Jaceuq 30:11 - Akha

¹¹ Ngaˇnoeˬshaˬnoeˬzahˬ-eu jeˬ-ahˇ, laˬkʼaˬcehˇ-eu jeˬpyeuꞈlaˇni, nawˬneh yuˇpaˇnehˬlaꞈ-euˬmeh. Nui ma shaˬzahˬnyehꞈlehˆlaꞈ-awˇ, laˬkʼaˬcehˇnui saˇza-eu jeˬ, nawˬneh nyehꞈdm nehˬlaꞈ-euˬmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Nawr, ngaq-euq gharduq tsawrngoer ngoer-eu jeq yur-awr, Garnyae nyae-eu jeq lavpyeuf naeqlaf-euq mae; Ngar dmluf-eu guqdar paerzeur maeqtsoeq nyaeflaev-awr, Laqkhaq caer-eu jeq bidm naeqlaf-euq mae.

Jaceuq 30:11 Referans Kwoze

Yeˬlaˬmiˇ 31:4

Miˬ shuiꞈ-ahˇ duˇ-eu Iˇsaˬleˬlaˆ-oˇ, nawˬ-ahˇ paˇ bi dehꞈ doˆ laˇ ma. Nawˇ cehˇ lehˇ ciˆ ciˆ-ehˇ, laˬ kʼaˬ cehˇ-awˇ gaˇ nyeh ya nyeh tehꞈ-a.

Iˇsaˬyaˇ 25:8

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-aˬ, shiˇ-eu jeˬ-ahˇ mˬ maˬ maˬ byaˆ zaˇ ziˇ laˆ cawˆ nehˬ tehꞈ-a. Tsawˇ haˬ yawˬ gʼaˬ na luꞈ-euˬ myaˆ biˇ aˬ yawꞈ shiˆ shawˇ nehˬ-awˇ, miˇ tsaˬ kʼoeˇ taˆ kʼaˇ jawˇ-eu aˬ yawꞈ-euˬ tsawˇ haˬ deuˬ ya daˬ luꞈ-eu yaw doeˇ dawˬ tawˆ luꞈ-ahˇ, aˬ yawꞈ laˆ byoˆ nehˬ tehꞈ-a lehˇ, Sahˬpaˬ Miˬyehˇ ehˇ taˬ-eu jaˆ-eu meh.

Dawˬ tsoˆ 3:4

Noeˬ shaˬ-eu yamˬ baw-eu loꞈ-ehˇ, laˬ kʼaˬ cehˇ-eu yamˬ baw-eu meh. Tsawˇ ngoeˇ ngoeˇ yamˬ baw-eu loꞈ-ehˇ, gaˇ nyeh nyeh-eu yamˬ baw-eu meh.

2 Laˬsaˬbaˬ 20:12

Nawˇ-aˬ, nga maꞈ-euˬ Miˬyehˇ ma. Aˬ yawꞈ maꞈ-ahˇ nawˇ kʼehˬ nehˬ kʼaˆ nehˬ-awˬ. Nga maꞈ-ahˇ ceh le-eu lehˇ oe luꞈ-eu myaˬ dui dui-eu guiˇ maꞈ heu maꞈ-ahˇ deuˆ ceh ceh-eu gʼaˇ duˬ, nga maꞈ noeˬ maˬ paˇ doˆ miˇ-a. Aˬ joˆ-ehˇ ya jahˇ paˬ nga lehˇ shaˇ noeˬ dui-euˬ miˇ-a. Ehˇ kʼawꞈ, nawˇ caw ba nehˬ laꞈ-eu jeˬ-ahˇ nga maꞈ noeˬ tmˬ luꞈ ma.”

Jaceuq 149:3

Gaˇ nyeh nyeh-awˇ aˬ yawꞈ-euˬ tsawˇ myahˇ-ahˇ ja ceuˬ-awˬ. Tahˬ diˬ, deuˇ-mˬ diˬ-awˇ aˬ yawꞈ-ahˇ ja ceuˬ-awˬ.

Jaceuq 150:4

Tahˬ diˬ gaˇ nyeh nyeh-awˇ aˬ yawꞈ-ahˇ ja ceuˬ-awˬ. Deuˇ-mˬ diˬ, bawˬ law baw-awˇ ja ceuˬ-awˬ.

