Biblia Todo Logo
Bib sou entènèt

- Piblisite -




Jaceuq 24:5 - Akha

5 kʼoeˇloꞈ-ehˇgʼeh-eu tsawˇhaˬ-ahˇ, SahˬpaˬMiˬyehˇguiˬlahˬbiꞈ-awˇ, iˬbaˇlaw meh lehˇ daˇnehˬ-awˇ, Miˬyehˇka kʼoꞈnehˬle tehꞈ-a.

Gade chapit la Kopi

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

5 Heulof-aer ghae-eu tsawrhaq-aq, Ya’we Miqyaer-euq guiqlanq za-awr, Aqyawf-anr kakhof-eu Miqyaer-anr nae tsaq-awr dawr-eu jeq khawf za taef-a.

Gade chapit la Kopi




Jaceuq 24:5
31 Referans Kwoze  

A yawꞈ laꞈ kʼoeˇ tiˬ byah tiˬ loꞈ ya jawˇ ni, ngaˇ kʼoeˇ loꞈ-ehˇ sawˇ-euˬ ma. Zahˇ dawˬ kʼoꞈ dawˬ-ahˇ mˇ byah-eu baˬ da neh za nya meh lehˇ sawˇ taˬ-euˬ ngaˬ neh mˇ za-euˬ Miˬyehˇ-ahˇ tsaˬ leˇ tsahˇ leˇ-eu kʼoeˇ hmˬ tiˬ pawꞈ-iˬ maˬ paˇ ahˇ ma. Nymˬ-mˇ ngaˇ za taˬ-euˬ Miˬyehˇ-ahˇ tsaˬ leˇ tsahˇ leˇ-eu heu-aˬ, ngaˇ Ka li-ahˇ jah-eu baˬ da neh za taˬ-euˬ ma. Heu-aˬ, jah-eu kʼoeˇ taˆ Miˬyehˇ neh biꞈ nehˬ laꞈ-euˬ Miˬyehˇ-ahˇ tsaˬ leˇ tsahˇ leˇ-eu jeˬ pyeuꞈ-eu meh.


Aˬ dui-euˬ Sahˬpaˬ Yeˬsuˇ Ka liˬeuˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ jeˬ miˇ neh ehˇ naˇ, mˬ taˆ miˇ kʼahˬ-ahˇ jaˆ-eu saꞈ laˇ paw-euˬ guiˬ lahˬ yawˬ jeˬ na luꞈ, Yeˬsuˇ Ka li laꞈ kʼoeˇ aˬ dui-ahˇ aˬ yawꞈ biꞈ laꞈ-euˬ meh.


Gʼaˬ leˇ-eu aˇ nah kʼoeˇ ngaˇ bi peh le luꞈ ma. Gaˇ mahˇ maˬ paˇ kaˬ meh. Ngaˇ gʼaˬ leˇ-eu aˇ nah maˬ paˇ nyi naˬ nya meh. Yeˬluˇsaˬlehˬ meuˬ-ahˇ ngaˇ ka kʼoꞈ-awˇ, Iˇsaˬleˬlaˆ-ahˇ kʼoeˇ gaˇ ciˬ huiˬ nehˬ ma.”


Aˬ cawˬ yaw doeˇ jahˇ laˇ gaˇ yaw doeˇ taˬ jahˇ kʼoꞈ nehˬ. Aˬ cawˬ yaˬ kʼehˇ yaˬ laˇ gaˇ yaˬ kʼehˇ maˬ yaˬ kʼoꞈ nehˬ-ehˇ, Miˬyehˇ guiˬ lahˬ biꞈ nehˬ ni dawˬ ngehˬ gʼeh nehˬ-awˬ. Aˬ jeˬ miˇ neh ehˇ naˇ, Miˬyehˇ naw maꞈ-ahˇ kuˇ ngeh, guiˬ lahˬ biꞈ ma lehˇ saˇ jaˬ dzaˬ-awˇ kuˇ-euˬ meh.


Miˬyehˇ neh Aˬbyaˬhaˬ-ahˇ saˇ jaˇ dzaˬ taˬ-euˬ guiˬ lahˬ yaw dzahˇ kʼoeˇ, Yeˬsuˇ Ka li-ahˇ gʼoe-awˇ Yuˇdaˆ tsawˇ haˬ maˬ ngeuˇ-eu deuˬ-ahˇ biꞈ nehˬ nya ni, Ka li kʼoeˇ loꞈ-ehˇ kamˇ shiˇ-euˬ meh. Kʼoeˇ-aˬ, Miˬyehˇ neh aˬ dui-ahˇ biꞈ ma lehˇ saˇ jaˇ dzaˬ taˬ-euˬ Yaw sahˇ Miˬyehˇ-ahˇ, jah-eu jeˬ ba da neh aˬ dui za nya ni mˇ-euˬ jeˬ pyeuꞈ-eu meh.


Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.


Guiˬ lahˬ noeˬ keuˆ-awˇ, ja ceuˬ-eu jeˬ-aˬ, ngaˬ-ahˇ taˬ huiˬ-eu lawˇ-eu jeˬ pyeuꞈ-eu meh. Ngaˬ-euˬ ehˇ dawˬ kʼaˇ naˇ haˬ geuꞈ-eu deuˬ-ahˇ, ngaˇ aˬ diˇ ka kʼoꞈ nehˬ ma.”


