tehꞈ-a. Ngaˇ-aˬ, yaw nyiˇ gʼeh ngeh neh Sahˬpaˬ Miˬyehˇ-ahˇ yaw zeu baw dui dui-eu laꞈ kʼoeˇ, uˬ duˬ tahˬ-euˬ tsawˇ haˬ tiˬ gʼaˬ pyeuꞈ gaˇ noeˬ keuˆ nehˬ laꞈ-awˬ.

2 Laˬsaˬbaˬ 34:3

Yawˇshiˆ sahˬ paˬ geuꞈ-euˬ yehꞈ kʼoꞈ tiˬ kʼoꞈ keuˆ laˇ-awˇ, aˬ yawꞈ zaˬ guˬ guˬ zaˬ pyeuꞈ luꞈ ngeh, aˬ yawꞈ-euˬ aˬ poeˬ sahˬ paˬ Daˬbiˇ-euˬ Miˬyehˇ-ahˇ uˬ duˬ tahˬ-euˬ meh. Kʼoeˇ naˇ kʼah, oeˬ kʼoꞈ keuˆ laˇ ngeh, lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ maˬ ehˇ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ-ahˇ maˬ ehˇ, tahˬ pahˬ aˬ ma mawˇ kawˇ nui deuˬ dawˬ tawˆ luꞈ-ahˇ maˬ ehˇ, aˬ yawꞈ laˆ cawˆ nehˬ jiˇ-euˬ meh.