Jaceuq 33:16 - Akha

¹⁶ Sahˬpaˬtiˬgʼaˬ guiˇmaꞈkʼaˆ-awˇ, guiˇdeuˆgʼaˬnya-eu maˬngeuˇ-a. Guiˇdzaˬaˬda gʼaˬkʼaˆshaˇ-awˇ, uˬkʼawˇdzeuˇni maˬmˇnya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Sanqpaq tiq ghaq, guirmaf myaq-eu mirnae buq-ir nya-eu maqngeur-a. Ghaq khav-eu tiq ghaq, ghaq yawkhav mirnae, dzeur-ir nya-eu maqngeur-a.

Jaceuq 33:16 Referans Kwoze

Jaceuq 44:3

Nawˬ-euˬtsawˇjeuˬmi cehˇyuˇ-awˇ, miˇkʼahˬdeuˆza-euˬmaˬngeuˇ-a. Aˬyawꞈmaꞈlaꞈdu cawˬdoˆ-awˇ, guiˇdeuˆgʼaˬ-euˬjeˬmaˬngeuˇ-a. Yawꞈmaꞈ-ahˇnawˇgaˬ-eu miˇneh, nawˬ-euˬmyaˆpyawˬyaw shehꞈhawˇ-eu, nawˬ-euˬaˇmaˇlaꞈ-ahˇgʼoe-awˇ, bi gʼaˬleˇ-euˬjeˬpyeuꞈ-eu meh.

Yeˬlaˬmiˇ 9:23

Sahˬpaˬ Miˬyehˇ ehˇ-eu, “Tsawˇ gahˇ ahˇ-eu tsawˇ haˬ tsawˇ gahˇ kʼahˬ sehˇ taˬ jehˆ. Baoˬ ahˇ-eu tsawˇ haˬ baoˬ kʼahˬ sehˇ taˬ jehˆ. Pyuˇ shuiˇ jaˆ-eu tsawˇ haˬ pyuˇ shuiˇ kʼahˬ sehˇ taˬ jehˆ.

2 Laˬsaˬbaˬ 20:23

Aˬmoˬ tsawˇ haˬ deuˬ hawˇ-eu Mawˇbaˆ tsawˇ haˬ deuˬ Eˬdoˬ guiˇ maꞈ-ahˇ deuˆ-awˇ, dawˬ tawˆ luꞈ deuˆ sehꞈ jiˇ nehˬ-euˬ meh. Kʼoeˇ naˇ, aˬ yawꞈ maꞈ yaw kaˬ yaw kʼaˆ-ehˇ paˇ deuˆ ceh ceh-euˬ meh.

Yaˇ kʼaˬ daˇ 7:2

Giˇdoˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ tsawˇ haˬ deuˬ-ahˇ, Miˇdiˬyaˬ tsawˇ haˬ deuˬ-ahˇ ngaˇ bi gʼaˬ leˇ-eu gʼaˇ duˬ, nawˬ-euˬ tsawˇ haˬ deuˬ aˇ dzehˬ myaˬ dzeuˇ-eu meh. Aˬ yawꞈ maꞈ yawˬ haˇ yawˬ ha deuˆ gʼaˬ-euˬ ma lehˇ noeˬ-awˇ, ngaˬ neh mˇ-euˬ jeˬ-ahˇ maˬ mawˇ nya-aˇ.

Doˆ-iˇ 14:28

Iˇ cuꞈ kʼoeˇ paˇ dahˬ pymˬ-awˇ, Iˇsaˬleˬlaˆ tsawˇ haˬ deuˬ mehˬ nah caw teh luꞈ-eu mahˬ laˆ lawˬ deuˬ-ahˇ maˬ ehˇ, mahˬ laˆ lawˬ teh-eu tsawˇ haˬ deuˬ hawˇ-eu Iˇjiˇtuˆ guiˇ maꞈ dawˬ tawˆ luꞈ-ahˇ maˬ ehˇ,dahˬ pymˬ byoˆ jiˇ-euˬ meh. Dzeuˇ-iˇ-euˬ tiˬ gʼaˬ-iˬ maˬ jawˇ-a.

