Jaceuq 37:35 - Akha

³⁵ Leˬbaˬnoˬgawˬjawˬ-ahˇuˆ-eu, shuˬliˇbawˇma yaw goˇloꞈ-ehˇ, aˬcawˬ-ahˇnawˬdzaˬkʼaˆdzaˬ-eu, yaw haiˬtiˬgʼaˬmawˇhaw-euˬma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Arbawr bawrma yawqha-euq daefduq-anr daef-awr huiq-ir maer-ir-eu lof-aer; Tsawrcawv guvlar paq-aer ghae-eu baoq za-euq gar, ngar ya’mawr-euq ma.

Jaceuq 37:35 Referans Kwoze

Yawˇbaˆ 5:3

Tsawˇ uˬ ziꞈ dah ni dehꞈ luꞈ gaˇ, ngaˇ ya puˬ ya mawˇ haw-euˬ ma. Ehˇ kʼawꞈ, aˬ yawꞈ maꞈ-euˬ nymˇ-ahˇ ngaˇ yaˬ kʼehˇ yaˬ-euˬ ma.

Yeˬsaˬgeˬlaˇ 31:18

“Aˇ bawˇ kʼoeˇ-aˬ, Iˇjiˇtuˆ sahˬ paˬhawˇ-eu aˬ yawꞈ-euˬ tsawˇ haˬ dawˬ tawˆ luꞈ-ahˇ ehˇ mawꞈ-eu meh. Eˬdeˬ yaˇ kmˇ laꞈ kʼoeˇ dehꞈ-eu aˇ bawˇ deuˬ kʼawꞈ, kʼoeˇ naˆ ni maˬ goˇ-ehˇ, kʼoeˇ loꞈ-ehˇ maˬ haw muiˬ-a. Ehˇ kʼawꞈ, Eˬdeˬ yaˇ kmˇ -ahˇ dehꞈ-eu aˇ bawˇ deuˬ loꞈ-ehˇ, shiˇ-eu miˇ kʼahˬ-ahˇ ya iˇ-awˇ, miˬ yehˇ-ahˇ maˬ gʼoe-eu deuˬ hawˇ-eu, guiˇ deuˆ gaˇ shiˇ-euˬ deuˬ nehˬ-ehˇ tiˬ kawˆ loꞈ-ehˇ ya jawˇ-iˇ meh lehˇ ngaˇ ehˇ-eu ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Iˇsaˬtaˆ 5:11

Aˬ yawꞈ aˇ naˆ ni smˇ muiˬ muiˬ-eu gaˇ kawˆ maˬ ehˇ, aˬ yawꞈ-euˬ aˬ li aˇ myaˆ li jawˇ-eu gaˇ kawˆ maˬ ehˇ, sahˬ paˬ neh aˬ yawꞈ-ahˇ aˬ joˆ-ehˇ aˇ yaˬ yuˇ daˆ nehˬ-euˬ gaˇ kawˆ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ naˆ maˬ tseˇ aˬ yawꞈ aˇ naˆ ni gaˇ dahˇ tsoeˬ dzehˬ-eu gaˇ kawˆ maˬ ehˇ, aˬ yawꞈ maꞈ-euˬ mehˬ shi ja-awˇ kʼahˬ sehˇ jehˆ-euˬ meh.

2 Saˬmeuˬlaˆ 18:14

Kʼoeˇ ngeh, “Ngaˇ nawˬ nehˬ-ehˇ ja ja-ehˇ jawˇ-eu aˇ yamˬ maˬ jaˆ” lehˇ Yoˇbaˬ ehˇ-awˇ, gahˬ smˬ kahˇ yuˇ-awˇ, tsuiꞈ kaˆ aˇ bawˇ-ahˇ yaw dehꞈ-ehˇ ngeuˬ luꞈ-eu Aˬbaˇsaˬloˬ-euˬ kʼahˬ-ahˇ joeˬ tsoˆ gʼeh-euˬ meh.

2 Saˬmeuˬlaˆ 18:15

Kʼoeˇ naˇ, Yoˇbaˬ-euˬ yehˇ tseˇ gʼaˬ ga uˇ le-awˇ, Aˬbaˇsaˬloˬ-ahˇ sehꞈ-euˬ meh.

Yeˬlaˬmiˇ 12:2

Aˬ yawꞈ maꞈ-ahˇ nawˇ ka dehꞈ-awˇ ciˇ tahˬ bi iˇ-euˬ meh. Aˬ yawꞈ maꞈ mehˇ laˇ-awˇ aˇ siˬ siˬ laˇ-euˬ meh. Aˬ yawꞈ maꞈ-euˬ mehˬ boeˬ nawˬ-ahˇ ja muiˬ luꞈ kʼawˬ, nui ma laꞈ kʼoeˇ nawˬ-ahˇ maˬ noeˬ keuˆ-a.

Yeˬsaˬgeˬlaˇ 31:5

Iˇ cuꞈ za muiˬ-eu baˬ da neh, aˇ bawˇ nui deuˬ maˬ tseˇ goˇ-awˇ, uˬ laꞈ huiˬ dzehˬ mahˇ dzehˬ-eu meh.

Daˬyeˬlaˇ 4:7

Kʼoeˇ naˇ, nyiˇ paˬ shaˆ ma dawˬ tawˆ luꞈ hawˇ-eu, mah loˬ ja maw kʼaˇ nya-eu deuˬ dawˬ tawˆ luꞈ bi kuˇ uiˬ laꞈ-awˇ, ngaˬ neh yuꞈ maˆ maˆ-euˬ dawˬ tsuiꞈ bi yuˇ doˆ-euˬ ma. Ehˇ kʼawꞈ, aˬ yawꞈ maꞈ tiˬ gʼaˬ-iˬ yuꞈ maˆ dawˬ tsuiꞈ maˬ yuˇ doˆ nya-a.

Daˬyeˬlaˇ 8:24

Aˬ yawꞈ-aˬ, baoˬ huiˬ dui dui tehꞈ-a. Ehˇ kʼawꞈ, aˬ yawˇ yawꞈ baoˬ huiˬ laˇ-euˬ maˬ ngeuˇ-a. Aˬ yawꞈ-aˬ, guˆ laˇ paˬ-ehˇ gʼeh-eu laˆ cawˆ-eu jeˬ mˇ-awˇ, aˬ yawꞈ kʼaˇ mˇ mawꞈ-euˬ yawˬ jeˬ na luꞈ mˇ pyeuꞈ shaˇ pyeuꞈ nya-eu meh. Baoˬ huiˬ-eu tsawˇ haˬ deuˬ hawˇ-eu Miˬyehˇ-euˬ tsawˇ haˬ deuˬ kʼoeˇ taˆ, yaw cawˆ jeˬ keuˆ le ni aˬ yawꞈ mˇ tehꞈ-a.

Daˬyeˬlaˇ 11:19

Suˇliˆ sahˬ paˬ-aˬ, aˬ yawꞈ-euˬ miˇ kʼahˬ-ahˇ jaˆ-eu aˬ yawꞈ-euˬ taˆ-ahˇ paˇ gʼoꞈ kʼoꞈ leˇ tehꞈ-a. Ehˇ kʼawꞈ, aˬ cawˬ aˬ yawꞈ-ahˇ guiˇ deuˆ gʼaˬ-awˇ, aˬ yawꞈ gʼaˇ duˬ aˇ saˬ saˬ-eu jeˬ keuˆ le tehꞈ-a.