Jaceuq 27:9 - Akha

⁹ Nawˬ-euˬmyaˆpyawˬ taˬciˬzaꞈlaꞈ. Nawˬ-euˬzaˬkʼaˆpyeuꞈ-eu ngaˬ-ahˇ, nui ma pehˇ-awˇ taˬteh dzeh laꞈ. Ngaˬ-ahˇngehˬgʼeh-eu gʼaˬnawˇmeh. Ngaˬ-ahˇka kʼoꞈ-eu Miˬyehˇ-oˇ, Byehˇdzeh-awˇtaˬbi shaˬnehˬlaꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ngaq-anr bibuq-ir-eu Miqyaer-or! Ngaq-anr byaerdzae-awr, ngar taef-aer taqbi jawr naeqlaf. Nawr, ngaq-anr cawba-eu ghaq pyeufyaf-euq mae. Nawq-euq myavpyawq, ngaq-anr nae taq ciqzaf naeqlaf. Nuima paer-awr nawq-euq kuirlaf zaqkhav-anr taq taedzae naeqlaf.

Jaceuq 27:9 Referans Kwoze

Jaceuq 69:17

Nawˬ-euˬ zaˬ kʼaˆ-ahˇ nawˬ-euˬ myaˆ pyawˬ taˬ ciˬ zaꞈ nehˬ laꞈ. Ngaˇ shaˬ dui zahˬ dui dui luꞈ-eu miˇ neh, ngaˬ-euˬ shaˇ dawˬ-ahˇ nymˬ-mˇ naˇ haˬ nehˬ laꞈ.

Jaceuq 143:7

Sahˬpaˬ Miˬyehˇ-oˇ, ngaˬ-euˬ shaˇ dawˬ naˇ haˬ nehˬ laꞈ. Noeˬ tmˬ kʼaˇ maˬ za miˇ-a. Shiˇ-eu miˇ kʼahˬ-ahˇ iˇ dzeuˇ-euˬ tsawˇ haˬ deuˬ jawˇ gaˇ, ngaˇ ya iˇ-eu keuˆ laˇ taˬ-euˬ miˇ neh, nawˬ-euˬ myaˆ pyawˬ taˬ ciˬ zaꞈ nehˬ laꞈ.

Jaceuq 102:2

Ngaˇ shaˬ zahˬ ya tahˬ puˬ ngeh, taˬ byehˇ dzeh nehˬ laꞈ. Ngaˬ-euˬ shaˇ dawˬ-ahˇ naˇ haˬ-awˇ, ngaˇ kuˇ ngeh yaw kawˇ-ehˇ oˬ toˬ nehˬ laꞈ.

HeˬByehˇ 13:5

Pyuˇ shuiˇ myawˬ gahˬ-ahˇ mehˇ juiˇ taˬ juiˇ. Yawˬ ha kʼaˇ jaˆ-eu myaˆ ni nui kʼahˇ shiˇ-awˬ. Aˬ jeˬ miˇ neh ehˇ naˇ, “Ngaˇ naw maꞈ-ahˇ tiˬ jawˇ-iˬ maˬ taˬ yaꞈ. Tiˬ jawˇ-iˬ maˬ byehˇ dzeh” lehˇ, Miˬyehˇ neh ehˇ taˬ-euˬ jaˆ-eu meh.

Yeˬlaˬmiˇ 32:40

Mˬ maˬ maˬ byaˆ zaˇ ziˇ ziꞈ-eu saˇ jaˇ, aˬ yawꞈ maꞈ nehˬ-ehˇ ngaˇ dzaˬ ma. Aˬ yawꞈ maꞈ-ahˇ ngaˇ yaw muiˬ jeˬ maˬ tsehˆ leˇ ni mˇ nehˬ ma. Aˬ yawꞈ maꞈ ngaˬ-ahˇ maˬ paˇ byehˇ dzeh peuˬ-eu gʼaˇ duˬ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ ngaˬ-ahˇ guˆ ni ngaˇ jahˇ ma.

Jaceuq 24:5

kʼoeˇloꞈ-ehˇgʼeh-eu tsawˇhaˬ-ahˇ, SahˬpaˬMiˬyehˇguiˬlahˬbiꞈ-awˇ, iˬbaˇlaw meh lehˇ daˇnehˬ-awˇ, Miˬyehˇka kʼoꞈnehˬle tehꞈ-a.

Jaceuq 119:121

Yaw tsaˬ yaw dawˇ jeˬ hawˇ-eu yaw muiˬ yaw jaˬ jeˬ ngaˇ mˇ-euˬ ma. Muiˇ-eu deuˬ-euˬ laꞈ-ahˇ ngaˬ-ahˇ taˬ byehˇ dzeh nehˬ laꞈ.

