Jaceuq 39:5 - Akha

⁵ Nawˬneh bi dehꞈlaꞈ-euˬaˇyamˬ, laꞈzaˬtiˬdaˬbyah-eu tehꞈmeh. Ngaˬ-euˬziˇheu nawˬ-euˬmehˬshi, tiˬpawꞈ-iˬ ehˇnyaꞈmaˬnyeuˆ-a. Tsawˇhaˬzaˬdehꞈ-eu aˇyamˬ-aˬ, saꞈgʼawˇka-eu myah ni gmˬ-awˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Nawq nae ngaq-anr bidaef naeqlaf-eu arnan aryamq-aq, lafzaq tiq daq byan’ni taef mae. Nawq-euq maeqshi ngaq-euq arkhof arla-aq, tiqpawf-iq aernyaf maqnyeuv-a. Tsawrhaqzaq yawqghaq navluf daefmuiq duidui-eu aryamq-aq, ircuf-euq safkhoeq lof-aer dur-eu taef mae. Sela.

Jaceuq 39:5 Referans Kwoze

Jaceuq 144:4

Aˬ yawꞈ-aˬ, saꞈ tiˬ poˆ gʼawˇ dah-euˬ myah ni gmˬ-eu tehꞈ meh. Aˬ yawꞈ-euˬ ziˇ-aˬ, naˇ shmˇ shmˇ-iˇ-eu naˆ ni tehꞈ meh.

Jaceuq 89:47

Ngaˬ-euˬ ziˇ aˇ naˆ ni nymˇ gaˇ noeˬ keuˆ nehˬ laꞈ-awˬ. Tsawˇ haˬ dawˬ tawˆ luꞈ nawˬ neh beh taˬ-euˬ gʼawˬ myahˇ ni maˬ gmˬ-eu shiˬ shaˬ jiˇ gʼawˇ mawˇ pyeuꞈ gaˇ noeˬ keuˆ nehˬ laꞈ-awˬ.

Jaceuq 62:9

Tsawˇ haˬ zaˬ dawˬ tawˆ luꞈ saꞈ kʼoeˬ loꞈ-ehˇ tehꞈ meh. Huiˬ zaˬ nyiˇ zaˬ dawˬ tawˆ luꞈ yawꞈ ngehꞈ meh. Aˬ yawꞈ maꞈ-ahˇ paˆ yawˬ neh saˆ haw ngeh tiˬ pawꞈ-iˬ maˬ kah-ehˇ, saꞈ kʼoeˬ naˆ maˬ tseˇ pyaˇ-eu meh.

Dawˬ tsoˆ 2:11

Ngaˬ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ-ahˇ ngaˇ shaˇ sawˇ duˬ haw ngeh, ngaˇ aˇ naˆ ni shaˬ shaˬ-ehˇ mˇ dzeuˇ shaˇ dzeuˇ yaꞈ-euˬ nga. Ehˇ kʼawꞈ, tiˬ jeˬ-iˬ gaˇ dahˇ maˬ tsoeˬ law hawˇ ngaˬ lehˇ ngaˇ siˬ duˬ-eu ma. Jaˬ lehˇ mehˬ nah teh-eu loꞈ-ehˇ yawꞈ ngehꞈ meh. Nahˇ ma heu siˬ uˬ moˆ tiˬ jeˬ-iˬ mˇ za shaˇ za-euˬ maˬ baw-a.

Yaˬkoˆ 4:14

Ni shawˬ nah nawˇ yaw dehꞈ dehꞈ-eu aˬ joˆ-ehˇ pyeuꞈ laˇ-eu gaˇ kawˆ nawˇ siˬ nya te loˇ. Naw maꞈ-aˬ, tiˬ kʼehˇ kʼehˬ tehꞈ-ehˇ ya mawˇ-awˇ byoˆ-iˇ-eu iˇ cuꞈ saꞈ kʼoeˬ-ahˇ duˇ-eu meh.

