Jaceuq 119:90 - Akha

⁹⁰ Nawˇ saˇ jaˇ ziꞈ-eu jeˬ tiˬ ziˇ saˇ-iˬ tiˬ ziˇ ziꞈ-awˇ, nawˬ neh ciˬ tsaˬ taˬ-euˬ miˇ tsaˬ tahˬ kʼawˇ, maˬ poˆ maˬ paˇ ni jaˆ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹⁰ Nawr sarjax zif-eu jeq tiqzir sair tiqzir zif-awr, Nawq nae ciqtsaq taq-euq mirtsaq tanqkhawr maqpov maqparni jav-eu mae.

Jaceuq 119:90 Referans Kwoze

Jaceuq 100:5

Sahˬpaˬ Miˬyehˇ-aˬ, muiˬ-eu jaˬ-eu meh. Aˬ yawꞈ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ gmˬ-awˇ, aˬ yawꞈ saˇ jaˇ ziꞈ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Miˇkaˬ 7:20

Aˇ hu ba nga maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ jaˆ-eu loꞈ-ehˇ, Aˬbyaˬhaˬ hawˇ-eu Yaˬkoˆ-euˬ zaˬ deuˬ uˆ deuˬ pyeuꞈ-eu nawˬ-euˬ tsawˇ haˬ deuˬ-ahˇ, nawˬ-euˬ saˇ jaˇ ziꞈ-eu jeˬ hawˇ-eu maˬ tsehˆ leˇ nya-eu gʼoeˇ-eu gaˬ-eu jeˬ nawˇ bi mawˇ tehꞈ-a.

Jaceuq 148:6

Aˬ yawꞈ dawˬ biꞈ-awˇ kʼoeˇ deuˬ-ahˇ ziꞈ dah ni ciˬ tsaˬ taˬ-euˬ miˇ neh, mˬ maˬ maˬ byaˆ zaˇ ziˇ aˬ yawꞈ-euˬ dawˬ-ahˇ maˬ leuˇ nya-ehˇ, jiˆ poˆ jiˆ paˇ maˬ mˇ nya-a.

Jaceuq 93:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Baoˬ yaw shehꞈ kʼahˬ sehˇ hawˇ-eu gʼaˬ huiˬ-eu jeˬ-ahˇ aˬ yawꞈ dm taˬ-euˬ meh. Miˇ tsaˬ tahˬ kʼawˇ-ahˇ ziꞈ dah ni ciˬ tsaˬ taˬ-awˇ, maˬ luˆ-iˇ nya-a.

Jaceuq 36:5

SahˬpaˬMiˬyehˇnawˇgaˬ-eu jeˬ, mˬ-ahˇkeuˆni huiˬ-awˇmahˇ-awˇ, nawˬ-euˬ saˇjaˇziꞈ-eu jeˬ-aˬ, maˬtaˆmˬdmˇ-ahˇtuˆ-eu meh.

Jaceuq 89:11

Mˬ hawˇ-eu miˇ dawˬ tawˆ luꞈ nawˬ-euˬ meh. Miˇ tsaˬ tahˬ kʼawˇ hawˇ-eu miˇ tsaˬ kʼoeˇ taˆ kʼaˇ jaˆ-eu jeˬ dawˬ tawˆ luꞈ nawˬ neh beh-euˬ meh.

Dawˬmehˬ 7:9

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ tiˬ gʼaˬ tehꞈ-ehˇ aˬ diˇ aˬ maˇ Miˬyehˇ pyeuꞈ-eu gaˇ maˬ ehˇ, aˬ yawꞈ-euˬ saˇ jaˇ ziꞈ-eu jeˬ-ahˇ maˬ ehˇ, naw maꞈ maˬ ngehˇ ni noeˬ keuˆ-awˬ. Aˬ yawꞈ-ahˇ gaˬ-awˇ aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-eu tsawˇ haˬ deuˬ-ahˇ, tiˬ heˇ ziˇ keuˆ ni aˬ yawꞈ dawˬ ma saˇ jaˇ ziꞈ-awˇ, maˬ tsehˆ leˇ-eu gʼoeˇ-eu gaˬ-eu jeˬ bi mawˇ tehꞈ-a.

Dawˬ tsoˆ 1:4

Tiˬ ziˇ jiˇ-awˇ tiˬ yehˆ juˬ kʼawꞈ, miˇ tsaˬ tahˬ kʼawˇ maˬ paˇ laˇ-a.

Jaceuq 104:5

Miˇ tsaˬ tahˬ kʼawˇ-euˬ dawˬ pehˬ duˬ puˇ-ahˇ nawˇ ziꞈ dah ni ciˬ tsoꞈ-awˇ, maˬ luˆ laˇ nya ni bi jaˆ-euˬ meh.