Jaceuq 147:19 - Akha

¹⁹ Yaˬkoˆ-ahˇ aˬ yawꞈ-euˬ dawˬ biꞈ nehˬ-awˇ, aˬ yawꞈ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ deuˬ, Iˇsaˬleˬlaˆ tsawˇ haˬ deuˬ-ahˇ biꞈ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Aqyawf, Yaqkov-anr aqyawf-euq dawq dawqdzawr mrnaeq-awr, Irsaqleqlav-anr aqyawf-euq zanrtaq khoftaq, Hawr-eu yarkhaq dar-eu jeq dzawrnaeq-euq mae.

Jaceuq 147:19 Referans Kwoze

Maˬlaˬkiˇ 4:4

“Iˇsaˬleˬlaˆ tsawˇ haˬ dawˬ tawˆ luꞈ bi naˇ haˬ geuꞈ-eu gʼaˇ duˬ, Siˇnaˆ gawˬ jawˬ-ahˇ ngaˬ-euˬ za kʼaˆ Moˇseˬ-ahˇ ngaˬ neh biꞈ-euˬ zahˇ dawˬ kʼoꞈ dawˬ pyeuꞈ-eu, Moˇseˬ neh mehˬ nehˬ tsoˆ nehˬ-euˬ dawˬ kʼoeˇ deuˬ-ahˇ naw maꞈ taˬ ngehˇ.

Jaceuq 78:5

Iˇsaˬleˬlaˆ tsawˇ haˬ-ahˇ zahˇ sahˇ kʼoꞈ deuˬ aˬ yawꞈ biꞈ yaꞈ-awˇ, Yaˬkoˆ-euˬ zaˬ deuˬ uˆ deuˬ-ahˇ zahˇ dawˬ kʼoꞈ dawˬ biꞈ yaꞈ-euˬ meh. Zaˬ deuˬ-ahˇ aˬ yawꞈ-euˬ zahˇ dawˬ kʼoꞈ dawˬ bi mehˬ yaꞈ-eu gʼaˇ duˬ, aˬ dui-euˬ aˬ poeˬ aˬ bawˇ deuˬ-ahˇ aˬ yawꞈ mehˬ yaꞈ tsoˆ yaꞈ-euˬ meh.

Dawˬmehˬ 5:31

Ehˇ kʼawꞈ, Moˇseˬ nawˇ-aˬ, ngaˬ nehˬ-ehˇ heu gaˇ jawˇ yaꞈ-awˬ. Ngaˬ-euˬ zahˇ dawˬ kʼoꞈ dawˬ dawˬ tawˆ luꞈ nawˬ-ahˇ ngaˇ biꞈ ma. Aˬ yawꞈ maꞈ-ahˇ ngaˬ neh biꞈ-euˬ miˇ kʼahˬ laꞈ kʼoeˇ, zahˇ dawˬ kʼoꞈ dawˬ kʼoeˇ deuˬ-ahˇ aˬ yawꞈ maꞈ bi caw teh-eu gʼaˇ duˬ, zahˇ dawˬ kʼoꞈ dawˬ kʼoeˇ deuˬ aˬ yawꞈ maꞈ-ahˇ mehˬ nehˬ-awˬ’ lehˇ ehˇ-eu meh.

Dawˬmehˬ 5:22

“Heu-aˬ, gawˬ jawˬ dawˬ peh naw maꞈ uiˬ leˇ-awˇ jawˇ ngeh, naw maꞈ dawˬ tawˆ luꞈ-ahˇ Sahˬpaˬ Miˬyehˇ neh biꞈ-euˬ zahˇ dawˬ kʼoꞈ dawˬ deuˬ meh. Miˬ dzaˬ laꞈ kʼoeˇ hawˇ-eu zahˇ tsui ni gʼeh-eu mˬ dmˇ laꞈ kʼoeˇ, aˬ yawꞈ-euˬ baoˬ huiˬ-eu teˇ saˇ dawˬ ngehˬ doˆ laˇ ngeh, zahˇ dawˬ kʼoꞈ dawˬ heu deuˬ tehꞈ-ehˇ biꞈ laꞈ-euˬ meh. Kʼoeˇ naˇ, kʼaˬ lo teˇ byaꞈ nyiˬ byaꞈ kʼoeˇ taˆ zahˇ dawˬ kʼoꞈ dawˬ heu deuˬ aˬ yawꞈ boꞈ-awˇ, ngaˬ-ahˇ biꞈ laꞈ-euˬ meh.

Dawˬmehˬ 4:1

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ biꞈ-eu lehˇ lehˬ hmˬ taˬ-euˬ miˇ kʼahˬ-ahˇ naw maꞈ ya jawˇ leˇ ni, ngaˇ naw maꞈ-ahˇ mehˬ nehˬ tsoˆ nehˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ-awˬ.

Lormav 9:4

Aˬ yawꞈ maꞈ Miˬyehˇ-euˬ tsawˇ haˬ meh. Aˬ yawꞈ maꞈ-ahˇ aˬ yawꞈ-euˬ zaˬ bi geuꞈ-awˇ, aˬ yawꞈ-euˬ yaw shehꞈ kʼahˬ sehˇ pah mehˬ nehˬ-euˬ meh. Aˬ yawꞈ maꞈ nehˬ-ehˇ aˬ yawꞈ dawˬ ma saˇ jaˇ dzaˬ-awˇ, Zahˇ dawˬ kʼoꞈ dawˬ biꞈ nehˬ-euˬ meh. Aˬ yawꞈ maꞈ Miˬyehˇ-ahˇ dawˇ coe ni uˬ duˬ tahˬ-eu gaˇ kawˆ siˬ nya meh. Miˬyehˇ-euˬ saˇ jaˇ za-euˬ tsawˇ haˬ pyeuꞈ-eu meh.

