Jaceuq 24:1 - Akha

¹ Miˇtsaˬtahˬkʼawˇboeˬboeˬluˆluˆ, kʼaˇdehꞈkʼaˇjawˇ-eu dawˬtawˆluꞈ, SahˬpaˬMiˬyehˇ-euˬpyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Mirtsaq hawr-eu mirtsaq-euq khoertav kharjawr kharjav-eu yawqjeq navluf, Ya’we Miqyaer-euq mae; Mirtsaq tanqkhawr hawr-eu mirtsaq tanqkhawr-euq lafkhoer daef-awr jawr-eu deuq khawf, aqyawf-euq mae.

Jaceuq 24:1 Referans Kwoze

Jaceuq 89:11

Mˬ hawˇ-eu miˇ dawˬ tawˆ luꞈ nawˬ-euˬ meh. Miˇ tsaˬ tahˬ kʼawˇ hawˇ-eu miˇ tsaˬ kʼoeˇ taˆ kʼaˇ jaˆ-eu jeˬ dawˬ tawˆ luꞈ nawˬ neh beh-euˬ meh.

1 Gawˇliˬtu 10:26

Aˬ jeˬ miˇ neh ehˇ naˇ, “Miˇ tsaˬ tahˬ kʼawˇ hawˇ-eu kʼoeˇ-euˬ kʼoeˇ taˆ kʼaˇ jaˆ-eu yawˬ jeˬ na luꞈ Sahˬpaˬ Miˬyehˇ-euˬ tehꞈ meh” lehˇ, Jaˇliꞈ laꞈ koeˇ ehˇ taˬ-euˬ jaˆ meh.

1 Laˬsaˬbaˬ 29:11

Baoˬ maˬ ehˇ, yaw shehꞈ kʼahˬ sehˇ maˬ ehˇ, huiˬ dui mahˇ dui dui-eu jeˬ maˬ ehˇ, gʼaˬ leˇ-eu jeˬ maˬ ehˇ, zahˬ dui dui leˇ paˬ-ehˇ gʼeh-eu jeˬ maˬ ehˇ, dawˬ tawˆ luꞈ nawˬ-euˬ laꞈ kʼoeˇ byah luꞈ meh. Mˬ hawˇ-eu miˇ kʼoeˇ taˆ kʼaˇ jaˆ-eu yawˬ jeˬ na luꞈ nawˬ-euˬ pyeuꞈ-awˇ, dawˬ tawˆ kʼoeˇ taˆ uˆ lahˇ-eu huiˬ dzehˬ-eu sahˬ paˬ nawˇ meh.

Yawˇbaˆ 41:11

Aˬ yawꞈ-ahˇ ceh leˇ-eu tsawˇ haˬ yaw dehꞈ-ehˇ ya jawˇ tehꞈ-a loˇ. Miˇ tsaˬ kʼoeˇ taˆ jawˇ-eu tsawˇ haˬ tiˬ gʼaˬ-iˬ kʼoeˇ loꞈ-ehˇ maˬ jahˇ nya-a.

Dawˬmehˬ 10:14

Goˇ dui dui-eu mˬ deuˬ maˬ ehˇ, miˇ tsaˬ maˬ ehˇ, miˇ tsaˬ kʼoeˇ taˆ kʼaˇ jaˆ-eu yawˬ jeˬ na luꞈ maˬ ehˇ, Sahˬpaˬ Miˬyehˇ-euˬ pyeuꞈ-eu meh.

Doˆ-iˇ 9:29

Moˇseˬ ehˇ-eu, “Meuˬ heu meuˬ laꞈ kʼoeˇ neh ngaˇ doˆ-iˇ-eu nehˬ-ehˇ, ngaˬ-euˬ aˬ laꞈ baꞈ diˇ-awˇ, Sahˬpaˬ Miˬyehˇ-ahˇ guiˬ lahˬ shaˇ ma. Miˇ tsaˬ heu-aˬ, Sahˬpaˬ Miˬyehˇ-euˬ miˇ tsaˬ pyeuꞈ-eu gaˇ nawˇ ya siˬ ni, mˬ jeˬ tsawˬ tehˆ tehˆ-eu naˬ leˇ-awˇ, uˬ yehˇ aˇ siˬ ga le-eu tsiˇ leˇ tehꞈ-a.