Nga maꞈ law nmˇ-aˬ, nga maꞈ-euˬ jah-eu jeˬ laꞈ kʼoeˇ Yaw sahˇ Miˬyehˇ-euˬ baoˬ gaˇ mˇ-eu baˬ da neh Miˬyehˇ-ahˇ tsaˬ leˇ tsahˇ leˇ nya gaˇ noeˬ tmˬ kʼaˇ za ma.


Aˬbyaˬhaˬ jah-euˬ baˬ da neh guiˬ lahˬ za-euˬ meh. Kʼoeˇ loꞈ-ehˇ duˇ ni, aˬ yawꞈ loꞈ-ehˇ kʼaˇ jah-eu tsawˇ haˬ dawˬ tawˆ luꞈ guiˬ lahˬ za-eu meh.


Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.


Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.


Aˬ yawꞈ maꞈ Yeˬsuˇ Ka li-ahˇ jah-eu baˬ da neh Miˬyehˇ-ahˇ tsaˬ leˇ tsahˇ leˇ-eu tsawˇ haˬ bi pyeuꞈ laˇ-euˬ meh. Ka li-ahˇ kʼaˇ jah-eu tsawˇ haˬ dawˬ tawˆ luꞈ-ahˇ, tsawˇ jeuˬ maˬ tseˇ paˆ ni, Miˬyehˇ kʼoeˇ loꞈ-ehˇ jahˇ nehˬ-euˬ meh.


Miˬyehˇ-euˬ nui kʼahˇ mˇ mawꞈ-eu tsawˇ haˬ aˬ geu gʼaˬ maˬ kaˬ, ngaˇ mehˬ-eu dawˬ heu Miˬyehˇ-euˬ dawˬ nga loˇ, ngaˬ-euˬ baoˬ-ahˇ gʼoe-awˇ mehˬ-eu tsoˆ-eu dawˬ nga loˇ lehˇ, tseˇ paˆ geuꞈ nya tehꞈ-a.


Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.


Ehˇ kʼawꞈ, nawˬ-ahˇ laˆ tahˬ laˆ naˇ nya-eu, guiˇ deuˆ-eu keu ka maˬ jaˆ-a. Nawˬ-ahˇ yaˇ kʼaˬ kʼaˇ ja laˇ-eu tsawˇ haˬ deuˬ-ahˇ, nawˇ ja gʼaˬ nya tehꞈ-a. Ngaˬ-euˬ zaˬ kʼaˆ deuˬ-ahˇ ngaˇ haw piˇ-awˇ, gʼaˬ leˇ-eu tsawˇ haˬ bi pyeuꞈ ma” lehˇ Sahˬpaˬ Miˬyehˇ ehˇ-eu meh.


Aˬ iˬ bi shehˇ byoˆ-euˬ mehˬ tsoeˬ paˇ cehˇ loꞈ-ehˇ, aˬ yawꞈ maꞈ ya cawˆ-iˇ tehꞈ-a. Ehˇ kʼawꞈ, ngaˬ-euˬ ka kʼoꞈ-eu jeˬ mˬ maˬ maˬ byaˆ zaˇ ziˇ ziꞈ-awˇ, ngaˬ neh gʼaˬ leˇ-eu jeˬ poˆ laˇ paˇ laˇ-eu maˬ baw-a.”


Ehˇ kʼawꞈ, Iˇsaˬleˬlaˆ-ahˇ Sahˬpaˬ Miˬyehˇ ka kʼoꞈ-awˇ, mˬ maˬ maˬ byaˆ zaˇ ziˇ gʼaˬ leˇ-eu gʼaˬ pyeuꞈ-awˇ, shaꞈ dawˇ-eu jeˬ maˬ keuˆ le-ehˇ daˬ maˬ ga-a.’


Sahˬpaˬ Miˬyehˇ pyeuꞈ-eu Miˬyehˇ-oˇ, caw ba nehˬ laꞈ lehˇ nah ga-ehˇ ngaˇ guˇ-awˇ, uˬ ciꞈ paw nawˬ-euˬ mehˬ shi ngaˇ laˇ-eu ma.


Sahˬ paˬ-euˬ tsawˇ myahˇ tiˬ jawˇ-iˬ maˬ byoˆ-iˇ ni, nahˇ ma kʼaˇ bya kʼoeˇ keuˆ ni aˬ yawꞈ tsawˇ myahˇ doˆ luꞈ-uˇ. Tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ luꞈ-uˇ. Aˬ yawꞈ maꞈ-ahˇ guiˬ lahˬ biꞈ laꞈ lehˇ Miˬyehˇ-ahˇ aˬ yawꞈ maꞈ shaˇ-awˇ, sahˬ paˬ nui saˇ oꞈ ni aˬ yawꞈ maꞈ nui ma keuˆ luꞈ-uˇ.


Aˬ yawꞈ nah yawꞈ aˬ dui-euˬ kʼaˆ behˆ caw pi nehˬ laꞈ-eu gʼaˬ pyeuꞈ-eu, Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ-aˬ, aˬ dui-ahˇ ka kʼoꞈ-eu Miˬyehˇ meh.


Swiv nou:

Piblisite


Piblisite