Jaceuq 50:18 - Akha

¹⁸ Smˇ kʼoeˬ kʼaˇ tahˬ puˬ le gaˇ naw maꞈ cawˬ cawˬ taꞈ-awˇ, aˬ cawˬ-euˬ miˬ zaˬ yo zaˬ-ahˇ bahˬ-eu deuˬ nehˬ-ehˇ, naw maꞈ mehˬ bawˬ gm-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Nawmaf, smrkhoeq-anr tanqpuq ngae, aqyawf naeq-aer gawfler-awr, Banq-awr joe-eu deuq naeq-aer gmler-euq mae.

Jaceuq 50:18 Referans Kwoze

1 Tiˆmoˇseˬ 5:22

Sahˬpaˬ Miˬyehˇ-euˬ gaˇ mˇ-eu lehˇ noeˬ tsehˆ-awˇ gʼawˇ mawˇ a nehˬ-euˬ tsawˇ haˬ kʼoeˇ taˆ aˬ laꞈ baꞈ daˆ nehˬ-eu taˬ tehˬ. Aˬ cawˬ iˬ baˇ mˇ gaˇ maˬ ahˇ leˇ ni yawˬ haˇ yawˬ ha shawˇ jehˆ ni dehꞈ-awˬ.

Lormav 1:32

Kʼoeˇ loꞈ-ehˇ dehꞈ-eu tsawˇ haˬ deuˬ shiˇ-eu geuˇ meh lehˇ, Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ tsehˆ taˬ-euˬ aˬ yawꞈ maꞈ siˬ nya meh. Ehˇ kʼawꞈ, aˬ yawꞈ maꞈ kʼoeˇ loꞈ-ehˇ mˇ-eu maˬ byehˇ-eu uˬ taꞈ, kʼoeˇ loꞈ-ehˇ mˇ caw-eu tsawˇ haˬ deuˬ-ahˇ nui ma tsaˬ-eu meh.

HeˬByehˇ 13:4

Sheuˬ dahˬ dzaˬ taꞈ-eu jeˬ-ahˇ tsawˇ haˬ yawˬ gʼaˬ na luꞈ ya taˬ huiˬ-awˇ, miˬ zaˬ yo zaˬ tiˬ gʼaˬ tiˇ gʼaˬ saˇ jaˇ ya ziꞈ meh. Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ deuˬ hawˇ-eu, aˬ cawˬ nehˬ-ehˇ joe-eu tsawˇ ha deuˬ-ahˇ Miˬyehˇ yaˇ kʼaˬ daˇ tehꞈ-a.

Maꞈtehˬ 23:30

Naw maꞈ-euˬ aˬ poeˬ aˬ bawˇ deuˬ dehꞈ-euˬ ziˇ-ahˇ naw maꞈ ya dehꞈ-euˬ law nmˇ-aˬ, aˬ yawꞈ maꞈ loꞈ-ehˇ maˬ dehꞈ ni, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ maˬ sehꞈ lehˇ naw maꞈ ehˇ-eu meh.

Miˇkaˬ 7:3

Aˬ yawꞈ maꞈ dawˬ tawˆ luꞈ yaw haiˬ jeˬ mˇ-eu nya dui dui meh. Yaw huiˬ yaw mahˇ deuˬ hawˇ-eu yaˇ kʼaˬ daˇ-eu deuˬ laꞈ nmꞈ nmꞈ laˇ-awˬ lehˇ ehˇ-eu meh. Myaˆ pyawˬ naˇ mehˇ jaˆ-eu tsawˇ haˬ-aˬ, yawˬ ha kʼaˇ geuꞈ mawꞈ-eu jeˬ yaw huiˬ yaw mahˇ deuˬ-ahˇ ehˇ nehˬ-awˇ tiˬ kawˆ loꞈ-ehˇ laˆ dzaˬ-eu meh.

Iˇsaˬyaˇ 5:23

Aˬ yawꞈ maꞈ laꞈ nmꞈ nmꞈ gaˇ noeˬ muiˬ-awˇ, yaw lehˬ yaw ca gʼaˬ-ahˇ pyehˬ-awˇ, maˬ lehˬ maˬ ca gaˇ tiꞈ-eu meh.

Uˬ duˬ 20:10

Iˇsaˬleˬlaˆ tsawˇ haˬ cawˬ cawˬ, kʼaˬ dzeˇ zaˬ tiˬ gʼaˬ aˬ cawˬ-euˬ miˬ zaˬ-ahˇ bahˬ naˇ, bahˬ-euˬ kʼaˬ dzeˇ zaˬ hawˇ-eu zaˬ miˬ zaˬ kʼoeˇ nyiˬ gʼaˬ luꞈ, sehꞈ nehˬ gaˇ ya daˬ tehꞈ-a.

2 Saˬmeuˬlaˆ 13:5

Aˬmaˬnoˬ-ahˇ Yawˇnaˬdehˇ ehˇ nehˬ-eu, “Nawˇ pyaˬ-eu jahˇ geuꞈ-awˇ yuꞈ zaˇ-ahˇ yuꞈ leˇ-awˇ jawˇ-awˬ. Nawˬ da nawˬ-ahˇ haw laˇ naˇ, heu loꞈ-ehˇ ehˇ nehˬ-awˬ. ‘Ngaˬ-euˬ dmˇ ma Taˬmaˬ-ahˇ ngaˇ jawˇ gaˇ bi oe-awˇ, ngaˇ dzaˬ-eu tiˬ jeˬ paˬ bi jahˇ nehˬ le-awˬ. Ngaˇ mawˇ gaˇ aˬ yawꞈ-ahˇ dzaˇ bi jahˇ le-awˇ, aˬ yawꞈ-euˬ aˬ laꞈ neh ngaˬ-ahˇ bi dzaˬ le-awˬ’ lehˇ nawˬ da-ahˇ ehˇ nehˬ-awˬ tawˇ.”