Doˆ-iˇ 19:5

Nymˬ-mˇ naw maꞈ ngaˬ-euˬ ehˇ dawˬ naˇ haˬ-awˇ, ngaˬ-euˬ dawˬ ma saˇ jaˇ laꞈ kʼoeˇ ziꞈ naˇ, naw maꞈ ngaˬ-euˬ tsawˇ haˬ pyeuꞈ tehꞈ-a. Miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ, ngaˬ-euˬ tsawˇ haˬ deuˬ pyeuꞈ-eu ma.

Naˬhmˬ 1:5

Sahˬpaˬ Miˬyehˇ jawˇ-eu mehˬ shi, gawˬ jawˬ luˆ laˇ nyeh laˇ jiˇ-awˇ, gawˬ duˇ guiˇ ka byoˆ jiˇ-eu meh. Sahˬpaˬ Miˬyehˇ oe-eu mehˬ shi, miˇ tsaˬ tahˬ kʼawˇ miˇ luˆ luˆ-awˇ, miˇ tsaˬ zaˬ yaw juˬ juˬ-eu meh.

Jaceuq 50:12

“Ngaˇ hawˬ mehꞈ mehꞈ laˇ kʼawꞈ naw maꞈ-ahˇ maˬ ehˇ nehˬ. Aˬ jeˬ miˇ neh ehˇ naˇ, miˇ tsaˬ tahˬ kʼawˇ hawˇ-eu kʼoeˇ-euˬ kʼoeˇ taˆ kʼaˇ jaˆ-eu jeˬ dawˬ tawˆ luꞈ ngaˬ-euˬ ma.

Daˬyeˬlaˇ 4:25

Tsawˇ haˬ baꞈ tsahˬ-ahˇ neh nawˬ-ahˇ teh dzeh-awˇ, bawˇ tsahˬ jeˬ zaˬ nehˬ-ehˇ nawˇ ya jawˇ tehꞈ-a. Shiꞈ kʼoꞈ keuˆ ni nawˇ mawˇ neˇ loꞈ-ehˇ yaˇ moꞈ ya dzaˬ-awˇ, deh ga-ahˇ ceuˬ deh deh deh-ehˇ ya yuꞈ tehꞈ-a. Kʼoeˇ ngeh jawˇ, tsawˇ haˬ zaˬ-euˬ miˇ kʼahˬ deuˬ-ahˇ Dawˬ tawˆ kʼoeˇ taˆ huiˬ-eu Miˬyehˇ tuˆ tehˬ taˬ-awˇ, aˬ yawꞈ kʼaˇ biꞈ mawˬ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, nawˇ siˬ duˬ tehꞈ-a.

Jaceuq 98:7

Iˬ ma laˆ shaˆ hawˇ-eu kʼoeˇ gaˇ kʼaˇ uˇ-eu jeˬ dawˬ tawˆ luꞈ, teˇ saˇ mahˇ doˆ laˇ-awˬ. Miˇ tsaˬ tahˬ kʼawˇ hawˇ-eu kʼoeˇ gaˇ kʼaˇ jawˇ-eu deuˬ dawˬ tawˆ luꞈ, ja ceuˬ-eu caˇ dawˬ caˇ-awˬ.

1 Laˬsaˬbaˬ 29:16

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, muiˬ-eu shawˇ-eu nawˬ-euˬ tsawˇ myahˇ-ahˇ taˬ huiˬ taˬ mahˇ-eu laꞈ kʼoeˇ, uˬ duˬ tahˬ nymˇ tiˬ nymˇ tsoˆ-eu gʼaˇ duˬ, nga maꞈ pyuˇ shuiˇ myawˬ gahˬ yuˇ uiˬ laꞈ taˬ-euˬ ma. Ehˇ kʼawꞈ, heu deuˬ dawˬ tawˆ luꞈ nawˇ jawˇ gaˇ neh oe-euˬ jeˬ tehꞈ-ehˇ pyeuꞈ-awˇ dawˬ tawˆ luꞈ nawˬ-euˬ tehꞈ meh.