Luˇkaꞈ 15:22

Ehˇ kʼawꞈ, aˬ da gʼaˬ aˬ yawꞈ-euˬ zaˬ kʼaˆ deuˬ-ahˇ kuˇ-awˇ ehˇ-eu, ‘Aˬ cawˬ naˆ maˬ tseˇ muiˬ dzehˬ-eu pehˇ kʼahˬ pehˇ mahˇ yuˇ leꞈ-awˇ ngaˬ li-ahˇ yaw kawˇ-ehˇ bi dm sheˇ. Laꞈ behˬ gʼeh bi behˬ-awˇ, sehˬ nawˆ gʼeh bi nawˆ-awˬ.

Jaceuq 30:5

Aˬyawꞈnui ma pehˇ-eu jeˬ-aˬ, tiˬkʼehˇlaˇkʼehˬ tehꞈ-ehˇgmˬ-awˇ, aˬyawꞈnui ma muiˬ-eu jeˬ-aˬ, tiˬziˇjiˇtiˬyehˆjuˬ-eu meh. Uˬciꞈmyaˆbiˇya yoeˇbya kawꞈ, uˬbya laˬkʼaˬcehˇ-eu oe meh.

2 Saˬmeuˬlaˆ 6:14

Daˬbiˇ-aˬ, joꞈ-ahˇ keuˆ ni tehꞈ-ehˇ guꞈ taˬ-euˬ shawˇ jehˆ ni gʼeh-eu saˬ paˇ mehˬ tsoeˬ dm-awˇ, gʼaˬ kʼaˇ jaˆ-eu shaˇ-awˇ gaˇ nyeh nyeh-eu laꞈ kʼoeˇ, Sahˬpaˬ Miˬyehˇ-ahˇ ciˬ huiˬ ciˬ mahˇ-euˬ meh.

Panmaeq 21:4

Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ aˬ yawꞈ siˆ shawˇ nehˬ tehꞈ-a. Shiˇ-eu jeˬ maˬ paˇ jaˆ-ehˇ, noeˬ shaˬ noeˬ zahˬ-eu jeˬ, ngoeˇ-eu jeˬ hawˇ-eu, naˇ-eu gawˇ-eu jeˬ maˬ paˇ jaˆ meh. Yaw oeˇ kʼoeˇ deuˬ dawˬ tawˆ luꞈ byoˆ jiˇ-euˬ meh.”

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Jaceuq 4:7

Dzaˬla gʼo cehˇ, aˬgaꞈdzaˇuiˇ, za dui dui le-euˬbaˬda neh, yawꞈmaꞈlaˬkʼaˬcehˇ-eu kʼoeˇ-aˬ, nawˬneh ngaˬ-ahˇ biꞈnehˬlaꞈ-euˬ, laˬkʼaˬcehˇ-eu jeˬmaˬtawˬ-a.

Yoˇhaˬ 16:20

Ngaˇ naw maꞈ-ahˇ dawˇ coe ni ehˇ-eu ma. Naw maꞈ myaˆ biˇ doˆ le-eu uˬ taꞈ, tsawˇ ngoeˇ kʼawꞈ ya ngoeˇ tehꞈ-a. Ehˇ kʼawꞈ, miˇ kʼahˬ zaˬ deuˬ laˬ kʼaˬ cehˇ tehꞈ-a. Naw maꞈ nui ma shaˬ zahˬ ya mˇ tehꞈ-a. Ehˇ kʼawꞈ, naw maꞈ neh noeˬ shaˬ-euˬ jeˬ kʼoeˇ, laˬ kʼaˬ cehˇ-eu jeˬ paˇ pyeuꞈ laˇ tehꞈ-a.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Iˇsaˬyaˇ 25:3

Baoˬ huiˬ-eu tsawˇ jeuˬ deuˬ nawˬ-ahˇ ja ceuˬ-awˇ, haiˬ-eu tsawˇ jeuˬ-euˬ meuˬ deuˬ laꞈ kʼoeˇ, nawˬ-ahˇ yaw zeu baw tehꞈ-a.

Iˇsaˬtaˆ 9:22

Aˇ nah kʼoeˇ nyiˬ nah-ahˇ Yuˇdaˆ tsawˇ haˬ deuˬ aˬ yawꞈ maꞈ-ahˇ muiˇ-eu deuˬ-euˬ laꞈ-ahˇ neh ya buˬ ya law-iˇ-awˇ, ba la kʼoeˇ siˬ laꞈ kʼoeˇ noeˬ shaˬ noeˬ zahˬ-eu aˇ yamˬ kʼoeˇ yamˬ, laˬ kʼaˬ cehˇ nui saˇ za-eu aˇ yamˬ pyeuꞈ laˇ-euˬ meh. Aˇ nah kʼoeˇ nyiˬ nah-ahˇ bawˬ-iˬ gʼeh-awˇ dzaˬ taꞈ dawˇ taꞈ-eu laꞈ kʼoeˇ, tiˬ gʼaˬ tiˇ gʼaˬ dzaˬ dzaˬ dawˇ dawˇ laꞈ sawˬ biꞈ taꞈ-awˇ, shaˬ-eu zahˬ-eu tsawˇ haˬ deuˬ-ahˇ caw ba nehˬ-awˬ lehˇ Yuˇdaˆ tsawˇ haˬ deuˬ-ahˇ ehˇ nehˬ-euˬ meh.

