Jaceuq 36:6 - Akha

⁶ Nawˬ-euˬyaw tsaˬyaw dawˇjeˬ-aˬ, gawˬjawˬloꞈ-ehˇ goˇdui dui-awˇ, nawˬ-euˬ yaw sui yaw dawˇjeˬ-aˬ, laˆshaˆloꞈ-ehˇ naꞈdui dui-awˇ, tsawˇhaˬhawˇ-eu jeˬzaˬdeuˬ-ahˇ, nawˇngehˬgʼeh dah teˬluꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nawq-euq tsaq-awr dawr-eu jeq-aq, Zawr huiq-eu gawqjawq deuq lof-aer dur-awr; Nawr yarkhaq dar-eu jeq-aq, zawr naf-eu mae; Ya’we Miqyaer-or! Tsawrhaqzaq hawr-eu jeqzaq deuq-anr, Nawr, ngaeqghae luf-eu mae.

Jaceuq 36:6 Referans Kwoze

1 Tiˆmoˇseˬ 4:10

Aˬ dui-aˬ, leh jeh leh jeh-ehˇ gaˇ mˇ dui dui luꞈ-eu ma. Aˬ jeˬ miˇ neh ehˇ naˇ, dehꞈ luꞈ-eu Miˬyehˇ-ahˇ aˬ dui noeˬ tmˬ taˬ-euˬ ma. Aˬ yawꞈ-aˬ, tsawˇ haˬ dawˬ tawˆ luꞈ-ahˇ ka kʼoꞈ-eu gʼaˬ pyeuꞈ-awˇ, aˬ cawˬ-ahˇ naˆ maˬ tseˇ jah-eu tsawˇ haˬ deuˬ-ahˇ ka kʼoꞈ-eu meh.

Lormav 11:33

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.

Jaceuq 77:19

Iˇ luˆ dzeh-eu kʼoeˇ taˆ nawˇ cah-awˇ, iˬ ma laˆ shaˆ-ahˇ nawˇ cah tsehˆ gʼeh kʼawꞈ, nawˬ-euˬ pehˬ zaˇ maˬ ya mawˇ-a.

Jaceuq 71:19

Miˬyehˇ-oˇ, nawˬ-euˬ yaw tsaˬ yaw dawˇ jeˬ mˬ-ahˇ keuˆ ni tuˆ-awˇ, huiˬ-eu gaˇ deuˬ nawˇ mˇ yaꞈ-euˬ meh. Nawˬ-ahˇ duˇ-eu tiˬ gʼaˬ-iˬ maˬ jawˇ-a.

Iˇsaˬyaˇ 45:19

Ngaˇ dawˬ zaꞈ maˬ ngehˬ-ehˇ, ngaˬ-euˬ nui kʼahˇ ngaˇ maˬ dehˬ kaˬ taˬ-aˬ. Jawˇ tsaˬ maˬ tsoˆ-eu ngaˬ-ahˇ poˆ-awˬ lehˇ, Iˇsaˬleˬlaˆ tsawˇ haˬ deuˬ-ahˇ ngaˇ maˬ kʼehˇ-aˬ. Ngaˇ Sahˬpaˬ Miˬyehˇ pyeuꞈ-awˇ dawˬ maˇ ngehˬ-eu ma. Yaw tsaˬ yaw dawˇ jeˬ ngaˇ pah mehˬ luꞈ ma.”

Jaceuq 145:9

Aˬ yawꞈ-aˬ, yawˬ gʼaˬ na luꞈ kʼoeˇ taˆ muiˬ-awˇ, aˬ yawꞈ neh kʼaˇ beh taˬ-euˬ jeˬ dawˬ tawˆ luꞈ kʼoeˇ taˆ, gʼawˬ shaˬ gaˬ-eu nui ma jaˆ-eu meh.

Jaceuq 97:2

Mˬ dmˇ hawˇ-eu zahˇ tsui ni gʼeh-eu jeˬ, aˬ yawꞈ-ahˇ jawˬ lahˇ taˬ-euˬ meh. Yaw tsaˬ yaw dawˇ yaw muiˬ yaw jaˬ laꞈ kʼoeˇ, aˬ yawꞈ uˆ lahˇ luꞈ-eu meh.

Jaceuq 92:5

Sahˬpaˬ Miˬyehˇ-oˇ, nawˬ neh mˇ-euˬ gaˇ deuˬ aˇ naˆ ni huiˬ-eu nga. Nawˬ-euˬ nui noeˬ aˇ naˆ ni naꞈ-eu nga.

