Jaceuq 32:4 - Akha

⁴ Uˬciꞈnah gʼahˇmaˬtsehˆleˇni, nawˬ-euˬaˬlaꞈngaˬ-ahˇkah-awˇ, jawˇla nahˇtsaˇlawꞈ-eu loꞈ-ehˇ, gʼaˬdawˬtawˆluꞈ lawꞈguiˇ-euˬnya.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Uqcif nan’ghanr maqaer, nawq-euq aqlaf, ngaq-euq khoertav kanluf-eu mirnae; Ngar daef-eu jeq, jawrla-euq yawgui lof-aer pyeuflar taq-euq mir-a. Sela.

Jaceuq 32:4 Referans Kwoze

1 Saˬmeuˬlaˆ 5:11

Kʼoeˇ miˇ neh, Piˇliˇtiˆ sahˬ paˬ dawˬ tawˆ luꞈ-ahˇ aˬ yawꞈ maꞈ tiˬ poˆ paˇ kuˇ uiˬ-awˇ, “Aˬ dui hawˇ-eu aˬ dui-euˬ miˬ sawˇ zaˬ deuˬ-ahˇ maˬ paˇ bi sehꞈ-eu gʼaˇ duˬ, Iˇsaˬleˬlaˆ tsawˇ jeuˬ-euˬ Dawˬ ma saˇ jaˇ Bahˬ keuˆ kʼoeˇ keuˆ-ahˇ, aˬ yawꞈ jaˆ duˬ-ahˇ bi baꞈ kʼoꞈ ha leˇ-awˬ” lehˇ ehˇ nehˬ-euˬ meh. Miˬyehˇ aˬ yawꞈ maꞈ-ahˇ yaw kʼaˆ-ehˇ kʼehˬ nehˬ-euˬ miˇ neh, meuˬ meuˬ lah ni kʼoeˇ taˆ guˆ-eu gaˆ-eu jeˬ keuˆ le luꞈ-eu meh.

Jaceuq 22:15

Kuˬbyahˬ lehˇtsaˇloꞈ-ehˇgui-awˇ, mehˬlaˇ mehˬtaˆmyahˬleˇ miˇ-a. Kʼaˬlehˇ tsahˬ-ahˇbi shiˇ-eu lehˇ, nawˇngaˬ-ahˇbyehˇdzeh laꞈ-euˬnga.

Yawˇbaˆ 33:7

Kʼoeˇ miˇ neh nawˇ ngaˬ-ahˇ guˆ-eu maˬ loˬ-a. Nawˬ-ahˇ zuiˆ gʼaˬ-eu jeˬ ngaˇ maˬ jahˇ.

Ngoeˇ dawˬ 5:10

Mehꞈ-eu baˬ da gʼawˇ mawˇ lahˇ-eu, miˬ dzaˬ tsawˬ bu-ahˇ duˇ leˇ nya.

Ngoeˇ dawˬ 4:8

Ehˇ kʼawꞈ nymˬ-mˇ yawꞈ maꞈ myaˆ pyawˬ, kʼawˬ taˆ miˇ kʼoeˬ maˬ tseˇ naˆ-awˇ, gaˇ ma-ahˇ shiˇ taˬ-awˇ ga-eu, tiˬ gʼaˬ-iˬ maˬ haw siˬ nya ni. Baˆ kʼoˆ shaˬ yoeˬ-ahˇ myahˬ leˇ-awˇ, daˇ kawˬ loꞈ-ehˇ gʼahˇ leˇ-euˬ meh.

Yawˇbaˆ 30:30

Shaˬ jiˇ naˆ cawꞈ ni pyeuꞈ-iˇ-awˇ, pyaˬ dui dui-awˇ lahˇ dui dui nya.

Yawˇbaˆ 16:21

Tsawˇ haˬ tiˬ gʼaˬ yawˬ ha-euˬ cawˬ gʼaˇ duˬ tahˬ shaˇ-eu loꞈ-ehˇ, ngaˬ-euˬ gʼaˇ duˬ Miˬyehˇ-ahˇ tiˬ gʼaˬ na bi tahˬ shaˇ leˇ mawꞈ nya.

1 Saˬmeuˬlaˆ 6:9

Laˆ lawˬ kʼoeˇ laˇ aˬ geu paw iˇ nga lehˇ haw taˬ-awˬ. Behˬsheˬmehˇ meuˬ paw iˇ naˇ, aˬ dui kʼoeˇ taˆ sahˬ zahˬ naˇ gawˇ bi keuˆ le-euˬ gʼaˬ-aˬ, Iˇsaˬleˬlaˆ tsawˇ jeuˬ-euˬ Miˬyehˇ meh. Ehˇ kʼawꞈ, yawˬ paw yawˬ iˇ naˇ, aˬ dui ya daˬ luꞈ-eu naˇ gawˇ heu aˬ yawꞈ neh bi keuˆ le-euˬ maˬ ngeuˇ-ehˇ, aˬ yawˇ yawꞈ seu doˆ laˇ-euˬ naˇ gawˇ meh.”

1 Saˬmeuˬlaˆ 5:9

Meuˬ kʼoeˇ meuˬ-ahˇ Dawˬ ma saˇ jaˇ Bahˬ keuˆ baꞈ keuˆ gʼeh ngeh jawˇ, kʼoeˇ gaˇ kʼawꞈ Sahˬpaˬ Miˬyehˇ paˇ kʼehˬ nehˬ-awˇ, yaw kʼaˆ-ehˇ bi shaˬ bi zahˬ-euˬ meh. Meuˬ kʼoeˇ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, zaˬ guˬ tsawˇ kʼaˆ maˬ ehˇ, gʼawˇ mawˇ mawˇ lah-ehˇ maˇ cuˬ maˇ lu lu byah jiˇ-euˬ meh.

Luˇta 1:13

aˬ yawꞈ nyaꞈ-ahˇ paˇ mˇ dzaˬ laˇ-eu lehˇ, aˬ yawꞈ nyaꞈ huiˬ loˆ laˇ ngeh keuˆ ni, naw nyaꞈ dawˬ coeˇ tehꞈ-a loˇ. Kʼoeˇ ngeh keuˆ ni, aˬ cawˬ-ahˇ maˬ mˇ dzaˬ-iˇ ni naw nyaꞈ jawˇ coeˇ tehꞈ-a loˇ. Ngaˬ-euˬ aˬ tsu deuˬ-oˇ, kʼoeˇ loꞈ-ehˇ maˬ pyeuꞈ laˇ nya-eu gaˇ kawˆ naw nyaꞈ siˬ nya meh. Sahˬpaˬ Miˬyehˇ ngaˬ-ahˇ byehˇ dzeh yaꞈ-euˬ miˇ neh, naw nyaꞈ-ahˇ ngaˇ gʼawˬ shaˬ gaˬ dui dui miˇ-a.”