Jaceuq 146:6 - Akha

⁶ Aˬ yawꞈ-euˬ Miˬyehˇ-aˬ, mˬ, miˇ hawˇ-eu iˬ ma laˆ shaˆ-ahˇ maˬ ehˇ, kʼoeˇ gaˇ kʼaˇ jaˆ kʼaˇ jawˇ-eu jeˬ-ahˇ maˬ ehˇ, beh-euˬ yaw sahˇ pyeuꞈ-eu meh. Aˬ yawꞈ neh dzaˬ taˬ-euˬ dawˬ ma saˇ jaˇ-ahˇ aˬ myah luꞈ ziꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Miqyaer-aq, mq khawf, mir khawf, iqmalavshav khawf, Heudeuq-euq lafkhoer kharjawr kharjav-eu jeq-anr khawf bae-euq mae. Aqyawf, li-eu maqbawni yawtsaq yawdawr-anr nyaeftaeq taq-eu mae.

Jaceuq 146:6 Referans Kwoze

Panmaeq 14:7

Aˬ yawꞈ teˇ saˇ yaw kʼaˆ-ehˇ guˇ-awˇ ehˇ-eu, “Miˬyehˇ-ahˇ taˬ huiˬ taˬ mahˇ-awˇ, aˬ yawꞈ huiˬ dui mahˇ dui dui gaˇ ja ceuˬ-awˬ. Aˬ jeˬ miˇ neh ehˇ naˇ, tsawˇ haˬ zaˬ-ahˇ aˬ yawꞈ yaˇ kʼaˬ daˇ-eu aˇ yamˬ keuˆ le-euˬ meh. Mˬ, miˇ, iˬ ma laˆ shaˆ hawˇ-eu, iˇ cuꞈ lawˇ gawˆ deuˬ-ahˇ beh-euˬ gʼaˬ-ahˇ uˬ duˬ tahˬ-awˬ.”

Jaceuq 100:5

Sahˬpaˬ Miˬyehˇ-aˬ, muiˬ-eu jaˬ-eu meh. Aˬ yawꞈ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ gmˬ-awˇ, aˬ yawꞈ saˇ jaˇ ziꞈ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Doˆ-iˇ 20:11

Aˇ yamˬ koꞈ nah laꞈ kʼoeˇ, miˇ tsaˬ maˬ ehˇ, mˬ maˬ ehˇ, iˬ ma laˆ shaˆ maˬ ehˇ, heu deuˬ dawˬ tawˆ luꞈ laꞈ kʼoeˇ kʼaˇ jawˇ kʼaˇ jaˆ-eu yawˬ jeˬ na luꞈ maˬ ehˇ, ngaˇ beh-euˬ ma. Kʼoeˇ miˇ neh, Sahˬpaˬ Miˬyehˇ pyeuꞈ-eu ngaˇ-aˬ, jawˇ nah pyeuꞈ-eu aˇ nah kʼoeˇ nah-ahˇ dawˬ ngehˬ gʼeh nehˬ-awˇ, muiˬ-eu shawˇ-eu aˇ nah bi pyeuꞈ laˇ-euˬ ma.

Gawˇlawˇsehˇ 1:16

Aˬ jeˬ miˇ neh ehˇ naˇ, mˬ hawˇ-eu miˇ kʼoeˇ taˆ kʼaˇ jaˆ kʼaˇ jawˇ-eu jeˬ dawˬ tawˆ luꞈ maˬ ehˇ, mawˇ nya-eu jeˬ hawˇ-eu maˬ mawˇ nya-eu jeˬ maˬ ehˇ, mˬ hawˇ-eu miˇ yawˬ kaˬ-ahˇ uˆ lahˇ-eu yaw sahˇ deuˬ pyeuꞈ-eu baoˬ deuˬ hawˇ-eu sahˬ paˬ sahˬ ma dawˬ tawˆ luꞈ maˬ ehˇ, Ka li-ahˇ gʼoe-awˇ Miˬyehˇ neh beh taˬ-euˬ meh. kʼaˇ jawˇ kʼaˇ jaˆ-eu jeˬ dawˬ tawˆ luꞈ aˬ yawꞈ-ahˇ gʼoe-eu laꞈ kʼoeˇ beh taˬ-awˇ, aˬ yawꞈ-euˬ gʼaˇ duˬ beh taˬ-euˬ meh.

Yeˬlaˬmiˇ 32:17

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, huiˬ dui dui-eu nawˬ-euˬ baoˬ-ahˇ gʼoe-eu laꞈ kʼoeˇ nawˇ aˬ laꞈ cawˬ ja-awˇ, mˬ hawˇ-eu miˇ-ahˇ beh taˬ-euˬ meh. Nawˇ maˬ mˇ nya-eu tiˬ jeˬ-iˬ maˬ jaˆ-a.