Jaceuq 39:11

Tsawˇhaˬti gʼaˬiˬbaˇmˇgaˇ, nawˇnui ma pehˇ-awˇkʼehˬnehˬngeh, aˬyawꞈ gaˬdui dui-eu jeˬ-ahˇ, boeˬcoeˇcoeˇbyoˆnehˬgaˇduˇmeh. Tsawˇhaˬzaˬyaw dehꞈdehꞈ-eu-aˬ, saꞈgʼawˇka-eu myah ni tehꞈmeh.

Yawˇbaˆ 7:6

Ngaˬ-euˬ aˇ nah aˇ yamˬ deuˬ noeˬ tmˬ kʼaˇ maˬ za ni dzeuˇ-iˇ luꞈ-awˇ, shaˬ nmˇ zaꞈ-eu sehˬ naˆ maˬ tseˇ kawˇ-eu meh.

Iˇsaˬyaˇ 40:17

Miˇ kʼahˬ tsawˇ jeuˬ kʼaˇ jawˇ kʼaˇ deuˬ dawˬ tawˆ, aˬ yawꞈ mehˬ shi tiˬ pawꞈ-iˬ ehˇ nyaꞈ maˬ nyeuˆ-a.

Dawˬ tsoˆ 1:2

Dawˬ mehˬ dawˬ tsoˆ tsoˆ-eu gʼaˬ ehˇ-eu, Yawꞈ ngehꞈ meh. Yawꞈ ngehꞈ meh. Yaw dehꞈ dehꞈ-eu jeˬ-aˬ, tiˬ pawꞈ-iˬ gaˇ dahˇ maˬ tsoeˬ-a. Maˇ maˇ ni gaˇ dahˇ maˬ tsoeˬ-a.

Aˇ dahˬ 47:9

Yaˬkoˆ ehˇ-eu, “Ngaˇ jawˇ duˬ maˬ dah leˇ nya ni doe doe-ehˇ jawˇ jawˇ-ehˇ dehꞈ luꞈ-eu laꞈ kʼoeˇ, ngaˬ-euˬ aˇ kʼoꞈ tiˬ yaˇ smˬ tseˇ kʼoꞈ byah laˇ taˬ-euˬ ma. Doe doe-ehˇ jawˇ jawˇ-ehˇ dehꞈ dzeuˇ yaꞈ-euˬ ziˇ baw dui dui-eu ngaˬ poeˬ ngaˬ bawˇ deuˬ hawˇ-eu, ngaˬ da maꞈ yaw dehꞈ dehꞈ yaꞈ-euˬ gaˇ maˬ duˇ ni, ngaˇ yaw dehꞈ dehꞈ-eu aˇ kʼoꞈ nymˇ dzehˬ-awˇ, shaˬ zahˬ ya mˇ myaˬ dzehˬ-euˬ ma.”

2 Beˬtuˆluˆ 3:8

Ehˇ kʼawꞈ, ngaˇ gaˬ dui dui-eu cawˬ deuˬ-oˇ, naw maꞈ maˬ ngehˇ kʼmˬ-eu gaˇ kawˆ tiˬ hmˬ heu loꞈ-ehˇ jaˆ meh. Sahˬpaˬ Miˬyehˇ-euˬ mehˬ shi, tiˬ nah hawˇ-eu tiˬ heˇ kʼoꞈ beu gaˇ duˬ maˬ jaˆ-a. Aˬ yawꞈ tiˬ kawˆ meh.

2 Saˬmeuˬlaˆ 19:34

Ehˇ kʼawꞈ, Baˬziˇlehˇ ehˇ-eu, “Ngaˇ-aˬ, gʼawˬ myahˇ ni ya dehꞈ-eu tsawˇ haˬ maˬ paˇ ngeuˇ ma. Nawˬ nehˬ-ehˇ Yeˬluˇsaˬlehˬ meuˬ-ahˇ ngaˇ aˬ jeˬ paˇ gʼeh leˇ nmˇ.

Jaceuq 90:12

Nga maꞈ noeˬ gahˇ laˇ nya ni, nga maꞈ-euˬ ziˇ aˇ naˆ ni nymˇ-eu mehˬ nehˬ tsoˆ nehˬ laꞈ-awˬ.