Jaceuq 50:10 - Akha

¹⁰ Sahˬ kʼaˆ doe ni jawˇ-eu bawˇ tsahˬ jeˬ zaˬ deuˬ hawˇ-eu, gawˬ jawˬ tiˬ tahˇ tiˬ yaˇ-ahˇ gaˆ luꞈ-eu jeˬ zaˬ deuˬ, dawˬ tawˆ luꞈ ngaˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqjeq mirnae aernar-aq, gawqjawq 1,000 jawq-anr gav-eu jeqzaq, Hawr-eu bawrtsanq-anr kharjawr-eu jeqzaq dawqtawvluf ngaq-euq ma.

Jaceuq 50:10 Referans Kwoze

Yawˇnaˆ 4:11

Toˆ-ehˇ ngeuˇ naˇ, huiˬ dui dui-eu Niˇnaˬbeˬ meuˬ kʼoeˇ meuˬ-ahˇ ngaˇ aˇ naˆ ni gʼawˬ shaˬ gaˬ paˬ-ehˇ gʼeh-eu nga. Meuˬ kʼoeˇ meuˬ laꞈ kʼoeˇ iˬ baˇ maˬ ahˇ-eu zaˬ yaw nyiˇ tiˬ seh nyiˬ muiˇ gʼaˬ dzehˬ ni jawˇ-awˇ, jeˬ zaˬ kʼawꞈ myaˬ dui dui-eu meh.”

Jaceuq 104:14

Jeˬ zaˬ gʼaˇ duˬ yaˇ moꞈ nawˇ bi dehꞈ-awˇ, tsawˇ haˬ zaˬ zmˬ-eu gʼaˇ duˬ aˇ bawˇ hawˇ-eu, ka dzaˬ-eu gʼaˇ duˬ dzaˬ la gʼo cehˇ bi dehꞈ-eu meh.

Daˬyeˬlaˇ 2:38

Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ maˬ ehˇ, jeˬ zaˬ hawˇ-eu ho zaˬ nga jiˇ dawˬ tawˆ luꞈ kʼoeˇ taˆ maˬ ehˇ, nawˇ bi uˆ lahˇ-euˬ meh. Nawˇ-aˬ, shuiˇ uˬ duˬ kʼoeˇ siˬ meh.

Aˇ dahˬ 31:9

Kʼoeˇ loꞈ-ehˇ jahˇ-awˇ, naw nyaꞈ-euˬ aˬ da-euˬ jeˬ zaˬ deuˬ, Miˬyehˇ ngaˬ-ahˇ biꞈ laꞈ-euˬ meh.

Aˇ dahˬ 8:17

Jeˬ zaˬ hawˇ-eu ho zaˬ nga jiˇ dawˬ tawˆ luꞈ kʼawꞈ paˇ myaˬ paˇ behˇ laˇ-awˇ, miˇ tsaˬ kʼoeˇ taˆ byah-iˇ nya ni, laꞈ nyiˇ paw pyehˬ doˆ gʼeh-awˬ.”

Aˇ dahˬ 2:19

Miˬyehˇ pyeuꞈ-eu Sahˬpaˬ Miˬyehˇ miˇ tsaˬ-ahˇ shaˬ jehˆ ui cuiˆ tsuˆ doˆ-awˇ, jeˬ zaˬ hawˇ-eu aˇ jiˇ dawˬ tawˆ luꞈ-euˬ mawˇ kawˇ tehˆ-euˬ meh. Kʼoeˇ naˇ, tsawˇ haˬ zaˬ neh bi haw-awˇ aˇ myahˇ bi myahˇ nehˬ-eu lehˇ, jeˬ zaˬ hawˇ-eu aˇ jiˇ kʼoeˇ deuˬ-ahˇ, tsawˇ haˬ zaˬ kʼoeˇ gʼaˬ jawˇ gaˇ yuˇ gʼeh nehˬ-euˬ meh. Kʼoeˇ miˇ neh, jeˬ zaˬ hawˇ-eu aˇ jiˇ dawˬ tawˆ luꞈ, yawˬ ha-euˬ aˇ myahˇ yawˬ ha baw laˇ-euˬ meh.

Jaceuq 24:1

Miˇtsaˬtahˬkʼawˇboeˬboeˬluˆluˆ, kʼaˇdehꞈkʼaˇjawˇ-eu dawˬtawˆluꞈ, SahˬpaˬMiˬyehˇ-euˬpyeuꞈ-eu meh.