Jaceuq 39:13 - Akha

¹³ Tiˬjawˇ-iˬ maˬpaˇgʼoꞈlaˇ ni, ngaˇmaˬya iˇbyoˆ-euˬnmˇkaˬ, laˬkʼaˬcehˇ-eu tiˬkʼehˬ oꞈ ni, nawˇmaˬhaw tsoˆni bi dehꞈlaꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Ngaq-anr tiqjawr-iq maqpar ya’mawrni, ngar irbyov-eu laer ghae-eu maeqhu, Ngar ghaq tiq pov par zakhofni, nawr, ngaq-anr taq hawtsovtaq naeqlaf.”

Jaceuq 39:13 Referans Kwoze

Yawˇbaˆ 7:19

Ngaˇ duˬ kʼaˬ myoꞈ ahˇ dah ni, nawˇ yawˬ gaˇ yawˬ maˬ paˇ haw baˇ ma loˇ.

Aˇ dahˬ 42:36

Aˬ ha mehˇ nmˇ-ahˇ Yaˬkoˆ ehˇ nehˬ-eu, “Naw maꞈ ngaˬ-euˬ zaˬ dawˬ tawˆ luꞈ sheuˬ byoˆ jiˇ-eu gʼeh te loˇ. Yoˇsehˆ gʼaˬ maˬ paˇ jawˇ-eu uˬ taꞈ, Suˇmoˬ gʼaˬ gʼeh maˬ paˇ jawˇ ngaˇ. Nymˬ-mˇ poˆ jawˇ-aˬ Beˬyaˬmiˬ-ahˇ gʼeh paˇ sheuˬ byoˆ-eu lehˇ gʼeh te loˇ. Shaˬ zahˬ kʼaˇ ngeuˇ-eu dawˬ tawˆ luꞈ, ngaˬ-euˬ kʼoeˇ taˆ kaꞈ dzahˬ-awˇ keuˆ le-euˬ miˇ-a.”

Aˇ dahˬ 5:24

Aˬ yawꞈ miˇ tsaˬ kʼoeˇ taˆ yaw dehꞈ dehꞈ-euˬ tiˬ ziˇ, Miˬyehˇ nehˬ-ehˇ cawˬ cawˬ taꞈ-awˇ, aˬ yawꞈ-ahˇ tiˬ jawˇ-iˬ maˬ paˇ ya mawˇ ni byoˆ tsehˆ-euˬ meh. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ sheuˬ kʼoꞈ gʼeh-euˬ meh.

Aˇ dahˬ 47:9

Yaˬkoˆ ehˇ-eu, “Ngaˇ jawˇ duˬ maˬ dah leˇ nya ni doe doe-ehˇ jawˇ jawˇ-ehˇ dehꞈ luꞈ-eu laꞈ kʼoeˇ, ngaˬ-euˬ aˇ kʼoꞈ tiˬ yaˇ smˬ tseˇ kʼoꞈ byah laˇ taˬ-euˬ ma. Doe doe-ehˇ jawˇ jawˇ-ehˇ dehꞈ dzeuˇ yaꞈ-euˬ ziˇ baw dui dui-eu ngaˬ poeˬ ngaˬ bawˇ deuˬ hawˇ-eu, ngaˬ da maꞈ yaw dehꞈ dehꞈ yaꞈ-euˬ gaˇ maˬ duˇ ni, ngaˇ yaw dehꞈ dehꞈ-eu aˇ kʼoꞈ nymˇ dzehˬ-awˇ, shaˬ zahˬ ya mˇ myaˬ dzehˬ-euˬ ma.”

Uˬ duˬ 25:23

Yawˬ ha-euˬ miˇ tsaˬ maˬ ya ahˬ dzaˬ tsehˆ-a. Aˬ jeˬ miˇ neh ehˇ naˇ, Miˬyehˇ-aˬ, miˇ tsaˬ-euˬ yaw sahˇ gʼaˬ pyeuꞈ-awˇ, naw maꞈ-aˬ, miˇ tsaˬ kʼoeˇ-ahˇ tiˬ kʼehˬ tiˬ yamˬ laꞈ kʼoeˇ ya mˇ dzaˬ tawˬ luꞈ-eu boeˇ miˬ siˬ kʼaˬ deuˬ-ahˇ duˇ-eu meh.

2 Sahˬpaˬ 20:3

“Sahˬpaˬ Miˬyehˇ-oˇ, ngaˇ nawˬ-ahˇ saˇ jaˇ ziꞈ-eu laꞈ kʼoeˇ yaw dehꞈ dehꞈ-awˇ, nawˬ neh ngaˬ-ahˇ bi mˇ mawꞈ-eu jeˬ-ahˇ leh jeh-awˇ mˇ-euˬ gaˇ taˬ ngehˇ nehˬ laꞈ” lehˇ shaˇ-euˬ meh. Kʼoeˇ naˇ, aˬ yawꞈ ngoeˇ dui dui-euˬ meh.

1 Laˬsaˬbaˬ 29:15

Sahˬpaˬ Miˬyehˇ-oˇ, nga maꞈ yaw dehꞈ dehꞈ-eu jeˬ-aˬ, aˇ hu nga maꞈ-euˬ aˬ poeˬ aˬ bawˇ deuˬ dehꞈ dzeuˇ yaꞈ-euˬ loꞈ-ehˇ, boeˇ miˬ siˬ kʼaˬ loꞈ-ehˇ jawˇ duˬ maˬ dah leˇ nya ni doe doe-ehˇ cah-awˇ ya dehꞈ gaˇ duˇ-eu nawˇ siˬ luꞈ meh. Nga maꞈ-euˬ aˇ nah aˇ yamˬ-aˬ, byoˆ-iˇ luꞈ-eu naˇ shmˇ-ahˇ duˇ-awˇ, shiˇ-eu jeˬ-ahˇ nga maꞈ maˬ tsehˆ dzeuˇ nya-a.

Jaceuq 18:7

Aˬyawꞈnui ma pehˇlaˇ-euˬkʼoeˇ, miˇtsaˬtahˬkʼawˇgah nyeh nyeh-awˇ, gawˬjawˬduˬpuˇyaˇlaˇ-euˬmeh.

Jaceuq 119:19

Ngaˇ miˇ tsaˬ kʼoeˇ taˆ tiˬ kʼehˇ laˇ kʼehˬ dehꞈ-eu tehꞈ ma. Nawˬ-euˬ zahˇ dawˬ kʼoꞈ dawˬ taˬ yuˇ zaꞈ nehˬ laꞈ.