Jaceuq 119:99 - Akha

⁹⁹ Nawˇ mehˬ nehˬ tsoˆ nehˬ laꞈ-euˬ dawˬ-ahˇ ngaˇ shaˇ sawˇ geuꞈ-eu miˇ neh, ngaˬ-ahˇ mehˬ-eu tsoˆ-eu deuˬ naˆ maˬ tseˇ ngaˇ noeˬ siˬ noeˬ mawˇ nya-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹⁹ Ngar, nawq-euq dawqdzawr deuq dzardziv dziv-eu mirnae, Ngar, ngaq-anr maeq-euq deuq dawqtawvluf navmaqtser ghovshawnya dzaeq-eu ma.

Jaceuq 119:99 Referans Kwoze

Maꞈtehˬ 13:11

Yeˬsuˇ ehˇ-eu, “Mˬtaˆ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ biꞈ taˬ-aˬ.

Maꞈtehˬ 11:25

Kʼoeˇ ngeh, Yeˬsuˇ heu loꞈ-ehˇ ehˇ-eu meh. “Mˬ hawˇ-eu miˇ-ahˇ uˆ lahˇ-eu Sahˬpaˬ pyeuꞈ-eu Aˬda-oˇ, zaˬ siˬ tsawˇ gahˇ ahˇ-eu tsawˇ haˬ deuˬ hawˇ-eu siˬ-eu nya-eu tsawˇ haˬ deuˬ-euˬ mehˬ shi neh zaꞈ taˬ-euˬ jeˬ, maˬ siˬ maˬ nya-eu tsawˇ haˬ deuˬ-ahˇ nawˇ pah mehˬ-euˬ miˇ neh, nawˬ-euˬ guiˬ lahˬ-ahˇ ngaˇ ja ceuˬ-eu ma.

Jaceuq 119:24

Nawˇ mehˬ-eu tsoˆ-eu dawˬ deuˬ ngaˬ-ahˇ bi noeˬ gahˇ-awˇ, dawˬ kʼoeˇ deuˬ-ahˇ ngaˇ laˬ kʼaˬ cehˇ-eu ma.

HeˬByehˇ 5:12

Aˇ yamˬ myahˇ laˇ-euˬ gaˇ shaˇ sawˇ naˇ, naw maꞈ-aˬ, aˬ cawˬ-ahˇ mehˬ nya tsoˆ nya deˇ laˇ-euˬ meh. Ehˇ kʼawꞈ, Miˬyehˇ-euˬ dawˬ-ahˇ taꞈ leˇ-awˇ dzaw dahˬ ya beh-eu gaˇ kawˆ deuˬ-ahˇ keuˆ ni, naw maꞈ-ahˇ paˇ mehˬ poˆ nehˬ paˬ-ehˇ gʼeh-eu meh. Naw maꞈ dzaˇ yaw gʼahˇ dzaˬ nya deˇ laˇ-euˬ kʼawꞈ, aˬ coeˇ dawˇ zaˬ-euˬ aˇ tiˆ-ahˇ dehꞈ luꞈ-a siˬ.

Yeˬlaˬmiˇ 2:8

‘Sahˬpaˬ Miˬyehˇ aˬ geu gaˇ jawˇ ta’ lehˇ, piˇ ma deuˬ gʼeh naˇ haˬ-eu maˬ baw-ehˇ, ngaˬ-euˬ piˇ ma kʼoeˇ deuˬ ngaˬ-ahˇ maˬ siˬ nya gaˇ duˇ meh. Sahˬ paˬ sahˬ ma bi geuꞈ-euˬ deuˬ ngaˬ-ahˇ puiˬ-awˇ, ngaˬ-euˬ gʼaˇ duˬ bi ngehˬ dah-euˬ deuˬ kʼawꞈ, Baˬlaˇ miˬ yehˇ-euˬ tsawˇ myahˇ-ahˇ gʼoe-awˇ, gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ-ahˇ, aˬ yawꞈ maꞈ uˬ duˬ tahˬ-eu meh.

2 Laˬsaˬbaˬ 30:22

Sahˬpaˬ Miˬyehˇ-ahˇ uˬ duˬ tahˬ ngeh sheuˬ gʼeh-eu nya dui dui-eu miˇ neh, Leˬbiˇ tsawˇ haˬ deuˬ-ahˇ Heˬsaˬgiˇ ja ceuˬ nehˬ-euˬ meh. Shiꞈ nah keuˆ ni, aˬ yawꞈ maꞈ-ahˇ oꞈ-eu shaˬ bymˇ deuˬ dzaˬ-eu laꞈ kʼoeˇ cawˬ cawˬ taꞈ-eu lawˇ-eu jeˬ lawˇ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ ja ceuˬ-euˬ meh.

Maꞈtehˬ 15:14

Aˬ yawꞈ maꞈ gʼaˇ duˬ kʼahˬ taˬ lahˇ. Aˬ yawꞈ maꞈ-aˬ, myaˆ behꞈ deuˬ-ahˇ sheuˬ gʼeh-eu myaˆ behꞈ behꞈ-eu aˬ yuiꞈ aˬ tsu meh. Myaˆ behꞈ neh myaˆ behꞈ-ahˇ sheuˬ gʼeh naˇ, nyiˬ gʼaˬ luꞈ duˬ kʼahˬ-ahˇ ga ahˇ tehꞈ-a.”

Jaceuq 119:15

Nawˇ mehˬ-eu tsoˆ-eu dawˬ-ahˇ ngaˇ dzaw geuꞈ-awˇ, nawˬ-euˬ gaˇ ma-ahˇ ngaˇ shaˇ sawˇ ma.