Jaceuq 37:33 - Akha

³³ Ehˇkʼawꞈtsawˇmuiˬkʼoeˇtiˬgʼaˬ-ahˇ, SahˬpaˬMiˬyehˇmaˬbyehˇdzeh-ehˇ, muiˇ-eu deuˬneh maˬbi kʼehˬ-a. Yaˇkʼaˬdaˇ-eu jeˬkeuˆle ngeh, shaˬgaˇzahˬgaˇmaˬbi keuˆ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Aerkhawf, Ya’we Miqyaer, tsaq-awr dawr-eu tsawrhaq-anr, Tsawrcawv-euq aqlaf-euq lafkhoer maq byaerdzae yaf-ar; Aqyawf-anr yarkhaq dar-eu khawf, yawlaeq nga laer maqya bidar-ar.

Jaceuq 37:33 Referans Kwoze

Jaceuq 109:31

Aˬ jeˬ miˇ neh ehˇ naˇ, shaˬ zaˬ zahˬ zaˬ-ahˇ aˬ yawꞈ haw piˇ-awˇ, shiˇ gaˇ keuˆ ni kʼaˆ dzaˬ-eu deuˬ-euˬ laꞈ-ahˇ ka kʼoꞈ doˆ nehˬ-eu meh.

2 Beˬtuˆluˆ 2:9

Kʼoeˇ miˇ neh, Yaˇ kʼaˬ daˇ-eu Aˇ nah gʼaˇ duˬ, Miˬyehˇ-ahˇ yaw zeu baw-eu tsawˇ haˬ deuˬ-ahˇ aˬ joˆ-ehˇ bi buˬ-iˇ-eu gaˇ kawˆ hawˇ-eu, haiˬ-eu tsawˇ haˬ deuˬ-ahˇ aˬ joˆ-ehˇ ya kʼehˬ ya kʼaˆ nehˬ-eu gaˇ kawˆ, Miˬyehˇ siˬ nya meh.

Lormav 8:1

Kʼoeˇ miˇ neh, Yeˬsuˇ Ka li laꞈ kʼoeˇ jawˇ luꞈ-eu tsawˇ haˬ deuˬ-aˬ, nymˬ-mˇ yaˇ kʼaˬ daˇ nehˬ-eu jeˬ-ahˇ maˬ ya daˬ-a.

2 Tiˆmoˇseˬ 4:17

Ehˇ kʼawꞈ, Sahˬpaˬ Yeˬsuˇ ngaˬ nehˬ-ehˇ jawˇ-awˇ, ngaˬ-ahˇ gʼaˬ biꞈ nehˬ laꞈ-euˬ meh. Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ dawˬ kawˬ nui kʼahˇ tiˬ shiˇ ya mehˬ yaꞈ-euˬ ma. Kʼoeˇ uˬ taꞈ, ngaˬ-ahˇ sehꞈ-eu gʼaˇ duˬ yaˇ kʼaˬ maˬ daˇ nehˬ laꞈ ni nya dzeuˇ-iˇ-euˬ ma.