Neˬhaˬmiˇ 8:10

Iˇ kahˇ-ahˇ gʼoꞈ-iˇ-awˇ dzaˬ-iˇ dawˇ-iˇ-awˬ. Naw maꞈ-euˬ dzaˬ dzaˬ dawˇ dawˇ hawˇ-eu aˬ gaꞈ dzaˇ uiˇ-ahˇ, maˬ jaˆ-eu tsawˇ haˬ deuˬ-ahˇ kʼawꞈ biˇ nehˬ-awˇ bi dzaˬ-awˬ. Iˬ nah-aˬ, aˬ dui-euˬ Sahˬpaˬ Miˬyehˇ gʼaˇ duˬ muiˬ-eu shawˇ-eu aˇ nah pyeuꞈ-eu miˇ neh, nui ma shaˬ zahˬ taˬ mˇ. Sahˬpaˬ Miˬyehˇ laꞈ kʼoeˇ laˬ kʼaˬ cehˇ-eu jeˬ-aˬ, naw maꞈ-euˬ gʼaˬ meh.”

Aˇ dahˬ 45:28

Kʼoeˇ ngeh hawˇ-eu, “Ehˬ nga ehˬ. Ngaˬ li Yoˇsehˆ yaw dehꞈ dehꞈ luꞈ law hawˇ ngaˬ siˬ laˬ. Ngaˇ ziˇ maˬ jiˇ mi naˆ-ehˇ aˬ yawꞈ jawˇ gaˇ iˇ-awˇ, aˬ yawꞈ-ahˇ ya haw mawˇ-iˇ law hawˇ ngaˬ siˬ laˬ.”

Aˇ dahˬ 37:35

Aˬ yawꞈ-euˬ aˬ buˇ aˬ li dawˬ tawˆ luꞈ aˬ yawꞈ jawˇ gaˇ laˇ-awˇ, aˬ yawꞈ nui ma saˇ laˇ ni gʼaˬ biꞈ nehˬ kʼawꞈ, aˬ yawꞈ maˬ naˇ haˬ-ehˇ, “Ngaˬ li jawˇ-eu shiˇ-eu miˇ kʼahˬ-ahˇ maˬ keuˆ kʼoeˇ keuˆ ni, tsawˇ ngoeˇ ngoeˇ ngoeˇ-ehˇ iˇ byoˆ gʼeh-eu ma” lehˇ ehˇ-eu meh. Yaˬkoˆ-aˬ, nah doˆ le ngeh Yoˇsehˆ-ahˇ noeˬ-awˇ, tsawˇ ngoeˇ ngoeˇ ngoeˇ-ehˇ jawˇ-euˬ meh.

2 Laˬsaˬbaˬ 20:3

Yeˬhawˇshaˬpaˇ guˆ dui dui-awˇ, Sahˬpaˬ Miˬyehˇ neh bi ngehˬ gʼeh-eu gʼaˇ duˬ guiˬ lahˬ shaˇ-euˬ meh. Yuˇdaˆ miˇ kʼahˬ kʼahˬ lah ni maˬ dzaˬ-eu zahˇ jahˇ-eu gʼaˇ duˬ, aˬ yawꞈ dawˬ biꞈ gʼeh-euˬ meh.

Jaceuq 27:7

SahˬpaˬMiˬyehˇ-oˇ, ngaˇyaw kʼaˆ-ehˇguˇ-awˇkuˇngeh, gʼawˬshaˬgaˬ-awˇ naˇhaˬnehˬ laꞈ.

Yeˬlaˬmiˇ 52:33

Kʼoeˇ miˇ neh, Yeˬhawˇyaˬciˬ-ahˇ paꞈ kuˆ-ahˇ uˇ-eu deuˬ dm-eu mehˬ tsoeˬ lehˆ dzeh-awˇ, mehˬ tsoeˬ yaw muiˬ dm paˇ-eu a kawˬ-aˬ biꞈ-awˇ, ziˇ jiˇ ngeh keuˆ ni sahˬ paˬ nehˬ-ehˇ bi dzaˬ bi dawˇ taꞈ-euˬ meh.