2 Laˬsaˬbaˬ 25:9

Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ Aˬmaˬziˇ ehˇ nehˬ-eu, “Toˆ-ehˇ ngeuˇ naˇ ngaˬ neh aˬ yawꞈ maꞈ gʼaˇ duˬ biꞈ taˬ-euˬ pyuˇ kʼoeˇ deuˬ aˬ joˆ-ehˇ jahˇ nmˇ.” Miˬyehˇ gʼaˇ duˬ ngehˬ dah-eu kʼoeˇ gʼaˬ ehˇ-eu, “Kʼoeˇ myaˆ maˬ tseˇ Sahˬpaˬ Miˬyehˇ nawˬ-ahˇ biꞈ kʼoꞈ nehˬ laꞈ nya tehꞈ-a.”

Yawˇbaˆ 34:13

Miˬyehˇ-ahˇ aˬ cawˬ neh baoˬ biꞈ nehˬ taˬ ta loˇ. Aˬ yawꞈ-ahˇ aˬ cawˬ neh kʼehˇ-awˇ miˇ tsaˬ kʼoeˇ taˆ bi haw bi pyaˆ taˬ loˇ.

Yawˇbaˆ 41:3

Aˬ yawꞈ-ahˇ pyehˬ nehˬ laꞈ-awˬ lehˇ nawˬ-ahˇ shaˇ-awˇ, gʼawˬ shaˬ gaˬ nehˬ laꞈ-awˬ lehˇ shaˇ ju tehꞈ-a loˇ.

Jaceuq 50:10

Sahˬ kʼaˆ doe ni jawˇ-eu bawˇ tsahˬ jeˬ zaˬ deuˬ hawˇ-eu, gawˬ jawˬ tiˬ tahˇ tiˬ yaˇ-ahˇ gaˆ luꞈ-eu jeˬ zaˬ deuˬ, dawˬ tawˆ luꞈ ngaˬ-euˬ ma.

Jaceuq 89:12

Miˇ tsaˬ tahˬ kʼawˇ laꞈ oˆ pyawˬ laꞈ taˆ pyawˬ baw ni nawˬ neh beh taˬ-euˬ meh. Taˬbawˬ gawˬ jawˬ hawˇ-eu Heˬlaˬmoˬ gawˬ jawˬ, laˬ kʼaˬ tiˬ cehˇ nawˬ-ahˇ ja ceuˬ luꞈ meh.

Miˇkaˬ 4:13

Sahˬpaˬ Miˬyehˇ ehˇ-eu, “Yeˬluˇ=saˬlehˬ meuˬ-ahˇ jawˇ-eu tsawˇ haˬ deuˬ-oˇ, iˇ-awˇ naw maꞈ-ahˇ muiˇ-eu tsawˇ haˬ deuˬ-ahˇ kʼehˬ nehˬ-iˇ-awˬ. Shmˇ uˬ coeˇ tsoꞈ-awˇ guiˬ kuiˇ sehˬ tsoꞈ-eu mawˇ neˇ mawˇ gaw tiˬ mawˇ loꞈ-ehˇ, naw maꞈ gʼaˬ kʼaˆ ni ngaˇ jahˇ ma. Miˇ kʼahˬ gʼawˬ mya kʼahˬ-ahˇ naw maꞈ deh meuˇ-awˇ, aˬ yawꞈ maꞈ neh ceh za deuˆ za taˬ-euˬ pyuˇ shuiˇ myawˬ gahˬ deuˬ naw maꞈ yuˇ-awˇ, miˇ kʼahˬ dawˬ tawˆ luꞈ-euˬ Sahˬpaˬ Miˬyehˇ pyeuꞈ-eu ngaˬ-ahˇ ya a nehˬ laˇ meh.”