Jaceuq 31:15 - Akha

¹⁵ Ngaˬ-euˬaˇnah aˇyamˬdawˬtawˆ, nawˬ-euˬaˬlaꞈlaꞈkʼoeˇjaˆmeh. Muiˇ-eu deuˬ-euˬlaꞈ-ahˇmaˬehˇ, kʼehˬ-eu deuˬ-euˬlaꞈ-ahˇmaˬehˇ, nawˇngaˬ-ahˇka kʼoꞈnehˬlaꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Ngaq-euq arnan aryamq-aq, nawq-euq aqlaf-euq lafkhoer jav-eu mae. Ngaq-anr muir-eu deuq-euq aqlaf-anr nae hawr-eu, Ngaq-anr khaeq-awr khav-eu deuq-anr nae bibuq-ir naeqlaf-awq.

Jaceuq 31:15 Referans Kwoze

Gʼaˬkʼehˇ 1:7

Aˬ yawꞈ maꞈ-ahˇ Yeˬsuˇ ehˇ nehˬ-eu, “Aˇ yamˬ aˇ law-ahˇ ngaˬ Da-euˬ baoˬ neh toꞈ taˬ gʼaˬ jiˇ-euˬ meh. Naw maꞈ siˬ nya-eu maˬ loˬ-a.

Yoˇhaˬ 17:1

Yeˬsuˇ kʼoeˇ loꞈ-ehˇ ngehˬ gʼaˬ tmˇ gʼaˬ ngeh, mˬ paw gʼawˇ leuˇ-awˇ heu loꞈ-ehˇ ehˇ-eu meh. “Aˬda-oˇ, aˇ yamˬ keuˆ le-euˬ meh. Zaˬ maˇ baˬ da neh nawˬ-euˬ yaw shehꞈ kʼahˬ sehˇ-ahˇ aˬ cawˬ mawˇ nya ni, nawˬ-euˬ Zaˬmaˇ-ahˇ yaw shehꞈ kʼahˬ sehˇ biꞈ laꞈ-awˬ.

Yoˇhaˬ 7:6

Yeˬsuˇ aˬ yawꞈ-euˬ mehˇ nmˇ deuˬ-ahˇ ehˇ nehˬ-eu, “Ngaˬ-euˬ gʼaˇ duˬ aˇ yamˬ maˬ tsaˬ laˇ-aˬ siˬ. Nawˬ ha mehˇ nmˇ-euˬ gʼaˇ duˬ law nmˇ-aˬ, aˇ yamˬ maˬ tsaˬ laˇ-euˬ maˬ baw-a.

Jaceuq 142:6

Caw ba nehˬ laꞈ lehˇ ngaˇ guˇ gaˇ naˇ haˬ nehˬ laꞈ-awˬ. Naꞈ dui dui-eu nui ma cawˆ-eu jeˬ laꞈ kʼoeˇ ngaˇ ga nuiꞈ-iˇ luꞈ-eu ma. Muiˇ-eu deuˬ-euˬ aˬ laꞈ laꞈ kʼoeˇ ngaˬ-ahˇ ka kʼoꞈ nehˬ laꞈ. Aˬ yawꞈ maꞈ gʼaˬ kʼaˆ dui dui-eu meh.

Yawˇbaˆ 24:1

“Aˬ jeˬ miˇ neh yaˇ kʼaˬ daˇ-eu aˇ yamˬ tiˬ yamˬ Miˬyehˇ maˬ tseˇ doˆ taˬ ta. Aˬ jeˬ miˇ neh aˬ yawꞈ-ahˇ gʼoe-eu deuˬ aˇ nah kʼoeˇ nah-ahˇ loꞈ loꞈ-ehˇ ya shaˬ ta.