2 Laˬsaˬbaˬ 32:21

Sahˬpaˬ Miˬyehˇ neh mˬ taˆ gʼaˬ kʼehˇ pyehˬ gʼeh leꞈ-awˇ, Aˬshuˇliˆ guiˇ maꞈ-euˬ yehˇ deuˬ hawˇ-eu yaw huiˬ yaw mahˇ deuˬ-ahˇ bi sehꞈ-euˬ meh. Kʼoeˇ miˇ neh, Aˬshuˇliˆ sahˬpa kʼoeˇ gʼaˬ nui ma cawˆ-eu laꞈ kʼoeˇ, aˬ yawꞈ-euˬ miˇ kʼahˬ-ahˇ gʼoꞈ leˇ-euˬ meh. Kʼoeˇ naˇ, aˬ yawꞈ-euˬ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ jawˇ luꞈ-eu aˇ nah tiˬ nah-ahˇ, aˬ yawꞈ-euˬ aˬ li tiˬ deuˬ mi cehˇ yuˇ-awˇ aˬ yawꞈ-ahˇ sehꞈ-euˬ meh.

2 Laˬsaˬbaˬ 20:12

Nawˇ-aˬ, nga maꞈ-euˬ Miˬyehˇ ma. Aˬ yawꞈ maꞈ-ahˇ nawˇ kʼehˬ nehˬ kʼaˆ nehˬ-awˬ. Nga maꞈ-ahˇ ceh le-eu lehˇ oe luꞈ-eu myaˬ dui dui-eu guiˇ maꞈ heu maꞈ-ahˇ deuˆ ceh ceh-eu gʼaˇ duˬ, nga maꞈ noeˬ maˬ paˇ doˆ miˇ-a. Aˬ joˆ-ehˇ ya jahˇ paˬ nga lehˇ shaˇ noeˬ dui-euˬ miˇ-a. Ehˇ kʼawꞈ, nawˇ caw ba nehˬ laꞈ-eu jeˬ-ahˇ nga maꞈ noeˬ tmˬ luꞈ ma.”

1 Saˬmeuˬlaˆ 17:4

Gaˬdaˇ meuˬ-ahˇ neh oe-euˬ Gawˇliˇyaˆ lehˇ myahˇ-euˬ Piˇliˇtiˆ tsawˇ haˬ tiˬ gʼaˬ, aˬ yawꞈ maꞈ-euˬ taˆ laꞈ kʼoeˇ neh doˆ le-euˬ meh. Aˬ yawꞈ-aˬ, koꞈ caˆ uˬ taꞈ tiˬ toˇ ehˇ gʼaˬ ni goˇ-eu tsawˇ haˬ tiˬ gʼaˬ pyeuꞈ-eu meh.

Yawˇshuˆ 14:12

Ngaˇ hawˇ-eu ngaˬ-euˬ tsawˇ haˬ deuˬ kʼoeˬ sho haw leˇ-euˬ gaˇ kawˆ paˇ dzawˇ poˆ nehˬ ngeh nah, Sahˬpaˬ Miˬyehˇ ngaˬ-ahˇ saˇ jaˇ dzaˬ-euˬ loꞈ-ehˇ, gawˬ jawˬ gawˬ duˇ gahˬ kaˬ kʼoeˇ ngaˬ-ahˇ biꞈ nehˬ laꞈ-awˬ. Huiˬ dui goˇ dui dui-eu tsawˇ jeuˬ pyeuꞈ-eu Aˬnaˬkaˆ tsawˇ haˬ deuˬ, goˇ dui dui-eu meuˬ lahˇ laꞈ kʼoeˇ jawˇ luꞈ meh lehˇ naw maꞈ-ahˇ nga maꞈ ehˇ nehˬ-euˬ ma. Sahˬpaˬ Miˬyehˇ neh ehˇ taˬ-euˬ loꞈ-ehˇ, ngaˬ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ maꞈ-ahˇ ngaˇ teh doˆ nya-eu duˇ.”