Jaceuq 88:1

Sahˬpaˬ Miˬyehˇ pyeuꞈ-eu Miˬyehˇ-oˇ, caw ba nehˬ laꞈ lehˇ nah ga-ehˇ ngaˇ guˇ-awˇ, uˬ ciꞈ paw nawˬ-euˬ mehˬ shi ngaˇ laˇ-eu ma.

Jaceuq 51:11

Nawˬ nehˬ-ehˇ maˬ bi jawˇ ni taˬ sheuˬ dzeh nehˬ laꞈ muiˬ-eu shawˇ-eu nawˬ-euˬ yaw sahˇ ngaˬ-ahˇ taˬ bi byehˇ dzeh nehˬ laꞈ.

Jaceuq 44:24

Nawˬ-euˬmyaˆpyawˬciˬzaꞈtaˬ-awˇ, nga maꞈshaˬgaˇtaˬngehˇnehˬlaꞈ.

Jaceuq 13:1

SahˬpaˬMiˬyehˇ-oˇ nawˇngaˬ-ahˇ, aˇmyah keuˆni ngehˇ-eu gʼeh te. Mˬmaˬmaˬbyaˆngehˇ-eu ma loˇ. Nawˬ-euˬmyaˆpyawˬmaˬciˬmawˇni, aˇmyah keuˆ ni jawˇ-eu gʼeh te.

1 Saˬmeuˬlaˆ 7:12

Kʼoeˇ naˇ, Saˬmeuˬlaˆ kʼaˬ lo tiˬ siˬ yuˇ-awˇ, Miˇzaˬpaˬ meuˬ hawˇ-eu Yeˬshaˬnahˬ meuˬ yaw kaˬ-ahˇ ka tuˇ-awˇ, “Sahˬpaˬ Miˬyehˇ iˬ nah keuˆ ni aˬ dui-ahˇ caw ba luꞈ meh” lehˇ ehˇ-awˇ, kʼaˬ lo kʼoeˇ siˬ-ahˇ Eˇbaˬneˬzaˬ lehˇ myahˇ nehˬ-euˬ meh.

Iˇsaˬyaˇ 50:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ bi gʼoꞈ-iˇ-eu loꞈ-ehˇ, ngaˬ-euˬ tsawˇ haˬ-ahˇ ngaˇ teh dzeh-euˬ nga lehˇ noeˬ te loˇ. Toˆ-ehˇ ngeuˇ naˇ miˬ zaˬ kʼoꞈ-euˬ seuˬ gʼaˬ aˬ gaˇ jaˆ ta. Yawˬ ha-euˬ zaˬ aˬ cawˬ zaˬ kʼaˆ bi geuꞈ-eu lehˇ, ahˬ dzaˬ byoˆ-eu tsawˇ haˬ loꞈ-ehˇ, naw maꞈ-ahˇ ngaˇ ahˬ dzaˬ-euˬ nga lehˇ noeˬ te loˇ. Naw maꞈ iˬ baˇ ahˇ-eu miˇ neh, aˬ cawˬ miˇ kʼahˬ-ahˇ bi nyehꞈ gʼeh-euˬ meh. Naw maꞈ yaw lehˬ toˆ-eu miˇ neh bi sheuˬ byoˆ gʼeh-euˬ meh.

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

Iˇsaˬyaˇ 59:2

Naw maꞈ kuˇ ngeh aˬ yawꞈ maˬ gaˬ-eu-aˬ, naw maꞈ iˬ baˇ baˬ da neh meh. Naw maꞈ Miˬyehˇ-ahˇ uˬ duˬ tahˬ-eu leh jeh ngeh, aˬ yawꞈ nehˬ-ehˇ zahˇ doꞈ kaˬ-iˇ-euˬ-aˬ, naw maꞈ iˬ baˇ baˬ da neh meh.

Jaceuq 69:18

Ngaˇ jawˇ gaˇ oe-awˇ ka kʼoꞈ nehˬ laꞈ. Muiˇ-eu deuˬ-euˬ laꞈ-ahˇ ka kʼoꞈ nehˬ laꞈ.

Jaceuq 102:3

Ngaˬ-euˬ ziˇ miˬ dzaˬ uˬ kʼoeˬ loꞈ-ehˇ byoˆ le luꞈ-awˇ, ngaˬ-euˬ gʼawˇ mawˇ miˬ dzaˬ loꞈ-ehˇ doꞈ luꞈ-eu ma.