Jaceuq 36:4 - Akha

⁴ Yuꞈzaˇlaꞈkʼoeˇ yaw cawˆbymˬ-awˇ, iˬbaˇgaˇjawˬ tiˬ li iˇ-awˇ, yaw haiˬ-ahˇnui daˆmaˬdaˆ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqyawf yufzar-anr jawr-awr nae yawcawv jeq tov-awr; Aqyawf maqmuiq-eu garma-anr can’ghae-eu mae. Aqyawf yawdoer jeq-anr nuidav maqdav-a.

Jaceuq 36:4 Referans Kwoze

Miˇkaˬ 2:1

Yaw noeˬ-ehˇ yuꞈ-awˇ yaw haiˬ jeˬ mˇ-eu gʼaˇ duˬ saˇ sawˇ luꞈ-eu tsawˇ haˬ deuˬ kʼoeˇ taˆ guˆ-eu gaˆ-eu jeˬ keuˆ le tehꞈ-a. Uˬ bya bya laˇ-awˇ, yaw haiˬ jeˬ mˇ-eu gʼaˇ duˬ yehꞈ laˇ ngeh jawˇ, aˬ yawꞈ maꞈ neh saˇ sawˇ taˬ-euˬ jeˬ tiˬ poˆ tehꞈ-ehˇ mˇ-eu meh.

Dawqdaq 4:16

Yaw lehˬ jeˬ maˬ ya mˇ naˇ, aˬ yawꞈ maꞈ maˬ yuꞈ kʼaˆ leˇ-a. Aˬ cawˬ-ahˇ maˬ ya laˆ coeˬ laˆ ciˆ kʼoeˇ keuˆ ni maˬ yuꞈ kʼaˆ leˇ-a.

Lormav 12:9

Gʼoeˇ-eu gaˬ-eu jeˬ-aˬ, maˇ maˇ ni gaˬ-eu jeˬ ya bi pyeuꞈ meh. Maˬ muiˬ maˬ jaˬ-eu jeˬ-ahˇ muiˇ-awˇ, muiˬ-eu jaˬ-eu jeˬ-ahˇ ziꞈ dah ni tuˆ tehˬ taˬ-awˬ.

Iˇsaˬyaˇ 65:2

Nui ma gʼahˇ-eu laꞈ kʼoeˇ yaw haiˬ jeˬ-ahˇ mˇ-awˇ, yawˬ ha nui kʼahˇ poˆ-eu ngaˬ-euˬ tsawˇ haˬ deuˬ-ahˇ ha geuꞈ nehˬ-eu gʼaˇ duˬ ngaˇ aˬ myah luꞈ lehˬ hmˬ-euˬ ma.

Panmaeq 2:2

Nawˬ neh mˇ taˬ-euˬ gaˇ deuˬ ngaˇ siˬ nya ma. Nawˇ aˇ naˆ ni leh jeh-awˇ mˇ-euˬ gaˇ kawˆ maˬ ehˇ, aˇ naˆ ni oˇ-euˬ gaˇ kawˆ maˬ ehˇ, ngaˇ siˬ nya ma. Haiˬ-eu tsawˇ haˬ deuˬ-ahˇ nawˇ maˬ bi dzeuˇ-iˇ-euˬ gaˇ kawˆ maˬ ehˇ, Miˬyehˇ gaˇ mˇ-eu gʼaˬ kʼehˇ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu tsawˇ haˬ deuˬ-ahˇ nawˇ lawˬ haw-euˬ gaˇ kawˆ maˬ ehˇ, aˬ yawꞈ maꞈ jaˬ myawꞈ myawꞈ-eu tsawˇ haˬ meh lehˇ nawˇ caw duˬ-euˬ gaˇ kawˆ maˬ ehˇ, ngaˇ siˬ nya ma.

Jaceuq 97:10

Yaw haiˬ jeˬ-ahˇ bye-eu tsawˇ haˬ deuˬ-ahˇ Sahˬpaˬ Miˬyehˇ gaˬ-eu meh. Aˬ yawꞈ-euˬ tsawˇ haˬ deuˬ maˬ ya luˬ ma ya seˇ-iˇ ni, aˬ yawꞈ haw piˇ-eu meh. Haiˬ-eu tsawˇ haˬ deuˬ-euˬ laꞈ-ahˇ, aˬ yawꞈ maꞈ-ahˇ ka kʼoꞈ nehˬ-eu meh.

Lormav 1:32

Kʼoeˇ loꞈ-ehˇ dehꞈ-eu tsawˇ haˬ deuˬ shiˇ-eu geuˇ meh lehˇ, Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ tsehˆ taˬ-euˬ aˬ yawꞈ maꞈ siˬ nya meh. Ehˇ kʼawꞈ, aˬ yawꞈ maꞈ kʼoeˇ loꞈ-ehˇ mˇ-eu maˬ byehˇ-eu uˬ taꞈ, kʼoeˇ loꞈ-ehˇ mˇ caw-eu tsawˇ haˬ deuˬ-ahˇ nui ma tsaˬ-eu meh.