2 Tiˆmoˇseˬ 4:6

Ngaˇ-aˬ, ngaˬ-euˬ gʼawˇ mawˇ ya lawˇ nehˬ-eu aˇ yamˬ keuˆ le-euˬ meh. Miˇ tsaˬ kʼoeˇ taˆ yaw dehꞈ dehꞈ-eu jeˬ-ahˇ byehˇ yaꞈ-awˇ ya gʼoꞈ leˇ-eu aˇ yamˬ nymˬ-mˇ keuˆ le taˬ-euˬ meh.

Jaceuq 143:9

Sahˬpaˬ Miˬyehˇ-oˇ, nawˬ-ahˇ ngaˇ laꞈ jeuˬ shaˇ ngeh, muiˇ-eu deuˬ-euˬ laꞈ-ahˇ ka kʼoꞈ nehˬ laꞈ.

Jaceuq 143:3

Ngaˬ-ahˇ muiˇ-eu gʼaˬ ngaˬ-ahˇ teh-awˇ, dawꞈ lah nehˬ laꞈ-euˬ meh. Zahˇ tsui ni gʼeh-eu paˬ kuˆ laꞈ kʼoeˇ paꞈ ahˇ nehˬ laꞈ-awˇ, aˇ hu ba neh shiˇ taˬ-euˬ tsawˇ haˬ-ahˇ duˇ miˇ-a.

2 Saˬmeuˬlaˆ 7:12

Nawˇ ziˇ dehꞈ jiˇ-awˇ, nawˬ-euˬ aˬ poeˬ aˬ bawˇ deuˬ nehˬ-ehˇ gʼaˬ naˬ ya naˬ ngeh, nawˬ-euˬ aˬ li tiˬ gʼaˬ-ahˇ ngaˇ sahˬ paˬ ka nehˬ-awˇ, aˬ yawꞈ-euˬ miˇ kʼahˬ-ahˇ baoˬ huiˬ-eu miˇ kʼahˬ tiˬ kʼahˬ bi pyeuꞈ laˇ ma.

1 Saˬmeuˬlaˆ 26:10

Daˬbiˇ paˇ ehˇ-eu, “Shiˇ yamˬ tsaˬ laˇ ngeh maˬ ngeuˇ naˇ, guiˇ deuˆ luꞈ ngeh Sawˇluˆ-ahˇ Sahˬpaˬ Miˬyehˇ bi shiˇ tehꞈ-a lehˇ, dehꞈ luꞈ-eu Sahˬpaˬ Miˬyehˇ laꞈ kʼoeˇ ngaˇ siˬ nya ma.

2 Beˬtuˆluˆ 1:14

Aˬ dui-euˬ Sahˬpaˬ Yeˬsuˇ Ka li neh ngaˬ-ahˇ bya cehˆ ni ehˇ nehˬ laꞈ-euˬ loꞈ-ehˇ, buꞈ-iˇ cehˇ-iˇ nya-eu ngaˬ-euˬ shiˬ shaˬ jiˇ gʼawˇ mawˇ heu-ahˇ gʼawˬ myahˇ maˬ gʼeh-ehˇ ya lehˆ dzeh yaꞈ meh lehˇ ngaˇ siˬ nya ma.

Gʼaˬkʼehˇ 27:24

‘Pawˇluˆ-oˇ, taˬ guˆ. Sahˬ paˬ Gehˇsaˬ mehˬ shi nawˇ ya yawꞈ leˇ tehꞈ-a. Nawˬ-euˬ myaˆ pyawˬ-ahˇ Miˬyehˇ haw-awˇ, nawˬ nehˬ-ehˇ saˇ baoˬ kʼaˇ dziˬ luꞈ-eu tsawˇ haˬ dawˬ tawˆ luꞈ-ahˇ maˬ shiˇ ni bi dzeuˇ-iˇ tehꞈ-a’ lehˇ ehˇ le-euˬ meh.