Lormav 3:25

Aˬ yawꞈ shiˇ dah-euˬ baˬ da neh tsawˇ haˬ zaˬ deuˬ aˬ yawꞈ-ahˇ jah-eu laꞈ kʼoeˇ Miˬyehˇ iˬ baˇ pyehˬ nehˬ-eu jeˬ-ahˇ za nya ni, Miˬyehˇ neh aˬ yawꞈ-ahˇ tsawˇ haˬ zaˬ deuˬ gʼaˇ duˬ biꞈ leꞈ-euˬ meh. Kʼoeˇ-aˬ, Miˬyehˇ-euˬ yaw tsaˬ yaw dawˇ jeˬ bi mawˇ ni mˇ-euˬ jeˬ pyeuꞈ-eu meh. Dzeuˇ laˇ ngeh aˬ yawꞈ nui ma gʼawˬ mahˇ ni taˬ-awˇ, tsawˇ haˬ zaˬ-euˬ iˬ baˇ-ahˇ haw dzeuˇ nehˬ-euˬ meh.

Yawˇnaˆ 4:11

Toˆ-ehˇ ngeuˇ naˇ, huiˬ dui dui-eu Niˇnaˬbeˬ meuˬ kʼoeˇ meuˬ-ahˇ ngaˇ aˇ naˆ ni gʼawˬ shaˬ gaˬ paˬ-ehˇ gʼeh-eu nga. Meuˬ kʼoeˇ meuˬ laꞈ kʼoeˇ iˬ baˇ maˬ ahˇ-eu zaˬ yaw nyiˇ tiˬ seh nyiˬ muiˇ gʼaˬ dzehˬ ni jawˇ-awˇ, jeˬ zaˬ kʼawꞈ myaˬ dui dui-eu meh.”

Iˇsaˬyaˇ 40:28

Nawˇ maˬ siˬ nya te loˇ. Nawˇ maˬ ya gaˬ-aˬ loˇ. Sahˬpaˬ Miˬyehˇ mˬ maˬ maˬ byaˆ zaˇ ziˇ Miˬyehˇ pyeuꞈ-awˇ, miˇ dawˬ tawˆ luꞈ-ahˇ beh-euˬ meh. Aˬ yawꞈ gʼaˬ doeˇ doeˇ-awˇ gʼaˬ baˬ-eu maˬ baw-ehˇ, aˬ yawꞈ nui noeˬ tiˬ gʼaˬ-iˬ maˬ siˬ duˬ nya-a.

Jaceuq 147:9

Jeˬ zaˬ deuˬ-ahˇ aˬ yawꞈ bi dzaˬ bi dawˇ-awˇ, jeˬ shiˇ kʼaˬ dzeˇ-euˬ zaˬ deuˬ dzaˇ mehꞈ-awˇ mahˇ ngeh, aˬ yawꞈ bi dzaˬ bi dawˇ-eu meh.

Yawˇbaˆ 37:23

Miˬyehˇ-euˬ baoˬ huiˬ dui dui-eu miˇ neh, aˬ yawꞈ dawˬ peh aˬ dui maˬ nyiˬ leˇ nya-a. Aˬ yawꞈ tsawˇ haˬ zaˬ-ahˇ yaw tsaˬ yaw dawˇ laꞈ kʼoeˇ cawˬ cawˬ taꞈ-eu meh.

Yawˇbaˆ 7:20

Aˬ cawˬ-ahˇ paꞈ kuˆ-ahˇ dawˆ-eu gʼaˬ-oˇ, ngaˬ-euˬ iˬ baˇ nawˬ-ahˇ coeˬ-eu nya loˇ. Aˬ jeˬ miˇ neh ngaˬ-ahˇ tsawˇ tsaˬ tsoˆ-awˇ kʼehˬ te. Ngaˇ nawˬ-ahˇ aˇ dzehˬ-ehˇ bahˬ-eu nya loˇ.

