Jaceuq 128:2 - Akha

² Nawˬ neh mˇ-euˬ loꞈ-ehˇ nawˇ ya dzaˬ dehˆ-awˇ, nui saˇ oꞈ-euˬ laꞈ kʼoeˇ baw le za le tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Nawr, yawqha-euq aqlaf nae mr-euq lof-aer yadzaq-awr, laqkhaq yacaer-eu uqtaf, Kharngeur-eu jeq nawq-euq gharduq muiq taef-a.

Jaceuq 128:2 Referans Kwoze

Iˇsaˬyaˇ 3:10

Yaw tsaˬ yaw dawˇ tsawˇ haˬ deuˬ-aˬ, aˬ yawꞈ maꞈ dehꞈ dzeuˇ mˇ dzeuˇ-euˬ yaw muiˬ jeˬ, guiˬ lahˬ gʼoꞈ kʼoꞈ le-awˇ, laˬ kʼaˬ ya cehˇ tehꞈ-a lehˇ ehˇ nehˬ-awˬ.

Iˇsaˬyaˇ 62:8

Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ jaˆ-awˇ, aˬ yawꞈ-euˬ baoˬ zmˬ-awˇ saˇ jaˇ kʼoeˇ bi byah laˇ tehꞈ-a. “Muiˇ-eu deuˬ-ahˇ naw maꞈ-euˬ cehˇ maˬ paˇ bi dzaˬ ma. Boeˇ miˬ siˬ kʼaˬ deuˬ-ahˇ naw maꞈ-eu aˬ gaꞈ dzaˇ uiˇ maˬ paˇ bi dawˇ ma.

Dawˬmehˬ 28:4

“Nawˬ-euˬ zaˬ bi myaˬ bi behˇ laˇ-eu laꞈ kʼoeˇ maˬ ehˇ, dzaˬ la gʼo cehˇ bi za myaˬ le-eu laꞈ kʼoeˇ maˬ ehˇ, jeˬ zaˬ bi behˇ laˇ-eu laꞈ kʼoeˇ maˬ ehˇ, Sahˬpaˬ Miˬyehˇ nawˬ-ahˇ guiˬ lahˬ biꞈ nehˬ laꞈ tehꞈ-a.

Dawˬmehˬ 28:11

Nawˬ-ahˇ biꞈ -eu gʼaˇ duˬ, nawˬ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, nawˬ-euˬ zaˬ deuˬ hawˇ-eu jeˬ zaˬ deuˬ-ahˇ, Sahˬpaˬ Miˬyehˇ bi myaˬ bi behˇ laˇ-awˇ, nawˬ-ahˇ dzaˬ la gʼo cehˇ bi za le tehꞈ-a.

1 Gawˇliˬtu 15:58

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, gʼaˬ byehˆ maˬ byehˆ-ehˇ ziꞈ dah ni yawꞈ tehˬ taˬ-eu laꞈ kʼoeˇ, Sahˬpaˬ Yeˬsuˇ-euˬ gaˇ mˇ-eu yawꞈ ngehꞈ maˬ ngeuˇ-a lehˇ siˬ nya-awˇ, Sahˬpaˬ Yeˬsuˇ-euˬ gaˇ mˇ-eu leh jeh dui dui-awˬ.

Dawˬ tsoˆ 8:12

Iˬ baˇ mˇ-eu tsawˇ haˬ tiˬ gʼaˬ aˇ yaˇ poˆ mˇ bahˬ kʼawꞈ, ziˇ baw-eu meh. Aˬ cawˬ heu loꞈ-ehˇ ehˇ-eu ngaˇ gaˬ haw-euˬ ma. “Miˬyehˇ-euˬ ehˇ dawˬ naˇ haˬ-eu tsawˇ haˬ dehꞈ dzaˬ laˇ tehꞈ-a.

Eˇpeˇsu 6:3

“Kʼoeˇ loꞈ-ehˇ yaw zeu baw naˇ, nawˇ yawˬ jeˬ na luꞈ laꞈ kʼoeˇ baw le za le-awˇ, miˇ tsaˬ kʼoeˇ taˆ dehꞈ ngeh ziˇ baw ziˇ za tehꞈ-a.”

Yeˬlaˬmiˇ 22:15

Poeˬ-euˬ shuˬ liˇ daˇ kawˬ shaˇ-awˇ, aˬ cawˬ naˆ maˬ tseˇ muiˬ-eu nymˇ tsoˆ doˆ nya naˇ, maˬ gaˇ-eu sahˬ paˬ pyeuꞈ ta loˇ. Nawˬ da yaw dehꞈ dehꞈ-euˬ tiˬ jeˬ-iˬ ehˇ kʼaˇ maˬ za-a. Yaw tsaˬ yaw dawˇ dawˇ-ehˇ dehꞈ-euˬ miˇ neh, aˬ yawꞈ neh kʼaˇ mˇ kʼaˇ shaˇ yaꞈ-euˬ jeˬ, yawˬ jeˬ na luꞈ guiˬ lahˬ baw luꞈ-eu meh.