Aˇ dahˬ 1:1

Aˇ dahˬ beh ngeh, mˬ hawˇ-eu miˇ-ahˇ Miˬyehˇ beh-euˬ meh.

Jaceuq 95:5

Aˬ yawꞈ neh beh-euˬ iˬ ma laˆ shaˆ-ahˇ aˬ yawꞈ uˆ lahˇ-eu meh. Miˇ tsaˬ tahˬ kʼawˇ-ahˇ kʼawꞈ aˬ yawꞈ tehˆ taˬ-euˬ meh.

Jaceuq 89:2

Nawˬ-euˬ gʼoeˇ-eu gaˬ-eu jeˬ byoˆ-iˇ-eu maˬ baw-ehˇ, nawˇ saˇ jaˇ ziꞈ-eu jeˬ mˬ maˬ maˬ byaˆ zaˇ ziˇ ziꞈ-eu gaˇ kawˆ ngaˇ siˬ nya ma.

HeˬByehˇ 6:18

Miˬyehˇ neh saˇ jaˇ dzaˬ-euˬ jeˬ hawˇ-eu aˬ yawꞈ neh kamˬ-euˬ heu nyiˬ jeˬ-aˬ, tiˬ jawˇ-iˬ maˬ poˆ maˬ paˇ laˇ nya-eu, Miˬyehˇ jaˬ myawꞈ maˬ myawꞈ kʼmˬ-eu jeˬ pyeuꞈ-eu meh. Kʼoeˇ miˇ neh, guˆ-eu gaˆ-eu jeˬ-ahˇ dzeuˇ-awˇ Miˬyehˇ laꞈ kʼoeˇ ya jawˇ luꞈ-eu aˬ dui-aˬ, aˬ dui mehˬ shi jaˆ-eu noeˬ tmˬ duˬ-ahˇ ziꞈ dah ni tuˆ tehˬ taˬ-eu gʼaˇ duˬ nui ma ziꞈ dah ni jaˆ-eu ma.

Tiˇtuˆ 1:2

Kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ noeˬ tmˬ-eu jeˬ kʼoeˇ taˆ dawˬ pehˬ taˬ taˬ-euˬ meh. Jaˬ myawꞈ maˬ myawꞈ-eu Miˬyehˇ-aˬ, aˇ yamˬ-ahˇ maˬ beh mi naˆ-ehˇ, dehꞈ-eu jeˬ kʼoeˇ aˬ dui-ahˇ biꞈ ma lehˇ saˇ jaˇ dzaˬ taˬ-euˬ meh.

Jaceuq 117:2

Aˬ yawꞈ aˬ dui-ahˇ gaˬ-eu jeˬ huiˬ dui dui-awˇ, aˬ yawꞈ saˇ jaˇ ziꞈ-eu jeˬ mˬ maˬ maˬ byaˆ zaˇ ziˇ gmˬ-eu meh. Sahˬpaˬ Miˬyehˇ-ahˇ ja ceuˬ-awˬ.

Jaceuq 33:6

SahˬpaˬMiˬyehˇdawˬbiꞈnehˬ-awˇ, mˬdawˬtawˆ-ahˇbeh taˬ-euˬmeh. Mˬtaˆ aˬguiˇ ba la nahˇma, aˬyawꞈ-euˬsaꞈneh beh-euˬmeh.

Gʼaˬkʼehˇ 14:15

“Naw maꞈ aˬ jeˬ miˇ neh teu loꞈ-ehˇ jahˇ te. Nga nyaꞈ kʼawꞈ naw maꞈ loꞈ-ehˇ tsawˇ haˬ zaˬ ma. Gaˇ dahˇ maˬ tsoeˬ-eu gaˇ kawˆ heu deuˬ-ahˇ naw maꞈ byehˇ dzeh-awˇ, mˬ, miˇ, iˬ ma laˆ shaˆ hawˇ-eu kʼoeˇ gaˇ kʼaˇ jawˇ kʼaˇ jaˆ-eu yawˬ jeˬ na luꞈ-ahˇ beh-euˬ gʼaˬ pyeuꞈ-eu dehꞈ luꞈ-eu Miˬyehˇ jawˇ paw bi gʼoꞈ pyawˇ laˇ-eu gʼaˇ duˬ, nga nyaꞈ heu gaˇ Laˬ kʼaˬ cehˇ-eu Guiˬ lahˬ dawˬ mehˬ laˇ-euˬ ma.