1 Sahˬpaˬ 20:10

Beˬhaˬdaˇ neh aˬ yawꞈ-ahˇ paˇ pyehˬ gʼeh leꞈ-awˇ, Aˬhaˆ-ahˇ heu loꞈ-ehˇ bi tsaꞈ gaˬ le-euˬ meh. “Meuˬ heu meuˬ-ahˇ laˆ luˬ laˆ seˇ nya ni, ngaˇ tsawˇ haˬ tiˬ loꞈ sheuˬ leꞈ-awˇ, bi laˆ meuˇ bi laˆ loeˇ ma. Meuˬ heu meuˬ-euˬ kʼaˬ lehˇ-ahˇ, aˬ yawꞈ maꞈ-euˬ aˬ laꞈ neh tawˆ kʼoꞈ gʼeh tehꞈ-a. Ngaˇ kʼoeˇ loꞈ-ehˇ maˬ jahˇ pyeuꞈ nya naˇ, miˬ yehˇ kʼoeˇ deuˬ ngaˬ-ahˇ sehꞈ luꞈ-uˇ.”

Yaˇ kʼaˬ daˇ 7:4

Kʼoeˇ naˇ, Giˇdoˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-eu tsawˇ haˬ yaw myaˬ nga siˬ. Aˬ yawꞈ maꞈ-ahˇ iˇ cuꞈ jaˆ gaˇ sheuˬ gʼeh-awˬ. Nawˬ-eu gʼaˇ duˬ aˬ yawꞈ maꞈ-ahˇ ngaˇ kʼoeˇ gaˇ tseˇ doˆ ma. Nawˬ nehˬ-ehˇ iˇ-eu geuˇ-eu nga lehˇ ngaˬ neh laꞈ noeˇ toeˬ-euˬ tsawˇ haˬ deuˬ nawˬ nehˬ-ehˇ ya iˇ-awˇ, nawˬ nehˬ-ehˇ iˇ-eu maˬ geuˇ-a lehˇ ngaˬ neh laꞈ noeˇ toeˬ-euˬ deuˬ nawˬ nehˬ-ehˇ maˬ ya iˇ-a.”

1 Saˬmeuˬlaˆ 2:9

“Yawꞈ-ahˇ saˇ jaˇ ziꞈ-eu deuˬ-ahˇ, yaw dehꞈ dehꞈ gaˇ haw piˇ nehˬ-awˇ, maˬ tsaˬ maˬ dawˇ-eu tsawˇ haˬ deuˬ, yaw zahˇ laꞈ kʼoeˇ byoˆ-iˇ-eu meh. Tsawˇ haˬ zaˬ yawˬ ha-euˬ gʼaˬ neh, gʼaˬ leˇ-eu gʼaˬ maˬ pyeuꞈ laˇ-a.

1 Sahˬpaˬ 20:15

Meuˬ-ahˇ uˆ lahˇ-eu sahˬ paˬ sahˬ ma geuꞈ luꞈ-eu deuˬ-euˬ laꞈ oˆ jawˇ-eu zaˬ guˬ yehˇ deuˬ-ahˇ sahˬ paˬ kuˇ doˆ-awˇ, dawˬ tawˆ luꞈ nyiˬ yaˇ smˬ tseˇ nyiꞈ gʼaˬ doˆ laˇ-euˬ meh. Kʼoeˇ naˇ, Iˇsaˬleˬlaˆ guiˇ maꞈ-ahˇ aˬ yawꞈ kuˇ doˆ-awˇ, dawˬ tawˆ luꞈ shiꞈ heˇ gʼaˬ doˆ laˇ-euˬ meh.

2 Laˬsaˬbaˬ 13:8

Nymˬ-mˇ poˆ jawˇ-aˬ, Daˬbiˇ-euˬ zaˬ deuˬ uˆ deuˬ-euˬ laꞈ-ahˇ jaˆ-eu Sahˬpaˬ Miˬyehˇ-euˬ miˇ kʼahˬ-ahˇ naw maꞈ guiˇ deuˆ-eu gʼeh te loˇ. Naw maꞈ guiˇ guiˇ maꞈ myaˬ dui dui-awˇ, naw maꞈ-euˬ miˬyehˇ bi geuꞈ-eu lehˇ Yeˬyawˇbamˬ neh jahˇ-euˬ shuiˇ mawˇ neˇ mawˇ kawˇ kʼawꞈ naw maꞈ nehˬ-ehˇ jaˆ luꞈ meh.

