Jaceuq 55:5 - Akha

⁵ Guˆ-awˇ yaw dzuˬ dzuˬ-eu jeˬ ngaˬ-ahˇ zuiˆ gʼaˬ-awˇ, laˇ baˇ-iˇ miˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Ngar yawkhav-aer guv-ir-awr yawdzuq dzuqluf-eu ma; Ngar guv-awr gav-eu lafkhoer gapuf saef-ir luf mir-a.

Jaceuq 55:5 Referans Kwoze

Jaceuq 119:120

Nawˬ-ahˇ ngaˇ guˆ-awˇ yaw dzuˬ dzuˬ-eu ma. Nawˇ yaˇ kʼaˬ daˇ gaˇ ngaˇ guˆ dui dui-eu ma.

Yawˇbaˆ 21:6

Ngaˬ-euˬ kʼoeˇ taˆ keuˆ le-euˬ jeˬ-ahˇ ngaˇ shaˇ noeˬ ngeh, ngaˬ-ahˇ zahˬ leˇ-awˇ yaw dzuˬ dzuˬ dui dui nya.

Luˇkaꞈ 22:44

Aˬ yawꞈ nui ma shaˬ zahˬ mˇ dui dui-eu laꞈ kʼoeˇ, yaw beh naˆ maˬ tseˇ guiˬ lahˬ paˇ shaˇ dui dui-euˬ meh. Shiˬ miˇ tsa dzaˆ ka-eu loꞈ-ehˇ, aˬ yawꞈ kuˬ pyuˇ yoeˇ le-euˬ meh.

Yeˬsaˬgeˬlaˇ 7:18

Aˬ yawꞈ maꞈ guˬ daˇ pehˇ zeuˇ mehˬ tsoeˬ dm-awˇ, yaw dzuˬ dzuˬ tehꞈ-a. Aˬ yawꞈ maꞈ uꞈ jehˆ bi jehˆ dzeh jiˇ-awˇ, daˬ ga dui dui tehꞈ-a.

Iˇsaˬyaˇ 21:4

Ngaˬ-euˬ nui ma cehˇ tahˬ tahˬ-awˇ, yaw dzuˬ dzuˬ dui dui nya. Uˬ ciꞈ ciꞈ le gaˇ noeˬ tmˬ kʼawꞈ, ciꞈ le ngeh guˆ dzehˬ laˇ-eu nya.

Jaceuq 61:2

Ngaˇ nui ma cawˆ dui dui-eu laꞈ kʼoeˇ, mˬ dzeˇ miˇ dzeˇ jawˇ-awˇ nawˬ-ahˇ kuˇ-eu ma. Ziꞈ dah ni gʼeh-eu lo guˇ-ahˇ, ngaˬ-ahˇ sheuˬ gʼeh nehˬ laꞈ-awˬ.

Jaceuq 42:6

Aˬcawˬmiˇkʼahˬ-ahˇya jawˇ-eu, nui ma cawˆdui dui-eu miˇneh, Miˬyehˇ-ahˇshaˇnoeˬluꞈ-eu ma. Ngaˬ-euˬsaꞈlaˇshaˬzahˬnaꞈni, aˬyawꞈneh bi keuˆle-euˬmeh. Heˬlaˬmoˬgawˬjawˬkʼoeˇtaˆneh, Miˇzaˬ gawˬjawˬyaw goˇ-ahˇ neh, yoeˇka leꞈ-euˬiˇcuꞈkʼoeˇdeuˬ, Yawˇdaˬiˇcuˬlawˇbaˬkʼoeˇtaˆ, tsawˬga ga ahˇleꞈ-eu loꞈ-ehˇ, nui ma-ahˇlaˆsuˬsaˬ-eu jeˬ, ngaˬ-euˬkʼoeˇtaˆkeuˆle luꞈmeh.

Yawˇbaˆ 6:4

Baoˬ huiˬ-eu Miˬyehˇ ngaˬ-ahˇ kaˆ myaˬ neh beuˆ coˆ-awˇ, kaˆ myaˬ doꞈ kʼoeˇ ngaˬ-euˬ gʼawˇ mawˇ-ahˇ iˇ byah-euˬ meh. Guˆ laˇ paˬ-ehˇ gʼeh-eu tiˬ jeˬ saˇ-iˬ tiˬ jeˬ-ahˇ, ngaˬ-euˬ kʼoeˇ taˆ Miˬyehˇ bi keuˆ le-euˬ meh.

2 Saˬmeuˬlaˆ 15:14

Kʼoeˇ ngeh, Daˬbiˇ-aˬ, aˬ yawꞈ nehˬ-ehˇ Yeˬluˇsaˬlehˬ meuˬ-ahˇ jawˇ luꞈ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ heu loꞈ-ehˇ ehˇ nehˬ-euˬ meh. “Aˬbaˇsaˬloˬ-euˬ aˬ laꞈ laꞈ kʼoeˇ neh aˬ dui ya buˬ ya law-iˇ ni, yaw kawˇ ma-ehˇ ya cehˆ meh. Yaw kawˇ-ehˇ lehˬ hmˬ tehˇ tehˬ-awˬ. Nymˬ-mˇ aˬ yawꞈ oe keuˆ-awˇ, aˬ dui-ahˇ guiˇ deuˆ gʼaˬ shaw naˇ, yawˬ gʼaˬ na luꞈ ya bi sehꞈ jiˇ gaˇ keuˆ tehꞈ-a.”

Jaceuq 18:6

Nui ma shaˬzahˬnaꞈ-eu miˇneh, SahˬpaˬMiˬyehˇ-ahˇkuˇ-euˬma. Ngaˬ-ahˇcaw ba le-eu gʼaˇduˬ, ngaˬ-euˬMiˬyehˇ-ahˇguˇ-euˬma. Uˬduˬtahˬnymˇnymˇma laꞈkʼoeˇ, ngaˬ-euˬteˇsaˇaˬyawꞈgaˬ-awˇ, ngaˬneh shaˇ-euˬshaˇdawˬdeuˬ-ahˇ, aˬyawꞈnaˇhaˬnehˬlaꞈ-euˬmeh.,