Jaceuq 62:1 - Akha

¹ Miˬyehˇ ngaˬ-ahˇ ka kʼoꞈ le gaˇ, ngaˇ oˇ-awˇ dawˬ luꞈ-eu ma. Aˬ yawꞈ-ahˇ tehꞈ-ehˇ ngaˇ gʼoe-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngaq-euq nuima saflar ciqcurni Miqyaer-anr aqdir dawq ma; Ngaq-anr kakhof-eu jeq aqyawf-anr nae oe-eu mae.

Jaceuq 62:1 Referans Kwoze

Jaceuq 62:2

Aˬ yawꞈ tehꞈ-ehˇ ngaˬ-ahˇ haw piˇ-awˇ ka kʼoꞈ nehˬ laꞈ-eu meh. Aˬ yawꞈ-aˬ, ngaˬ-euˬ gʼoe duˬ lo guˇ meh. Aˬ cawˬ ngaˬ-ahˇ guiˇ maˬ deuˆ gʼaˬ nya-a.

Ngoeˇ dawˬ 3:25

Aˬ dui-euˬ Sahˬpaˬ Miˬyehˇ-aˬ, yawꞈ-ahˇ noeˬ tmˬ-eu deuˬ hawˇ-eu, yawꞈ-ahˇ poˆ-eu deuˬ-euˬ gʼaˇ duˬ, yaw muiˬ jeˬ biꞈ nehˬ-eu gʼaˬ meh.

Jaceuq 33:20

Ngehˬgʼeh haw piˇ-eu gʼaˬpyeuꞈ-eu, aˬdui-euˬSahˬpaˬMiˬyehˇ-ahˇ, aˬdui saꞈlaˇnoeˬtmˬ-eu ma.

Jaceuq 37:7

Nawˇnui ma gʼawˬmahˇni taˬ-awˇ, SahˬpaˬMiˬyehˇ-ahˇdawˬtawˬ-awˬ. Aˬcawˬdehꞈdzaˬgaˇtaˬnoeˬshaˬ. Yaw haiˬjeˬmˇgaˇmyaˆtaˬnaˆ.

Yaˬkoˆ 5:7

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Yeˬsuˇ zaꞈ le ngeh keuˆ ni oˇ oˇ-ehˇ jawˇ-awˬ. Deh ma mˇ-eu tsawˇ haˬ tiˬ gʼaˬ aˇ poeˬ kʼaˆ dui dui-eu cehˇ deuˬ keuˆ le ngeh keuˆ ni, aˬ yawꞈ-euˬ deh ma-ahˇ aˬ joˆ-ehˇ dawˬ-eu gaˇ kawˆ shaˇ sawˇ-awˬ. Yehˇ gʼahˇ ahˇ dahˬ beh le ngeh neh yehˇ gʼahˇ jiˇ le ngeh keuˆ ni oˇ oˇ-ehˇ dawˬ-eu meh.

Iˇsaˬyaˇ 40:31

Ehˇ kʼawꞈ, Sahˬpaˬ Miˬyehˇ-ahˇ gʼoe-eu tsawˇ haˬ deuˬ, gʼaˬ yaw shuiꞈ paˇ ahˇ laˇ-eu meh. Kʼaˬ dzeˇ zaw-eu loꞈ-ehˇ aˬ yawꞈ maꞈ tuˇ laˇ-awˇ, cehˆ coeˬ coeˬ ngeh gʼaˬ doeˇ maˬ doeˇ leˇ-ehˇ, gaˇ ma cah ngeh gʼaˬ teˬ-iˇ-eu maˬ baw-a.

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Jaceuq 40:1

SahˬpaˬMiˬyehˇ caw ba le gaˇ, ngaˇoˇoˬ-awˇ dawˬluꞈ-eu ma. Aˬyawꞈngaˬ-ahˇhaw cawˬle-awˇ, ngaˬ-euˬngoeˇdawˬya gaˬ-euˬmeh.

Jaceuq 123:2

Zaˬ kʼaˆ tiˬ gʼaˬ aˬ yawꞈ-euˬ baw leˬ-ahˇ haw-eu loꞈ-ehˇ, zaˬ miˬ zaˬ zaˬ kʼaˆ tiˬ gʼaˬ aˬ yawꞈ-euˬ meh leˬ-ahˇ haw-eu loꞈ-ehˇ, nga maꞈ-euˬ Miˬyehˇ pyeuꞈ-euˬ Sahˬpaˬ Miˬyehˇ nawˇ nga maꞈ-ahˇ gʼawˬ shaˬ gaˬ nehˬ laꞈ ni, nawˬ-ahˇ nga maꞈ haw tsoˆ taˬ-euˬ ma.

Ngoeˇ dawˬ 3:38

Muiˬ muiˬ doeˇ doeˇ kʼaˇ pyeuꞈ laˇ-euˬ, yawꞈ-euˬ dawˬ-ahˇ doˆ le-euˬ meh.

Jaceuq 121:2

Mˬ hawˇ-eu miˇ-ahˇ beh-euˬ gʼaˬ pyeuꞈ-eu, Sahˬpaˬ Miˬyehˇ-euˬ laꞈ kʼoeˇ neh, ngaˬ-ahˇ caw ba-eu jeˬ doˆ le-eu meh.