Yoˇhaˬ 13:1

Baˬsaˬkaˬ Bawˬ-iˬ keuˆ le-eu mehˬ hu ngeh nah, aˬ yawꞈ miˇ tsaˬ heu-ahˇ gʼawˬ-iˇ-awˇ, Aˬda jawˇ gaˇ ya gʼoꞈ leˇ-eu aˇ yamˬ tsaˬ laˇ-euˬ gaˇ kawˆ Yeˬsuˇ siˬ nya-eu meh. Miˇtsaˬ kʼoeˇ taˆ jawˇ-eu aˬ yawꞈ-ahˇ jah-eu tsawˇ haˬ deuˬ-ahˇ aˬ yawꞈ gaˬ-awˇ, aˇ saˬ saˬ ngeh keuˆ ni gaˬ-euˬ meh.

Yoˇhaˬ 12:27

“Ngaˬ-euˬ nui ma shaˬ zahˬ naꞈ dui dui nya. A joˆ-ehˇ ehˇ paˬ maˬ siˬ miˇ-a. ‘Aˬ da-oˇ, aˇ yamˬ heu yamˬ ngaˬ-euˬ kʼoeˇ taˆ taˬ bi keuˆ le laꞈ’ lehˇ ehˇ naˇ muiˬ-eu maˬ siˬ. Ehˇ kʼawꞈ, heu-euˬ gʼaˇ duˬ ngaˇ oe-euˬ jeˬ pyeuꞈ-eu ma. Kʼoeˇ miˇ neh, shaˬ zahˬ heu ngaˇ ya pi meh.

Yoˇhaˬ 7:30

Kʼoeˇ ngeh, aˬ yawꞈ maꞈ aˬ yawꞈ-ahˇ nyehꞈ-eu lehˇ gʼeh-eu meh. Ehˇ kʼawꞈ, aˬ yawꞈ-euˬ aˇ yamˬ maˬ keuˆ le dah-euˬ miˇ neh aˬ yawꞈ-ahˇ tiˬ gʼaˬ-iˬ maˬ nyehꞈ nya-a.

Luˇkaꞈ 9:51

Yeˬsuˇ-ahˇ mˬ kʼoeˇ taˆ bi ha kʼoꞈ daˇ leꞈ-eu aˇ yamˬ dawˬ peh peh laˇ ngeh, Yeˬluˇsaˬlehˬ meuˬ-ahˇ le-eu gʼaˇ duˬ aˬ yawꞈ noeˬ tsehˆ-euˬ meh.

Jaceuq 143:12

Nawˇ ngaˬ-ahˇ gaˬ-euˬ baˬ da neh, ngaˬ-ahˇ muiˇ-eu deuˬ-ahˇ sehꞈ nehˬ laꞈ. Ngaˇ nawˬ-euˬ zaˬ kʼaˆ pyeuꞈ-eu baˬ da neh, ngaˬ-ahˇ kʼehˬ-eu deuˬ-ahˇ laˆ luˬ laˆ seˇ nehˬ laꞈ.

Jaceuq 116:15

Muiˬ-eu jaˬ-eu aˬ yawꞈ-euˬ tsawˇ haˬ tiˬ gʼaˬ shiˇ ngeh, Sahˬpaˬ Miˬyehˇ aˇ naˆ ni shaˬ zahˬ mˇ-eu nga.

Jaceuq 17:13

Sahˬpaˬ Miˬyehˇ-oˇ, oe-awˬ. Muiˇ-eu deuˬ-ahˇ deuˆgʼaˬle-awˬ. Nawˬ-euˬmi cehˇneh deuˆle-awˇ, ngaˬ-euˬsaꞈlaˇka kʼoꞈle-awˬ.

Gʼaˬkʼehˇ 23:11

Kʼoeˇ ngeh miˇ, Sahˬ paˬ Yeˬsuˇ Pawˇluˆ-euˬ dawˬ peh yawꞈ le-awˇ ehˇ-eu, “Taˬ guˆ. Yeˬluˇsaˬlehˬ meuˬ laꞈ kʼoeˇ ngaˬ-euˬ gʼaˇ duˬ nawˇ saˇ kiˇ kamˬ gʼaˬ-euˬ meh. Loˇmaˆ meuˬ laꞈ kʼoeˇ kʼawꞈ, kʼoeˇ loꞈ-ehˇ ya kamˬ meh.”

