Jaceuq 30:1 - Akha

¹ Sahˬpaˬ Miˬyehˇ-oˇ, muiˇ-eu deuˬngaˬ-ahˇzuiˆzuiˆ-ehˇ, laˬkʼaˬmaˬbi cehˇ-eu gʼaˇduˬ, nawˇngaˬ-ahˇ ka kʼoꞈ-euˬmiˇneh, nawˬ-ahˇciˬhuiˬciˬmahˇ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer-or! Nawr, ngaq-anr muir-eu deuq-anr ngaq-euq baqda’nae laqkhaq maqbi caer-aer; Nawr, ngaq-anr gheudov naeqlaf-euq mirnae; Ngar, nawq-anr ciqpoeq ciqgor ma.

Jaceuq 30:1 Referans Kwoze

Jaceuq 25:2

Ngaˬ-euˬ Miˬyehˇ-oˇ, nawˬ-ahˇ ngaˇgʼoe-eu ma. Ngaˬ-euˬmyaˆpyawˬtaˬbi cawˆlaꞈ. Muiˇ-eu deuˬneh taˬbi gʼaˬlaꞈ.

Jaceuq 35:19

Ngaˬ-ahˇmuiˇ-eu mehˇshuiˇkʼoeˇdeuˬ ngaˇshaˬgaˇlaˬkʼaˬtaˬbi cehˇ. Diˇdaˬ-ehˇngaˬ-ahˇbye-eu deuˬ, myaˆtehˆtehˆ-awˇtaˬbi uiˇlaꞈ.

Daˬyeˬlaˇ 4:37

“Nymˬ-mˇ poˆ jawˇ, ngaˇ Neˬbuˬkaˬneˬzaˬ-aˬ, mˬ taˆ Sahˬ paˬ-ahˇ ja ceuˬ-awˇ taˬ huiˬ-eu uˬ taꞈ, ciˬ huiˬ ciˬ mahˇ dui dui-eu ma. Aˬ yawꞈ neh kʼaˇ mˇ kʼaˇ shaˇ-euˬ jeˬ tsaˬ dui dawˇ dui dui-awˇ, nui ma huiˬ-eu mahˇ-eu tsawˇ haˬ-ahˇ aˬ yawꞈ zuiˆ gʼaˬ nya-eu meh.”

Jaceuq 140:8

Sahˬpaˬ Miˬyehˇ-oˇ, haiˬ-eu tsawˇ haˬ deuˬ-euˬ nui kʼahˇ taˬ bi byah leˇ. Aˬ yawꞈ maꞈ-euˬ nui noeˬ taˬ bi mˇ pyeuꞈ.

Jaceuq 13:4

“Aˬyawꞈ-ahˇgʼaˬleˇ-euˬma” lehˇ, muiˇ-eu deuˬneh taˬbi ehˇlaꞈ. Ngaˇcoˬ-iˇgaˇbi haw mawˇ-awˇ, muiˇ-eu deuˬ laˬkʼaˬtaˬbi cehˇ.

2 Saˬmeuˬlaˆ 5:11

Duˇlu sahˬ paˬ Hiˇlamˬ-aˬ, jeˬ gaꞈ gaꞈ taꞈ-eu gʼaˇ duˬ Daˬbiˇ jawˇ gaˇ tsawˇ haˬ pyehˬ gʼeh-awˇ, sahˬ paˬ-euˬ nymˇ tsoˆ-eu gʼaˇ duˬ shuˬ liˇ daˇ kawˬ maˬ ehˇ, laꞈ myawˬ laꞈ sawˆ nya-eu tsawˇ haˬ deuˬ maˬ ehˇ, kʼaˬ lo tsaˬ byaˆ gawˬ-eu paw tsawˇ gahˇ ahˇ-eu deuˬ maˬ ehˇ, kʼehˇ gʼeh-euˬ meh.

Ngoeˇ dawˬ 2:15

Iˇ tsehˆ laˇ tsehˆ-eu tsawˇ haˬ deuˬ, nawˬ-ahˇ mawˇ ngeh laꞈ kʼawˆ tehˆ meh. Yeˬluˇsaˬlehˬ meuˬ-ahˇ haw-awˇ, uˬ duˬ juiꞈ juiꞈ-ehˇ uiˇ-eu meh. “Aˇ gʼehˇ muiˬ dui byah dui dui-eu, miˇ kʼahˬ dawˬ tawˆ laˬ kʼaˬ cehˇ duˬ, meuˬ muiˬ ehˇ-eu heu meuˬ meh loˇ.