Iˇsaˬyaˇ 30:18

Naw maꞈ-ahˇ gʼawˬ shaˬ gaˬ nehˬ-eu gʼaˇ duˬ, Sahˬpaˬ Miˬyehˇ loꞈ luꞈ-eu meh. Aˬ yawꞈ aˬ myah luꞈ yaw tsaˬ yaw dawˇ miˇ neh, naw maꞈ-ahˇ gʼawˬ shaˬ gaˬ-eu lehˬ hmˬ taˬ-euˬ meh. Sahˬpaˬ Miˬyehˇ-ahˇ gʼoe-eu tsawˇ haˬ guiˬ lahˬ huiˬ-eu meh.

1 Laˬsaˬbaˬ 25:1

Uˬ duˬ tahˬ gaˇ bi sheuˬ gʼeh-eu gʼaˇ duˬ, sahˬ paˬ Daˬbiˇ hawˇ-eu Leˬbiˇ tsawˇ haˬ aˬ yuiꞈ aˬ tsu deuˬ neh tseˇ doˆ-euˬ Leˬbiˇ aˇ jeuˬ deuˬ-aˬ, Aˬsaˆ aˇ jeuˬ, Heˬmaˬ aˇ jeuˬ, Yeˬduˇdoˬ aˇ jeuˬ heu deuˬ meh. Aˬ yawꞈ maꞈ-aˬ, deuˇ-mˬ diˬ-awˇ cehˇ lehˇ ciˆ-eu laꞈ kʼoeˇ, aˬ cawˬ-ahˇ Miˬyehˇ-euˬ dawˬ kawˬ ya dzawˇ mehˬ-eu meh. Uˬ duˬ tahˬ gaˇ bi sheuˬ gʼeh-eu gʼaˇ duˬ tseˇ doˆ taˬ-euˬ deuˬ hawˇ-eu, aˬ yawꞈ maꞈ ya mˇ-eu gaˇ deuˬ-aˬ, heu loꞈ-ehˇ meh.

Jaceuq 37:39

Yaw tsaˬyaw dawˇtsawˇhaˬdeuˬ-ahˇ, SahˬpaˬMiˬyehˇ ka kʼoꞈnehˬ-awˇ, shaˬ-eu zahˬ-eu jeˬkeuˆle ngeh, maˬbyehˇdzeh ni haw piˇ-eu meh.

Jaceuq 27:14

SahˬpaˬMiˬyehˇ-ahˇnoeˬtmˬ-awˬ. Gʼaˬbyehˆtaˬbyehˆ, nui ma taˬcawˆ. SahˬpaˬMiˬyehˇ-ahˇnoeˬtmˬ-awˬ.

Yeˬlaˬmiˇ 3:23

Gawˬ duˇ uˬ du kʼaˇ ngeuˇ gaˇ lawˇ ciꞈ zaˬ deuˬ uˬ duˬ tahˬ-eu jeˬ, nga maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ nya. Iˇsaˬleˬlaˆ-ahˇ caw ba-euˬ jeˬ-aˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ neh doˆ le-eu tehꞈ meh.

Jaceuq 77:1

Miˬyehˇ-ahˇ ngaˇ yaw kʼaˆ-ehˇ kuˇ-euˬ ma. Ngaˇ guˇ-awˇ kuˇ ngeh, aˬ yawꞈ naˇ haˬ nehˬ laꞈ-euˬ meh.

Jaceuq 65:1

Miˬyehˇ-oˇ, Ziˇoˬ meuˬ laꞈ kʼoeˇ nga maꞈ nawˬ-ahˇ ja ceuˬ-awˇ, nawˬ-ahˇ saˇ jaˇ ziꞈ-eu tsaˬ dui dui meh.

Jaceuq 39:1

Ngaˇ heu loꞈ-ehˇ ehˇ-euˬ ma. “Mehˬlaˇ iˬbaˇmaˬya mˇni, yahˇ-eu laꞈkʼoeˇyaw dehꞈdehꞈma. Muiˇ-eu deuˬjawˇluꞈ-eu mehˬshi, dawˬmaˬngehˬdoˆni dzahˬtehˬma.

Jaceuq 25:5

Yaw tsaˬyaw dawˇmehˬnah iˇni, ngaˬ-ahˇmehˬnehˬtsoˆnehˬlaꞈ-awˬ. Ngaˬ-ahˇka kʼoꞈnehˬ-eu yaw sahˇ, ngaˬ-euˬMiˬyehˇpyeuꞈ-eu nawˬ-ahˇ, aˬmyah luꞈngaˇgʼoe luꞈ-eu ma.

1 Laˬsaˬbaˬ 25:3

Yeˬduˇdoˬ-euˬ aˬ li koꞈ li pyeuꞈ-eu Geˬdaˬliˇ, Zeˬliˇ, Yeˬshaˬyaˆ, Shiˇmiˇ, Haˬshaˬbiˇ, Maˬtiˇdiˇ, aˬ ha mehˇ nmˇ-aˬ, aˬ yawꞈ maꞈ-euˬ aˬ da neh mehˬ nehˬ tsoˆ nehˬ-euˬ loꞈ-ehˇ, deuˇ-mˬ diˬ-eu laꞈ kʼoeˇ aˬ cawˬ-ahˇ Miˬyehˇ-euˬ dawˬ ya dzawˇ nehˬ-awˇ, Sahˬpaˬ Miˬyehˇ-euˬ guiˬ lahˬ-ahˇ ja ceuˬ-eu caˇ dawˬ ya caˇ-eu meh.