Yawˇbaˆ 36:7

Yaw tsaˬ yaw dawˇ tsawˇ haˬ deuˬ-ahˇ aˬ yawꞈ haw piˇ-eu laꞈ kʼoeˇ, aˬ cawˬ kʼoeˇ taˆ uˆ lahˇ-eu tsawˇ haˬ bi geuꞈ-awˇ, mˬ maˬ maˬ byaˆ zaˇ ziˇ bi taˬ huiˬ bi taˬ mahˇ nehˬ-eu meh.

Yawˇbaˆ 39:11

Aˬ yawꞈ-euˬ huiˬ-eu gʼaˬ-ahˇ gʼoe-awˇ nawˬ-euˬ gʼaˇ duˬ myawˬ kʼaˆ bi mˇ-eu lehˇ noeˬ tmˬ nya te loˇ.

Jaceuq 20:8

Yawꞈmaˬya coˬdzeh jiˇkʼawꞈni, aˬdui ziꞈdah ni yawꞈ-eu ma.

Dawˬ tsoˆ 9:11

Nahˇ ma heu siˬ uˬ moˆ ngaˇ heu loꞈ-ehˇ tiˬ jeˬ paˇ ya mawˇ-euˬ ma. Kawˇ dui dui-eu deuˬ aˬ myah luꞈ cehˆ ceh ceh-eu gʼaˬ leˇ-eu maˬ ngeuˇ-ehˇ, nui ma yaw kʼaˬ deuˬ aˬ myah luꞈ guiˇ deuˆ-eu gʼaˬ leˇ-eu maˬ ngeuˇ-a. Tsawˇ gahˇ ahˇ-eu deuˬ aˬ myah luꞈ ya dzaˬ ya dawˇ-eu maˬ ngeuˇ-ehˇ, nui noeˬ kuꞈ-eu deuˬ aˬ myah luꞈ smˇ muiˬ muiˬ laˇ-eu maˬ ngeuˇ-a. Bym dui nya dui dui-eu deuˬ kʼawꞈ, aˬ myah luꞈ myaˆ pyawˬ naˇ mehˇ jaˆ-eu maˬ ngeuˇ-a. Tsawˇ haˬ yawˬ gʼaˬ na luꞈ guiˬ lahˬ doeˇ-eu aˇ yamˬ aˇ law baw-eu meh.

Yeˬlaˬmiˇ 48:14

“Mawˇbaˆ tsawˇ haˬ deuˬ-oˇ, naw maꞈ guiˇ deuˆ-eu kʼaˬ dui kʼaˆ dui dui ma lehˇ, aˬ jeˬ miˇ neh ehˇ te.

Hawˇseˬ 10:13

Ehˇkʼawꞈ, naw maꞈ yaw haiˬ sehˬ-awˇ, yaw haiˬ jeˬ yehˬ dzaˬ taˬ-euˬ meh. Jaˬ myawꞈ mehˇ shuiˇ aˇ siˬ aˇ lu, naw maꞈ dzaˬ taˬ-euˬ jaˆ-eu meh. “Mahˬ laˆ lawˬ hawˇ-eu guiˇ zaˬ deuˬ, yaw myaˬ ma lehˇ naw maꞈ noeˬ-eu,

Aˬmoˆ 2:14

Cehˆ kawˇ nya dui dui-eu deuˬ kʼawꞈ, maˬ cehˆ dzeuˇ nya-aˇ. Gʼaˬ kʼaˆ-eu tsawˇ haˬ deuˬ kʼawꞈ gʼaˬ jiˇ-awˇ, yehˇ deuˬ kʼawꞈ yawˬ ha maˬ ya shiˇ ni maˬ teuˆ buˬ nya-aˇ.

Aˬmoˆ 2:15

Kaˆ beuˆ-eu tsawˇ haˬ deuˬ maˬ yawꞈ tehˬ coeˇ-aˇ. Cehˆ kawˇ nya-eu deuˬ kʼawꞈ maˬ cehˆ dzeuˇ nya-aˇ. Mahˬ dziˬ-awˇ guiˇ deuˆ-eu deuˬ kʼawꞈ, yawˬ ha-euˬ uˬ kʼawˇ maˬ cehˆ buˬ nya-aˇ.