Jaceuq 31:5 - Akha

⁵ Ngaˬ-euˬsaˬlaˇgʼawˇmawˇdawˬtawˆ, nawˬ-euˬlaꞈ-ahˇ a nehˬ-eu ma. Saˇjaˇziꞈ-eu Miˬyehˇpyeuꞈ-eu, SahˬpaˬMiˬyehˇnawˬneh ngaˬ-ahˇ, gʼawˬshaˬgaˬ-awˇka kʼoꞈ-euˬmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Ngar, ngaq-euq saflar, nawq-euq aqlaf-euq lafkhoer a’naeq ma. Yawtsaq yawdawr-euq Miqyaer pyeuf-eu, Ya’we Miqyaer-or! Nawr, ngaq-anr kakhof naeqlaf-euq mae.

Jaceuq 31:5 Referans Kwoze

Luˇkaꞈ 23:46

Kʼoeˇ ngeh, Yeˬsuˇ yaw kʼaˆ-ehˇ guˇ-awˇ, “Aˬda-oˇ, ngaˬ-euˬ saꞈ laˇ-ahˇ nawˬ-euˬ aˬ laꞈ laꞈ kʼoeˇ a nehˬ-eu ma” lehˇ ehˇ-eu meh. Kʼoeˇ loꞈ-ehˇ guˇ gʼaˬ ngeh, aˬ yawꞈ saꞈ tsehˆ leˇ-euˬ meh.

Gʼaˬkʼehˇ 7:59

Aˬ yawꞈ maꞈ Saˬteˬpaˬ-ahˇ kʼaˬ lo biˬ dui dui luꞈ ngeh, “Sahˬpaˬ Yeˬsuˇ-oˇ, ngaˬ-euˬ saꞈ laˇ-ahˇ ha geuꞈ nehˬ laꞈ-awˬ” lehˇ, Saˬteˬpaˬ guiˬ lahˬ shaˇ-euˬ meh.

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.

Jaceuq 71:23

Nawˬ-ahˇ ngaˇ caˇ-awˇ ja ceuˬ ngeh, ngaˇ laˬ kʼaˬ cehˇ-awˇ guˇ ma. Nawˇ ngaˬ-ahˇ ka kʼoꞈ nehˬ laꞈ-eu miˇ neh, nui ma gʼawˇ mawˇ dawˬ tawˆ luꞈ caˇ-awˇ ja ceuˬ ma.

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.

HeˬByehˇ 6:18

Miˬyehˇ neh saˇ jaˇ dzaˬ-euˬ jeˬ hawˇ-eu aˬ yawꞈ neh kamˬ-euˬ heu nyiˬ jeˬ-aˬ, tiˬ jawˇ-iˬ maˬ poˆ maˬ paˇ laˇ nya-eu, Miˬyehˇ jaˬ myawꞈ maˬ myawꞈ kʼmˬ-eu jeˬ pyeuꞈ-eu meh. Kʼoeˇ miˇ neh, guˆ-eu gaˆ-eu jeˬ-ahˇ dzeuˇ-awˇ Miˬyehˇ laꞈ kʼoeˇ ya jawˇ luꞈ-eu aˬ dui-aˬ, aˬ dui mehˬ shi jaˆ-eu noeˬ tmˬ duˬ-ahˇ ziꞈ dah ni tuˆ tehˬ taˬ-eu gʼaˇ duˬ nui ma ziꞈ dah ni jaˆ-eu ma.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

Tiˇtuˆ 1:2

Kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ noeˬ tmˬ-eu jeˬ kʼoeˇ taˆ dawˬ pehˬ taˬ taˬ-euˬ meh. Jaˬ myawꞈ maˬ myawꞈ-eu Miˬyehˇ-aˬ, aˇ yamˬ-ahˇ maˬ beh mi naˆ-ehˇ, dehꞈ-eu jeˬ kʼoeˇ aˬ dui-ahˇ biꞈ ma lehˇ saˇ jaˇ dzaˬ taˬ-euˬ meh.

2 Tiˆmoˇseˬ 1:12

Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.

Iˇsaˬyaˇ 50:2

“Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu lehˇ ngaˇ iˇ ngeh, aˬ jeˬ miˇ neh aˬ yawꞈ maꞈ maˬ haw cawˬ laˇ ta. Aˬ jeˬ miˇ neh ngaˇ kuˇ ngeh aˬ yawꞈ maꞈ oˬ maˬ toˬ ta. Ngaˬ-euˬ aˬ laꞈ yaw nymˇ miˇ neh maˬ ka kʼoꞈ nya ta loˇ. Naw maꞈ-ahˇ ka kʼoꞈ nehˬ nya ni ngaˇ gʼaˬ maˬ loꞈ ta loˇ. Ngaˇ dawˬ biꞈ-awˇ iˬ ma laˆ shaˆ-ahˇ bi gui-iˇ nya ma. Iˇ cuꞈ lawˇ baˬ kʼaˇ shuiꞈ deh ga bi pyeuꞈ-iˇ-awˇ, iˇ cuꞈ maˬ dahˬ-eu miˇ neh ngaˬ shaˬ shiˇ jiˇ ni ngaˇ jahˇ nya ma.

Aˇ dahˬ 48:16

Guˆ-eu gaˆ-eu jeˬ laꞈ kʼoeˇ ngaˬ-ahˇ sheuˬ buˬ-euˬ Miˬyehˇ-euˬ gʼaˬ kʼehˇ, aˬ yawꞈ nyaꞈ-ahˇ guiˬ lahˬ biꞈ luꞈ-uˇ. Aˬ li heu nyiˬ li baˬ da neh, ngaˬ-euˬ tsawˇ myahˇ maˬ ehˇ, ngaˬ bawˇ Aˬbyaˬhaˬ-euˬ tsawˇ myahˇ maˬ ehˇ, ngaˬ da Iˇtsaˆ-euˬ tsawˇ myahˇ maˬ ehˇ, tiˬ jawˇ-iˬ maˬ byoˆ-iˇ ni jaˆ yaꞈ luꞈ-uˇ. Aˬ yawꞈ nyaꞈ nmˇ zaˬ gʼawˬ mya ni jawˇ le-awˇ, aˬ yawꞈ maꞈ-euˬ zaˬ deuˬ uˆ deuˬ, myaˬ dui dui le luꞈ-uˇ.”

2 Tiˆmoˇseˬ 2:13

Aˬ dui saˇ jaˇ maˬ ziꞈ law kʼawꞈ, aˬ yawꞈ saˇ jaˇ ziꞈ dui dui meh. Aˬ jeˬ miˇ neh ehˇ naˇ, aˬ yawꞈ saˇ jaˇ ziꞈ-eu miˇ neh, yawˬ haˇ yawˬ ha maˬ byehˇ dzeh-a.”

Jaceuq 130:8

Aˬ yawꞈ-euˬ tsawˇ haˬ pyeuꞈ-eu Iˇsaˬleˬlaˆ tsawˇ jeuˬ-ahˇ, iˬ baˇ dawˬ tawˆ luꞈ laꞈ kʼoeˇ aˬ yawꞈ ka kʼoꞈ tehꞈ-a.

Uˬ duˬ 25:48

Ahˬ dzaˬ gʼaˬ-euˬ kʼawꞈ, zeuˇ kʼoꞈ geuꞈ nya-eu zahˇ jaˆ meh. Aˬ yawꞈ-euˬ mehˇ nmˇ tsi tsi ni gʼeh-eu deuˬ laꞈ kʼoeˇ, tiˬ gʼaˬ na aˬ yawꞈ-ahˇ zeuˇ kʼoꞈ geuꞈ nya meh.