Gʼaˬkʼehˇ 23:12

Uˬ bya bya laˇ ngeh, Yuˇdaˆ tsawˇ haˬ tiˬ deuˬ tahˬ dzoeˇ-awˇ, Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma lehˇ saˇ jaˇ dzaˬ-euˬ meh.

Maꞈtehˬ 27:1

Uˬ bya bya laˇ ngeh, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ dawˬ tawˆ luꞈ, Yeˬsuˇ-ahˇ bi sehꞈ-eu gʼaˇ duˬ bawˬ dzaˬ-euˬ meh.

Miˇkaˬ 6:8

Kʼoeˇ loꞈ-ehˇ maˬ ngeuˇ-a. Aˬ geu jeˬ muiˬ-eu gaˇ kawˆ Sahˬpaˬ Miˬyehˇ aˬ dui-ahˇ dzawˇ mehˬ taˬ-euˬ meh. Aˬ dui maꞈ laꞈ kʼoeˇ Sahˬpaˬ Miˬyehˇ geuꞈ mawꞈ-eu jeˬ-aˬ, yaw tsaˬ yaw dawˇ jeˬ-ahˇ mˇ-eu jeˬ, aˬ myah luꞈ ziꞈ-eu gʼoeˇ-eu gaˬ-eu jeˬ hawˇ-eu, nui ma nahˬ yu ni taˬ-awˇ Miˬyehˇ-ahˇ cawˬ cawˬ taꞈ-eu jeˬ, heu deuˬ meh.

Aˬmoˆ 5:15

Yaw haiˬ jeˬ-ahˇ bye-awˇ, yaw muiˬ jeˬ-ahˇ gaˬ-eu laꞈ kʼoeˇ, yaˇ kʼaˬ daˇ-eu saˇ naˇ-ahˇ yaw tsaˬ yaw dawˇ jeˬ bi doˆ laˇ-awˬ. Miˇ kʼahˬ heu kʼahˬ laꞈ kʼoeˇ maˬ shiˇ-ehˇ kʼaˇ dzeˇ yaꞈ-euˬ deuˬ-ahˇ Sahˬpaˬ Miˬyehˇ gʼawˬ shaˬ gaˬ nehˬ laꞈ-eu duˇ.

Yeˬlaˬmiˇ 8:6

Ngaˇ yaw muiˬ-ehˇ naˇ haˬ duˬ ngeh, naw maꞈ ngehˬ-eu tmˇ-eu laꞈ kʼoeˇ, yaw tsaˬ yaw dawˇ jeˬ maˬ ahˇ nya. Yawˬ ha mˇ-euˬ yaw haiˬ jeˬ-ahˇ, nui ma laꞈ kʼoeˇ maˬ noeˬ shaˬ-ehˇ, yawˬ ha mˇ-euˬ lehˬ nga loˇ lehˇ, naˇ haˬ-eu tsawˇ haˬ maˬ jawˇ-a. Guiˇ deuˆ gaˇ coeˬ gʼeh-eu dziˬ mahˬ loꞈ-ehˇ, yawˬ gʼaˬ na luꞈ yawˬ ha nui kʼahˇ-ahˇ poˆ-eu meh.

Yeˬlaˬmiˇ 6:16

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ ehˇ nehˬ-eu, “Gaˇ ma gaˇ tsmˇ-ahˇ yawꞈ-awˇ haw duˬ-awˬ. Aˇ hu ba-euˬ gaˇ ma gaˇ oeˇ naˇ haˬ duˬ-awˬ. Gaˇ ma gaˇ muiˬ naˇ haˬ duˬ-awˇ cah naˇ, nui saˇ oꞈ-awˇ ya dehꞈ tehꞈ-a.” Ehˇ kʼawꞈ, “Gaˇ ma gaˇ muiˬ-ahˇ maˬ cah” lehˇ, Sahˬpaˬ Miˬyehˇ-ahˇ aˬ yawꞈ maꞈ ehˇ-eu meh.

Dawqdaq 24:23

Zaˬ siˬ tsawˇ gahˇ ahˇ-eu tsawˇ haˬ deuˬ neh heu loꞈ-ehˇ daˬ taˬ yaꞈ-euˬ dawˬ daˬ deuˬ kʼawꞈ jaˆ-eu meh. Yaˇ kʼaˬ daˇ-eu tsawˇ haˬ myaˆ pyawˬ huiˬ nyiˇ tseˇ-eu maˬ tsaˬ-a.

Jaceuq 52:3

Muiˬ-eu jaˬ-eu jeˬ-ahˇ naˆ maˬ tseˇ yaw haiˬ jeˬ-ahˇ naw maꞈ gaˬ-awˇ, tsaˬ-eu jeˬ-ahˇ naˆ maˬ tseˇ lehˬ-eu jeˬ-ahˇ naw maꞈ gʼoeˇ-eu meh.