Lormav 3:2

Ngeuˇ meh. Yawˬ jeˬ na luꞈ laꞈ kʼoeˇ guiˬ lahˬ baw dzehˬ meh. Miˬyehˇ-euˬ dawˬ Yuˇdaˆ tsawˇ haˬ deuˬ-ahˇ jeˬ huˬ a nehˬ-euˬ meh.

Jaceuq 103:7

Aˬ yawꞈ mˇ-eu lehˇ gʼeh-eu gaˇ deuˬ Moˇseˬ-ahˇ pah mehˬ-awˇ, aˬ yawꞈ neh mˇ-euˬ huiˬ-eu gaˇ deuˬ Iˇsaˬleˬlaˆ tsawˇ haˬ deuˬ-ahˇ bi mawˇ-eu meh.

Jaceuq 76:1

Yuˇdaˆ miˇ kʼahˬ Miˬyehˇ-ahˇ siˬ nya-awˇ, Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ tsawˇ myahˇ huiˬ-eu meh.

Dawˬmehˬ 4:45

Iˇjiˇtuˆ miˇ kʼahˬ laꞈ kʼoeˇ neh aˬ yawꞈ maꞈ doˆ laˇ-awˇ, Behˬpyawˇ meuˬ-euˬ nui baˬ paw Yawˇdaˬ lawˇ baˬ nahˇ ma doˆ kʼehˬ paw pyawˬ-ahˇ jaˆ-eu deh kʼawꞈ-ahˇ aˬ yawꞈ maꞈ jawˇ luꞈ ngeh, zahˇ dawˬ kʼoꞈ dawˬ heu deuˬ aˬ yawꞈ maꞈ-ahˇ aˬ yawꞈ biꞈ nehˬ-euˬ meh. Jawˇ duˬ kʼoeˇ tsahˇ-aˬ, Heˬshaˬboˬ meuˬ-ahˇ jawˇ-eu Aˬmoˬ tsawˇ jeuˬ-euˬ sahˬ paˬ Siˇhoˬ-euˬ miˇ kʼahˬ laꞈ kʼoeˇ jaˆ-eu meh. Moˇseˬ hawˇ-eu Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ-awˇ, aˬ yawꞈ-ahˇ guiˇ deuˆ gʼaˬ-euˬ meh.

Dawˬmehˬ 4:8

Aˇ naˆ ni huiˬ-eu tsawˇ jeuˬ maˬ kaˬ, iˬ nah naw maꞈ-ahˇ ngaˇ mehˬ nehˬ tsoˆ nehˬ-euˬ zahˇ dawˬ kʼoꞈ dawˬ heu deuˬ loꞈ-ehˇ tsaˬ dui dawˇ dui dui-eu zahˇ dawˬ kʼoꞈ dawˬ maˬ jaˆ-a.

Dawˬmehˬ 6:1

“Heu-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh ngaˬ-ahˇ dawˬ biꞈ laꞈ-awˇ, naw maꞈ-ahˇ bi mehˬ bi tsoˆ nehˬ laꞈ-euˬ zahˇ dawˬ kʼoꞈdawˬ deuˬ meh. Naw maꞈ jawˇ leˇ-eu lehˇ gʼeh-eu miˇ kʼahˬ kʼoeˇ kʼahˬ laꞈ kʼoeˇ, zahˇ dawˬ kʼoꞈ dawˬ heu deuˬ-ahˇ naw maꞈ caw teh-awˬ.

Eˇzaˬlaˬ 7:6

Eˇzaˬlaˬ kʼoeˇ gʼaˬ Baˬbuˇloˬ miˇ kʼahˬ-ahˇ neh gʼoꞈ doˆ laˇ-euˬ meh. Aˬ yawꞈ-aˬ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh Moˇseˬ-ahˇ biꞈ-euˬ zahˇ dawˬ kʼoꞈ dawˬ siˬ nya dui dui-eu zahˇ dzoeˬ miˬ ma tiˬ gʼaˬ pyeuꞈ-eu meh. Eˇzaˬlaˬ-aˬ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ-euˬ guiˬ lahˬ za-euˬ tsawˇ haˬ pyeuꞈ-eu miˇ neh, aˬ yawꞈ kʼaˇ shaˇ-eu jeˬ sahˬ paˬ aˬ yawꞈ-ahˇ biꞈ-euˬ meh.

Yeˬsaˬgeˬlaˇ 20:11

Aˬ yawꞈ maꞈ-ahˇ ngaˬ-euˬ dawˬ biꞈ-awˇ, ngaˬ-euˬ zahˇ dawˬ kʼoꞈ dawˬ mehˬ nehˬ tsoˆ nehˬ-euˬ ma. Ngaˬ-euˬ zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ yaw dehꞈ ya dehꞈ-eu meh.

Hawˇseˬ 8:12

Zahˇ dawˬ kʼoꞈ dawˬ aˇ muiˇ aˇ seh, aˬ yawꞈ maꞈ-ahˇ boꞈ mehˬ nehˬ kʼawꞈ, maˬ gaˬ maˬ mawˇ haw-euˬ loꞈ-ehˇ, myaˆ haw maˬ cawˬ ni byehˇ tehꞈ-a.