Jaceuq 145:1

Ngaˬ-euˬ sahˬ paˬ pyeuꞈ-eu ngaˬ-euˬ Miˬyehˇ-oˇ, Nawˇ huiˬ dui mahˇ dui dui-eu gaˇ kawˆ ngaˇ ja gaˬ ma. Mˬ maˬ maˬ byaˆ zaˇ ziˇ nawˬ-euˬ guiˬ lahˬ-ahˇ ngaˇ ja ceuˬ ma.

Jaceuq 79:10

Naw maꞈ-euˬ Miˬyehˇ aˬ gaˇ jawˇ ta lehˇ, aˬ cawˬ tsawˇ jeuˬ nga maꞈ-ahˇ aˬ jeˬ gʼeh bi naˇ haˬ laˇ ta. Nawˬ-euˬ zaˬ kʼaˆ deuˬ-ahˇ shiˬ laˆ doˆ nehˬ-eu tsawˇ jeuˬ kʼoeˇ deuˬ-ahˇ nawˇ kʼehˬ nehˬ gaˇ, nga maꞈ-ahˇ bi mawˇ laꞈ.

Jaceuq 41:11

Muiˇ-eu deuˬsmˬ-iˇ-euˬmiˇneh, nawˇngaˬ-ahˇgʼawˬshaˬgaˬmeh lehˇ, ngaˇsiˬduˬjah duˬtaˬ-euˬma.

Jaceuq 28:9

Sahˬpaˬ Miˬyehˇ-oˇ, nawˬ-euˬzaˬdeuˬ-ahˇ ka kʼoꞈ-awˇ, nawˬ-euˬuˆdeuˬ-ahˇlahˬ biꞈ-awˬ. Yawˇbo-eu loꞈ-ehˇ bo saˆ-awˇ, mˬmaˬmaˬbyaˆ dah teˬnehˬ-awˬ.

Jaceuq 27:6

Ngaˬ-euˬtiˬjawˬjawˇbyah taˬ-euˬ, muiˇ-eu deuˬ-ahˇngaˇgʼaˬleˇ-awˇ, laˬkʼaˬcehˇ-awˇguˇ-eu laꞈkʼoeˇ, aˬyawꞈ-euˬUˬduˬtahˬnymˇ-ahˇ, lawˇ-eu shehˇ-eu jeˬ ngaˇmˇ-awˇ, ja ceuˬ-eu caˇ-eu dawˬcaˇ-awˇ, SahˬpaˬMiˬyehˇ-ahˇ ja ceuˬma.

1 Laˬsaˬbaˬ 21:6

Sahˬ paˬ neh bi mˇ-euˬ gaˇ kʼoeˇ hmˬ-ahˇ Yoˇbaˬ nui ma maˬ tsaˬ-eu baˬ da neh, Leˬbiˇ tsawˇ jeuˬ hawˇ-eu Beˬyaˬmiˬ tsawˇ jeuˬ-ahˇ aˬ yawꞈ tsawˇ seˬ maˬ gʼoˆ ni byehˇ yaꞈ-euˬ meh.

2 Saˬmeuˬlaˆ 24:25

Sahˬpaˬ Miˬyehˇ gʼaˇ duˬ lawˇ duˬ tiˬ tsahˇ aˬ yawꞈ gawˬ-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu je lawˇ nehˬ-euˬ meh. Kʼoeˇ ngeh, aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ geuꞈ nehˬ-awˇ, Iˇsaˬleˬlaˆ tsawˇ haˬ deuˬ-euˬ kʼoeˇ taˆ bi keuˆ le-euˬ yaw jaw naˇ-eu naˇ gawˇ kʼoeˇ byoˆ-iˇ-euˬ meh.

2 Saˬmeuˬlaˆ 7:2

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ-ahˇ aˬ yawꞈ ehˇ nehˬ-eu, “Shuˬ liˇ neh tsoˆ taˬ-euˬ nymˇ laꞈ kʼoeˇ ngaˇ jawˇ luꞈ-eu ma. Ehˇ kʼawꞈ, Miˬyehˇ-euˬ Dawˬ ma saˇ jaˇ Bahˬ keuˆ-aˬ, sehˬ gʼawˆ laꞈ kʼoeˇ tehꞈ-ehˇ jaˆ luꞈ-a siˬ.”