Neˬhaˬmiˇ 9:6

Kʼoeˇ naˇ, Iˇsaˬleˬlaˆ tsawˇ haˬ deuˬ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-eu meh. Mˬ hawˇ-eu mˬ taˆ tsehˬ-eu aˬ guiˇ deuˬ, nawˬ neh beh taˬ-euˬ meh. Mˬ hawˇ-eu miˇ kʼoeˇ taˆ kʼaˇ jawˇ-eu jeˬ maˬ ehˇ, laˆ shaˆ hawˇ-eu kʼoeˇ gaˇ uˇ-eu boeˬ boeˬ luˆ luˆ maˬ ehˇ, dawˬ tawˆ luꞈ-ahˇ nawˇ beh taˬ-awˇ, dehꞈ-eu saꞈ laˇ nawˇ biꞈ-euˬ meh. Mˬ kʼoeˇ taˆ kʼaˇ jaˆ-eu baoˬ dawˬ tawˆ luꞈ nawˬ-ahˇ uˬ duˬ tahˬ-eu meh.

1 Saˬmeuˬlaˆ 14:15

Meuˬ meuˬ dzeˇ kʼaˇ jawˇ-eu Piˇliˇtiˆ tsawˇ haˬ deuˬ hawˇ-eu, taˆ laꞈ kʼoeˇ kʼaˇ jawˇ-eu Piˇliˇtiˆ yehˇ deuˬ uˬ taꞈ, Iˇsaˬleˬlaˆ tsawˇ haˬ deuˬ-ahˇ guiˇ deuˆ le-eu lehˇ lehˬ hmˬ taˬ-euˬ kʼaˬ dui dui-eu aˬ yawꞈ maꞈ-euˬ yehˇ deuˬ kʼawꞈ, guˆ dui dui-eu laꞈ kʼoeˇ yaw dzuˬ dzuˬ-euˬ meh. Miˇluˆluˆ laˇ-awˇ, guˆ dui dui-eu jeˬ keuˆ le-euˬ meh.

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.

Doˆ-iˇ 9:28

Sahˬpaˬ Miˬyehˇ-ahˇ guiˬ lahˬ shaˇ-awˬ. Mˬ jeˬ tsawˬ tehˆ hawˇ-eu uˬ yehˇ aˇ siˬ heu deuˬ-ahˇ nga maꞈ maˬ paˇ daˬ coeˇ miˇ-a. Naw maꞈ-ahˇ pyehˬ nehˬ ma lehˇ ngaˇ saˇ jaˇ dzaˬ-eu ma. Naw maꞈ heu gaˇ maˬ paˇ ya jawˇ-aˇ.”

Aˇ dahˬ 18:25

Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”

Yeˬlaˬmiˇ 12:1

Sahˬpaˬ Miˬyehˇ-oˇ, nawˬ-ahˇ ngaˇ teh ngehˬ naˇ, nawˇ yaw tsaˬ yaw dawˇ ma lehˇ ehˇ tehꞈ-a. Ehˇ kʼawꞈ, yaw tsaˬ yaw dawˇ gaˇ kawˆ, nawˬ-ahˇ ngaˇ naˇ haˬ mawꞈ-eu ma. Aˬ jeˬ miˇ neh haiˬ-eu tsawˇ haˬ deuˬ baw le za le ta. Aˬ jeˬ miˇ neh maˬ sui maˬ dawˇ-eu deuˬ dehꞈ dzaˬ luꞈ ta.

Dawˬmehˬ 7:9

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ tiˬ gʼaˬ tehꞈ-ehˇ aˬ diˇ aˬ maˇ Miˬyehˇ pyeuꞈ-eu gaˇ maˬ ehˇ, aˬ yawꞈ-euˬ saˇ jaˇ ziꞈ-eu jeˬ-ahˇ maˬ ehˇ, naw maꞈ maˬ ngehˇ ni noeˬ keuˆ-awˬ. Aˬ yawꞈ-ahˇ gaˬ-awˇ aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-eu tsawˇ haˬ deuˬ-ahˇ, tiˬ heˇ ziˇ keuˆ ni aˬ yawꞈ dawˬ ma saˇ jaˇ ziꞈ-awˇ, maˬ tsehˆ leˇ-eu gʼoeˇ-eu gaˬ-eu jeˬ bi mawˇ tehꞈ-a.

Jaceuq 31:20

Yaw doeˇmaˬbi jahˇ-eu gʼaˇduˬ, yawꞈmaꞈ-ahˇnawˇhaw piˇnehˬ-awˇ, dawˬdoeˇmaˬbi daˬ-eu gʼaˇduˬ, yawꞈmaꞈ-ahˇnawˇha lahˇ-eu meh.

Ngoeˇ dawˬ 3:23

yawˬ shawˬ na luꞈ shuiꞈ teˇ poˬ ni, saˇ jaˇ huiˬ-eu ziꞈ dah ni meh.