Yoˇhaˬ 1:3

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ-ahˇ gʼoe-awˇ beh taˬ-euˬ meh.beh taˬ-euˬ jeˬ dawˬ tawˆluꞈ, aˬ yawꞈ-ahˇ maˬ gʼoe ni beh taˬ-euˬ tiˬ jeˬ-iˬ maˬ jaˆ-a.

Jaceuq 115:15

Mˬ hawˇ-eu miˇ beh-euˬ Sahˬpaˬ Miˬyehˇ, naw maꞈ-ahˇ guiˬ lahˬ biꞈ luꞈ-uˇ.

Yoˇhaˬ 10:34

Yeˬsuˇ ehˇ-eu, “Naw maꞈ-euˬ Zahˇ dawˬ kʼoꞈ dawˬ laꞈ kʼoeˇ, ‘Naw maꞈ miˬyehˇ meh’ lehˇ Miˬyehˇ neh ehˇ-euˬ dawˬ tiˬ dawˬ boꞈ ahˇ taˬ-euˬ maˬ ngeuˇ-a loˇ.

Daˬyeˬlaˇ 9:4

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ jeuˬ-euˬ iˬ baˇ ehˇ doˆ nehˬ-euˬ ma. “Sahˬpaˬ Miˬyehˇ pyeuꞈ-eu Miˬyehˇ-oˇ, nawˇ-aˬ, huiˬ dui mahˇ dui dui-eu gʼaˬ meh. Nawˬ-ahˇ nga maꞈ taˬ huiˬ taˬ mahˇ-eu ma. Nawˬ-euˬ dawˬ ma saˇ jaˇ-ahˇ nawˇ maˬ byehˇ dzeh ni, nawˬ-ahˇ gaˬ-awˇ, nawˬ-euˬ dawˬ-ahˇ naˇ haˬ geuꞈ-eu tsawˇ haˬ deuˬ kʼoeˇ taˆ, nawˬ-euˬ gʼoeˇ-eu gaˬ-eu jeˬ tiˬ jawˇ-iˬ maˬ tsehˆ-iˇ-a.

Jaceuq 98:3

Iˇsaˬleˬlaˆ tsawˇ jeuˬ-ahˇ saˇ jaˇ ziꞈ-awˇ maˬ tsehˆ leˇ ni gaˬ-eu laꞈ kʼoeˇ, aˬ yawꞈ maꞈ nehˬ-ehˇ dzaˬ taˬ-eu saˇ jaˇ-ahˇ ziꞈ-eu meh. Aˬ dui-euˬ Miˬyehˇ gʼaˬ leˇ-eu gʼaˬ pyeuꞈ-eu gaˇ kawˆ, miˇ tsaˬ zaˬ dawˬ tawˆ luꞈ ya mawˇ-euˬ meh.

Jaceuq 89:33

Ehˇ kʼawꞈ Daˬbiˇ-ahˇ ngaˇ gaˬ-eu maˬ bi byoˆ-iˇ lehˇ, aˬ yawꞈ-ahˇ saˇ jaˇ ziꞈ ma.

Dawˬmehˬ 7:9

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ tiˬ gʼaˬ tehꞈ-ehˇ aˬ diˇ aˬ maˇ Miˬyehˇ pyeuꞈ-eu gaˇ maˬ ehˇ, aˬ yawꞈ-euˬ saˇ jaˇ ziꞈ-eu jeˬ-ahˇ maˬ ehˇ, naw maꞈ maˬ ngehˇ ni noeˬ keuˆ-awˬ. Aˬ yawꞈ-ahˇ gaˬ-awˇ aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-eu tsawˇ haˬ deuˬ-ahˇ, tiˬ heˇ ziˇ keuˆ ni aˬ yawꞈ dawˬ ma saˇ jaˇ ziꞈ-awˇ, maˬ tsehˆ leˇ-eu gʼoeˇ-eu gaˬ-eu jeˬ bi mawˇ tehꞈ-a.

Miˇkaˬ 7:20

Aˇ hu ba nga maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ jaˆ-eu loꞈ-ehˇ, Aˬbyaˬhaˬ hawˇ-eu Yaˬkoˆ-euˬ zaˬ deuˬ uˆ deuˬ pyeuꞈ-eu nawˬ-euˬ tsawˇ haˬ deuˬ-ahˇ, nawˬ-euˬ saˇ jaˇ ziꞈ-eu jeˬ hawˇ-eu maˬ tsehˆ leˇ nya-eu gʼoeˇ-eu gaˬ-eu jeˬ nawˇ bi mawˇ tehꞈ-a.