Doˆ-iˇ 40:37

Mˬ dmˇ kʼoeˇ Sehˬ gʼawˆ kʼoeˇ taˆ kʼaˇ jaˆ kʼoeˇ keuˆ ni, aˬ yawꞈ maꞈ maˬ luˆ-iˇ-a.

2 Laˬsaˬbaˬ 14:10

Aˬsaˬ gʼeh aˬ yawꞈ-ahˇ guiˇ deuˆ-eu lehˇ doˆ-iˇ-awˇ, guiˇ guiˇ maꞈ nyiˬ maꞈ luꞈ Maˬleˇshaˬ meuˬ dawˬ peh jaˆ-eu Zeˬpaˬdaˬ deh kʼawꞈ-ahˇ, guiˇ daˬ daˬ-awˇ jawˇ duˬ yuˇ taˬ-euˬ meh.

Jaceuq 25:2

Ngaˬ-euˬ Miˬyehˇ-oˇ, nawˬ-ahˇ ngaˇgʼoe-eu ma. Ngaˬ-euˬmyaˆpyawˬtaˬbi cawˆlaꞈ. Muiˇ-eu deuˬneh taˬbi gʼaˬlaꞈ.

Jaceuq 91:2

aˬ yawꞈ-ahˇ heu loꞈ-ehˇ ehˇ nya meh. “Nawˇ-aˬ, ngaˬ-ahˇ ngehˬ gʼeh haw piˇ-eu gʼaˬ meh. Nawˇ-aˬ ngaˬ-euˬ Miˬyehˇ meh. Nawˬ-ahˇ ngaˇ gʼoe-eu ma.”

Jaceuq 140:7

Ngaˬ-euˬ Miˬyehˇ pyeuꞈ-eu ngaˬ-ahˇ haw piˇ-eu gʼaˬ kʼaˆ-eu Sahˬpaˬ Miˬyehˇ-oˇ, guiˇ deuˆ ngeh nawˇ ngaˬ-ahˇ haw piˇ nehˬ laꞈ-euˬ meh.

Iˇsaˬyaˇ 25:1

Sahˬpaˬ Miˬyehˇ-oˇ, nawˇ ngaˬ-euˬ Miˬyehˇ ma. Nawˬ-ahˇ ngaˇ taˬ huiˬ taˬ mahˇ-awˇ, nawˬ-euˬ tsawˇ myahˇ-ahˇ ja ceuˬ ma. Zahˬ leˇ paˬ-ehˇ gʼeh-eu gaˇ deuˬ nawˇ mˇ-euˬ meh. Aˇ hu ba neh nawˬ neh kʼaˇ noeˬ taˬ-euˬ jeˬ, saˇ jaˇ ziꞈ-eu laꞈ kʼoeˇ nawˇ mˇ byah luꞈ-eu meh.

Yeˬlaˬmiˇ 31:18

“Iˇsaˬleˬlaˆ tsawˇ haˬ heu loꞈ-ehˇ mahˇ-eu ngaˇ gaˬ-euˬ ma. Sahˬpaˬ Miˬyehˇ-oˇ nga maꞈ-aˬ, jeˬ zaˬ yaw gahˇ tiˬ mawˇ-ahˇ duˇ-euˬ kʼawꞈ, nawˬ neh laˆ yah nehˬ laꞈ-euˬ meh. Nga maꞈ-ahˇ sheuˬ kʼoꞈ laˬ le-awˬ. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ jawˇ gaˇ gʼoꞈ laˇ-eu gʼaˇ duˬ, nga maꞈ noeˬ jiˇ-euˬ ma.