2 Saˬmeuˬlaˆ 6:20

Daˬbiˇ aˬ yawꞈ-euˬ miˬ sawˇ zaˬ deuˬ-ahˇ dawˬ ngehˬ gʼeh nehˬ-eu lehˇ iˇ kahˇ gʼoꞈ leˇ ngeh, Miˇkaˬlaˇ doˆ le-awˇ ehˇ-eu, “Iˇsaˬleˬlaˆ sahˬ paˬ iˬ nah kʼahˬ sehˇ jaˆ dui dui ngaˇ. Aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ zaˬ miˬ zaˬ zaˬ kʼaˆ deuˬ mehˬ shi tsawˇ uˬ tiˬ gʼaˬ loꞈ-ehˇ teuˆ teuˆ-ehˇ, maˬ gaˇ dui dui ngaˇ.”

Dawˬmehˬ 20:5

“Kʼoeˇ naˇ, guiˇ maꞈ kʼoeˇ taˆ uˆ lahˇ-eu yaw huiˬ geuꞈ-eu deuˬ heu loꞈ-ehˇ ya ehˇ meh. ‘Nymˇ yaw shuiꞈ tsoˆ gʼaˬ-euˬ tiˬ dehˬ pyeuꞈ-awˇ, maˬ ya a nehˬ dah-euˬ tsawˇ haˬ tiˬ gʼaˬ na keuˬ te loˇ. Keuˬ naˇ, iˇ kahˇ gʼoꞈ-iˇ-awˬ. Guiˇ deuˆ-eu laꞈ kʼoeˇ aˬ yawꞈ ya shiˇ lawˬ naˇ, aˬ yawꞈ-euˬ nymˇ-ahˇ aˬ cawˬ neh ya bi a nehˬ gaˇ keuˆ tehꞈ-a.

Jaceuq 79:4

Dawˬ peh jawˇ-eu tsawˇ haˬ deuˬ nga maꞈ-ahˇ kʼaˇ ehˇ mawꞈ-eu ehˇ-awˇ, uiˇ uiˇ-ehˇ ja bu ja doeˇ-eu meh.

Jaceuq 66:17

Aˬ yawꞈ-ahˇ ngaˇ ngoeˇ-awˇ tahˬ shaˇ haw-euˬ ma. Aˬ yawꞈ-ahˇ ngaˇ caˇ-awˇ ja ceuˬ haw-euˬ ma.

2 Saˬmeuˬlaˆ 20:3

Yeˬluˇsaˬlehˬ meuˬ-ahˇ jaˆ-eu aˬ yawꞈ-euˬ hawˇ nymˇ-ahˇ Daˬbiˇ gʼoꞈ keuˆ leˇ ngeh, aˬ yawꞈ-euˬ nymˇ bi loꞈ yaꞈ-euˬ ma nyiˇ kʼoeˇ tseˇ gʼaˬ-ahˇ yaw muiˬ paˬ-ehˇ haw piˇ nehˬ-awˇ bi jawˇ-euˬ meh. Aˬ yawꞈ maꞈ kʼaˇ loˬ-eu jeˬ aˬ yawꞈ caw ba nehˬ-euˬ meh. Ehˇ kʼawꞈ, aˬ yawꞈ maꞈ nehˬ-ehˇ aˬ yawꞈ maˬ yuꞈ taꞈ-a. Aˬ yawꞈ maꞈ ziˇ dehꞈ jiˇ ngeh keuˆ ni, kʼoeˇ loꞈ-ehˇ ka lahˇ taˬ-awˇ, miˬ coeˬ miˬ ma loꞈ-ehˇ bi jawˇ-euˬ meh.

1 Sahˬpaˬ 8:63

Mawˇ neˇ nyiˬ muiˇ nyiˬ heˇ mawˇ hawˇ-eu yawˇ tiˬ seh nyiˬ muiˇ mawˇ aˬ yawꞈ sehꞈ-awˇ, cawˬ cawˬ taꞈ-eu lawˇ-eu jeˬ lawˇ nehˬ-euˬ meh. Kʼoeˇ loꞈ-ehˇ jahˇ-awˇ, sahˬ paˬ Sawˇlaˬmoˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ gʼeh-awˇ, Uˬ duˬ tahˬ nymˇ nymˇ ma kʼoeˇ Sahˬpaˬ Miˬyehˇ-ahˇ a nehˬ-euˬ meh.