Iˇsaˬyaˇ 65:13

Kʼoeˇ miˇ neh ngaˬ-euˬ dawˬ naˇ haˬ-awˇ, ngaˬ-ahˇ uˬ duˬ tahˬ-eu deuˬ, maˬ dzaˬ maˬ dawˇ jiˇ coeˇ ni jaˆ le kʼawꞈ, naw maꞈ ya mehꞈ ya shuꞈ tehꞈ-a lehˇ ehˇ-eu ma. Aˬ yawꞈ maꞈ laˬ kʼaˬ cehˇ luꞈ ngeh, naw maꞈ noeˬ shaˬ-awˇ daˬ ya ga tehꞈ-a.

Dawˬmehˬ 28:51

Nawˬ-euˬ mawˇ neˇ hawˇ-eu dzaˬ la gʼo cehˇ deuˬ-ahˇ aˬ yawꞈ maꞈ dzaˬ-awˇ, nawˇ gʼaˬ-aˬ, ya mehꞈ sehꞈ leꞈ tehꞈ-a. Dzaˬ la gʼo cehˇ maˬ ehˇ, aˬ gaꞈ dzaˇ uiˇ maˬ ehˇ, saˬ loˬ tsiˇ maˬ ehˇ, mawˇ neˇ maˬ ehˇ, aˬ yawꞈ maꞈ tiˬ pawꞈ-iˬ maˬ bi jaˆ yaꞈ-eu miˇ neh, nawˇ ya shiˇ tehꞈ-a.

Dawˬmehˬ 28:39

Aˬ gaꞈ aˇ bawˬ ka-awˇ laˆ saˆ kʼawꞈ, aˬ gaꞈ aˇ bawˬ-ahˇ boeˬ dzaˬ-eu miˇ neh, aˬ gaꞈ aˇ siˬ maˬ za le-ehˇ, aˬ gaꞈ dzaˇ uiˇ maˬ ya dawˇ ni ya jawˇ tehꞈ-a.

Aˇ dahˬ 3:19

Miˇ tsaˬ yuˇ-awˇ nawˬ-ahˇ beh taˬ-euˬ loꞈ-ehˇ, miˇ tsaˬ-ahˇ nawˇ maˬ ya gʼoꞈ uˇ-iˇ kʼoeˇ keuˆ ni, nawˇ kʼaˇ ka dzaˬ-eu jeˬ-ahˇ miˇ tsaˬ neh bi dehꞈ doˆ laˇ-awˇ aˇ siˬ aˇ nuiˆ bi nuiˆ laˇ-eu gʼaˇ duˬ, kuˬ pyuˇ kuˬ tsaˇ tsiˇ ni nawˇ ya mˇ sehꞈ leꞈ tehꞈ-a. Miˇ tsaˬ shaˬ jehˆ yuˇ-awˇ nawˬ-ahˇ tehˆ taˬ-euˬ loꞈ-ehˇ, nawˇ miˇ tsaˬ paˇ ya pyeuꞈ kʼoꞈ-iˇ tehꞈ-a” lehˇ ehˇ nehˬ-euˬ meh.

Jaceuq 109:11

Aˬ yawꞈ-euˬ myawˬ gahˬ dawˬ tawˆ luꞈ aˬ yawꞈ-ahˇ pyuˇ paˇ nehˬ-euˬ gʼaˬ yuˇ kʼoꞈ jiˇ-awˇ, aˬ yawꞈ neh kʼaˇ mˇ doˆ taˬ-euˬ jeˬ-ahˇ boeˇ miˬ siˬ kʼaˬ deuˬ yuˇ geuꞈ jiˇ luꞈ-uˇ.

Dawˬmehˬ 28:8

“Nawˇ mˇ-eu shaˇ-eu jeˬ laꞈ kʼoeˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ guiˬ lahˬ biꞈ-awˇ nawˬ-euˬ cehˇ jiˇ cehˇ tiˬ byah ni jaˆ tehꞈ-a. Nawˬ-ahˇ bi jawˇ-eu lehˇ lehˬ hmˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, aˬ yawꞈ nawˬ-ahˇ guiˬ lahˬ biꞈ tehꞈ-a.

Jaceuq 1:3

lawˇbaˬ gawˆtaw aˇ bawˇ loꞈ-ehˇ, yamˬlaw tsaˬni aˇ siˬloˆ-awˇ, aˇpaꞈ koˆ-iˇ-eu maˬ baw-ehˇ, kʼaˇmˇ-eu jeˬ guiˬlahˬbaw meh.