Jaceuq 38:12

Ngaˬ-ahˇsehꞈmawꞈ-eu tsawˇhaˬdeuˬ, ngaˬ-euˬmehˬshi lahˇju kʼmˇ-awˇ, ngaˬ-ahˇcoeˬmawꞈciˆmawꞈ-eu deuˬ, dawˬkʼaˆngehˬ-awˇlmˬ-eu laꞈkʼoeˇ, ngaˬ-ahˇlaˆshaˬ-eu lehˇjawˬ-eu, jawˇnaˬmˇ-eu maˬdah-iˬ-a.

Yawˇbaˆ 15:16

Tsawˇ haˬ zaˬ-aˬ, yaw haiˬ jeˬ-ahˇ iˇ cuꞈ dawˇ-eu loꞈ-ehˇ dawˇ-eu meh. Ngeuˇ meh. Tsawˇ haˬ zaˬ jawꞈ dui dui-awˇ gaˇ dahˇ maˬ tsoeˬ-a.

Iˇsaˬtaˆ 6:4

Kʼoeˇ naˇ, “Sahˬ paˬ-euˬ nymˇ laꞈ kʼoeˇ ngaˬ-euˬ gaˇ mˇ-eu yaw huiˬ yaw mahˇ deuˬ tiˬ gʼaˬ-iˬ maˬ jawˇ-a loˇ” lehˇ sahˬ paˬ naˇ haˬ-eu meh. Kʼoeˇ ngeh, Haˬmaˬ gʼaˬ sahˬ paˬ-euˬ nymˇ-ahˇ laˇ keuˆ-euˬ tiˬ dehˬ pyeuꞈ-eu meh. Lehˬ hmˬ dah taˬ-euˬ tsawˇ haˬ paꞈ sehꞈ-eu kʼawˇ zeuˇ kʼoeˇ taˆ Mawˬdaˬkehˇ-ahˇ bi paꞈ sehꞈ-eu lehˇ sahˬ paˬ-ahˇ shaˇ-eu lehˇ laˇ keuˆ taˬ-euˬ meh.

Iˇsaˬtaˆ 5:14

Kʼoeˇ ngeh, aˬ yawꞈ-euˬ miˬ zaˬ hawˇ-eu aˬ yawꞈ-euˬ cawˬ kʼoeˇ deuˬ dawˬ tawˆ luꞈ aˬ yawꞈ-ahˇ heu loꞈ-ehˇ ja sawˇ nehˬ-euˬ meh. “Aˬ jeˬ miˇ neh ngaˬ tseˇ caˆ byah-eu tsawˇ haˬ paꞈ gʼeu sehꞈ-eu kʼawˇ zeuˇ tiˬ zeuˇ nawˇ maˬ bi jahˇ te. Ni shawˬ uˬ shawˬ kʼawˇ zeuˇ kʼoeˇ zeuˇ kʼoeˇ taˆ Mawˬdaˬkehˇ-ahˇ bi paꞈ sehꞈ-awˬ lehˇ sahˬ paˬ-ahˇ nawˇ shaˇ-awˇ, uˬ ciꞈ paw laˬ kʼaˬ cehˇ taˆ ni dzaˬ byawˇ lawˇ gaˇ iˇ-awˬ tawˇ.” Kʼoeˇ loꞈ-ehˇ jahˇ naˇ muiˬ tehꞈ-a lehˇ Haˬmaˬ noeˬ-awˇ, tsawˇ haˬ paꞈ gʼeu sehꞈ-eu kʼawˇ zeuˇ bi jahˇ-euˬ meh.

1 Saˬmeuˬlaˆ 19:11

Kʼoeˇ ngeh miˇ Sawˇluˆ tsawˇ haˬ pyehˬ gʼeh-awˇ, Daˬbiˇ-euˬ nymˇ-ahˇ bi loꞈ jawˬ-euˬ laꞈ kʼoeˇ, uˬ shawˬ paw Daˬbiˇ-ahˇ bi sehꞈ-eu lehˇ gʼeh-eu meh. “Nymˇ ciꞈ nawˇ maˬ cehˆ dzeuˇ nya naˇ, ni shawˬ nah ya shiˇ meh” lehˇ, Daˬbiˇ-ahˇ aˬ yawꞈ-euˬ miˬ zaˬ Miˇkaˬlaˇ ehˇ nehˬ-euˬ meh.

Dawqdaq 24:2

Aˬ cawˬ-ahˇ laˆ shaˬ-eu gaˇ kawˆ tehꞈ-ehˇ aˬ yawꞈ maꞈ shaˇ noeˬ luꞈ meh. Aˬ yawꞈ maꞈ dawˬ kʼaˇ ngehˬ doˆ laˇ ngeh, tiˬ gʼaˬ-ahˇ coeˬ leˇ-eu yaw duˬ baw meh. -20-

Yeˬlaˬmiˇ 4:22

Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ dzawˬ dui dui-awˇ ngaˬ-ahˇ maˬ siˬ nya-a. Naˬ lehˬ lehˬ-eu zaˬ-ahˇ duˇ leˇ-awˇ, noeˬ siˬ-eu jeˬ tiˬ pawꞈ-iˬ maˬ ahˇ-a. Yaw haiˬ mˇ-eu nya suˇ suˇ-awˇ, yaw muiˬ mˇ-eu maˬ kʼoˆ tsehˆ-a.”